தூய்மை இந்தியா அழைப்பின் ஒரு பகுதியாக டெல்லியில் பிரதமர் மோடி குப்பைகளை அகற்றிய நிலையில், நாடு முழுவதும் மத்திய அமைச்சர்களும் தூய்மைப் பணிகளில் ஈடுபட்டனர்.

காந்தி ஜெயந்தியை முன்னிட்டு இன்று நாடு முழுவதும் 7 லட்சம் இடங்களில் தூய்மைப் பணிகளில் ஈடுபடுமாறு மக்களுக்கு பிரதமர் மோடி அழைப்பு விடுத்தார். தொடர்ந்து டெல்லியில் பளுதூக்கும் வீரரான அன்கித் பய்யன்புரியாவுடன் பிரதமர் மோடி குப்பைகளை அகற்றி சுத்தம் செய்தார்.

குஜராத்தின் அகமதாபாத்தில் மத்திய உள்துறை அமைச்சர் அமித்ஷா சாலையில் குப்பைகளை அகற்றிய நிலையில், ஹரியானாவின் குருகிராமில் மத்திய அமைச்சர் அஷ்விணி வைஷ்ணவ் தூய்மைப்பணி மேற்கொண்டார். டெல்லியில் ஜிதேந்திர சிங், ராஜீவ் ராஜசேகர், ராஜஸ்தானில் பியூஷ்கோயல் உள்ளிட்ட மத்திய அமைச்சர்களும் குப்பைகளை அகற்றினர். 

உத்தரப்பிரதேச முதலமைச்சர் யோகி ஆதித்யநாத் சீதாபூரில் தூய்மைப் பணி மேற்கொண்டதோடு, மகாராஷ்டிரா முதலமைச்சர் ஏக்நாத் ஷிண்டே மும்பையில் நடைபெற்ற நிகழ்ச்சியில் பங்கேற்று குப்பைகளை அகற்றினார்.

இதேபோன்று மக்களவை சபாநாயகர் ஓம்பிர்லா, பாஜக தேசியத்தலைவர் நட்டா உள்ளிட்டோரும் சாலைகளில் இறங்கி தூய்மைப்பணி மேற்கொண்டனர்.

இதையும் படிக்க: குன்னூர் விபத்து பிரதமர் குடியரசுத் தலைவர் இரங்கல்!

சட்டப்பேரவைத் தேர்தல் நெருங்கும் தெலங்கானாவில் பிரதமர் மோடி இன்று பிரசாரம் மேற்கொள்கிறார். 

தெலங்கானா சட்டப்பேரவைத் தேர்தல் விரைவில் நடைபெறவுள்ள நிலையில், ஆளும் BRS கட்சியானது முதற்கட்ட வேட்பாளர் பட்டியலை சமீபத்தில் வெளியிட்டது. 

தொடர்ந்து பாஜக சார்பில் பிரசாரத்தை மேற்கொள்ளும் வகையில் இன்று தெலங்கானா செல்லும் பிரதமர் மோடி, மெகபூப்நகர் மாவட்டத்தில் 13 ஆயிரத்து 500 கோடி ரூபாய் மதிப்பிலான அரசுத் திட்டங்களைத் தொடங்கி வைக்கிறார். 

இதைத்தொடர்ந்து நாக்பூர் - விஜயவாடா சாலைத்திட்டம், ஜக்லெய்ர் - கிருஷ்ணா புதிய ரயில் சேவைத் திட்டம் உள்ளிட்டவையும் தொடங்கி வைக்கப்படவுள்ளன. தொடர்ந்து பல்வேறு ரயில்சேவைகளை காணொலி வாயிலாகத் திறந்துவைத்து, தேர்தல் பிரசாரத்தில் பிரதமர் மோடி ஈடுபடுகிறார்.

ஐதராபாத் பல்கலைக்கழகத்தின் 5 புதிய கட்டிடங்களையும் பிரதமர் மோடி திறந்து வைக்கிறார்.   அப்போது வாகனத்தில் சென்று மக்களை சந்தித்து, தொடர்ந்து மக்களிடம் உரையாற்றுவார் எனவும் கூறப்பட்டுள்ளது.

இதையும் படிக்க : நடிகர் சிவாஜி கணேசனின் 96-ஆவது பிறந்த நாள்...தமிழ்நாடு அரசு சார்பில் மரியாதை!

வணிகப் பயன்பாட்டிற்கான எரிவாயு சிலிண்டரின் விலை 203 ரூபாய் உயர்த்தப்பட்டுள்ளது.

மாதம் தோறும் ஒன்றாம் தேதி எரிவாயு சிலிண்டர்களின் விலையை எண்ணெய் நிறுவனங்கள் மாற்றி அமைத்து வருகின்றன. அந்தவகையில் ஆகஸ்ட் மாத இறுதியில் முன் எப்போதும் இல்லாத வகையில் வீட்டு உபயோக பயன்பாட்டுக்கான சிலிண்டரின் விலை 200 ரூபாய் குறைக்கப்பட்டது. தொடர்ந்து அடுத்த இரண்டு தினங்களில் செப்டம்பர் 1 ம் தேதி வணிக பயன்பாட்டுக்கான சிலிண்டர் விலை மீண்டும் குறைக்கப்பட்டது.

இதையும் படிக்க : "ஸ்டாலின் முதல்வர் ஆன பின்பு தான், அதிக மனுக்களை பெற்று வருகிறேன்", சீமான் காட்டம்!

இந்நிலையில், அக்டோபர் ஒன்றாம் தேதியான இன்று வணிகப் பயன்பாட்டிற்கான சிலிண்டர் விலை உயர்த்தப்பட்டுள்ளன. அதன்படி, 19 கிலோ எடை கொண்ட வணிகப் பயன்பாட்டு சிலிண்டரின் விலை 203 ரூபாய் உயர்த்தப்பட்டுள்ளது. நேற்று வரை ஆயிரத்து 695 ரூபாய்க்கு விற்பனை செய்யப்பட்ட நிலையில், இன்று முதல் ஆயிரத்து 898 ரூபாய்க்கு விற்பனை செய்யப்படவுள்ளது.

இதேபோல், ஐந்து கிலோ சிலிண்டரின் விலையும் 49 ரூபாய் உயர்த்தப்பட்டு 544 ரூபாய் 50 பைசாவுக்கு விற்பனையாகவுள்ளன. 

தூய்மையான எதிா்காலத்தை உருவாக்க இன்று நடைபெறும் மாபெரும் தூய்மை இயக்கத்தில் அனைவரும் இணைய வேண்டும் என பிரதமா் மோடி அழைப்பு  விடுத்துள்ளாா்.

நாடு முழுவதும் நாளை காந்தி ஜெயந்தி கொண்டாடப்படுகிறது. அதனை முன்னிட்டு காந்தியடிகளுக்கு தூய்மை இயக்கத்தின் மூலம் அஞ்சலி செலுத்தும் விதமாக நாடு முழுவதும் இன்று தூய்மை பணிகள் மேற்கொள்ளும் திட்டத்திற்கு மத்திய அரசு ஏற்பாடு செய்துள்ளது.

தூய்மை இயக்கம் தொடர்பாக கேபினட் செயலாளர், மத்திய அரசின் பல்வேறு துறைகள், மாநில அரசுகளுடன் பேச்சுவார்த்தை நடத்தி உள்ளார். இதன்படி இன்று காலை 10 மணி முதல் 11 மணி வரை நாடு முழுவதும் ஒரு மணி நேரம் தூய்மை இயக்கம் நடத்தப்பட உள்ளது.

மேலும் பூங்காக்கள், நதிகள், சுற்றுலா தலங்கள், பொதுமக்கள் அதிகம் கூடும் இடங்களில் தூய்மை இயக்கம் நடத்தப்படவுள்ளது.  மேலும் வீடு மற்றும் சுற்றுப்புறத்தை தூய்மையாக வைத்திருப்பது குறித்து பொதுமக்களிடம் விழிப்புணர்வு ஏற்படுத்தப்படும் என்று மத்திய அரசு வட்டாரங்கள் தெரிவித்துள்ளன. 

இதற்கிடையே இந்த மாபெரும் தூய்மை இயக்கத்தில் அனைவரும் இணைய வேண்டும் என பிரதமா் மோடி அழைப்பு  விடுத்துள்ளாா். இதுகுறித்து கடந்த வெள்ளிக்கிழமை எக்ஸ் தளத்தில் வெளியிட்டுள்ள பதிவில், ஒரு தூய்மையான இந்தியா நாம் அனைவரது பொறுப்பு என குறிப்பிட்டுள்ளாா். மேலும் தூய்மையான எதிா்காலத்தை உருவாக்க நடைபெறவுள்ள மாபெரும் தூய்மை இயக்கத்தில் அனைவரும் இணைய வேண்டும் என தொிவித்துள்ளாா்.

2 ஆயிரம் ரூபாய் நோட்டுகளை திரும்பப் பெறுவதற்கான இந்திய ரிசா்வ் வங்கி அறிவித்த காலக்கெடு இன்றுடன் நிறைவடைகிறது.

கடந்த 2016-ம் ஆண்டு ஆயிரம் மற்றும் ஐநூறு ரூபாய் நோட்டுகளை பணமதிப்பிழப்பு செய்தபோது 2 ஆயிரம் ரூபாய் நோட்டுகள் அறிமுகப்படுத்தப்பட்டது. அதன்பின்னர் 2 ஆயிரம் ரூபாய் நோட்டுகள் புழக்கத்தில் இருந்த நிலையில், கடந்த மே மாதம் மீண்டும் கொண்டு வரப்பட்ட பணமதிப்பு இழப்பு நடவடிக்கையில், 2 ஆயிரம் ரூபாய் நோட்டுகளையும் திரும்பப் பெறுவதாக ரிசர்வ் வங்கி அறிவித்தது. 

இதையடுத்து, செப்டம்பர் மாத இறுதிக்குள் 2 ஆயிரம் ரூபாய் நோட்டுகளை எந்தவித படிவம் மற்றும் அடையாள அட்டைகளும் இன்றி வங்கிகளில் கொடுத்து மாற்றிக்கொள்ளலாம் என்று ரிசர்வ் வங்கி அறிவித்தது. மேலும், செப்டம்பர் 30-ம் தேதிக்கு மேல் 2 ஆயிரம் ரூபாய் நோட்டுகளை திரும்பப் பெற இயலாது என்றும் தெரிவித்தது. இதையடுத்து பொதுமக்கள் உடனே தங்களிடம் புழக்கத்தில் இருந்த 2 ஆயிரம் ரூபாய் நோட்டுகளை மாற்றும் நடவடிக்கைகளில் ஈடுபட்டனர்.   

அதன்படி, நாட்டின் 93 சதவீத 2 ஆயிரம் ரூபாய் நோட்டுகள் ரிசர்வ் வங்கியால் திரும்பப் பெறப்பட்டுள்ளன. மீதமுள்ள நோட்டுகளையும் மாற்றிக்கொள்ள இன்றே கடைசி நாள் என்று அறிவிக்கப்பட்டுள்ளது. காலக்கெடுவை நீட்டிக்கும் எண்ணம் இல்லை என்றும் ரிசர்வ் வங்கி அறிவித்துள்ள நிலையில், ரூபாய் நோட்டுகளை வங்கிகளில் மாற்றிக்கொள்ள அரசு அழைப்பு விடுத்துள்ளது. 

ஏற்கனவே மக்களிடையே 2 ஆயிரம் ரூபாயின் நோட்டுகள் பெரும்பாலும் புழக்கத்தில் இல்லாத நிலையில், கடந்த செப்டம்பர் மாதம் 1-ம் தேதியில் இருந்து, 3 புள்ளி 32 லட்சம் கோடி மதிப்பிலான ரூபாய் நோட்டுகள் திரும்பப் பெறப்பட்டிருப்பதாக ரிசா்வ் வங்கி தொிவித்துள்ளது.