மேற்குவங்கத்தில் ராமநவமி ஊர்வலத்தின்போது கலவரம் நடைபெற்ற அதே இடத்தில், இன்றும் கல்வீச்சு சம்பவம் அரங்கேறியதால் போலீசார் குவிக்கப்பட்டனர். 

ராமநவமியையொட்டி, மாநிலம் முழுவதும் பல்வேறு பகுதிகளில் பேரணி நடத்த பாஜக மற்றும் ஆர்எஸ்எஸ் திட்டமிட்டிருந்தது. இந்நிலையில் ஹவுராவின் ஷிப்பூர் பகுதியில் நடைபெற்ற ஊர்வலத்தில் இரு தரப்பினரிடையே மோதல் ஏற்பட்டது. மசூதியின் நடவடிக்கைகளுக்கு அச்சுறுத்தல் ஏற்படுத்தி, இஸ்லாமியர்களை தாக்கியதாகவும் கூறப்படுகிறது.

இதையும் படிக்க : வேல்முருகனின் கேள்விக்கு கடுப்படைந்த அமைச்சர் எம்.ஆர்.கே....!

தொடர்ந்து போலீஸ் வாகனங்களை தீயிட்டுக் கொளுத்தியும் கடைகளை சூறையாடியும் கலவரம் அரங்கேறியது. இதுதொடர்பான வீடியோ வெளியாகி, 36 பேர் கைது செய்யப்பட்ட நிலையில், போலீஸ் பாதுகாப்பு அதிகரிக்கப்பட்டது.

தொடர்ந்து அதையும் மீறி அப்பகுதியில் இன்று இரு தரப்பினர் கல்வீச்சு தாக்குதலில் ஈடுபட்டதால், போலீசார் தடியடி நடத்தினர். தொடர்ந்து அப்பகுதியில் ஏராளமான போலீசார் குவிக்கப்பட்டுள்ளனர். குறிப்பிட்ட சமூகத்தினர் மட்டும், ஊர்வலத்தின்போது குறிவைக்கப்பட்டதாக முதலமைச்சர் மம்தா பானர்ஜி குற்றம் சாட்டியுள்ளார்.

சத்தீஸ்கரில் படித்த இளைஞர்களுக்கு நாளை முதல் மாதந்தோறும் 2 ஆயிரத்து 500 ரூபாய் உதவித்தொகை வழங்கப்படுமென்று அம்மாநில முதலமைச்சர் பூபேஷ் பாகேல் தெரிவித்துள்ளார். 

நாடு முழுவதும் வேலையில்லா திண்டாட்டம் என்பது நாளுக்கு நாள் அதிகரித்து வருகிறது.  இதன் காரணமாக இளைஞர்கள் கடும் மன உளைச்சலுக்கு ஆளாகி வருகின்றனர்.  இதனால் பல மாநிலங்களிலும் வேலையில்லாமல் திண்டாடி வரும் இளைஞர்களுக்காக பல புதிய திட்டங்கள் முன்னெடுக்கப்பட்டு செயல்படுத்தப்பட்டு வருகின்றன.

இந்த நிலையில், சத்தீஸ்கரில் நாளைத்தொட்டு படித்த இளைஞர்களுக்கு வேலையின்மை உதவித்தொகையாக  2 ஆயிரத்து 500 ரூபாய் வழங்கப்படும் என்று அம்மாநிலத்தின் முதலமைச்சர் பூபேஷ் பாகேல் அவரது ட்விட்டர் பக்கத்தில் பதிவிட்டுள்ளார்.

இதையும் படிக்க:   பொருளாதாரத்தில் சிறந்து விளங்கும் ராஜஸ்தான்....!!

அரசு இவ்வளவு திட்டங்களை ஏன் செயல்படுத்துகின்றன என்று சிலர் விமர்சிப்பதாக 
ராஜஸ்தான் முதலமைச்சர் அசோக் கெலாட் தெரிவித்துள்ளார். 

ராஜஸ்தானில் நடந்த நிகழ்ச்சி ஒன்றில் கலந்து கொண்டு பேசினார் அம்மாநிலத்தின் முதலமைச்சர் அசோக் கெலாட்.  அப்போது பேசியி அவர், கல்வி, மருத்துவம், காப்பீடு, குடிநீர், மின்சாரம், ரேசன் உள்ளிட்ட பலவற்றில் இலவச சேவைகள் வழங்கப்பட்டு வருவதாக கூறினார்.  

அரசு இவ்வளவு திட்டங்களை ஏன் செயல்படுத்துகின்றன என்று சிலர் விமர்சிப்பதாகவும் இவ்வளவு திட்டங்கள் இருந்தும் பொருளாதாரத்தில் ராஜஸ்தான் 2வது இடத்தில் இருப்பது எப்படி என்று மக்கள் ஆச்சரியப்படுவதாகவும் குறிப்பிட்டு பேசினார் முதலமைச்சர் அசோக் கெலாட்.

இதையும் படிக்க:   ”இந்தியாவின் உண்மையான அளவு மிகப் பெரியது.....” சட்ட அமைச்சர்!!

இந்தியாவின் உண்மையான அளவு மிகப் பெரியது என்பது யாருக்கும் தெரியாது என்று மத்திய சட்டத்துறை அமைச்சர் கிரண் ரிஜிஜு தெரிவித்துள்ளார். 

இந்தியாவைக் குறித்த நிகழ்ச்சி ஒன்றில் கலந்து கொண்டு பேசினார் இந்தியாவின் சட்டத்துறை அமைச்சர் கிரண் ரிஜ்ஜு.  நிகழ்ச்சியில் கலந்து கொண்டு பேசியபோது இந்தியாவின் அளவு மிகப்பெரியது எனத் தெரிவித்தார்.  அதாவது கந்தஹார், தக்ஷஷிலா, இந்தோனேசியா மற்றும் இமயமலைக்கு அப்பால் இந்தியா செல்வாக்கு பெற்றிருந்ததாக கூறினார். 

தொடர்ந்து பேசிய அவர் இந்தியா தற்போதைய நிலைக்கு தள்ளப்பட்டதற்கும் நாம் தற்போதைய நிலைக்கு தள்ளப்பட்டதற்கும் பல காரணங்கள் இருப்பதாகவும் குறிப்பிட்டு பேசினார்.  அமைச்சர் கிரண் ரிஜ்ஜு இவ்வாறு பேசியது காங்கிரஸ்ஸை குறித்தே என அரசியல் வட்டாரத்தில் பேசப்பட்டு வருகிறது. 

இதையும் படிக்க:   பக்தர்களுக்கு அருள்பாலித்த பஞ்சமூர்த்திகள்...!!

தமிழ்நாட்டை சேர்ந்த நீதிபதி டி.எஸ்.சிவஞானத்தை கொல்கத்தா உயர்நீதிமன்ற பொறுப்பு தலைமை நீதிபதியாக நியமித்து குடியரசு தலைவர்  திரவுபதி முர்மு உத்தரவிட்டுள்ளார். 

இந்நிலையில், கொல்கத்தா உயர்நீதிமன்ற தலைமை நீதிபதியாக உள்ள பிரகாஷ் ஸ்ரீவத்சவா நேற்றுடன் ஓய்வு பெற்றார்.  இதையடுத்து மூத்த நீதிபதியாக உள்ள சிவஞானத்தை அடுத்த தலைமை நீதிபதியாக நியமிக்க உச்சநீதிமன்ற கொலிஜியம் பரிந்துரைத்தது.  இதை ஏற்று கொல்கத்தா உயர்நீதிமன்ற பொறுப்பு தலைமை நீதிபதியாக சிவஞானத்தை குடியரசு தலைவர் நியமித்தார். 

இதையும் படிக்க:  தள்ளி வைக்கப்பட்ட ஓபிஎஸ் வழக்கு இன்று விசாரணை...!!