மக்களவை உறுப்பினர் பதவியிலிருந்து ராகுல் காந்தி தகுதி நீக்கம் செய்யப்பட்டுள்ளார். 

கடந்த 2019 ஆம் ஆண்டு மக்களவைத் தேர்தலின் போது கர்நாடகா மாநிலம் கோலாரில்  தேர்தல் பரப்புரையில் ஈடுபட்ட ராகுல் காந்தி, எப்படி அனைத்து திருடர்களும் மோடி என்ற பெயரை கொண்டுள்ளனர் என்று கூறினார். 

ராகுல் காந்தியின் இந்த பேச்சு பிரதமர் மோடி மற்றும் குறிப்பிட்ட சமுதாயத்தினருக்கு அவப்பெயர் ஏற்படுத்தியதாக, குஜராத் மாநிலம் சூரத் மேற்கு தொகுதி  சட்டமன்ற உறுப்பினர் பூர்னேஷ் மோடி சூரத் நீதிமன்றத்தில் அவதூறு வழக்கு தொடர்ந்தார்.

இதையும் படிக்க : டாஸ்மாக் மூலம் மட்டுமே அரசு நடைபெறவில்லை - அமைச்சர் செந்தில் பாலாஜி பதில்!

இந்த வழக்கை விசாரித்த சூரத் நீதிமன்றம்  ராகுல் காந்தி குற்றவாளி என்று கூறி, அவருக்கு இரண்டு ஆண்டுகள் சிறை தண்டனையும் விதித்து வியாழக்கிழமை தீர்ப்பளித்தது.   தொடர்ந்து, ராகுல் காந்திக்கு ஜாமீன் வழங்கிய நீதிமன்றம் சிறைத் தண்டனைக்கு இடைக்கால தடையும் விதித்தது.

இந்நிலையில், மார்ச் 23 ஆம் தேதியிலிருந்து ராகுல் காந்தி மக்களை உறுப்பினர் பதவியிலிருந்து தகுதி நீக்கம் செய்யப்பட்டுள்ளதாக மக்களவைச் செயலகம் அறிவித்துள்ளது. முன்னதாக, ராகுல் காந்தி கேரள மாநிலம் வயநாடு மக்களவைத் தொகுதி உறுப்பினராக இருந்தது குறிப்பிடத்தக்கது.

அதானி மற்றும் ராகுல் விவகாரம் தொடர்பான அமளியால் மக்களவை 27ம் தேதி வரையும், மாநிலங்களவை 2.30 மணி வரையும் ஒத்திவைக்கப்பட்டது.

நாடாளுமன்ற பட்ஜெட் கூட்டத்தொடரின் 2ம் அமர்வு, கடந்த 13ம் தேதி தொடங்கியது. இந்தியாவில் ஜனநாயகம் ஆபத்தில் உள்ளதாக லண்டனில் ராகுல்காந்தி பேசியதை எதிர்த்து பாஜக எம்பிக்கள் தொடர்ந்து அமளியில் ஈடுபட்டதால் 8 நாட்களாக நாடாளுமன்றம் ஒத்திவைக்கப்பட்டு வந்தது. இந்நிலையில், மோடி சமூகப்பெயர் சர்ச்சையில் ராகுல்காந்திக்கு 2 ஆண்டுகள் சிறைத்தண்டனை விதித்து சூரத் நீதிமன்றம் நேற்று உத்தரவிட்டது பெரும் சர்சையை ஏற்படுத்தியது.

இதனைத் தொடர்ந்து இன்றைய கூட்டத்திற்கு முன்னதாக காங்கிரஸ் தலைவர் மல்லிகார்ஜூன கார்கே, சோனியா காந்தி, ராகுல்காந்தி உள்ளிட்டோருடன் அவசர ஆலோசனைக் கூட்டம் நடைபெற்றது. பின்னர்  மாநிலங்களவை தொடங்கியதும் ராகுல்காந்தி விவகாரம் தொடர்பாக பாஜகவினரின் அமளியால் கூட்டம் 2.30 மணி வரை ஒத்திவைக்கப்பட்டது. 

இதையும் படிக்க : நடிகர் அஜித்தின் தந்தை மறைவு: முதலமைச்சர் மு.க.ஸ்டாலின் இரங்கல்!

அதேபோல், மக்களவை தொடங்கியதும் அதானி விவகாரம் தொடர்பாக நாடாளுமன்ற கூட்டுக்குழு அமைத்து விசாரிக்கக் கோரி எதிர்கட்சிகள் பதாகைகளுடன் வாக்குவாதத்தில் ஈடுபட்டனர். தொடர்ந்து, தேசிய பட்ஜெட்டை நிறைவேற்றும் வகையில், நிதியமைச்சர் நிர்மலா சீதாராமன் நிதி மசோதாவை தாக்கல் செய்தார். அப்போது எதிர்கட்சிகளின் கடும் முழக்கங்களுக்கு நடுவே நிதி மசோதா நிறைவேறியது. இதைத்தொடர்ந்து அமளி தொடர்ந்ததால் மக்களவை 27ம் தேதி வரை ஒத்திவைக்கப்படுவதாக தெரிவிக்கப்பட்டது.

ராகுல்காந்திக்கு 2 ஆண்டுகள் சிறை தண்டனை விதிக்கப்பட்ட விவகாரத்தில்  சட்ட ரீதியாகவும், அரசியல் ரீதியாகவும் எதிர்த்து போராடுவோம் என காங்கிரஸ் பொது செயலாளர்  ஜெய்ராம் ரமேஷ் தெரிவித்துள்ளார்.

பதவி இழப்பு:

கடந்த 2019 ஆம் ஆண்டு தேர்தல் பிரச்சாரத்தின்போது, பிரதமர் மோடியின் பெயர் குறித்து ராகுல் காந்தி அவதூறாக பேசியது தொடர்பாக தொடரப்பட்ட அவதூறு வழக்கில், அவருக்கு 2 ஆண்டுகள் சிறைத் தண்டனை விதித்து சூரத் நீதிமன்றம் தீர்ப்பளித்துள்ளது.  இந்த வழக்கில் ராகுல் காந்திக்கு 15000 ரூபாய் பிணைத் தொகையுடன் ஜாமீனும் வழக்கப்பட்டுள்ளது.  அவதூறு வழக்கில் தண்டனை விதிக்கப்பட்ட ராகுல் காந்தி எம்.பி. பதவியை இழக்க  வாய்ப்புள்ளதாகவும் தகவல்கள் தெரிவிக்கின்றன.

அனைத்துக் கட்சிகள் கூட்டம்:

இந்த நிலையில் டெல்லியில்  செய்தியாளர்களிடம் பேசிய  காங்கிரஸ் மூத்த தலைவர் ஜெய்ராம் ரமேஷ் ,கார்கே தலைமையில் இன்று காலை 10 மணிக்கு அனைத்து எதிர்க்கட்சி எம்.பி.க்கள் கூட்டத்திற்கு அழைப்பு விடுக்கப்பட்டுள்ளதாகவும்  காலை 11:30 மணி முதல் மதியம் 12:00 மணி வரை, எதிர்க்கட்சிகள் ஒன்று கூடி விஜய் சௌக் வரை நடைபயணம் மேற்கொண்டு ஆர்ப்பாட்டம் நடத்த உள்ளதாகவம் அவர் தெரிவித்தார்.

குடியரசு தலைவரிடம்:

ராகுல் தண்டணை விவகாரம் தொடர்பாக குடியரசு தலைவரிடம் முறையிட இன்று  நேரம் கேட்டுள்ளதாக கூறிய ஜெய்ராம் ரமேஷ்,  ராகுல் காந்தி மீதான இந்த தீர்ப்பு பிரதமர் மோடி அரசின் கண்ணியமற்ற அரசியலுக்கு எடுத்துக்காட்டு என்றார்.  இதை சட்ட ரீதியாகவும், அரசியல் ரீதியாகவும் எதிர்த்து போராடுவோம் எனவும் அவர் குறிப்பிட்டார். 

ராகுல் கூறியதென்ன?:

கடந்த 2019ம் ஆண்டு கர்நாடகாவில் பொதுக் கூட்டத்தில் பேசிய ராகுல் காந்தி எல்லா திருடர்களும் மோடி என்றே உள்ளனர் எனப் பேசியிருந்தார்.  இது குறிப்பிட்ட ஒரு சமூகத்தினரை இழிவுப்படுத்துவதாக உள்ளதாக இந்து அமைப்பினர் நீதிமன்றத்தில் வழக்கு தொடர்ந்திருந்தனர்.  அதற்கான தீர்ப்பு தற்போது வெளியாகியுள்ளது.

இதையும் படிக்க:   இந்தியாவிலிருந்து திருடப்பட்ட 16.80 கோடி பேரின் ரகசிய தகவல்கள்....!!

நாடாளுமன்றத்தின் இரு அவைகளின் நடவடிக்கைகளும் எட்டாவது நாளாக இன்றும் முடங்கின.

நாடாளுமன்ற பட்ஜெட் கூட்டத் தொடரின் இரண்டாவது அமர்வு தொடர்ந்து நடைபெற்று வருகிறது. ஆனால், அமர்வு தொடங்கிய நாளிலிருந்தே அதானி விவகாரம் மற்றும் ராகுல் காந்தியின் பேச்சு தொடர்பாக ஆளும் கட்சி மற்றும் எதிர்கட்சிகளின் அமளி காரணமாக அவை நடவடிக்கைகள் தொடர்ந்து முடங்கி வருகின்றன. 

இதையும் படிக்க : தமிழ்நாடு மீனவர்களை விரைந்து மீட்குமாறு...  பிரதமர் மோடிக்கு முதலமைச்சர் கடிதம்!

இந்நிலையில், எட்டாவது நாளான இன்று காலை அவை கூடியதும் வழக்கம்போல், அதானி நிறுவன முறைகேடு குறித்து விசாரிக்க நாடாளுமன்ற கூட்டுக் குழு அமைக்க வலியுறுத்தி, இரு அவைகளிலும்  எதிர்கட்சி உறுப்பினர்கள் அமளியில் ஈடுபட்டன. இதேபோல், இந்தியாவின் ஜனநாயகம் குறித்து அவதூறாக பேசிய ராகுல் காந்தி மன்னிப்பு கேட்க வேண்டும் என்று பாஜக உறுப்பினர்களும் அமளியில் ஈடுபட்டனர். இதன் காரணமாக இரு அவைகளும் பிற்பகல் 2 மணி வரை ஒத்திவைக்கப்பட்டன.

தொடர்ந்து, பிற்பகல் 2 மணிக்கு மீண்டும் மக்களவை கூடிய போது அதானி விவகாரம் தொடர்பாக எதிர்கட்சிகளும், ராகுல் காந்தி விவகாரம் தொடர்பாக பாஜக உறுப்பினர்களூம் அமளியில் ஈடுபட்டதால் மாலை 6 மணி வரை ஒத்திவைக்கப்பட்டது. அதேபோல், மாநிலங்கவையிலும் அமளி தொடர்ந்ததால் 24 ஆம் தேதி காலை 11 மணி வரை அவை ஒத்திவைக்கப்பட்டது.

2050ம் ஆண்டுக்குள் இந்தியா, கடும் தண்ணீர் பற்றாக்குறையை சந்திக்கும் என ஐக்கிய நாடுகள் சபை எச்சரிக்கை விடுத்துள்ளது. 

ஐநா வெளியிட்டுள்ள நீர் மேம்பாட்டு அறிக்கையின்படி, தண்ணீர் பற்றாக்குறையுடன் வாழ்வோரில் 80 சதவீதம் பேர் ஆசியாவில் இருப்பதாக தெரிவிக்கப்பட்டுள்ளது.  இதில் இந்தியா, பாகிஸ்தான், வடகிழக்கு சீனா உள்ளிட்ட பகுதிகளில் வசிப்போர் கடுமையாக பாதிக்கப்பட்டுள்ளதாகவும் கூறப்பட்டுள்ளது. 

மேலும் தண்ணீர் பற்றாக்குறையை எதிர்கொள்ளும் உலகளாவிய நகர்ப்புற மக்கள்தொகையின் எண்ணிக்கை, 2 புள்ளி 4 பில்லியன் வரை அதிகரிக்கும் எனவும் தெரிவிக்கப்பட்டுள்ளது.  இதனுடன் 2050ம் ஆண்டுக்குள் இந்தியா உட்பட பல ஆசியா நாடுகள் கடும் தண்ணீர் பற்றாக்குறையை சந்திக்கும் எனவும் எச்சரிக்கை விடுத்துள்ளது.

இதையும் படிக்க:   நீட்டிக்கப்பட்ட கால அவகாசம்...!!!