நாட்டின் ஜனநாயகம் தங்கள் குடும்பத்தினரின் ரத்தத்தால் வளர்க்கப்பட்டதாக, டெல்லி காங்கிரஸ் சத்தியாகிரகப் போராட்டத்தில் பிரியங்கா காந்தி ஆவேசத்துடன் தெரிவித்துள்ளார்.

எல்லா சமூகத்தினரின் பெயரும் மோடி என்றே முடிவதாக, 2019ம் ஆண்டு கர்நாடகாவில் காங்கிரஸ் பொதுக்கூட்டத்தில் ராகுல்காந்தி பேசினார். இதனால் மோடி சமூகத்தினரை ராகுல்காந்தி அவமதித்ததாக, பாஜக எம்எல்ஏ தொடர்ந்த வழக்கில் அவருக்கு 2 ஆண்டுகள் சிறைத்தண்டனை விதித்து சூரத் நீதிமன்றம் உத்தரவிட்டது. இதையடுத்து அவரது எம்பி பதவி, நீக்கம் செய்யப்படுவதாக மக்களவை செயலகம் அறிவித்தது. 

இதற்கு நாடு முழுவதும் காங்கிரஸ் தலைவர்கள் எதிர்ப்பு தெரிவித்த நிலையில், நாடு முழுவதும் ஒருநாள் சத்தியாகிரகப் போராட்டத்தை காங்கிரஸ் அறிவித்தது. தொடர்ந்து டெல்லி ராஜ்கட்டில் காங்கிரஸ் தலைவர் மல்லிகார்ஜூன கார்கே தலைமையில் 144 தடை உத்தரவையும் மீறி போராட்டம் நடைபெற்றது. இதில் பிரியங்கா காந்தி, ஜெய்ராம் ரமேஷ், கே.சி.வேணுகோபால் உள்ளிட்ட மூத்த தலைவர்கள் கலந்து கொண்டனர். 

இதையும் படிக்க : பிறந்து ஒரு வாரமே ஆன பச்சிளம் குழந்தை கடத்தல்...திருப்பூரில் பரபரப்பு!

கூட்டத்தில் பேசிய மல்லிகார்ஜூன கார்கே, நாடு முழுவதும் இனி சத்தியாகிரகங்கள் தொடரும் என குறிப்பிட்டார். ராகுல்காந்தி தேசத்திற்காகவே எப்போதும் போராடியதாகவும், கர்நாடகாவில் வழக்குப்பதிவு செய்ய தைரியம் இல்லாததாலேயே, குஜராத்திற்கு வழக்கை பாஜக மாற்றியதாகவும் அவர் குற்றம்சாட்டினார்.

தொடர்ந்து பேசிய பிரியங்கா காந்தி, தனது சகோதரர் நாடாளுமன்றத்தில் பிரதமர் மோடியை கட்டிப்பிடித்து எந்த வெறுப்பும் உங்கள் மீது இல்லை என குறிப்பிட்டதாகக் கூறினார். நாடாளுமன்றத்தில் தனது தந்தை அவமதிக்கப்பட்டதாகவும், ஆளுங்கட்சி அமைச்சர்கள் தனது தாயை அவமானப்படுத்துவதாகவும் அவர் குற்றம்சாட்டினார். அவர்கள் ஒருநாளும் நாடாளுமன்றத்தில் இருந்து தகுதிநீக்கம் செய்யப்படுவதில்லை எனவும் நாட்டிற்காக போராடியதற்காக தனது குடும்பத்தினர் வெட்கப்பட வேண்டுமா என கேள்வியெழுப்பிய அவர், தேசத்தின் ஜனநாயகம் தங்கள் குடும்பத்தினரின் ரத்தத்தால் வளர்க்கப்பட்டதாகக் கூறினார்.

டெல்லி ராஜ்கட்டில் போலீசாரின் தடையையும் மீறி ராகுல்காந்திக்கு ஆதரவாக மல்லிகார்ஜுன கார்கே, பிரியங்கா காந்தி உள்ளிட்டோர் பங்கேற்புடன் காங்கிரஸ் கட்சி போராட்டத்தைத் தொடங்கியுள்ளது.

எல்லா திருடர்களின் பெயரும் மோடி என்றே முடிவதாக, 2019ம் ஆண்டு கர்நாடகாவில் காங்கிரஸ் பொதுக்கூட்டத்தில் ராகுல்காந்தி பேசினார். இதனால் மோடி சமூகத்தினரை ராகுல்காந்தி அவமதித்ததாக, பாஜக எம்எல்ஏ தொடர்ந்த வழக்கில் ராகுல்காந்திக்கு 2 ஆண்டுகள் சிறைத்தண்டனை விதித்து சூரத் நீதிமன்றம் உத்தரவிட்டது. இதையடுத்து அவரது எம்பி பதவி, நீக்கம் செய்யப்படுவதாக மக்களவை செயலகம் அறிவிப்பு வெளியிட்டது. 

இதற்கு நாடு முழுவதும் காங்கிரஸ் தலைவர்கள் எதிர்ப்பு தெரிவித்த நிலையில், டெல்லி ராஜ்கட்டில் ஒருநாள் சத்தியாகிரகப் போராட்டத்தை காங்கிரஸ் அறிவித்தது. காங்கிரஸ் தலைவர் மல்லிகார்ஜூன கார்கே, பிரியங்கா காந்தி, ஜெய்ராம் ரமேஷ், கே.சி.  வேணுகோபால் உள்ளிட்டோர் முன்னதாக கார்கே வீட்டில் ஆலோசனையை முடித்துக்கொண்டு போராட்டத்திற்கு புறப்பட்டனர். 

இதையும் படிக்க : அதிகாரத்திமிரின் உச்சம்! – கண்டனம் தெரிவித்துள்ள சீமான்

தொடர்ந்து ராஜ்கட்டில் ஏராளமான போலீசார் குவிக்கப்பட்ட நிலையில், பாதுகாப்பு கருதி 144 தடை உத்தரவு பிறப்பிக்கப்படுவதாக அறிவிக்கப்பட்டது. இந்நிலையில் தடையையும் மீறி மல்லிகார்ஜுன கார்கே தலைமையில் காங்கிரசார் போராட்டத்தைத் தொடர்ந்துள்ளனர். 

முன்னதாக இதுகுறித்து பேட்டியளித்த கார்கே, ராகுல்காந்தியை பாஜக பேசவிடுவதில்லை என குற்றம்சாட்டினார். தேசத்திற்காகவும், பொதுமக்களின் உரிமைக்காகவும் போராடும் ராகுலுக்கு ஆதரவாக சத்தியாகிரகம் தொடர்வதாகவும் குறிப்பிட்டார்.

ஒரே நேரத்தில் 36 செயற்கைக்கோள்கள் இஸ்ரோவின் எல்.வி.எம் 3 - எம் 3 ஏவுகணை மூலம் ஸ்ரீஹரிகோட்டாவில் இருந்து வெற்றிகரமாக இன்று விண்ணில் பாய்ந்தது.

நாட்டின் வளர்ச்சிக்காகவும், தொலைத்தொடர்புக்காகவும் செயற்கைக்கோள்கள் விண்ணில் செலுத்தப்பட்டு வந்த நிலையில், உலக அளவில் வளர்ந்த நாடுகள் இதனை மாற்றி வணிகப் பயன்பாட்டிற்கு செயற்கைக்கோள்களை செலுத்தி வருகிறது. அந்த வகையில் இஸ்ரோவின் வணிகப்பிரிவான 'நியூ ஸ்பேஸ் இந்தியா நிறுவனம்' வணிக நோக்கில் வெளிநாட்டு மற்றும் தனியார் செயற்கைக்கோள்களை விண்ணில் செலுத்தி வருகிறது. 

அதன் ஒரு பகுதியாக பிரிட்டனை மையமாக கொண்டு செயல்படும் உலகின் முன்னணி தொலைத் தொடா்பு நிறுவனங்களில் ஒன்றான ஒன் வெப் நிறுவனமானது, தனது 72 செயற்கை கோள்களை விண்ணில் செலுத்த இஸ்ரோவின் நியூ ஸ்பேஸ் இந்தியா நிறுவனத்துடன் புரிந்துணர்வு ஒப்பந்தம் போட்டது. அதனடிப்படையில், கடந்த ஆண்டு அக்டோபர் மாதம் முதற்கட்டமாக ஒன்வெப் நிறுவனத்தின் 36 செயற்கை கோள்களை எல்விஎம்- 3 ராக்கெட் மூலம் வெற்றிகரமாக விண்ணில் செலுத்தப்பட்டது.

அதனை தொடர்ந்து இரண்டாம் மற்றும் கடைசி கட்டமாக மேலும் 36 செயற்கைக்கோள்கள் ராக்கெட் மூலம் ஆந்திர மாநிலம் ஸ்ரீஹரிகோட்டாவில் உள்ள சதீஸ்தவான் ஏவுதளத்தில் இருந்து இன்று விண்ணில் செலுத்தப்பட இருந்தது. மொத்தம் 5 ஆயிரத்து 805 கிலோ எடை கொண்ட 36 செயற்கை கோள்களும் 450 கிலோ மீட்டா் தொலைவில் தாழ்வான புவி வட்டப்பாதையில் 87 புள்ளி 4 டிகிரி கோணத்தில் நிலைநிறுத்தப்பட உள்ளன. ஏற்கனவே, ஒரே நேரத்தில் 36 செயற்கை கோள்களை விண்ணில் செலுத்தி அவற்றை துல்லியமாக நிலைநிறுத்தி வரலாற்று வெற்றியை பெற்ற இஸ்ரோ நிறுவனம், தற்போது அதே எல்.வி.எம். 3 ராக்கெட் மூலம் மீண்டும் 36 செயற்கை கோள்களை விண்ணில் செலுத்தி வணிக ரீதியாக வெற்றி பெற தயாராகி வருகிறது. 

இந்நிலையில் இஸ்ரோவின் எல்.வி.எம் 3 - எம் 3 ஏவுகணை 36 செயற்கைக்கோள்களை கொண்டு வெற்றிகரமாக விண்ணில் பாய்ந்தது.

ஒரே நேரத்தில் 36 செயற்கைக்கோள்கள் இஸ்ரோவின் எல்.வி.எம் 3 - எம் 3 ஏவுகணை மூலம் ஸ்ரீஹரிகோட்டாவில் இருந்து இன்று விண்ணில் ஏவப்படுகிறது.

நாட்டின் வளர்ச்சிக்காகவும், தொலைத்தொடர்புக்காகவும் செயற்கைக்கோள்கள் விண்ணில் செலுத்தப்பட்டு வந்த நிலையில், உலக அளவில் வளர்ந்த நாடுகள் இதனை மாற்றி வணிகப் பயன்பாட்டிற்கு செயற்கைக்கோள்களை செலுத்தி வருகிறது. அந்த வகையில் இஸ்ரோவின் வணிகப்பிரிவான 'நியூ ஸ்பேஸ் இந்தியா நிறுவனம்' வணிக நோக்கில் வெளிநாட்டு மற்றும் தனியார் செயற்கைக்கோள்களை விண்ணில் செலுத்தி வருகிறது. 

அதன் ஒரு பகுதியாக பிரிட்டனை மையமாக கொண்டு செயல்படும் உலகின் முன்னணி தொலைத் தொடா்பு நிறுவனங்களில் ஒன்றான ஒன் வெப் நிறுவனமானது, தனது 72 செயற்கை கோள்களை விண்ணில் செலுத்த இஸ்ரோவின் நியூ ஸ்பேஸ் இந்தியா நிறுவனத்துடன் புரிந்துணர்வு ஒப்பந்தம் போட்டது.

அதனடிப்படையில், கடந்த ஆண்டு அக்டோபர் மாதம் முதற்கட்டமாக ஒன்வெப் நிறுவனத்தின் 36 செயற்கை கோள்களை எல்விஎம்- 3 ராக்கெட் மூலம் வெற்றிகரமாக விண்ணில் செலுத்தப்பட்டது.  அதனை தொடர்ந்து இரண்டாம் மற்றும் கடைசி கட்டமாக மேலும் 36 செயற்கைக்கோள்கள் ராக்கெட் மூலம் ஆந்திர மாநிலம் ஸ்ரீஹரிகோட்டாவில் உள்ள சதீஸ்தவான் ஏவுதளத்தில் இருந்து இன்று விண்ணில் செலுத்தப்பட உள்ளது. 

மொத்தம் 5 ஆயிரத்து 805 கிலோ எடை கொண்ட 36 செயற்கை கோள்களும் 450 கிலோ மீட்டா் தொலைவில் தாழ்வான புவி வட்டப்பாதையில் 87 புள்ளி 4 டிகிரி கோணத்தில் நிலைநிறுத்தப்பட உள்ளன. ஏற்கனவே, ஒரே நேரத்தில் 36 செயற்கை கோள்களை விண்ணில் செலுத்தி அவற்றை துல்லியமாக நிலைநிறுத்தி வரலாற்று வெற்றியை பெற்ற இஸ்ரோ நிறுவனம், தற்போது அதே எல்.வி.எம். 3 ராக்கெட் மூலம் மீண்டும் 36 செயற்கை கோள்களை விண்ணில் செலுத்தி வணிக ரீதியாக வெற்றி பெற தயாராகி வருகிறது. 

கர்நாடக மாநிலத்திற்கு வருகை தந்துள்ள பல்வேறு நலத்திட்ட பணிகளை தொடங்கி வைத்துள்ளார் பிரதமர் மோடி.

கர்நாடக மாநிலத்தில் விரைவில் சட்டமன்ற தேர்தலுக்கான அறிவிப்பு வரவுள்ளது.  இந்த நிலையில், தேர்தலையொட்டி பிரதமர் மோடி மக்களின் ஆதரவை பெறும் நோக்கத்தில் கடந்த ஜனவரி மாதம் முதல் அவ்வப்போது கர்நாடகத்திற்கு வந்து செல்கிறார். அதன்படி தனி விமானம் மூலம் பெங்களூரு வந்த பிரதமர் மோடி, சிக்கபல்லபூரில் உள்ள மோக்‌ஷகுண்டம் விஸ்வேஸ்வரய்யா சமாதியில் மலர்த்தூவி அஞ்சலி செலுத்தினார். 

தொடர்ந்து நடந்த நிகழ்ச்சியில், மதுசூதன் சாய் மருத்துவ அறிவியல் மற்றும் ஆராய்ச்சி கல்லூரியைத்  மோடி திறந்து வைத்தார். நிகழ்ச்சியில் கர்நாடக முதலமைச்சர் பசவராஜ் பொம்மை உள்ளிட்ட முக்கிய பிரமுகர்கள் கலந்து கொண்டனர். 

இதைத் தொடர்ந்து பெங்களூருவில், கே.ஆர்.புரம் - whitefeild இடையே சுமார் 13 கிலோ மீட்டர் தூரத்திற்கு மெட்ரோ ரயில் சேவையை தொடங்கி வைத்து அதில் பயணிகளுடன் மெட்ரோ பனியாளர்களுடன் பயணம் செய்துள்ளார்.   அடுத்தபடியாக பிரதமர் மோடி தாவணகெரேவுக்கு சென்று பா.ஜனதாவின் விஜய சங்கல்ப யாத்திரை நிறைவு விழா பொதுக்கூட்டத்தில் கலந்து கொண்டு உரையாற்ற உள்ளதாகவும் தெரிவிக்கப்பட்டுள்ளது.

இதையும் படிக்க:  மதுரை மாவட்ட நீதிமன்றத்தின் கூடுதல் கட்டடத்திற்கு அடிக்கல்...!!