மத்திய நிதியமைச்சர் நிர்மலா சீதாராமன் 2023-24ஆம் ஆண்டுக்கான மத்திய பட்ஜெட்டை தாக்கல் செய்து வருகிறார்.  இவ்வாறான நிலையில், வரவு செலவுத் திட்ட வரலாறு தொடர்பில் மக்கள் மனதில் பல கேள்விகள் எழுந்துள்ளன. 

பட்ஜெட் தொடக்க உரை:

"இது 75வது சுதந்திர ஆண்டில் 100வது சுதந்திர ஆண்டை நோக்கிய இந்தியாவின் முதல் பட்ஜெட்", என்ற வார்த்தைகளுடன் நிதியமைச்சர் நிர்மலா சீதாராமன் மோடி அரசாங்கத்தின் கடைசி முழு பட்ஜெட்டைத் தொடங்கினார்.  இந்தியா பொருளாதாரத்தை ஒரு பிரகாசமான நட்சத்திரமாக உலகம் அங்கீகரித்துள்ளது என்று நிதியமைச்சர் கூறியுள்ளார்.  

நடப்பு நிதியாண்டில் இந்தியாவின் பொருளாதார வளர்ச்சி 7% ஆக உயர்ந்துள்ளது எனவும் இந்தியப் பொருளாதாரம் சரியான பாதையில் பிரகாசமான எதிர்காலத்தை நோக்கிச் செல்கிறது என்று சீதாராமன் தனது பட்ஜெட் உரையில் தெரிவித்துள்ளார்.

-நப்பசலையார்

இதையும் படிக்க:   மத்திய பட்ஜெட் சுவாரஸ்யமான தகவல்கள் இன்று வரை.....

மத்திய அரசின் 2023-24 ஆம் நிதியாண்டுக்கான பட்ஜெட் இன்று தாக்கல் செய்யப்படவுள்ளது. விலைவாசி உயா்வால் பாதிக்கப்பட்டுள்ள நடுத்தர பிரிவினருக்கான சலுகைகள் பட்ஜெட்டில் இடம்பெறும் என எதிா்பாா்க்கப்படுகிறது.

பட்ஜெட் தாக்கல் :

நாடாளுமன்ற பட்ஜெட் கூட்டத்தொடா் நேற்று குடியரசுத்தலைவர் திரவுபதி முர்மு உரையுடன் தொடங்கியது. 2023-24 ஆம் நிதியாண்டுக்கான நிதிநிலை அறிக்கையை மத்திய நிதியமைச்சா் நிா்மலா சீதாராமன் மக்களவையில் இன்று காலை 11 மணிக்கு தாக்கல் செய்ய உள்ளாா். இது அவா் தாக்கல் செய்யும் 5-ஆவது நிதிநிலை அறிக்கையாகவும், பிரதமா் மோடி தலைமையிலான தற்போதைய பாஜக அரசின் கடைசி முழுநேர நிதிநிலை அறிக்கையாகவும் இது அமையும்.  

நாகாலாந்து, மேகாலயம், திரிபுரா, சத்தீஸ்கா், ராஜஸ்தான், மத்திய பிரதேசம், கா்நாடகம், தெலங்கானா, மிஸோரம் ஆகிய 9 மாநில சட்டப்பேரவைகளுக்கு நடப்பாண்டில் தோ்தல் நடைபெறவுள்ளது. அந்த மாநிலங்கள் சாா்ந்த பல்வேறு திட்டங்கள் பட்ஜெட்டில் இடம்பெற வாய்ப்புள்ளது. அடுத்த ஆண்டு மக்களவைத் தோ்தல் நடைபெறவுள்ளதால், நாடு முழுவதும் உள்ள நடுத்தர பிரிவினரை ஈா்ப்பதற்கான திட்டங்கள் பட்ஜெட்டில் இடம்பெறவும் வாய்ப்புள்ளதாக எதிர்ப்பார்க்கப்படுகிறது.

இதையும் படிக்க : எதுக்கு வந்திருகீங்க? யாருக்கு தெரியும்...கட்டாயப்படுத்தி கருத்து கணிப்பு கூட்டத்திற்கு அழைத்து வந்த கட்சியினர்...!

முந்தைய நிதிநிலை அறிக்கைகளைப் போல அரசின் மூலதன செலவின அதிகரிப்பை மையமாகக் கொண்டதாகவே தற்போதைய நிதிநிலை அறிக்கையும் அமையும் என அமைச்சா் நிா்மலா சீதாராமன் ஏற்கெனவே தெரிவித்திருந்தாா்.

அதனடிப்படையில், கட்டமைப்பு வசதிகள் மேம்பாட்டுக்கான பல்வேறு அறிவிப்புகள் வெளியாகவும் வாய்ப்புள்ளது. விலைவாசி உயா்வு உள்ளிட்ட பல்வேறு பொருளாதார பிரச்னைகளால் நடுத்தர பிரிவினா் பெரிதும் பாதிக்கப்பட்டுள்ளனா். அதைக் கருத்தில்கொண்டு வருமான வரி விகிதங்களைக் குறைக்க வேண்டுமென பொருளாதார நிபுணா்கள் கோரியுள்ளனா். 

விவசாயத்தை அடுத்து மனை வணிகத் துறையே அதிக அளவிலான வேலைவாய்ப்புகளை உருவாக்கி வருவதால், வீட்டுக் கடன் பெறுவதற்கான விதிகளிலும் தளா்வுகள் அறிவிக்கப்பட வேண்டுமென கோரிக்கை முன்வைக்கப்பட்டுள்ளது. புத்தாக்க நிறுவனங்கள், குறு, சிறு, நடுத்தர தொழில் நிறுவனங்களின் மேம்பாட்டுக்கான திட்டங்களும் பட்ஜெட்டில் இடம்பெற வாய்ப்புள்ளது.

நாடாளுமன்ற பட்ஜெட் கூட்டத்தொடர், ஆக்கப்பூர்வமாக அமைய எதிர்கட்சிகள் ஒத்துழைக்க வேண்டும் என பிரதமர் மோடி வேண்டுகோள் விடுத்துள்ளார்.

பட்ஜெட் கூட்டத்தொடர்:

2023 முதல் 2024ம் நிதியாண்டிற்கான முதல் பட்ஜெட் கூட்டத்தொடர் இன்று தொடங்கியது.  ஆண்டின் முதல் கூட்டத்தொடர் என்பதால், குடியரசுத்தலைவர் உரையுடன் இரு அவைகளிலும் கூட்டம் தொடங்குவது வழக்கம்.  இதனையொட்டி ராஷ்டிரிய பவனில் இருந்து முப்படை மரியாதையை ஏற்றுக்கொண்டு குண்டுதுளைக்காத காரில் குடியரசுத்தலைவர் திரவுபதி முர்மு நாடாளுமன்றம் சென்றடைந்தார்.

நாட்டிற்கே பெருமை:

முன்னதாக செய்தியாளர்களுக்கு பேட்டியளித்த பிரதமர் மோடி, ஆண்டின் முதல் கூட்டத்தொடரில் பழங்குடியினத்தைச் சேர்ந்த குடியரசுத்தலைவர் உரையாற்றுவது நாட்டிற்கே பெருமை என தெரிவித்தார்.  பெண்களுக்கு உலக அரங்கில் கவுரவத்தை தேடித்தரும் சந்தர்ப்பமாக இது அமைவதாகவும், நாட்டின் எதிர்காலத்தையும் வளர்ச்சியையும் மெய்ப்பிக்கும் வகையில் இந்த பட்ஜெட் அமையும் எனவும் அவர் உறுதியளித்தார்.  இக்கூட்டத்தில் ஆக்கப்பூர்வமான முறையில் எதிர்கட்சிகள் பங்களிக்க வேண்டும் எனவும் அவர் கேட்டுக்கொண்டார்.

-நப்பசலையார்

இதையும் படிக்க:  பாஜகவுடனான உறவு.... ஏலம்.... ஊழல்வாதிகள்.....

ஐஐடி பல்கலைக்கழகத்தின் இயக்குனர் காமகோடி பேசுகையில்,ஆஸ்திரேலியா, சீனா, நெதர்லாந்து உள்ளிட்ட  நாடுகள் டிஜிட்டல் கல்வியில் சிறந்து விளங்குகிறது என்றும்,பிரான்சில் ஆங்கிலத்தில் பாடம் நடத்தினாலும் பிரான்ஸ் மொழியில் மொழிபெயர்க்கும் கருவிகள் பயன்படுத்தப்படுவதாகவும் தெரிவித்துள்ளார்.

தொழில்நுட்ப வளர்ச்சி:

இதற்காக அந்த நாடு பெரும் தொகையை செலவழிக்கிறது என கூறிய அவர், சீனா,நெதர்லாந்து,பிரான்ஸ், ஆஸ்திரேலியா போன்ற நாடுகள் காணொலி வாயிலான வகுப்பறைகளை அதிக அளவில் உருவாக்கி வருவதாகவும், தொழில்நுட்ப வளர்ச்சி மூலம் அந்த நாடுகளில் அனைவருக்கும் கல்வி தங்கு தடை இன்றி வழங்கப்படுகிறது என்றும் குறிப்பிட்டார்.

கொரோனா தொற்று:

தென் ஆப்பிரிக்கா மொரிசியஸ் போன்ற நாடுகளும் தங்களது கல்வி கட்டமைப்புகளை மேம்படுத்த தீவிரம் காட்டி வருவதாக கூறிய அவர், கொரோனா பெருந்தொற்று கல்விக்கு பெரும் சவாலாக இருந்தது என்றும், அந்த நேரத்தில் அனைவருக்கும் கல்வி வழங்கும் கருவியாக தொழில் மட்டுமே விளங்கியதாகவும் தெரிவித்தார்.

உயர்கல்விக்கான தளம்:

இங்கிலாந்து ஆராய்ச்சி படிப்புகளை மேம்படுத்துவதற்கு பெருமளவில் நிதி ஒதுக்கி வருகிறது என்றும், சீனா 20 ஆயிரத்துக்கும் அதிகமான உயர்கல்வி பாடத்திட்டங்களை கொண்டதாக உள்ளது, உயர்கல்வி படிக்கும் தளமாக சீனா மாறி வருவதாகவும் அவர் கூறினார்.

கல்வி சென்று சேர்வதில்:

நெதர்லாந்து மென்பொருள் கல்வியில் அதிக கவனம் செலுத்தி வருவதாக கூறிய அவர்,
பிரான்ஸ் தொழில் முனைவோர் தொடர்பான கருத்தரங்கு பயிற்சி வகுப்புகளை அதிக அளவில் நடத்தி வருகிறது என்றும்,இந்தியா பல்வேறு உயர் கல்வி நிறுவனங்களை உருவாக்கி வருவதோடு, தொழில்நுட்பக் கல்வி மையமாக இந்திய மாறி உள்ளதாகவும், பெரும்பாலான உயர் கல்வி நிறுவனங்கள் சுயநிதி கல்லூரிகளாக உள்ளதால், அனைவருக்கும் கல்வி சென்று சேர்வதில் சிரமம் உள்ளது. 

புதியக் கல்வி கொள்கை:

ஆஸ்திரேலியா சீனா போன்ற நாடுகள் ஸ்மார்ட் எஜுகேஷன் திட்டங்களை ஊக்குவித்து வருகின்றன அதிக அளவில் கல்வியை டிஜிட்டல் மயமாக்கி வருவதாகவும், நெதர்லாந்து, பிரான்ஸ் போன்ற நாடுகளும் டிஜிட்டல் கல்வியை ஊக்குவித்து வருகின்றது என்றும், அதே போல இந்தியா புதிய கல்விக் கொள்கை மூலம் அனைவருக்கும் சமமான தரமான கல்வியை கொடுத்து வருகிறது எனவும் தெரிவித்துள்ளார்.

-நப்பசலையார்

இதையும் படிக்க:  ”அந்த அம்மாவின் கட்சியையே ஏலம் விட்டு கொண்டு.....” முதலமைச்சர் ஸ்டாலின்!!!

நடப்பு நிதியாண்டில் சர்வதேச அளவில் இந்தியப் பொருளாதாரம் 7 சதவீதமாக உயரும் என நிதியமைச்சர் நிர்மலா சீதாராமன் தெரிவித்துள்ளார்.

2023 - 2024ஆம் ஆண்டிற்கான பட்ஜெட்டை, நிதியமைச்சர் நிர்மலா சீதாராமன் நாளை நாடாளுமன்றத்தில் தாக்கல் செய்கிறார். தொடர்ந்து அதற்கு முன்னோட்டமாக பொருளாதார ஆய்வறிக்கையை மக்களவையில் அவர் இன்று தாக்கல் செய்தார். ஆய்வறிக்கை விவரங்களின்படி, 2023 முதல் 2024ம் நிதியாண்டில் இந்தியாவின் வளர்ச்சி 6 புள்ளி 5 சதவீதமாக உயரும் எனவும், உலகிலேயே வேகமாக வளரும் பொருளாதார நாடாக இந்தியா தொடரும் எனவும் அதில் தெரிவிக்கப்பட்டிருந்தது. 

இதையும் படிக்க : பேனா வைப்பதை எதிர்க்கவில்லை...கடலில் வைப்பதையே எதிர்கிறோம்...கருத்துக் கேட்பு கூட்டத்தில் சலசலப்பு!

நடப்பு நிதியாண்டில் இந்தியப் பொருளாதாரம் 7 சதவீதமாக வளரும் எனவும், நிதியாண்டின் இரண்டாம் பாதியில் ஏற்றுமதி வளர்ச்சி மிதமாக இருக்கும் எனவும் அறிக்கையில் கூறப்பட்டிருந்தது. வாங்கும் திறன் சமநிலை அடிப்படையில் உலகின் 3ஆவது பெரிய நாடாகவும், மாற்று விகிதத்தின் அடிப்படையில் 5ஆவது பெரிய நாடாகவும் இந்தியா திகழ்வதாகக் குறிப்பிடப்பட்டிருந்தது. 

கொரோனாவில் இருந்து இந்தியா மீள்வது ஒப்பீட்டளவில் விரைவாக இருந்ததாகவும், உலக அளவில் அசாதாரண சவால்களை இந்தியா திறம்பட கையாண்டதாகவும் அதில் தெரிவிக்கப்பட்டிருந்தது. கடந்த ஆண்டில் ஜனவரி முதல் நவம்பர் மாதம் வரையிலான காலத்தில் சிறுகுறு மற்றும் நடுத்தர தொழில்துறைக்கான கடன் வளர்ச்சி சராசரியாக 30 புள்ளி 5 சதவீதம் வரை அதிகரித்ததாகவும் அறிக்கையில் குறிப்பிடப்பட்டிருந்தது. இதைத்தொடர்ந்து அவைத்தலைவர் உரையுடன் மக்களவையும் மாநிலங்களவையும் நாளை வரை ஒத்திவைக்கப்பட்டது.