பெங்களூருவை சேர்ந்த சந்தீப் என்ற நபருக்கும், தெலுங்கானாவில் பிரபலமான ஆடைத் தொழில் உரிமையாளரின் மகளுக்கும் கடந்த 2021ம் ஆண்டு தெலுங்கானாவில் உள்ள ராமோஜி ராவ் பிலிம் சிட்டியில் 6 கோடி ருபாய் செலவில் பிரம்மாண்டமாக திருமணம் நடைபெற்றுள்ளது.  அந்த திருமணத்தின் போது, பெண்ணின் பெற்றோர், 4 கிலோ தங்கம், 200 கிலோ வெள்ளி, ரூ. 55 லட்சம் மதிப்புள்ள சொகுசு கார் ஆகியவற்றை வரதட்சணையாக கொடுத்துள்ளனர். மேலும் அதோடு, இரண்டு துணி கடைகளையும் பரிசாக அளித்திட்டுள்ளனர். 

பின்னர், நாட்கள் செல்ல செல்ல, சந்தீப் போதைக்கு அடிமையானவர் என்பது தெரிய வந்துள்ளது. தினமும் வீட்டில் தனது நண்பர்களுடன் மது விருந்து நடத்தி வந்துள்ளார்.  இதற்கு மனைவி எதிர்ப்பு தெரிவிக்கவே, அங்கிருந்து தொடங்குகிறது பிரச்சனை. மனைவி எதிர்ப்பு தெரிவிக்கவே, சந்தீப் தனது நண்பர்கள் முன்னிலையிலேயே அந்த பெண்ணை அடித்து துன்புறுத்தியுள்ளார். 

இதனால் ஆத்திரமடைந்த பெண், சந்தீப் மீது பசவனக்குடி மகளிர் காவல் நிலையத்தில் புகார் அளித்துள்ளார். மேலும் அந்த புகாரில் சமீப நாட்களுக்கு முன்னர், மது போதையில் இருந்த சந்தீப், தன் தலையில் சிறுநீர் கழித்ததாகவும் தெரிவித்துள்ளார். அந்த பெண் அளித்த புகாரின் பேரில் போலீசார் சந்தீப் மீது வரதட்சணை கொடுமை மற்றும் போதையில் மனைவி மீது சிறுநீர் கழித்ததாக வழக்கு பதிந்து எப்ஐஆர் போடப்பட்டுள்ளது.

டெல்லி மாநகராட்சியில் நடந்ததாகக் கூறப்படும் ரூ.6000 கோடி சுங்கவரி முறைகேடு குறித்து சிபிஐ விசாரணைக் கோரி டெல்லியின் துணை முதலமைச்சர் மணீஷ் சிசோடியா துணைநிலை ஆளுநர் வி.கே. சக்சேனாவுக்கு கடிதம் எழுதியுள்ளார்.  இரண்டு சுங்க வரி நிறுவனங்களுடன் இணைந்து டெல்லி கருவூலத்திற்கு பெரும் இழப்பை ஏற்படுத்தியதாக டெல்லி மாநகராட்சியின் மீது ஆம் ஆத்மி கட்சி குற்றசாட்டு வைத்துள்ளது.  தினமும் 10 லட்சம் வணிகம் தொடர்பான வாகனங்கள் டெல்லிக்குள் நுழைவதாகவும் அவற்றிடமிருந்து வரி வசூலிக்கப்படுவதாகவும் சிசோடியா குறிப்பிட்டுள்ளார்.

சுங்க வரி வசூல்:

டெல்லிக்குள் நுழையும் வணிக வாகனங்கள் சுற்றுசூழல் சான்றிதழுக்காக ரூ.700 முதல் ரூ.1400 வரை வரி செலுத்துகிறது.    மெலும் வாகனத்தின் அளவு மற்றும் வகையை பொறுத்து ரூ.100 முதல் ரூ.2000 வரை வசூலிக்கப்படுகிறது.டெல்லியில் வரி வசூலிக்கும் நிறுவனமாக டெல்லி மாநகராட்சி செயல்படுகிறது.  வரி வசூலிக்கும் உரிமையை டெண்டர் மூலமாக தனியார் நிறுவனத்திற்கு மாநகராட்சி வழங்குகின்றன.

ஆம் ஆத்மியின் குற்றச்சாட்டு:

சுங்கசாவடி வரி வசூலில் ரூ.  6000 கோடி ஊழல் செய்ததாக டெல்லி மாநகராட்சி மீது மணீஷ் சிசோடியா குற்றஞ்சாட்டியுள்ளார்.

டெல்லி மாநகராட்சி ஒரு தனியார் நிறுவனத்திற்கு வரி வசூல் செய்ய ஒப்பந்தம் அளித்ததாகவும் முதல் ஒரு ஆண்டிற்கு மட்டும் அந்நிறுவனம் 1200 கோடி ரூபாயை அளித்ததாகவும் துணை முதலமைச்சர் தெரிவித்துள்ளார். அதன் பிறகு நான்கு வருடங்களாக வரிப்பணத்தை தனியார் நிறுவனம் வழங்கவில்லை எனவும் ஆனால் அதற்காக எந்த நடவடிக்கையும் தனியார் நிறுவனத்தின் மீது டெல்லி மாநாகராட்சி எடுக்கவில்லை எனவும் வரிவசூல் செய்யும் ஒப்பந்தத்தை வேறு நிறுவங்களுக்கு அளிக்கவில்லை எனவும் கூறியுள்ளார் சிசோடியா.

மேலும் 2021ல் அந்த தனியார் நிறுவனத்தின் துணை நிறுவனத்திற்கும் ஒப்பந்தம் வழங்கியுள்ளது எனவும் கூறியுள்ளார் சிசோடியா.

மேலும் படிக்க: ஆம் ஆத்மி பெட்ரோலுக்கு எங்கே போவான்?- எம் பி கனிமொழி சரமாரி கேள்வி

டெல்லி மாநகராட்சி விளக்கம்:

ஒப்பந்தம் அளிக்கப்பட்ட நிறுவனத்தில் நஷ்டம் ஏற்பட்டதால் அவர்களால் ஒப்பந்த பணத்தை வழங்க முடியவில்லை என தனியார் நிறுவனம் தரப்பில் விளக்கமளிக்கப்பட்டுள்ளதாக மாநகராட்சி தெரிவித்துள்ளது.  இது தொடர்பாக அவர்கள் உயர்நீதிமன்றத்திலும் விளக்கமளித்துள்ளனர் எனவும் டெல்லி மாநகராட்சி தரப்பில் கூறப்பட்டுள்ளது. 

இதையும் படிக்க: ஒரே கட்சி முறையை நோக்கி நகர்கிறதா இந்தியா.....!!!!

இந்தியாவின் 75 வது சுதந்திர தினத்தை முன்னிட்டு, போலீசார் தீவிர கண்காணிப்பில் ஈடுபட்டு வரும் நிலையில், கிழக்கு டெல்லியில், 2000 தோட்டாக்கள் பறிமுதல் செய்து ஆறு பேரை கைது செய்துள்ளனர். 

இந்தியாவில் 75 வது சுதந்திர தின விழா வருகிற திங்கட்கிழமை கொண்டாடப்பட உள்ளது. அதற்கான ஏற்பாடுகளை அரசங்கம் முழு முனைப்புடன் செய்து வருகிறது. அதாவது "ஆசாதி கா அம்ரித் மஹோத்சவ்" திட்டத்தின் கீழ் அரசாங்கம் பல சிறப்பு நிகழ்ச்சிகளை நடத்தி வருகிறது. மேலும் பாதுகாப்பு காரணங்களுக்காக பல மாநிலங்களிலும் போலீசார் தீவிர கண்காணிப்பில் ஈடுபட்டு வருகின்றனர். 

இந்நிலையில் கடந்த சில தினங்களுக்கு முன்பாக, டெல்லியில் 2000 தோட்டாக்கள் கண்டுபிடிக்கப்பட்டுள்ளதாக போலீசார் இன்று தெரிவித்துள்ளனர்.  மேலும் இந்த பறிமுதல் குறித்த கூடுதல் விவரங்களை அதிகாரிகள் வெளியிடவில்லை. ஆனால் ஆறு பேர் கைது செய்யப்பட்டதாக தெரிவித்துள்ளனர். இந்த வார தொடக்கத்தில், டெல்லியில் 'ஐஎஸ்ஐஎஸ் உறுப்பினர்' கைது செய்யப்பட்ட நிலையில், சில நாட்களுக்குப் பிறகு இன்று, இந்த சம்பவம் நடந்துள்ளது. குற்றம் சாட்டப்பட்டவர் ஜாமியா மில்லியா இஸ்லாமியா பல்கலைக்கழகத்தின் இரண்டாம் ஆண்டு மாணவர் என்பது குறிப்பிடத்தக்கது. 

பாஜகவுடனான கூட்டணியை உடைத்து மீண்டும் மகாகத்பந்தன் கூட்டணியில் இணைந்தார் பீகார் முதலமைச்சர் நிதிஷ்குமார்.  அன்றிலிருந்து பாஜக நிதிஷ் இடையே மோதல் போக்கு நிலவி வருகிறது.

நிதிஷ்குமார்-பாஜக உறவு முறிவு:

நிதிஷ்குமாரின் பிரிவைத் தொடர்ந்து பாஜக அவரை துரோகி என விமர்சித்தது.  பாஜகவின் மத்திய அமைச்சர் கிரிராஜ் சிங் ஏற்கனவே முதலமைச்சர் நிதிஷை பாம்பு என விமர்சித்ததை தொடர்ந்து தற்போது துணை முதலமைச்சர் தேஜஸ்வியை திருடனின் மகன் என விமர்சித்துள்ளார்.

மேலும் படிக்க: நிதிஷின் அரசியல் எதிர்காலம்என்ன?

ட்விட்டர் போர்:

2020 சட்டமன்றத் தேர்தலின் போது முதலமைச்சர் வேட்பாளராக அளித்த வாக்குறுதிகள் குறித்து தேஜஸ்வி யாதவ் பேசிய வீடியோவின் திருத்தப்பட்ட பதிப்பை மத்திய அமைச்சர் கிரிராஜ் சிங் ட்விட்டரில் வெளியிட்டிருந்தார்.   தேர்தல் வாக்குறுதி நிறைவேற்றுவதில் இருந்து தவறி விட்டார் எனவும் குற்றஞ்சாட்டியுள்ளார்.

தேஜஸ்வி முதலமைச்சரானால் பீகார் மாநிலத்தில் 10 லட்சம் இளைஞர்களுக்கு வேலைவாய்ப்பு வழங்குவேன் என பேசியிருந்த வீடியோவை கிரிராஜ் வெளியிட்டிருந்தார்.

ஒரு அடி நீள ஜடை:

இதற்கு பதிலடி கொடுக்கும் வகையில் முழு வீடியோவையும் வெளியிட்டார் தேஜஸ்வி.  வெட்கமின்றி செயல்படாதீர்கள் என்றும் ஒரு அடி நீளமான ஜடை ஒருவரை அறிவாளியாக மாற்றாது என்றும் முழு வீடியோவையும் பாருங்கள் எனவும் கிரிராஜை தாக்கி பேசியுள்ளார் தேஜஸ்வி.

மேலும் படிக்க: பிரதமர் கனவு காண்கிறாரா பீகார் முதலமைச்சர்.....!!!

அந்த வீடியோவின் திருத்தப்படாத பதிப்பில் முதலமைச்சரானால் 10 லட்சம் வேலைவாய்ப்பை உருவாக்குவதாகவும் ஆனால் தற்போது துணை முதலமைச்சராக இருப்பதாகவும் கூறியுள்ளார் தேஜஸ்வி.  மேலும் இது குறித்து முதலமைச்சர் அவருடன் பேசியுள்ளதாகவும் வேலைவாய்ப்பை உருவாக்குவதில் தீவிரமாக இருப்பதாகவும் கூறியுள்ளார் தேஜஸ்வி.

திருடனின் மகன்:

ஒரு அடி நீள ஜடை என தாக்கியதைத் தொடர்ந்து தேஜஸ்வியை திருடனின் மகன் என கூறியுள்ளார் கிரிராஜ் சிங்.  தீவனத் திருடனின் மகன் மகாத்மா ஆக மாட்டான் எனவும் மீண்டும் மிருக காட்சி சாலையில் மண் திருடுவான் எனவும் தாக்கி பேசியுள்ளார் கிரிராஜ் சிங்.  மேலும் நிதிஷ் குமார் மீண்டும் ஊழல் குற்றச்சாட்டில் லாலு குடும்பத்தையே பதவி நீக்கம் செய்வார் எனவும் கூறியுள்ளார்.

பீகார் மதச்சார்பற்ற அரசு:

மேலும் ஒரு அடி நீள ஜடை என்ற விமர்சனத்துக்கு எதிர்ப்பு தெரிவிக்கும் விதமாக பீகாரின் மதச்சார்பற்ற அரசாங்கத்தின் தலைவர்கள் இந்து மத அடையாளங்களைத் தாக்கி பேச தொடங்கியுள்ளன எனவும் குற்றஞ்சாட்டியுள்ளார்.

இதையும் படிக்க: மேற்கு வங்காளத்திலும் ஆபரேஷன் லோட்டஸை கையிலெடுக்கும் பாஜக!!!

நாடு சுதந்திரம் அடைந்ததில் இருந்து இதுவரை எந்த ஒரு அரசும், மக்களுக்கு இலவச கல்வி, மருத்துவம் வழங்குவதற்கு மறுப்பு தெரிவித்ததில்லை என மத்திய நிதி அமைச்சர் நிர்மலா சீதாராமன் தெரிவித்துள்ளார். 

நாட்டின் பொருளாதாரத்துக்கு பேரழிவு:

தேர்தலின்போது அரசியல் கட்சிகள் இலவச அறிவிப்புகள் வெளியிடுவது நாட்டின் பொருளாதாரத்துக்கு பேரழிவை ஏற்படுத்துவதாக  பிரதமர் மோடி குறிப்பிட்டிருந்தார். 

உச்ச நீதிமன்றத்தில் விசாரணை:

இலவச அறிவிப்புகளை தடை செய்ய கோரிய வழக்கும் உச்ச நீதிமன்றத்தில் விசாரணையில் இருந்து வருகிறது. இதனிடையே நாட்டில்  இலவச கல்வி, மருத்துவம் வழங்கப்படுவது குறித்து விவாதிக்க வேண்டும் என டெல்லி முதலமைச்சர் அரவிந்த் கெஜ்ரிவால் கூறியிருந்தார். 

மேலும் படிக்க: இன்றே கடைசி நாள்..!  மருத்துவ கல்வி இயக்ககம் அறிவிப்பு..!

கெஜ்ரிவாலுக்கு பதிலடி:

கெஜ்ரிவாலுக்கு பதிலடி கொடுத்துள்ள மத்திய அமைச்சர் நிர்மலா சீதாராமன், நாடு சுதந்திரம் அடைந்ததில் இருந்து இதுவரை எந்த ஒரு அரசும், மக்களுக்கு இலவச கல்வி, மருத்துவம் அளிப்பதை, இலவச அறிவிப்பாக கூறியதில்லை என சாடியுள்ளார்.  தற்போது இது குறித்தும் விவாதிக்க வேண்டும் என்று கூறியதன் மூலம்  ஏழை, எளிய மக்களிடையே அச்சத்தை ஏற்படுத்த அரவிந்த் கெஜ்ரிவால் முயற்சிப்பதாக குற்றஞ்சாட்டிய அவர், இதுகுறித்து அனைத்து தரப்பினரும் ஆரோக்கியமான விவாதத்தில் ஈடுபடவும் கேட்டுக்கொண்டார்.