முகமது நபிகள் குறித்து சர்ச்சைக்குரிய வகையில் பேசியதாக பா.ஜ.க.வின் நுபுர் சர்மா மீது பல்வேறு இடங்களில் வழக்குகள் தொடரப்பட்டன. இந்நிலையில், நாடு முழுவதும் தனக்கு எதிராக தொடரப்பட்ட பல்வேறு வழக்குகளை உச்சநீதிமன்றத்திற்கு மாற்றக்கோரி நுபுர் சர்மா அண்மையில் மனுத் தாக்கல் செய்திருந்தார். 
 
நுபுர் சர்மாவின் வாதங்களும், வார்த்தைகளும் நீதிமன்றத்தில் நம்பிக்கைக்கு உரியதாக இல்லாததால் மனுவை விசாரிக்க மறுப்பு தெரிவித்த உச்சநீதிமன்ற நீதிபதிகள், நுபுர் சர்மாவின் வார்த்தை நாட்டை தீக்கரையாகி விட்டதாக கடும் கண்டனம் தெரிவித்தனர்.  மேலும், உதய்ப்பூரில் நிகழ்ந்த படுகொலைக்கு இதுபோன்ற பொறுப்பற்ற செயல்களே காரணம் என்றும். ஒரு கட்சியின் செய்தித் தொடர்பாளராக இருப்பதாலேயே எதுவும் பேசிவிட முடியாது எனவும் உச்சநீதிமன்றம் அதிருப்தி தெரிவித்தது. 
 
நுபுர் சர்மா மீது பல்வேறு புகார்கள் பதியப்பட்டுள்ள நிலையில், அதன் மீதான டெல்லி காவல்துறையின் நடவடிக்கை என்ன? என்றும் உச்சநீதிமன்றம் கேள்வி எழுப்பி இருந்தது. மேலும், நுபுர் சர்மா தொலைக்காட்சியில் தோன்றி நாட்டு மக்களிடம் பகிரங்க மன்னிப்பு கோரவேண்டும் என்றும் உச்சநீதிமன்றம் உத்தரவிட்டிருந்தது. 

இந்நிலையில், நுபுர் ஷர்மா வேறு நாடுகளுக்கு தப்பிச் செல்வதை தடுக்கும் வகையில் அவருக்கு எதிராக கொல்கத்தா காவல்துறை லுக் அவுட் நோட்டீஸ் பிறப்பித்துள்ளது. 

போலிச்செய்திகளின் உண்மைத்தன்மையை கண்டறியும் செய்தித்தளமாக அறியப்பட்ட ஆல்ட் நியூஸ் தளத்தின் இணை நிறுவனராக முகமது ஜுபைர் பணியாற்றி வந்தார்.

நுபுர்சர்மாவின் சர்ச்சைக் கருத்தை முதன்முதலில் ஜுபைர் தனது தளத்தில் விமர்சித்த பின்னரே பிரச்னை பூதாகரமானது குறிப்பிடத்தக்கது. இந்நிலையில், கடந்த 2018ம் ஆண்டு இந்துக்களின் மத உணர்வுகளை புண்படுத்தும் வகையில் டுவிட்டர் பதிவு செய்ததாக சமீபத்தில் ஜுபைர் கைது செய்யப்பட்டார். 

இவரின் கைதுக்கு நாடு முழுவதும் பல்வேறு பத்திகையாளர்கள் சங்கங்கள் எதிர்ப்பு தெரிவித்த நிலையில், ஐநாவும் இந்நடவடிக்கையை கண்டித்தது.  தொடர்ந்து அனுமதிக்கப்பட்ட 4 நாட்கள் விசாரணைக் காலம் இன்றுடன் முடிவடைவதைத் தொடர்ந்து, மேலும் 14 நாள் விசாரணைக்கு டெல்லி போலீசார் உயர்நீதிமன்றத்தில் அனுமதி கோரியுள்ளனர்.

உரிய ஆவணங்கள் இன்றி வெளிநாடுகளில் இருந்து நன்கொடை பெற்றது, ஆதாரங்களை அழிக்க முயன்றது, கிரிமினல் சதி உள்ளிட்ட பிரிவுகளின் கீழ் புதிய வழக்குகளும் தற்போது இணைக்கப்பட்டுள்ளது குறிப்பிடத்தக்கது.

மணிப்பூர் மாநிலம் நோனி மாவட்டம், துபுல் ரயில் நிலையம் அருகே இரண்டு நாட்களுக்கு முன்பு பெய்த கனமழையின் காரணமாக நிலச்சரிவு ஏற்பட்டது. இதையடுத்து இந்திய ராணுவம், அசாம் ரைபிள்ஸ் குழுவினர் உள்ளிட்டோர் நிலச்சரிவில் சிக்கியவர்களை மீட்கும் பணியில் ஈடுபட்டுள்ளனர்.

இதில் சிக்கி உயிரிழந்த ராணுவ வீரர்கள் மற்றும் தொழிலாளர்கள் 24 பேரின் உடல்கள் மீட்கப்பட்டுள்ளன. இதுவரை 18 பேர் பாதுகாப்பாக மீட்கப்பட்டு உள்ளதாகவும் தெரிவிக்கப்பட்டுள்ளது. தொடர்ந்து, காணாமல் போன 12 பிராந்திய ராணுவ வீரர்கள் மற்றும் பொதுமக்கள் 26 பேரை தேடும் பணி நடைபெற்று வருகிறது. 

இந்நிலையில் நோனி நிலச்சரிவு மிக மோசமான சம்பவம் எனவும், ராணுவ வீரர்கள் உட்பட 81 பேரின் உயிரை இழந்துள்ளோம் எனவும் மணிப்பூர் முதலமைச்சர் என். பைரேன் சிங் தெரிவித்துள்ளார்.

மேலும், மீட்பு பணி இன்னும் 3 நாட்களுக்கு நீடிக்கும் எனவும் கூறினார். தொடர்ந்து இந்த விபத்தில் பலியானோர் குடும்பத்துக்கு தலா 5 லட்சம் ரூபாயும், காயம் அடைந்தவர்களுக்கு தலா 50 ஆயிரம் ரூபாயும் நிவாரணம் வழங்கப்படும் என மணிப்பூர் முதல்வர் அறிவித்துள்ளார்.

டெல்லியில் இருந்து ஜாபல்பூர் நோக்கி சென்ற ஸ்பைஸ்ஜெட் விமானத்தினுள் திடீரென புகை சூழ்ந்ததால் விமானத்தை உடனடியாக டெல்லிக்கு திருப்பி தரையிரக்கம் செய்யப்பட்டது. 

டெல்லியில் இருந்து ஜபல்பூர் நோக்கி இன்று சென்ற ஸ்பைஸ்ஜெட் விமானம் சுமார் 5 ஆயிரம் அடி உயரத்தில் பறந்து கொண்டிருந்த நிலையில் திடீரென விமானத்தின் கேபினில் இருந்து புகை வரத் தொடங்கி உள்ளது.

இதனை கண்டு விமான பணியில் இருந்த ஊழியர்கள் அதிர்ச்சியடைந்து விமானத்தை ஜபல்பூர் நோக்கி செலுத்தாமல் புறப்பட்ட இடத்துக்கே திருப்பி டெல்லியில் பத்திரமாக தரையிரக்கம் செயப்பட்டுள்ளது. இதில் பயணித்த பயணிகள் அனைவரும் பாதுகாப்பாக மீட்கப்பட்டனர், இந்த தகவல்கள் அனைத்தும் ஸ்பைஸ்ஜெட்  சார்பில் தெரிவிக்கப்பட்டுள்ளது என்பது குறிப்பிடத்தக்கது.  

#WATCH | A SpiceJet aircraft operating from Delhi to Jabalpur returned safely to the Delhi airport today morning after the crew noticed smoke in the cabin while passing 5000ft; passengers safely disembarked: SpiceJet Spokesperson pic.  twitter.com/R1LwAVO4Mk

— ANI (@ANI) July 2, 2022

பழங்குடியினர் கின்னவுர் மாவட்டத்தின் கல்பாவில் அமைந்திருக்கும் அவரது இல்லத்தில் குடும்பத்தினர் மற்றும் உள்ளூர் கிராம மக்கள் , நிர்வாக அதிகாரிகள் என அனைவரும் ஒன்றிணைந்து ஷியாம் சரண் நேகிக்கு கேக் வெட்டி 105 வது பிறந்தநாளை சிறப்பாக கொண்டாடியுள்ளனர். 

இதனை தொடர்ந்து கின்னார் துணை ஆணையர் அபித் உசேன் சாதிக், நேகியின் பிறந்தநாளை இன்னமும் சிறப்பாக கொண்டாட ஏற்பாடுகளை செய்து, நேகி இமாச்சல பிரதேசத்துக்கு மட்டும் பெருமையைத் தேடித்தரவில்லை முழு நாட்டிற்கும் பெருமையைத் தேடி கொடுத்தவர் என்றார்.

இதையடுத்து நேகியின் மகன் வினய் கூறுகையில் எனது தந்தை மகிழ்ச்சியானவர் மற்றும் இதயப்பூர்வமானவர், அவருக்கு நினைவாற்றல் தான் சற்று பலவீனமாக உள்ளது. எனது தந்தை தன் வாழ்நாளில் இவ்வளவு பெருமையை அடைந்ததை எண்ணி நான் மிகவும் பெருமைப்படுகிறேன் என்றார். இந்த பிறந்தநாள் விழாவில் காவல்துறை கண்காணிப்பாளர் , கல்பா எஸ்டிஎம்,  பாஜக பொதுச்செயலாளர் , கல்பா பஞ்சாயத்து பிரதான் உள்ளிட்டோர் கலந்து கொண்டு நேகியை வாழ்த்தியுள்ளனர். 

ஷியாம் சரண் நேகி 1951 ஆம் ஆண்டு இமாச்சல பிரதேசத்தின் கின்னவுர் மாவட்டத்தில் தனது  வாக்குரிமையை பயன்படுத்தி சுதந்திர இந்தியாவின் முதல் வாக்காளர் வரலாற்றைப் படைத்தவராவார்.  இவர் ஜூலை 1, 1917 ல் பிறந்தவர் அரசுப்பள்ளியில் ஆசிரியராக இருந்த காரணத்தால் முதலில் தேர்தல் பணிகளுக்கு நியமிக்கப்பட்டு வந்தார்.

இதனை தொடர்ந்து நேகி தனது கிராமத்தின் வாக்குச்சாவடி கட்சியினரிடம் வாக்களிக்க அனுமதிக்குமாறு கோரிக்கை வைத்தார். இவரின் கோரிக்கையை ஏற்ற சம்மந்தப்பட்ட அதிகாரி, நேகியை முதல் வாக்களர் ஆக அனுமதித்தார். அப்போது முதல் தற்போது வரை பஞ்சாயத்து தேர்தல் மற்றும் மக்களவைத் தேர்தலின் போது வாக்களிக்கும் வாய்ப்பை ஒரு போதும் தவறவிட்டதில்லை.