காங்கிரஸ் கட்சிக்கு முழு நேர தலைமை வேண்டும் என, காங்கிரஸ் எம்.பி. சசிதரூர் கோரிக்கை விடுத்துள்ளார்.

கேரள மாநிலம் கொச்சியில் செய்தியாளர்களிடம் பேசிய அவர், சோனியா காந்தியின் தலைமையை தாங்கள் அனைவரும் விரும்புவதாக குறிப்பிட்டுள்ளார்.  ஆனால் அவர் இடைக்கால தலைவராகத்தான் இருக்கிறார் என்றும், 2 ஆண்டுகளாக முழுநேர தலைவர் இல்லாமல் கட்சி செயல்படுவதாகவும் தெரிவித்துள்ள சசிதரூர், கட்சி கட்டமைப்புக்கு புத்துணர்ச்சியை உண்டாக்க முழுநேர தலைவரை நியமிக்க வேண்டும் என கூறியுள்ளார்.

இந்த கோரிக்கையை காங்கிரஸ் தலைவர்கள் அனைவருமே விடுத்து வருவதாக சுட்டிக் காட்டியுள்ள அவர், ராகுல்காந்தி தலைமையில் புதிய தலைமை உருவெடுக்கும் என நம்புவதாகவும், அது விரைவில் நிகழ வேண்டும் எனவும் தெரிவித்துள்ளார்.

பஞ்சாப் காங்கிரஸ் தலைவர் சித்துவுக்கும் முதலமைச்சர் அம்ரீந்தர் சிங்கிற்கும் வெகு காலமாக மோதல்போக்கு நிலவி வந்தது. இருவரும் பொதுவெளியில் ஒருவரையொருவர் மாறிமாறி விமர்சித்து  வந்தனர். இந்நிலையில் 
தனது ஆதரவு எம்.எல்.ஏ.க்களுடன் தனது வீட்டில் ஆலோசனை நடத்திய அமரீந்தர் சிங், முதலமைச்சர் பதவியை ராஜினாமா செய்தார். சண்டிகரில் உள்ள ஆளுநர் மாளிகைக்கு சென்ற அவர், தனது ராஜினாமா கடிதத்தை ஆளுநர் பன்வாரிலால் புரோகித்திடம் வழங்கினார்.

இதனைத் தொடர்ந்து செய்தியாளர்களை சந்தித்த அவர், தான் பதவி விலகுவது குறித்து காங்கிரஸ் தலைவரிடம் ஏற்கனவே தகவல் தெரிவித்து விட்டதாகக் கூறினார். மேலும் தனக்கு தகவல்  தெரிவிக்காமல் மூன்றாவது முறையாக எம்.எல்.  ஏக்கள் கூட்டத்தை கூட்டியுள்ளதாகவும் அதனால் தான் மனவேதனை அடைந்ததாகவும் அவர் குற்றஞ்சாட்டினார். 

இதனைத் தொடர்ந்து சண்டிகரில் உள்ள அக்கட்சி தலைமையகத்தில் எம்.எல்.ஏக்கள் கூட்டம் நடைபெற்றது. அமரீந்தர் சிங் ஆதரவு எம்.எல்.ஏக்கள் உள்பட 75 பேர் இந்தக் கூட்டத்தில் கலந்து கொண்டனர். இந்தக் கூட்டத்தில், முன்னாள் முதலமைச்சர் அமரீந்தர் சிங்கின் சிறப்பான செயல்பாடுக்கு பாராட்டு தெரிவிக்கப்பட்டது. மேலும் புதிய முதலமைச்சரை தேர்ந்தெடுப்பதற்கு அக்கட்சியின் இடைக்காலத் தலைவர் சோனியா காந்திக்கு அதிகாரம் வழங்கி தீர்மானம் நிறைவேற்றப்பட்டது.

ஜார்க்கண்டில் விஸ்வகர்மா சிலையை கரைத்தபோது நீரில் மூழ்கி சிறுமி உள்பட 7 பெண்கள் பரிதாபமாக உயிரிழந்துள்ளனர். பாதிக்கப்பட்டவர்களின் குடும்பத்தினருக்கு, குடியரசுத் தலைவர், பிரதமர், முதலமைச்சர் உள்ளிட்டோர் ஆழ்ந்த இரங்கலை தெரிவித்துள்ளனர்.

நவராத்திரி கடைசி நாளில் சரஸ்வதி - ஆயுத பூஜை கொண்டாடுவதுபோல், வட இந்திய மாநிலங்களான, திரிபுரா, அசாம், பீகார், ஜார்கண்ட், மேற்கு வங்கம், ஒடிசா ஆகிய மாநிலங்களில் விநாயக சதுர்த்தி முடிந்த சில நாட்களுக்குப் பிறகு வெகு கோலாகலமாக வணங்கப்படும் ஆயுத பூஜை விழாவுக்கு விஸ்வகர்மா பூஜை என்று பெயர். புராண கால தேவலோகச் சிற்பி, சிறந்த கட்டடக்கலை நிபுணர், பொறியியல் வல்லுநர், தொழில் படைப்பாற்றலுக்கானத் தெய்வம் என அழைக்கப்படுபவர் விஸ்வகர்மா. 

இந்தநிலையில்,  ஜார்க்கண்டின் லத்தேர் மாவட்டம், பிக்ரு கிராமத்தில் உள்ள குளம் ஒன்றில் நேற்று விஸ்வகர்மா சிலையை கரைத்தபோது சிறுமி உள்பட 7 பெண்கள் நீரில் மூழ்கி  உயிரிழந்தனர். தகவல் அறிந்து சம்பவ இடத்துக்கு வந்த மீட்புக்குழுவினர் மீட்பு நடவடிக்கையில் ஈடுபட்டனர்.  காயமடைந்தவர்களை மீட்டு உடனடியாக பாலுமத்தில் உள்ள மருத்துவமனையில் சிகிச்சைக்காக அனுமதிக்கப்பட்டனர். இந்த சம்பவம் அப்பகுதி மக்களிடையே பெரும் சோகத்தை ஏற்படுத்தியுள்ளது. 

இதனிடையே நீரில் மூழ்கி உயிரிழந்த சிறுவர்களின் குடும்பத்தினருக்கு குடியரசுத் தலைவர் ராம்நாத் கோவிந்த், பிரதமர் மோடி, ஜார்க்கண்ட் முதலமைச்சர் ஆகியோர் இரங்கல் தெரிவித்துள்ளனர்.

பஞ்சாப் காங்கிரஸ் கட்சிக்குள் ஏற்பட்ட கோஷ்டி பூசலால், தனது முதலமைச்சர் பதவியை அமரீந்தர் சிங் ராஜினாமா செய்துள்ளார்.

பஞ்சாப் காங்கிரஸ் தலைவர் சித்துவுக்கும் முதலமைச்சர் அம்ரீந்தர் சிங்கிற்கும் வெகு காலமாக மோதல்போக்கு நிலவி வந்தது. இருவரும் பொதுவெளியில் ஒருவரையொருவர் மாறிமாறி விமர்சித்து  வந்தனர். இந்நிலையில் 
தனது ஆதரவு எம்.எல்.ஏ.க்களுடன் தனது வீட்டில் ஆலோசனை நடத்திய அமரீந்தர் சிங், முதலமைச்சர் பதவியை ராஜினாமா செய்தார். சண்டிகரில் உள்ள ஆளுநர் மாளிகைக்கு சென்ற அவர், தனது ராஜினாமா கடிதத்தை ஆளுநர் பன்வாரிலால் புரோகித்திடம் வழங்கினார். இதனைத் தொடர்ந்து செய்தியாளர்களை சந்தித்த அவர், தான் பதவி விலகுவது குறித்து காங்கிரஸ் தலைவரிடம் ஏற்கனவே தகவல் தெரிவித்து விட்டதாகக் கூறினார். மேலும் தனக்கு தகவல்  தெரிவிக்காமல் மூன்றாவது முறையாக எம்.எல்.ஏக்கள் கூட்டத்தை கூட்டியுள்ளதாகவும் அதனால் தான் மனவேதனை அடைந்ததாகவும் அவர் குற்றஞ்சாட்டினார். 

இதனைத் தொடர்ந்து சண்டிகரில் உள்ள அக்கட்சி தலைமையகத்தில் எம்.எல்.ஏக்கள் கூட்டம் நடைபெற்றது. அமரீந்தர் சிங் ஆதரவு எம்.எல்.ஏக்கள் உள்பட 75 பேர் இந்தக் கூட்டத்தில் கலந்து கொண்டனர். இந்தக் கூட்டத்தில், முன்னாள் முதலமைச்சர் அமரீந்தர் சிங்கின் சிறப்பான செயல்பாடுக்கு பாராட்டு தெரிவிக்கப்பட்டது. மேலும் புதிய முதலமைச்சரை தேர்ந்தெடுப்பதற்கு அக்கட்சியின் இடைக்காலத் தலைவர் சோனியா காந்திக்கு அதிகாரம் வழங்கி தீர்மானம் நிறைவேற்றப்பட்டது.

நேற்று பிரதமர் மோடியில் பிறந்த நாளையொட்டி, மத்திய சுகாதாரத்துறை சார்பில் நாடு முழுவதும் இரண்டரை கோடி தடுப்பூசிகள் செலுத்தப்பட்டு புதிய சாதனை படைக்கப்பட்டுள்ளது. இதற்கு எதிர்கட்சியினர் பல்வேறு விமர்சனங்களை முன்வைத்து வருகின்றனர். எதிர்கட்சிகளின் விமர்சனத்துக்கு சுகாதார ஊழியர்களுடன் காணொலி உரையாடலின் போது பிரதமர் மோடி தக்க பதிலடி கொடுத்துள்ளார்.கோவா மாநில சுகாதார ஊழியர்களுடன் கொரோனா மற்றும் தடுப்பூசி நிலை குறித்து காணொலி வாயிலாக பிரதமர் மோடி இன்று கலந்துரையாடினார்.   

அப்போது, தடுப்பூசி செலுத்திக் கொள்ளும் பயனாளிகளுக்கு பக்கவிளைவுகள் ஏற்படுவதாக கேள்விப்பட்டிருக்கிறேன் என்றும், ஆனால் நாடு முழுவதும் நேற்று ஒரே நாளில் இரண்டரை கோடி தடுப்பூசிகள் செலுத்தப்பட்டுள்ளதன் விளைவாக எதிர்கட்சியினருக்கு காய்ச்சல் ஏற்பட்டுள்ளதை தற்போது தான் முதல் முறையாக கேள்விப்படுகிறேன் எனவும் தெரிவித்தார்.  

மேலும் தடுப்பூசி செலுத்தப்பட்டதற்கும் எதிர்கட்சிகளின் காய்ச்சலுக்கும் ஏதேனும் தொடர்பு இருக்கிறதா என சுகாதார ஊழியர் ஒருவரிடம் பிரதமர் கேள்வி எழுப்ப அதற்கு பதிலளிக்க முடியாமல் அந்த சுகாதார ஊழியர் திகைத்தார். தொடர்ந்து பேசிய மோடி, நேற்றைய சாதனைக்கு உறுதுணையாக நின்ற மருத்துவர்கள் மற்றும் சுகாதார  ஊழியர்கள் மட்டுமின்றி, மக்களையும் பாராட்டுவதாகவும் கூறினார்.