அனைத்து நாட்டு நாணயங்களும் சரிவைச் சந்தித்து வந்தாலும் உலக அளவில் இந்திய ரூபாய் மட்டுமே தாக்குப் பிடித்து நிற்பதாக மத்திய நிதியமைச்சர் நிர்மலா சீதாராமன் தெரிவித்துள்ளார்.

இந்திய ரூபாய் வீழ்ச்சி

அமெரிக்க டாலருக்கு எதிரான இந்திய ரூபாயின் மதிப்பு தொடர்ந்து வீழ்ச்சியை சந்தித்து வருகிறது. தற்போதைய நிலவரப்படி அமெரிக்க டாலருக்கு நிகரான இந்திய ரூபாயின் மதிப்பு 30 காசுகள் சரிந்து வரலாறு காணாத வகையில் 81 புள்ளி 9 ஆக வர்த்தகமாகி வருகிறது. 

அரசு திறமையாக கையாளுகிறது

இது குறித்துக் கருத்துத் தெரிவித்துள்ள நிதி அமைச்சர் நிர்மலா சீதாராமன், நெருக்கடியான இந்த சூழலை மத்திய அரசு சிறப்பாக கையாண்டு வருவதாகவும்  ரூபாய் வீழ்ச்சியை சமாளிக்க இந்தியாவில் வெளிநாட்டு முதலீடுகளை ஈர்ப்பதற்கான நடவடிக்கைகளை அரசு எடுத்து வருவதாகவும் தெரிவித்தார்.

உத்தரகாண்ட் மாநிலத்தில் மோசமான வானிலை நிலவி வந்தது. நள்ளிரவில் பெய்த கனமழையால், மழைநீர் வடிகால்களிலும் ஆங்காங்கே தண்ணீர் தேங்கியது. இந்நிலையில், டெல்லியைச் சேர்ந்த சுற்றுலாப் பயணிகளின் கார் ராம்நகரின் கியாரி கிராமத்தில் மழைநீர் வடிகாலில் அடித்துச் செல்லப்பட்டது. கார் நகர்ந்து செல்வதை பார்த்த அப்பகுதி இளைஞர்கள் தங்கள் உயிரை பணயம் வைத்து சுற்றுலா பயணிகளை பாதுகாப்பாக காரில் இருந்து இறக்கியுள்ளனர். 

ராம்நகர் தாலுகாவுக்கு உட்பட்ட கியாரி கிராமத்தில்  இரவில் பெய்த கனமழை காரணமாக நெடுஞ்சாலை மூடப்பட்டது. அதே நேரத்தில், டெல்லியைச் சேர்ந்த சுற்றுலாப் பயணிகள் கிராமத்தில் அமைந்துள்ள ஒரு ரிசார்ட்டில் தங்கியிருந்தனர். காலையில் டெல்லியை சேர்ந்த ஹர்ஷ்குமார் என்பவர் அவரது நண்பர் அங்கித்துடன் காரில் ராம்நகர் சென்றுள்ளார்.

காலை எட்டு மணிக்கு ரிசார்ட்டுக்கு திரும்பும் வழியில், வடிகால் பலமாக ஓடுவதை ஹர்ஸ்குமாரால் அறிந்துகொள்ள முடியவில்லை. சாக்கடையை கடப்பதற்காக காரை தண்ணீரில் இறக்கிய அவர் நீரோட்டம் வந்தவுடன், கார் காகிதப் படகு போல ஓடத் தொடங்கியது. 

அப்போது, ​​சுற்றுலா பயணிகளின் அலறல் சத்தம் கேட்டு கிராம மக்களும் சம்பவ இடத்திற்கு வந்தனர். சுற்றுலா பயணிகளை கிராம மக்கள் பாதுகாப்பாக காரில் இருந்து வெளியே எடுத்து காப்பாற்றியுள்ளனர்.  மழைநீர் வடிகாலின் ஓட்டம் மிக வேகமாக இருந்ததால், கார் கிச்சடி ஆற்றை அடைந்தது. அதிர்ஷ்டவசமாக பெரும் விபத்து மக்களால் தவிர்க்கப்பட்டது.

கிராமத்தைச் சேர்ந்த இளைஞர்கள் யோகி போஹ்ரா, நிக்கு சதி, அனில் ராவத், வினோத் ராவத், நரேந்திர ராவத் உள்ளிட்டோர் ஆற்றில் காரை போட்டு விட்டு உள்ளே இருந்த இருவரையும் பத்திரமாக வெளியே எடுத்தனர். இதுகுறித்து சமூக சேவகர் வினோத் புதானி, “இந்த வாய்க்காலில் பாலம் தேவை. ஏனெனில் இந்த வழியில்தான் குழந்தைகளும் பள்ளிக்குச் செல்கிறார்கள்.” என்று கூறியுள்ளார்.

அடுத்த 24 மணி நேரத்தில் டேராடூன், சாமோலி, தெஹ்ரி, பித்தோராகர், ருத்ரபிரயாக், உத்தர்காஷி ஆகிய இடங்களில் கனமழை பெய்ய வாய்ப்புள்ளதால், வானிலை ஆய்வு மையம் ஆரஞ்சு அலர்ட் விடுத்துள்ளது. இந்த நேரத்தில் இடி மின்னலுக்கான வாய்ப்பும் உள்ளது என வானிலை அய்வு மையம் தெரிவித்துள்ளது.

இதையும் படிக்க: பாஜகவின் பிம்பங்களை உடைத்து சவால்களை சாதனைகளாக மாற்றுவாரா அசோக் கெலாட்!!!

புதுச்சேரி நெல்லித்தோப்பு பெரியார் நகர் பகுதியில் 500-க்கும் மேற்பட்ட குடும்பங்கள் வசித்து வருகின்றன. இந்தப் பகுதியில் கடந்த சில நாட்களாக அடிக்கடி அறிவிக்கப்படாத மின்வெட்டு ஏற்பட்டு வந்துள்ளது.

தரமான குடிநீர் இல்லை

அதேபோல் அப்பகுதி மக்களுக்கு தரமான குடிநீர் இல்லை எனவும் கூறப்படுகிறது, இதுகுறித்து சம்பந்தப்பட்ட துறை அதிகாரிகளுக்கு அப்பகுதியை சேர்ந்தவர்கள் பலமுறை புகார்கள் அளித்தும் உரிய நடவடிக்கை எடுக்கப்படவில்லை என தெரிகிறது.

இந்த நிலையில் பெரியார் நகர் பகுதியை சேர்ந்த 100-க்கும் மேற்பட்ட பொதுமக்கள் நெல்லித்தோப்பு சந்திப்பில் இரவு திடீரென சாலை மறியல் போராட்டத்தில் ஈடுபட்டனர். இதனால் அந்த பகுதியில் போக்குவரத்து பாதிக்கப்பட்டது. 

போலீசார் பேச்சுவார்த்தை

இதுகுறித்து தகவல் அறிந்தவுடன் சம்பவ இடத்திற்கு வந்த உருளையன்பேட்டை காவல் நிலைய போலீசார் மற்றும் போக்குவரத்து போலீசார் மறியலில் ஈடுபட்ட பொதுமக்களுடன் பேச்சுவார்த்தை நடத்தினார்கள். ஆனால் போராட்டத்தில் ஈடுபட்டவர்கள் போலீசாரின் சமாதானத்தை ஏற்க மறுத்தனர்.  

இதனிடையே மழை பெய்த நிலையில் பொதுமக்கள் கொட்டும் மழையிலும் போராட்டத்தில் ஈடுபட்டனர், தொடர்ந்து போராட்டத்தில் ஈடுபட்ட 50க்கும் மேற்பட்டவர்களை காவல்துறையினர் கைது செய்து காவல்துறை வாகனத்தில் ஏற்றி அழைத்துச் சென்றனர். பொதுமக்களின் இந்த போராட்டம் காரணமாக நெல்லித்தோப்பு சந்திப்பில் கிட்டத்தட்ட 1 மணி நேரத்திற்கு மேலாக போக்குவரத்து பாதிக்கப்பட்டது.

பொதுமக்களுக்கு பாதிப்பு ஏற்படும் என்பதால் புதுச்சேரியில் நாளை நடைபெறுவதாக இருந்த முழு அடைப்பு போராட்டம் ஒத்திவைக்கப்படுவதாக பெரியார் மற்றும் அம்பேத்கர் இயக்கங்கள் அறிவித்திருந்தன.

விலைவாசி உயர்வு

பெட்ரோல், டீசல், சமையல் எரிவாயு விலை உயர்வுக்கு எதிராக புதுச்சேரியில் நாளை முழு அடைப்பு போராட்டத்திற்கு பெரியாரிய, அம்பேத்கரிய இயக்கங்கள் மற்றும் சில அரசியல் கட்சிகள் அழைப்பு விடுத்திருந்தன. இந்தநிலையில் மாவட்ட ஆட்சியர் வல்லவனுடன் அந்த இயக்கங்களின்   பிரதிநிதிகள் பேச்சுவார்த்தை நடத்தினர்.

முழு அடைப்பு எப்போது?

  பின்னர் செய்தியாளர்களிடம் பேசிய அவர்கள், மக்கள் நலன் கருதி தீபாவளிக்கு    பின்னர் முழு அடைப்பு போராட்டம் நடைபெறும் என்று கூறினர். அதே நேரத்தில் திமுக எம்.  பி.ஆ.ராசாவை கண்டித்து இந்து முன்னணி நாளை மறுநாள் முழு அடைப்பு போராட்டம் நடத்த உள்ளது குறிப்  பிடத்தக்கது.

மன் கி பாத் நிகழ்ச்சியில் உரையாற்றிய பிரதமர் நரேந்திர மோடி, சிறுத்தைகளைப் பார்க்கும் வாய்ப்பு எப்போது கிடைக்கும் என்று பலர் கேட்டுள்ளதாக கூறியுள்ளார்.  அதற்கு பதிலளிக்கும் வகையில் சிறுத்தைகளுக்காக பணிக்குழு அமைக்கப்பட்டுள்ளது எனவும் இங்குள்ள சூழலில் சிறுத்தைகள் எந்த அளவுக்கு ஒன்றுகின்றன என்பது தெரிந்த பிறகே  பொது மக்கள் சிறுத்தைகளைப் பார்க்கும் வாய்ப்பு கிடைக்கும் எனக் கூறியுள்ளார்.

​பிரதமர் மோடி, ”உங்கள் அனைவருக்கும் சில பணிகளை ஒதுக்குகிறேன், இதற்காக, இணையதளத்தில் ஒரு போட்டி நடத்தப்படும், அதில் சில விஷயங்களை பகிர்ந்து கொள்ளுமாறு மக்களை கேட்டுக்கொள்கிறேன். சிறுத்தைகளைப் பற்றி நாங்கள் நடத்தும் பிரச்சாரத்திற்கு என்ன பெயர் வைக்க வேண்டும்” என்று பிரதமர் மக்களிடம் கேட்டுள்ளார். மேலும் ”இந்த பெயர் பாரம்பரிய பெயராக இருந்தால் மிகவும் நன்றாக இருக்கும். ஏனெனில், நமது சமூகம் மற்றும் கலாச்சாரம் மற்றும் பாரம்பரியம் தொடர்பான எதுவும் நம்மை எளிதில் ஈர்க்கிறது.” என்றும் தெரிவித்துள்ளார். 

மேலும் தெரிந்துகொள்க: சுற்றுச்சூழல் நிலைத்தன்மை மீது நம்பிக்கை கொண்டு வந்த ஆஷா!!!யார் அந்த ஆஷா!!!

சிறுத்தைகளுக்கான பெயர்:

சிறுத்தைகளுக்கு பெயர் வைப்பது குறித்தும் பிரதமர் மோடி கேள்வி எழுப்பியுள்ளார். மன் கி பாத் நிகழ்ச்சியில் உரையாற்றிய அவர், ”இந்த சிறுத்தைகள் ஒவ்வொன்றும் எந்த பெயரில் அழைக்கப்பட வேண்டும் என்று நாம் விவாதிக்கலாமா?  இந்த போட்டியில் நீங்கள் கண்டிப்பாக பங்கேற்க வேண்டும் என்று உங்கள் அனைவரையும் கேட்டுக்கொள்கிறேன், வெற்றி பெறுபவர்கள் சிறுத்தைகளை பார்க்கும் முதல் வாய்ப்பு கிடைக்கும் என்பதை உங்களுக்கு தெரிவித்து கொள்கிறேன்.” எனக் கூறியுள்ளார்.

இதையும் படிக்க: உலக மகள்கள் தினத்தில் வாழ்த்துகளை பகிர்ந்து மகள்களே பெருமை கொள்ளுங்கள்!!!