முகேஷ் அம்பானியின் குடும்பத்திற்கு கெடு வைத்த மர்ம நபர்களில் ஒருவரை காவல்துறையினர் கைது செய்துள்ளனர். 

அம்பானி: இந்தியாவின் பணக்காரர்களின் பட்டியலில் முதல் இடத்தில் இருப்பவர் முகேஷ் அம்பானி. ரிலையன்ஸ் குழுமத்தின் அதிபரும் இவர் தான். தமிழ்நாட்டில் சூப்பர் ஸ்டார் நடிகர்களுக்கு எந்த அளவுக்கு மவுசு இருக்கிறதோ அதே அளவு முகேஷ் அம்பானிக்கும் அவரது குடும்பத்தினருக்கும் உள்ளது. சில தினங்களுக்கு முன்பு தான் முகேஷ் அம்பானி தனது பொறுப்புகளில் இருந்து ஓய்வு பெற்றார். தனக்கு பிறகு தன்னுடைய மகன்களுக்கு பிசினஸின் பொறுப்புகளை கொடுத்து விட்டு, வீட்டில் ஓய்வு எடுத்து வருகிறார் முகேஷ் அம்பானி. 

குடும்பத்தோடு சுதந்திர தினக் கொண்டாட்டம்: இன்று நாட்டின் 75-வது சுதந்திர தினத்தை முன்னிட்டு, முகேஷ் அம்பானி தனது மனைவி நீட்டா அம்பானி மற்றும் பேரன் பிரித்வி அம்பானியுடன் சுதந்திர தினத்தை கொண்டாடி மகிழ்ந்தார். பேரனுடன் சேர்ந்து இசைக்கேற்ப கொடியை அசைத்து மூவரும் சுதந்திர தினத்தை கொண்டாடிய காட்சிகள் இணையத்தில் வைரலாகி வருகிறது. 

கொலை மிரட்டல்: இந்த நிலையில், ரிலையன்ஸ் அறக்கட்டளைக்கு சொந்தமான மருத்துவமனைக்கு காலை 10.30 மணியளவில் தொலைப்பேசி மூலம் அழைப்பு வந்துள்ளது. அதில் பேசிய மர்ம ஆசாமி அம்பானி மற்றும் அவரது குடும்பத்தினரை 3 மணி நேரத்தில் கொலை செய்யவுள்ளதாக கூறியுள்ளார். தொடர்ந்து இதே போல 8 முறை அம்பானி மற்றும் அவரது குடும்பத்தினருக்கு தொலைப்பேசி மூலம் கொலை மிரட்டல் வந்துள்ளது. 

ஒருவர் கைது?: இது குறித்து டிபி மார்க் காவல்நிலையத்தில் புகார் அளித்ததை அடுத்து, போலீசார் மருத்துவமனைக்கு தொலைப்பேசி மூலம் அழைப்பு விடுத்த நபர்கள் யார் என்பது குறித்து தீவிர விசாரணையில் ஈடுபட்டுள்ளனர். முதற்கட்டமாக ஒருவர் கைது செய்யப்பட்டுள்ளதாகவும் கூறப்படுகிறது. அதுமட்டுமின்றி கொலை மிரட்டல் காரணமாக அம்பானியின் வீட்டிற்கு கூடுதல் பாதுகாப்பு ஏற்பாடும் போடப்பட்டுள்ளதாக தெரிவிக்கப்பட்டுள்ளது. 

கடந்தாண்டு வெடிபொருட்களுடன் கார்: கடந்த 2021-ம் ஆண்டு மும்பையில் உள்ளது அம்பானியின் வீடான அண்டலியா முன்பு வெடி பொருட்களுடன் கார் ஒன்று மர்மமான முறையில் நின்றுள்ளது. இது குறித்து நடைபெற்ற விசாரணையில், அது தொழிலதிபர் மான்சுக் ஹிரனுக்கு சொந்தமானது என தெரியவந்த நிலையில், மான்சுக் மர்மமான முறையில் உயிரிழந்தார். இந்த விவகாரத்தில் போலீஸ் அதிகாரி சச்சின் வாஸ் என்பவர் கைது செய்யப்பட்டிருந்தார் என்பது குறிப்பிடத்தக்கது. 

76வது சுதந்திர தினத்தை முன்னிட்டு இந்தியா முழுவதும் உள்ள நினைவுச் சின்னங்கள் மற்றும் பாரம்பரிய கட்டிடங்கள், மூவர்ண விளக்குகளால் ஜொலித்தன. இந்தியா கேட், சத்ரபதி சிவாஜி மகாராஜ் டெர்மினஸ், கேட்வே ஆஃப் இந்தியா, ஹுமாயூனின் கல்லறை, ஸ்ரீநகரில் உள்ள காண்டா கர், சப்தர்ஜங் கல்லறை, சர்தார் சரோவர் அணை, கர்நாடகா விதான சவுதா, மேற்கு வங்க ராஜ் பவன், மெட்கால்ஃப் ஹால் மற்றும் விக்டோரியா மெமோரியல் ஆகிய கட்டிடங்களில் மூவர்ண விளக்குகள் பொருத்தப்பட்டு, அலங்கரிக்கப்பட்டன. அதன் போட்டோக்களைப் பார்ப்போம்!

76-வது சுதந்திர தின விழாவை கொண்டாடி வரும் இந்தியாவுக்கு பல்வேறு நாடுகள் வாழ்த்துத் தெரிவித்துள்ளன.

சுதந்திர தினவிழா:

இந்தியா ஆங்கிலேயர்களிடம் இருந்து சுதந்திரம் பெற்ற நாளாகவும், நம் நாட்டின் விடுதலைக்காக ரத்தம் சிந்திய விடுதலை தலைவர்களை நினைவுக்கூறும் விதமாகவும் கொண்டாடப்படும் நாள் தான் ஆகஸ்ட் 15. இன்றையதினம் இந்திய நாட்டின் பிரதமர் டெல்லி செங்கோட்டையிலும், மாநிலங்களில் முதலமைச்சர்களும் கொடியை ஏற்றுவர். குழந்தைகள் முதல் பெரியவர்கள் வரை கொடியை தங்களது சட்டையில் குத்திக்கொண்டு தேசப்பற்றை வெளிபடுத்துவர். இந்நிலையில் நாட்டின் 76வது சுதந்திர தினவிழா இன்று கொண்டாடப்படுகிறது.

வாழ்த்துக்கள்:

76 வது சுதந்திர தின விழாவையொட்டி, பல்வேறு நாடுகளிலிருந்து வாழ்த்துக்கள் குவிந்து வருகிறது. அந்த வகையில், அமெரிக்க அதிபர் ஜோ பைடன் வெளியிட்டுள்ள அறிக்கையில், அமெரிக்காவில் வாழும் இந்தியர்கள் உள்பட உலகம் முழுவதும் உள்ள இந்திய மக்கள் சுதந்திர தினத்தை கொண்டாடி வருவதாக கூறியுள்ளார்.

"Indispensable partners", says US president Biden on India's Independence Day

Read @ANI Story | https://t.co/tCc6GrxxNS#JoeBiden #IndependenceDayIndia #PMModi pic.twitter.com/WSvIerCXW3

— ANI Digital (@ani_digital) August 15, 2022

உண்மை மற்றும் அகிம்சை மூலம்  மகாத்மா காந்தி வழிநடத்தி வந்த ஜனநாயக பயணத்தை கொண்டாடும் இந்திய மக்களுடன் அமெரிக்காவும் இணைந்து கொள்வதாக அவர் பதிவிட்டுள்ளார். இந்திய அமெரிக்க சமூகத்தினர், அமெரிக்காவை அதிக புதுமையான, எல்லாவற்றையும் உள்ளடக்கிய வலிமையான நாடாக உருவாக்கி உள்ளனர் என்றும் இந்த ஆண்டில் இந்தியாவும் அமெரிக்காவும் 76-வது ஆண்டு தூதரக உறவு கொண்டாட்டங்களிலும் ஈடுபடுகிறது என்றும் குறிப்பிட்டுள்ளார்.

சிங்கப்பூர் தூதரகம் வாழ்த்து அறிக்கை:

சிங்கப்பூர் தூதரகம் வெளியிட்டுள்ள அறிக்கையில், எங்கள் அன்பான நண்பர்கள் பல குறிப்பிடத்தக்க சாதனைகள் படைத்துள்ளனர் என்றும், இந்தியா தொடர்ந்து முன்னேற வேண்டும் என்றும் வாழ்த்தியுள்ளது. இந்திய வளர்ச்சியின் ஒரு பகுதியாக சிங்கப்பூரும் தொடர்ந்து வரும் என்றும் குறிப்பிட்டுள்ளது.  ஒன்றாக இணைந்து புதிய உயரங்களை அடைவோம் என்றும் கூறியுள்ளது.

Wishing India a wonderful 76th #IndependenceDay! Many remarkable achievements by our dearest friends.Glad India continues to forge ahead&realise its immense potential&Singapore continues to be part of its growth story.Look forward to scale new heights together: Singapore in India pic.twitter.com/pwBMNP71qj

— ANI (@ANI) August 15, 2022

நேபாள் வெளியுறவு அமைச்சர்:

நேபாள வெளியுறவு அமைச்சர் டாக்டர் நாராயண் கட்கா, இந்தியாவின் 76-வது சுதந்திர தினத்தை முன்னிட்டு வெளியுறவுத்துறை அமைச்சர் ஜெய்சங்கருக்கு அன்பான வாழ்த்துக்களைத் தெரிவித்துள்ளார். இப்படி பல நாடுகளிலிருந்து இந்தியாவுக்கு சுதந்திர தின விழா வாழ்த்துக்கள் வந்த வண்ணம் உள்ளது.

Nepal's Minister for Foreign Affairs Dr Narayan Khadka extends warm greetings and felicitations to EAM Dr S Jaishankar on the happy occasion of 76th #IndependenceDay Day of India: Ministry of Foreign Affairs, Government of Nepal#IndiaAt75 pic.twitter.com/1RY4cnw9TH

— ANI (@ANI) August 15, 2022

மலை உச்சியில் தேசிய கொடி ஏந்தி சுதந்திர தினத்தைக் கொண்டாடினர் இந்தோ திபெத்திய எல்லைக் காவல் படையினர்.

சுதந்திர தினவிழா கொண்டாட்டம்:

நாடு முழுவதும் 76வது சுதந்திரதினம் கோலாகலமாக கொண்டாடப்பட்டு வருகிறது. இந்திய விடுதலையின் மகத்துவத்தை பறைசாற்றும் வகையில் அனைத்து தரப்பினரும் தேசியக் கொடியை ஏற்றி மரியாதை செலுத்தி வருகின்றனர்.

மலை உச்சியில் ஏந்திய தேசிய கொடி:

நாட்டின் 76 வது சுதந்திரதினத்தை அனைவரும் கொண்டாடி வரும் நிலையில், உத்தரகாண்ட் மாநிலத்தில் உள்ள இந்தோ திபெத்திய எல்லைக் காவல் படையினர், 17 ஆயித்து 500 அடி உயர மலையின் உச்சியில், தேசியக் கொடியை ஏந்தியபடி சுதந்திர தினத்தைக் கொண்டாடினர்.

#WATCH | Uttarakhand: ITBP personnel celebrate #IndependenceDay at an altitude of 17,500 feet in Uttarakhand pic.twitter.com/Fn17Ndz2UF

— ANI UP/Uttarakhand (@ANINewsUP) August 15, 2022

தேசிய கொடி அணிவகுப்பு:

இதேபோல், சிக்கிம் மாநிலத்திலும் இந்தோ திபெத்திய எல்லைக் காவல் படையினர் 18 ஆயிரத்து 800 அடி உயர மலையில், தேசியக் கொடியுடன் அணி வகுத்து சுதந்திர தினத்தைக் கொண்டாடினர்.

#WATCH | Sikkim: ITBP jawans celebrate #IndependenceDay at a peak of 18,800 feet in Sikkim pic.twitter.com/vNGmn5eDzQ

— ANI (@ANI) August 15, 2022

1947, ஆகஸ்ட் 15ம் தேதி, ஆங்கிலேயர்களிடம் இருந்து இந்தியா சுதந்திரம் பெற்றது. சுமார் 200 ஆண்டுகளாக, அன்னியர்களின் கைபிடியில் இருந்த நம் நாடு, ஜனநாயக நாடானது இன்று தான். இன்றோடு, 75 ஆண்டுகள் கடந்து, தற்பொது உலகின் மிகப்பெரும் செல்வாக்கு மிக்க நாடாக உருவெடுத்து நிற்கிறது இந்தியா.

பிரதமர் உரை:

சுதந்திர இந்தியாவின் 14வது பிரதமரான நரேந்திர மோடி, இந்தியா சுதந்திரம் பெற்ற பிறகு பிறந்த முதல் பிரதமராக இருக்கிறார். இதனைத் தொடர்ந்து, செங்கோட்டையில் தொடர்ந்து 9வது முறையாக மூவர்ண கொடியை ஏற்றி, தனது உரையாற்றினார்.

இந்தியர்கள் அனைவருக்கும், சுதந்திர தினத்திற்கு வாழ்த்துகளைத் தெரிவித்த நிலையில், இந்த நாள், ஒரு புதிய தீர்மானத்துடன் புதிய திசையை நோக்கி அடியெடுத்து வைக்கும் நாள் எனக் கூறினார்.

செங்கோட்டையில் பிரதமர் நரேந்திர மோடி:

கடமையின் பாதையில் தங்கள் இன்னுயிரை ஈந்த மகாத்மா காந்தி, நேதாஜி சுபாஷ் சந்திரபோஸ், பாபாசாகேப் அம்பேத்கர் ஆகியோருக்கு நாடு நன்றி தெரிவித்துக் கொள்கிறது என்று பிரதமர் மோடி கூறினார்.

ராணி லக்ஷ்மிபாய், ஜல்காரி பாய், சென்னம்மா, பெகன் ஹஸ்ரத் மஹால் என இந்தியப் பெண்களின் வலிமையை நினைத்துப் பார்க்கும்போது ஒவ்வொரு இந்தியாவும் பெருமிதம் கொள்கிறது.

மங்கள் பாண்டே, தாத்யா தோபே, பகத்சிங், சுக்தேவ், ராஜ்குரு, சந்திரசேகர் ஆசாத், அஷ்பகுல்லா கான், ராம் பிரசாத் பிஸ்மில் மற்றும் ஆங்கிலேய ஆட்சியின் அடித்தளத்தை அசைத்த நமது எண்ணற்ற புரட்சியாளர்களுக்கு இந்த தேசம் நன்றி செலுத்துகிறது.

தலைவணங்கும் நாள்:

சுதந்திரத்திற்காகப் போராடியவர்களோ அல்லது தேசத்தைக் கட்டியெழுப்பியவர்களோ சரி, டாக்டர் ராஜேந்திர பிரசாத், நேரு ஜி, சர்தார் படேல், எஸ்.பி.முகர்ஜி, எல்.பி.சாஸ்திரி, தீன்தயாள் உபாத்யாயா, ஜே.பி. நாராயண், ஆர்.எம்.  லோகியா, வினோபா பாவே, நானாஜி தேஷ்முக், சுப்ரமணிய பாரதி போன்ற சிறந்த ஆளுமைகளுக்கு முன் தலைவணங்க இது ஒரு சிறந்த நாளாக இருக்கும் எனக் கூறினார்.

விலைமதிப்பற்ற திறன் கொண்ட நாடு!

இந்தியா ஜனநாயகத்தின் தாய் என்பதை மீண்டும் வலியுறுத்திய மோடி, 75 ஆண்டுகால பயணத்தில் பல சவால்களை எதிர்கொண்டதாகவும், விலைமதிப்பற்ற திறன் கொண்ட நாடு என்பதை நிரூபித்துள்ளதாகவும் கூறினார்.

நாம் சுதந்திரம் அடைந்தபோது, ​​நமது வளர்ச்சிப் பாதையில் சந்தேகம் கொண்ட பலர் இருந்தனர். ஆனால், இந்நாட்டு மக்களிடம் வித்தியாசமான ஒன்று இருப்பதை அவர்கள் அறிந்திருக்கவில்லை. இந்த மண் சிறப்பு வாய்ந்தது என்பதை அவர்கள் அறிந்திருக்கவில்லை.  130 கோடி இந்தியர்களின் திறனால், இந்தியா மீது ஒரு நம்பிக்கை உருவாகி இருக்கிறது.

முன்னுதாரணமாக இருக்கிறோம்:

2047ம் ஆண்டில், இந்தியா, தனது 100வது சுதந்திர ஆண்டைக் கொண்டாடும் போது, 50 வயதாக இருக்கும் இளைஞர்கள், நம் நாட்டை வளர்ந்த நாடாக உருவாக்க வேண்டும் என்ற உறுதிமொழி எடுக்க வேண்டும் என்றும் கூறினார். ஏன் என்றால், முதன்முறையாக பேசும்போது “ஸ்வச்ச பாரத்”, அதாவது தூய இந்தியா இயக்கம் பற்றி உரையாற்றினேன். இன்று அது ஒரு பெரிய இயக்கமாகி, இன்று உலகத்திற்கு முன்னுதாரணமாக இந்தியா இருக்கிறது.

பஞ்ச பிராணம்:

அவ்வகையில், இந்தியா வளர்ச்சி அடைய, நாட்டு மக்கள், ஐந்து உறுதிமொழிகள் எடுக்க வேண்டும் என கேட்டுக்கொண்டார்.

1. இந்தியாவின் வளர்ச்சிக்காக பெரிய தீர்மானங்கள் கொண்டு, உறுதியுடன் முன்னேற வேண்டும்.

2. அடிமைத்தனத்தின் அனைத்து தடயங்களையும் துடைத்தெறிய வேண்டும்

3. நமது பாரம்பரியத்தைப் பற்றி பெருமிதம் கொள்ள வேண்டும்

4. ஒற்றுமையின் வலிமை அறிந்திருக்க வேண்டும்

5. குடிமக்களின் கடமைகள் சரியாக ஆற்றப்பட வேண்டும். இதில், பிரதமர் மற்றும் முதல்வர்கள் ஆகியோரும் அடங்குவர்.

இந்த ஐந்து உறுதிமொழிகளை அனைத்து இந்தியர்களும் சரியாக கடைப்பிடித்தால், நம் நாட்டு, உலகம்  போற்றும் சிறந்த நாடாக அமையுமென பிரதமர் மோடி கேட்டுக்கொண்டார். சுதந்திர இந்தியாவில், இரண்டாவது முறையாக பிரதமர் பதவியேற்ற மோடி, மக்கள் முன்னிலையில், தனது உரையாற்றி, தேசியகீதம் பாடினார்.