நாடாளுமன்ற பட்ஜெட் கூட்டத்தொடர், ஆக்கப்பூர்வமாக அமைய எதிர்கட்சிகள் ஒத்துழைக்க வேண்டும் என பிரதமர் மோடி வேண்டுகோள் விடுத்துள்ளார்.

ஆண்டின் முதல் பட்ஜெட் கூட்டத்தொடர் :

2023 முதல் 2024ம் நிதியாண்டிற்கான முதல் பட்ஜெட் கூட்டத்தொடர் இன்று தொடங்குகிறது. ஆண்டின் முதல் கூட்டத்தொடர் என்பதால், குடியரசுத்தலைவர் உரையுடன் இரு அவைகளிலும் கூட்டம் தொடங்குவது வழக்கம். இதனையொட்டி ராஷ்டிரிய பவனில் இருந்து முப்படை மரியாதையை ஏற்றுக்கொண்டு குண்டுதுளைக்காத காரில் குடியரசுத்தலைவர் திரவுபதி முர்மு நாடாளுமன்றம் சென்றடைந்தார்

இதையும் படிக்க : நாடாளுமன்ற பட்ஜெட் கூட்டத்தொடர் இன்று தொடக்கம்!

குடியரசுத்தலைவர் உரையாற்றுவது நாட்டிற்கே பெருமை :

முன்னதாக செய்தியாளர்களுக்கு பேட்டியளித்த பிரதமர் மோடி, ஆண்டின் முதல் கூட்டத்தொடரில் பழங்குடியினத்தைச் சேர்ந்த குடியரசுத்தலைவர் உரையாற்றுவது நாட்டிற்கே பெருமை என தெரிவித்தார். பெண்களுக்கு உலக அரங்கில் கவுரவத்தை தேடித்தரும் சந்தர்ப்பமாக இது அமைவதாகவும், நாட்டின் எதிர்காலத்தையும் வளர்ச்சியையும் மெய்ப்பிக்கும் வகையில் இந்த பட்ஜெட் அமையும் எனவும் அவர் உறுதியளித்தார். இக்கூட்டத்தில் ஆக்கப்பூர்வமான முறையில் எதிர்கட்சிகள் பங்களிக்க வேண்டும் எனவும் அவர் கேட்டுக்கொண்டார்.

நாடாளுமன்ற பட்ஜெட் கூட்டத் தொடரின் முதல் அமர்வு இன்று தொடங்கி பிப்ரவரி 14ம் தேதி வரை நடைபெற உள்ளது. வரும் பிப்ரவரி 1-ம் தேதி மத்திய பட்ஜெட் தாக்கல் செய்யப்பட உள்ள நிலையில், இன்று அவையின் தொடக்க நாளில், இரு அவைகளின் கூட்டத்தில் குடியரசுத் தலைவர் திரெளபதி முர்மு உரையாற்றுகிறார்.

அவரது உரையைத் தொடர்ந்து, நாளை பொருளாதார ஆய்வறிக்கை தாக்கல் செய்யப்பட உள்ளது. இதனை மத்திய நிதி அமைச்சர் நிர்மலா சீதாராமன், நாடாளுமன்றத்தில் தாக்கல் செய்கிறார்.

பொருளாதார ஆய்வறிக்கையில் நாட்டின் பொருளாதார நிலை, தேவைப்படும் சீர்திருத்த நடவடிக்கைகள், பொருளாதார சவால்கள் மற்றும் அதனை எதிர்கொள்ள தேவையான நடவடிக்கைகள் குறித்த தகவல்கள் இடம்பெற்றிருக்கும் என தகவல் வெளியாகியுள்ளது. 

மேலும் படிக்க | 2023-24 ஆம் ஆண்டுக்கான பட்ஜெட் ஒதுக்க திட்டம்... எதிர்க்கட்சி தலைவர் சொன்ன தகவல்!

சமூக நலன் சார்ந்த நிகழ்ச்சியை நாள் தோறும் ஒளிபரப்ப வேண்டும் என்று தனியார் தொலைக்காட்சிகளுக்கு மத்திய தகவல் ஒலிபரப்பு அமைச்சகம் வழிகாட்டு நெறிமுறைகளை வழங்கியுள்ளது.  

மத்திய அரசின் வழிகாட்டு நெறிமுறைகள் :

பொதுமக்களுக்கு விழிப்புணர்வை ஏற்படுத்தும் வீடியோக்களை தனியார் தொலைக்காட்சிகள் நாள்தோறும் 30 நிமிடம் ஒளிபரப்ப வேண்டும் என்று மத்திய அரசு வழிகாட்டு நெறிமுறைகளை வெளியிட்டுள்ளது. இது தொடர்பாக மத்திய தகவல் ஒளிபரப்புத்துறை அமைச்சகம், வெளியிட்டுள்ள நெறிமுறையில், ”பொதுமக்களுக்கு விழிப்புணர்வை ஏற்படுத்தும் வீடியோக்களை தனியார் தொலைக்காட்சிகளில் ஒளிபரப்புவது தொடர்பாக அவற்றின் உரிமையாளர்கள் மற்றும் அவற்றுக்கான கூட்டமைப்புகளிடம் ஆலோசனை மேற்கொள்ளப்பட்டது. அதில் பெறப்பட்ட கருத்துக்களின் அடிப்படையில் இந்த வழிகாட்டு நெறிமுறை வகுக்கப்பட்டுள்ளது.

அதன்படி, தனியார் தொலைக்காட்சிகள் நாள்தோறும் 30 நிமிடங்கள் அளவுக்கு பொதுமக்களுக்கு விழிப்புணர்வை ஏற்படுத்தும் வீடியோக்களை ஒளிபரப்ப வேண்டும். இந்த வீடியோக்களை மொத்தமாக ஒளிரப்ப வேண்டும் என்ற அவசியம் இல்லை. சிறு சிறு பகுதிகளாக பிரித்தும் ஒளிபரப்பலாம். 

இதையும் படிக்க : என் தரப்பு வாதத்தையும் கேட்க வேண்டும்...முன்கூட்டியே கேவியட் மனு தாக்கல் செய்த சசிகலா!

கல்வி மற்றும் இலக்கியம், விவசாயம் மற்றும் கிராமப்புற மேம்பாடு, சுகாதாரம் மற்றும் குடும்ப நலம், அறிவியல் தொழில்நுட்பம், பெண்கள் நலம், சமூகத்தில் வலிமை குன்றியவர்களின் நலம், சுற்றுச்சூழல் மற்றும் புராதன கலாச்சார பாதுகாப்பு, தேசிய ஒருமைப்பாடு உள்ளிட்ட தலைப்புகளில் தேசிய முக்கியத்துவம் வாய்ந்ததாகவும், சமூக நலன் சார்ந்ததாகவும் வீடியோக்கள் இருக்க வேண்டும்.

இந்த வீடியோக்கள் ஒளிபரப்பப்பட்டதற்கான அறிக்கையை சேவை ஒளிபரப்பு இணையதளத்தில் மாதம்தோறும் பதிவேற்ற வேண்டும்'' என மத்திய அரசின் வழிகாட்டு நெறிமுறைகளில் தெரிவிக்கப்பட்டுள்ளது.

ஒற்றுமைப் பயணத்திற்கு மக்கள் அளித்த அபரிமிதமான அன்பால் கண்கலங்கி நிற்பதாக நிறைவுக் பொதுக்கூட்டத்தில் ராகுல்காந்தி நெகிழ்ச்சியுடன் தெரிவித்தார். 

கன்னியாகுமரி முதல் காஷ்மீர் வரை பாரத் ஜோடா என்ற பெயரில் ராகுல்காந்தி தலைமையில் காங்கிரஸ் பாதயாத்திரையை நடத்தியது. 145 நாட்களில் மொத்தம் 3 ஆயிரத்து 500 கிலோமீட்டர் தூரம் நடைபெற்ற இந்தப் பேரணியின் நிறைவு விழாவாக ஸ்ரீநகரில் இன்று பொதுக்கூட்டம் நடைபெற்றது. முன்னதாக காங்கிரஸ் தலைவர் மல்லிகார்ஜூன கார்கேவுடன் தேசியக்கொடியை ஏற்றிய ராகுல்காந்தி, தங்கை பிரியங்காவுடன் பனிக் கட்டிகளை வீசி உற்சாகமாக விளையாடினார்.

இதைத்தொடர்ந்து கொட்டும் பனிக்கு மத்தியில் நடைபெற்ற கூட்டத்தில் முன்னாள் முதலமைச்சர்கள் மெகபூபா முஃப்தி, உமர் அப்துல்லா, கம்யூனிஸ்ட் கட்சியின் டி.ராஜா, திமுக எம்பி திருச்சி சிவா உள்ளிட்டோர் பங்கேற்றனர். 

இதையும் படிக்க : ஈரோட்டில் கணக்கில் வராத ரூ 4 லட்சம் ரூபாய் தேர்தல் ஆணையத்தால் பறிமுதல்...

அப்போது பேசிய திருச்சி சிவா, அரசியலமைப்புச் சட்டத்தில் உள்ள மதச்சார்பின்மை என்ற வார்த்தையை இப்பேரணி வலியுறுத்தியதாகக் கூறினார். தொடர்ந்து பேசிய காங்கிரஸ் தலைவர் மல்லிகார்ஜூன கார்கே, இந்த யாத்திரை தேர்தலுக்கானதல்ல - வெறுப்புணர்வுக்கு எதிரானது எனக் கூறினார். 

இறுதியாகப் பேசிய ராகுல்காந்தி, ஆரம்பத்தில் இவ்வளவு தூரம் நடக்க முடியுமா என தயங்கியதாகவும், மக்களின் ஆதரவாலேயே அது சாத்தியமானதாகவும் தெரிவித்தார். இம்மாநிலத்தில் பிரமாண்ட பேரணியில் ஈடுபட்டதன் மூலம் பாஜகவின் எந்த தலைவராலும் செய்ய முடியாததை காங்கிரஸ் கட்சி நடத்திக் காட்டியிருப்பதாகவும் கூறினார். மக்களின் அபரிமிதமான ஆதரவால் கண்கலங்கி நிற்பதாகவும், இத்தனை அன்புக்கு மத்தியில் இந்தக்குளிர் பெரிதாகத் தெரியவில்லை எனவும் தெரிவித்தார்.

கர்நாடகாவில் மேடையில் பாடிக்கொண்டிருந்த பிரபல பாடகர் மீது தண்ணீர் பாட்டில் வீசிய இருவர் கைது செய்யப்பட்டுள்ளனர். 

ஹம்பி உட்சவ் திருவிழா :

கர்நாடக மாநிலம் விஜயநகர் மாவட்டத்தில் உள்ள உலக பிரசித்தி பெற்ற சுற்றுலாத் தலமான ஹம்பி நகரில், ஹம்பி உட்சவ் திருவிழா கொண்டாடப்பட்டது. இந்த விழாவை விஜயநகர பேரரசின் பெருமைகளை பறைசாற்றும் விதமாக அந்த பேரரசு இருந்த காலத்திலிருந்தே இவ்விழா கொண்டாடப்பட்டு வருகிறது. அதுமட்டுமல்லாமல், இந்த விழாவிற்கு நாடு முழுவதிலும் இருந்து தலைசிறந்த கலைஞர்கள் பங்கேற்று கலை நிகழ்ச்சிகள் நடத்துவது வழக்கம்.

இதையும் படிக்க : ஈரோட்டில் கணக்கில் வராத ரூ 4 லட்சம் ரூபாய் தேர்தல் ஆணையத்தால் பறிமுதல்...

பாடகர் மீது பாட்டில் வீசிய இளைஞர்கள் :

அந்தவகையில் நேற்று இரவு நடைபெற்ற ஹம்பி உட்சவ் திருவிழாவில், பத்மஸ்ரீ விருது பெற்ற பாடகர் கைலாஷ் கேர் பங்கேற்று பல்வேறு பாடல்களை பாடிக்கொண்டிருந்தார். அப்போது அவர் கன்னட மொழி பாடல்களை பாடாத காரணத்தினால் இரண்டு இளைஞர்கள் தங்கள் கையிலிருந்த தண்ணீர் பாட்டிலை அவர் மீது தூக்கி வீசினர். இதையடுத்து அந்த இளைஞர்கள் இருவரையும் போலீசார் கைது செய்து விசாரணை நடத்தி வருகின்றனர்.

நிகழ்ச்சியை நிறைவு செய்த பாடகர் :

இதற்கிடையில், பாடகர் தன் மீது தண்ணீர் பாட்டில் வீசப்பட்டதை கூட பொருட்படுத்தாமல் அனைத்து பாடல்களையும் பாடி தனது நிகழ்ச்சியை நிறைவு செய்தார். இருப்பினும், பிரபல பாடகர் மீது பார்வையாளர்கள் தண்ணீர் பாட்டிலை கொண்டு தாக்கிய சம்பவம் அப்பகுதியில் பரபரப்பை ஏற்படுத்தி உள்ளது.