இந்திய குடிமைப்பணி 2023-ம் ஆண்டு முதல்நிலைத் தேர்வுகள் நாடு முழுவதும் இன்று நடந்தது:  

மத்திய அரசுப் பணியாளர் தேர்வாணையம் (யூபிஎஸ்சி) சார்பில் ஆண்டுதோறும் சிவில் சர்வீஸ் எனப்படும் குடிமைப் பணித் தேர்வுகள் நடத்தப்படுகின்றன. ஐஏஎஸ், ஐபிஎஸ், ஐஎஃப்எஸ், குரூப் ஏ, குரூப் பி உள்ளிட்ட 21  பிரிவுகளில் உள்ள காலிப் பணியிடங்களுக்குத் தேர்வு நடத்தப்பட்டது.

மேலும், இந்தியா முழுவதும் 7 லட்சம் பேர் தேர்வு எழுதினர். தமிழகத்தில் சுமார் 50,000 பேர் வரை தேர்வு எழுத அனுமதிக்கப்பட்டுள்ளனர். இந்தியா முழுவதும் 73 நகரங்களில் நடைபெறுகிறது தமிழகத்தில் சென்னை, கோவை, மதுரை, திருச்சி, வேலூர் ஆகிய 5 இடங்களில் நடைபெற்றது. மொத்தமாக சிவில் சர்வீஸ் பணியில்  1,105 பணியிடங்களை நிரப்புவதற்கான தேர்வு நடைபெற்றது . 

இந்தத் தேர்வுகள் முதல்நிலைத் தேர்வு, முதன்மைத் தேர்வு, நேர்காணல் என 3 கட்டங்களாக நடத்தப்படுகிறது. இத்தேர்வில் கலந்துகொள்வதற்கு ஏதாவது ஓர் இளங்கலைப் பட்டம் முடித்திருக்க வேண்டும். இந்தியாவில் நடைபெறும் மிகக்கடினமான தேர்வுகளில் இது  முதன்மையானது. 

இந்நிலையில், இன்று இந்த தேர்வின் இரண்டு தாள்களும் காலை, மதியம் என இரு வேளைகளில் நடைபெற்றது. பொது படிப்புகள் எனப்படும் ஜிஎஸ் (GS I) தாளுக்கான தேர்வு காலையிலும் சிசேட் (CSAT) தேர்வு மதியமும் நடைபெற்றது. 

இதையும் படிக்க    | நாளை விண்ணில் பாய்கிறது ஜி.எஸ்.எல்.வி - எஃப் 12 ராக்கெட்....!

அண்மையில் 2022-ம் ஆண்டு தேர்வில் வெற்றி பெற்றவர்களின் விவரங்கள் வெளியானது. அதில் 933 பேர் தேர்ச்சி பெற்றிருந்தனர். முதல் 4 இடங்களை பெண்கள் கைப்பற்றியிருந்தார்கள்.

கடந்த ஆண்டுக்கான இந்தியக் குடிமைப் பணி முதல்நிலைத் தேர்வு ஜூன் 5ம் தேதி நடைபெற்றது. இதில் தேர்ச்சி பெற்ற மாணவர்களுக்கு செப்டம்பர் 16 – 25ம் தேதி வரை முதன்மைத் தேர்வுகள் நடைபெற்றன. இதன் முடிவுகள் டிசம்பர் 6ம் தேதி வெளியானது.

முதன்மைத் தேர்வில் வெற்றி பெற்ற மாணவர்களுக்கு இந்தாண்டு மார்ச் 13ம் தேதி முதல் மே 18ம் தேதி வரை தலைநகர் டெல்லியில் நேர்முகத் தேர்வு நடைபெற்றது. இவர்களுக்கான தேர்வு முடிவுகள் மே 23 அன்று அறிவிக்கப்பட்டன. இதில் 933 பேர் தேர்ச்சி பெற்ற நிலையில், தமிழ்நாட்டில் இருந்து 42 பேர் தேர்ச்சி பெற்றனர் என்பது குறிப்பிடத்தக்கது.  .

இதையும் படிக்க    | பாஜக முதலமைச்சர்களுடன் பிரதமர் மோடி முக்கிய ஆலோசனை...!

இந்திய மல்யுத்த கூட்டமைப்பு தலைவரும், உத்தரப்பிரதேச எம்பியுமான பிரிஜ் பூஷன் சரண் சிங், வீராங்கனைகளுக்கு பாலியல் தொல்லை கொடுப்பதாக புகார் எழுந்தன.  இதையடுத்து இந்தியாவின் முன்னணி வீராங்கனை வினேஷ் போகத், வீரர் பஜ்ரங் புனியா, சாக்சி மாலிக், சங்கீதா போகத் உட்பட ஒட்டுமொத்த மல்யுத்த நட்சத்திரங்கள் பிரிஜ்பூஷன் சிங்கிற்கு எதிராக போர்க்கொடி துாக்கி போராட்டத்தில் ஈடுபட்டனர்.  அதனை தொடர்ந்து, பாலியல் தொடர்பாக விசாரிக்க கடந்த ஜனவரி 23 ஆம் தேதி, குத்துச்சண்டை வீராங்கனை மேரிகோம் தலைமையில் 7 பேர் அடங்கிய குழுவை அமைத்து மத்திய அமைச்சர் அனுராக் தாக்கூர் உத்தரவிட்டார்.  இந்நிலையில் குழு அமைத்தும் பிர்ஜ் பூஷன் மீது எவ்வித நடவடிக்கையும் எடுக்கவில்லை என குற்றஞ்சாட்டிய வீராங்கனைகள் டெல்லி ஜந்தர் மந்தர் பகுதியில் மீண்டும் போராட்டத்தில் ஈடுபட்டனர்.

இந்த நிலையில் அவரது இந்த செயலைக்  கண்டித்து கடந்த ஜனவரி 18 அன்று ஜந்தர் மந்தரில்  காமன்வெல்த் விளையாட்டுப் போட்டியில் மூன்று முறை தங்கப் பதக்கம் வென்ற வினேஷ் போகாவுடன் போராட்டம் தொடங்கியது. 28 வயதான வினேஷ் போகா கூறுகையில், தான் ஒருபோதும் இதுபோன்ற சுரண்டலை எதிர்கொண்டதில்லை என்றும், ஆனால் ஜந்தர் மந்தரில் அவர்கள் தொடங்கிய 'தர்ணா'வில்  பாதிக்கப்பட்ட பெண் இருந்தார் எனவும் கூறினார்.  மேலும், இதனால் மன உளைச்சலுக்கு ஆளான வினேஷ், பஜ்ரங் புனியாவுடன் சேர்ந்து மூன்று மாதங்களுக்கு முன்பு மத்திய உள்துறை அமைச்சர் அமித் ஷாவை சந்தித்து தங்கள் பிரச்சினைகளை  முன்வைத்தார்.  ஆனால், இந்த குற்றச்சாட்டை விளையாட்டு நிர்வாகியும் பாஜக எம்பியுமான பிரிஜ் பூஷண் சரண் சிங் திட்டவட்டமாக நிராகரித்துள்ளார். 

பின்னர் அரசு சார்பில் அவர் மீது நடவடிக்கை எடுக்கப்படும் என தெரிவிக்கப்பட்டதை அடுத்து அவர்கள்  போராட்டத்தைக் கைவிட்டனர். ஆனால், அதற்கு பிறகும் அரசு சார்பில்  எந்த வித பதிலும் இல்லாத நிலையில் மீண்டும் போராட்டம் தொடங்கியது. மேலும்,  பல மல்யுத்த வீரர்களும், வீராங்கனைகளும் சாலையில் இறங்கிப் போராட்டம் மேற்கொண்டனர். அவரது இந்த செயலைக்  கண்டித்தும், அவர் மீது வழக்குப்பதிவு செய்யக்  கோரியும் கோஷங்கள் எழுப்பி கோரிக்கை வைத்தனர்.  சுமார் பத்து  நாட்களாக  இந்த போராட்டம் தொடரும் நிலையில், இன்னும் அவர் மீது  வழக்கு பதியப்படவில்லை.  இதுஒருபுறமிருக்க, எம்.பி பிரிஜ் பூஷன் மீது மல்யுத்த வீராங்கனைகள் கூறியுள்ள புகார்கள் தீவிரமானவை என்றும், அவை நிச்சயம்  நீதிமன்றத்தால் விசாரிக்கப்பட வேண்டியவை என்றும்  உச்சநீதிமன்றம் கூறியும் எந்த வித முன்னேற்றமும் இல்லாமல்  இந்த போராட்டம் தொடர்கிறது. 

இந்நிலையில்,  இதுவரை இத்தனை நாட்கள்  தொடந்து போராடியும் இன்னும் தங்களுக்கான நியாயம் கிடைக்கவில்லை என்பதால்,  இதனிடையே, புதிய நாடாளுமன்ற கட்டிடத்தை பிரதமர் மோடி இன்று திறந்து வைத்தார். நாடாளுமன்ற திறப்பு விழாவன்று "மஹிளா மகாபஞ்சாயத்" என்ற பெயரில் மல்யுத்த வீரர், வீராங்கனைகள் போராட்டம் நடத்த முடிவெடுத்தனர். அதன்படி, புதிய நாடாளுமன்ற கட்டடத்தை தொடங்கும் நிகழ்ச்சி நடைபெறும் இடத்திற்கு,  மல்யுத்த வீரர், வீராங்கனைகள் சென்றனர். அப்போது, காவல்துறையினர் அவர்களை அனுமதிக்காமல் கைது செய்தனர். இந்த செயல் கண்டிக்கத்தக்கது என  பல்வேறு அரசியல் தலைவர்கள் தங்களது கண்டனங்களைத் தெரிவித்த வண்ணம் இருக்கிறார்கள்.

செங்கோல் முதல் நாளே வளைந்துவிட்டது  - மு. க ஸ்டாலின் : 

 அந்த வகையில், தமிழ்நாடு முதலமைச்சர் தனது டிவிட்டர்  பக்கத்தில், 

 " பாஜக நாடாளுமன்ற உறுப்பினர் ஒருவர் மீது மல்யுத்த வீராங்கனைகள் பாலியல் புகார் சொல்லிப் பல மாதங்கள் ஆகிவிட்டன. அவர் மீது இதுவரை அக்கட்சியின் தலைமை எந்த நடவடிக்கையும் எடுக்கவில்லை. மல்யுத்த வீராங்கனைகள் தொடர்ந்து தலைநகரில் போராடி வருகிறார்கள். இந்திய நாடாளுமன்றத்தின் புதிய கட்டடத் திறப்பு விழாவின்போது, போராட்டம் நடத்திய அவர்களை இழுத்துச் சென்றும் - தூக்கிச் சென்றும் கைது செய்திருப்பது கண்டிக்கத்தக்கது. செங்கோல் முதல் நாளே வளைந்துவிட்டது என்பதையே இது காட்டுகிறது. குடியரசுத் தலைவரையே புறந்தள்ளி, அனைத்து எதிர்க்கட்சிகளின் புறக்கணிப்புக்கும் ஆளாகி நடைபெறும் திறப்புவிழா நாளில் அராஜகமும் அரங்கேறுவதுதான் அறமா? " 

இவ்வாறு தனது கண்டணத்தைத் தெரிவித்துள்ளார். 

" வீராங்கணைகளின் குரலை மிதிக்கிறது பாஜக " - பிரியங்கா  காந்தி :

அதோடு, காங்கிரஸ் கட்சியின் பொதுச்செயலாளர் பிரியங்கா  காந்தியும்  தனது ட்விட்டரில் கண்டனத்தை பதிவு செய்துள்ளார். 

" வீராங்கணைகளின் குரலை ஆணவம் மிகுந்த பாஜக அரசு இரக்கமின்றி மிதித்து வருவதாகவும், கோரமான இந்த அநீதியை நாடே பார்த்துக் கொண்டிருக்கிறது எனவும் பிரியங்கா காந்தி தனது டுவிட்டர் பக்கத்தில் குறிப்பிட்டுள்ளார். 

" வெட்கக் கேடானது " - மம்தா பேனர்ஜி  : 

அதனைத்தொடர்ந்து மேற்குவங்க முதலமைச்சர் மம்தா பேனர்ஜி தனது ட்விட்டர் பக்கத்தில்,  " வினேஷ் பொகாட், சாக்ஷி மாலிக் ஆகிய சாம்பியன்கள் கைது செய்யப்பட்ட விதம் வெட்கக் கேடானது என ட்வீட் செய்துள்ளார். எதேச்சதிகார பாஜக அரசு, இரக்கமின்றி கைது செய்த அனைவரையும் உடனடியாக விடுவிக்க வேண்டுமெனவும் அவர் வலியுறுத்தி கண்டனம் தெரிவித்துள்ளார். 

இதையும் படிக்க    | பாஜக முதலமைச்சர்களுடன் பிரதமர் மோடி முக்கிய ஆலோசனை...!

" ஆணவ மன்னனாக பொறுப்பேற்றபின்.."  - ராகுல்காந்தி  : 

மேலும், " மல்யுத்த வீராங்கணைகள் கைது செய்யப்பட்டதை விமர்சித்து, தனது டுவிட்டர் பக்கத்தில் வீடியோ வெளியிட்டு காங்கிரஸ் மூத்த  தலைவர் ராகுல்காந்தி கண்டனம் தெரிவித்துள்ளார். பாலியல் குற்றச்சாட்டுகளுக்கு உள்ளான பாஜக எம்பி பிரிஜ் பூஷனை கைது செய்யக்கோரி 5 மாதங்களாக போராட்டத்தில் ஈடுபட்டு வந்த மல்யுத்த வீராங்கணைகள் இன்று கைது செய்யப்பட்டனர். இது தொடர்பான வீடியோவை இணைத்து டிவிட் செய்துள்ள ராகுல்,  முடிசூட்டு விழா முடிந்து ஆணவ மன்னனாக பொறுப்பேற்றபின், தெருவில் பொதுமக்களின் குரலை நசுக்கும் காட்சிகள் வெளியாகியுள்ளதாக விமர்சித்துள்ளார்.

இதையும் படிக்க      | நாடாளுமன்ற கட்டடத்தை பிரதமர் திறந்ததற்கு எதிர்ப்பு தெரிவித்து காங்கிரஸார் ஆர்ப்பாட்டம்!

ஜி.எஸ்.எல்.வி எப்- 12 ராக்கெட் நாளை காலை இந்தியாவின் இரண்டாம் தலைமுறை நேவிகேசன் செயற்கை கோளான NVS-01-னுடன் விண்ணில் பாய உள்ளதாக இஸ்ரோ தெரிவித்துள்ளது. இந்திய விண்வெளி ஆராய்ச்சி மையம் சார்பில் நாளை பி.எஸ்.எல்.வி-எப் 12 ராக்கெட் ஆனது இந்திய நேரப்படி 10.42 மணிக்கு ஆந்திராவின் ஸ்ரீஹரிகோட்டாவில் உள்ள சதீஷ் தவான் ராக்கெட் ஏவு தளத்திலிருந்து விண்ணில் ஏவப்பட உள்ளது.  

நேவிகேசன் எனப்படும் இட தரவுகள் குறித்த தகவல்களை பெறுவது நாட்டின் வளர்ச்சிக்கு இன்றியமைதாக ஒன்றாக இருக்கும் நிலையில், இஸ்ரோ மத்திய ஆராய்ச்சி நிறுவனங்களுடன் இணைந்து நேவிகேசன் செயற்கைகோள் தயாரிப்பில் ஈடுபட்டு வருகிறது. NVS-01 செயற்கைக்கோள் நேவிகெசன் இரண்டாம் தலைமுறை செயற்கைக்கோள்களில் முதன்மையானது. புவிநிலைச் சுற்றுப்பாதையில் 36,000 கிலோமீட்டர் உயரத்தில் நிறுத்த திட்டமிடப்பட்டுள்ளது. இதன் மூலம் இந்தியா மற்றும் அதன் சுற்றுப்புற பகுதிகளில் உள்ள பயனர்களுக்கு நிலை, வேகம், இடம்’ மற்றும் நேர தகவலை துல்லியமாக வழங்க முடியும் என கூறப்படுகிறது. 

இந்த செயற்கைக்கோள் சுமார் 2,232 கிலோ எடையுடையது. அமெரிக்கா, ரஷ்யா மற்றும் சீனா ஆகிய நாடுகள் மட்டுமே தங்கள் சொந்த நேவிகேசன் அமைப்புகளைக் கொண்ட நாடுகளாக இருக்கும் நிலையில் NVS-01 செயற்கோள் மூலம் இந்தியாவும் தனித்துமான நேவிகேஷன் அமைப்பை பெரும் என கூறபடுகிறது. மே 29 (நாளை) திங்கட்கிழமை காலை 10:42ல் ஸ்ரீஹரிகோட்டாவில் உள்ள சதீஷ் தவான் ஏவுதளத்தில் இருந்து செலுத்த திட்டமிடப்பட்டுள்ளது. ஏவுதலுக்கு ஜி.எஸ்.எல்.வி மார்க் 2 ராக்கெட் தயார் நிலையில் இருப்பதாகவும், ராக்கெட் ஏவுதளத்தில் நிறுத்தப்பட்டு எரிபொருள் நிரப்பும் பணிகளும், கவுண்டவுனும் தொடங்கி உள்ளதாக இஸ்ரோ தெரிவித்துள்ளது.

இந்த செயற்கைக்கோள் மூலம் நிலத்திலும் கடற்பரப்பிலும் பயணிக்கும் இடத்தையும் தொலைவையும் மிகவும் துல்லியமாக கணிக்க முடியும் என கூறப்படுகிறது.

ஜி.எஸ்.எல்.வி ராக்கெட் பொறுத்த வரை 51.7 மீட்டர் உயரமும் 420 டன் உந்துவிசை எடையும் கொண்ட பிரம்மாண்டமான ராக்கெட்டாகும். மேலும் இந்த பயணம் ஜி.எஸ்.எல்.வி வகையை ராக்கெட்டின் 15ஆவது விண்வெளி பயணம் ஆகும்.

இதையும் படிக்க      |   "வீழ்ந்த நேரத்திலும் எழுச்சி பெற்ற நாடு ஜப்பான்" முதலமைச்சர் பெருமிதம்!

புனிதமான செங்கோலை நாடாளுமன்றத்தில் நிறுவியது நமது அதிர்ஷ்டம் என்றும் இந்த அவை எப்போதெல்லாம் கூடுகிறதோ அப்போதெல்லாம் இந்த செங்கோல் நம்மை ஊக்குவிக்கும் என்றும் பிரதமர் நரேந்திர மோடி கூறியுள்ளார்.

நாடாளுமன்ற புதிய கட்டடத்தின் மக்களவையில் திறப்பு விழா கொண்டாட்ட நிகழ்ச்சி தேசிய கீதத்துடன் தொடங்கியது. இந்த நிகழ்ச்சியில் பிரதமர் நரேந்திர மோடி, மக்களவை, மாநிலங்கவை சபாநாயகர்கள் , நாடாளுமன்ற உறுப்பினர்கள், பல்வேறு மாநிலங்களின் முதலமைச்சர்கள் மற்றும் பல்வேறு அரசியல் கட்சியினர் பங்கேற்றனர். 

இந்த நிகழ்ச்சியில் வரவேற்புரையாற்றிய மாநிலங்கவைத் துணைத் தலைவர் ஹரிவன்ஷ் சிங் பிரதமர் மோடி தலைமையின் கீழ் இந்த நவீன நாடாளுமன்ற கட்டடம் இரண்டரை ஆண்டுகளுக்குள் கட்டிமுடிக்கப்பட்டதில் பெரு மகிழ்ச்சி என்று கூறினார். மேலும், தற்போதைய அமிர்த காலத்தில் இந்த நாள் ஒரு மைல்கல் என்றும் கூறினார். 

இதன் பின்னர் குடியரசுத் தலைவர் திரவுபதி முர்மு, குடியரசுத் துணைத் தலைவர் ஜெக்தீப் தன்கர் ஆகியோரின் வாழ்த்துச் செய்தியை வாசித்தார். இதனைத் தொடர்ந்து,  புதிய நாடாளுமன்றம் குறித்தும் செங்கோல் குறித்தும் தயாரிக்கப்பட்ட குறும்படம் திரையிடப்பட்டது. 

இதையும் படிக்க : நாடாளுமன்ற கட்டடத்தை பிரதமர் திறந்ததற்கு எதிர்ப்பு தெரிவித்து காங்கிரஸார் ஆர்ப்பாட்டம்!

தொடர்ந்து பேசிய மக்களவை சபாநாயகர் ஓம்பிர்லா,  தற்போதைய அமிர்த காலத்தில் இந்தியாவின் மதிப்பு உயர்ந்துள்ளதாக கூறினார்.  நமது நாடாளுமன்றம் சவால்களை வாய்ப்புகளாக மாற்றும் திறன் வாய்ந்தது என்றும், நமது நாடாளுமன்றத்தின் நல்ல தத்துவங்களை நாம் அவசியம் முன்னெடுத்துச் செல்ல வேண்டும் என்றும் கூறினார்.

இதனைத்தொடர்ந்து நாடாளுமன்ற புதிய கட்டடத் திறப்பு விழாவை முன்னிட்டு 75 ரூபாய் நாணயத்தையும் நினைவு தபால் தலையையும் பிரதமர்  மோடி வெளியிட்டார். பின்னர் பேசிய  பிரதமர், புதிய நாடாளுமன்றம் ஜனநாயகத்தின் கோயிலாகத் திகழும் என்று கூறினார். சோழப் பேரரசில்  நீதி, நல்லாட்சி மற்றும் நீதியின் அடையாளமாக விளங்கிய தமிழ்நாட்டின் செங்கோல், கடமையின் பாதையில் நாம் அனைவரும் செல்ல வேண்டும் என்பதை  காட்டுகிறது என்று தெரிவித்தார். நாடாளுமன்றத்தில் நிறுவப்பட்டது சிறப்பு என்று கூறினார். 

உலக ஜனநாயகத்தின் அடித்தளமாக, ஜனநாயகத்தின் தாயாக இந்தியா திகழ்ந்து வருவதாகக் கூறிய பிரதமர்,  இந்தியா முன்னோக்கி நகர்ந்தால் உலகமும் முன்னோக்கி நகரும் என்று கூறிய பிரதமர், இந்த புதிய நாடாளுமன்ற உலகின் வளர்ச்சியை முன்னெடுத்துச் செல்லும் என்று கூறினார். 

இந்த நிகழ்ச்சியில் முன்னாள் குடியரசுத் தலைவர் ராம்நாத் கோவிந்த், முன்னாள் பிரதமர் தேவேகவுடா, புதுச்சேரி முதலமைச்சர் நாராயணசாமி, ஆந்திர முதலமைச்சர் ஜெகன் மோகன் ரெட்டி, அதிமுகவின் சிவிசண்முகம், தம்பிதுரை, பாமக தலைவர் அன்புமணி ராமதாஸ் உள்ளிட்டோர் பங்கேற்றனர்.

புதிய நாடாளுமன்ற வளாகத்தை நோக்கி பேரணியாகச் செல்ல முயன்ற மல்யுத்த நட்சத்திரங்கள் தடுத்து நிறுத்தப்பட்டு இழுத்துச் செல்லப்பட்டு வலுக்கட்டாயமாக கைது செய்யப்பட்டுள்ளனர்.

பாலியல் குற்றச்சாட்டுகளுக்கு உள்ளான இந்திய மல்யுத்த கூட்டமைப்பின் தலைவரும் பாஜக எம்பியுமான பிரிஜ் பூஷனை கைது செய்யக் கோரி டெல்லி ஜந்தர் மந்தரில் மல்யுத்த நட்சத்திரங்கள், கடந்த ஜனவரி மாதம் முதல் போராட்டத்தில் ஈடுபட்டு வந்தனர். 4 மாத போராட்டத்தை அடுத்து பிரிஜ் பூஷன் மீது போக்சோ உள்ளிட்ட பிரிவுகளின்கீழ் டெல்லி போலீசார் வழக்குப்பதிவு செய்து, பாதிக்கப்பட்டோர் மற்றும் சாட்சிகளிடம் விசாரணை நடத்தினர்.

இதையும் படிக்க : ”மருத்துவக் கல்லூரிகளின் அங்கீகாரத்தை ரத்து செய்வதை தடுப்பதற்கு அரசு இதை விரைவாக செய்ய வேண்டும்” - ராமதாஸ்!

தொடர்ந்து அவர் கைது செய்யப்படாததை கண்டித்து, புதிய நாடாளுமன்றக் கட்டிடத்தை நோக்கி மல்யுத்த நட்சத்திரங்கள் அமைதிப் பேரணியில் ஈடுபட முயன்றனர்.  விவசாயிகளும் இப்போராட்டத்திற்கு ஆதரவளித்த நிலையில், ஏராளமான பெண் விவசாயிகள் உள்ளிட்டோர் இதில் பங்கேற்றனர். இந்நிலையில் பேரணி தொடங்கிய சில நிமிடங்களிலேயே அனைவரையும் தடுத்து நிறுத்திய போலீசார், வினேஷ் பொகாட், சாக்சி மாலிக் உள்ளிட்டோரை வலுக்கட்டாயமாக கைது செய்தனர்.

பேரணியில் ஈடுபட்ட பெண் விவசாயிகள் உள்ளிட்டோரை தரதரவென இழுத்துச் சென்று போலீசார் கைது செய்த நிலையில், தரையில் விழுந்து கும்பிட்டு கேட்டுக் கொண்டோரும் வலுக்கட்டாயமாக கைது செய்யப்பட்டனர். இந்நிலையில் டெல்லியிலேயே இருந்து அடுத்த கட்ட நடவடிக்கை தொடர்பாக முடிவெடுப்பதாக விவசாயிகள் சங்கத்தினர் தெரிவித்துள்ளனர்.