உலக அளவில் டிஜிட்டல் பணப் பரிவர்த்தனையில் இந்தியா முதல் இடத்தில் உள்ளது. இது தொடர்பாக மத்திய அரசு வெளியிட்டுள்ள செய்திக் குறிப்பில்:- 

டிஜிட்டல் பணப்பரிவர்த்தனையில் எட்டு கோடியே 95 லட்சம் பேர் என்ற அளவில் பிற நாடுகளை பின்னுக்கு தள்ளி உலகத் தரவரிசையில் இந்தியா முதலிடம் பிடித்துள்ளதாக தெரிவித்துள்ளது. 

மேலும், இந்த பட்டியலில்   29.2 மில்லியன் பரிவர்த்தனைகள் என்ற கணக்கில் பிரேசில் 2 ஆவது இடத்தையும், 17.6 மில்லியன் பரிவர்த்தனைகளுடன் சீனா மூன்றாவது இடத்தையும் பிடித்துள்ளன. மேலும், 
4வது இடத்தில் தாய்லாந்து 16.5 மில்லியன் டிஜிட்டல் பரிவர்த்தனைகளுடன் உள்ளது, அதைத் தொடர்ந்து தென் கொரியா 8 மில்லியன் மதிப்புள்ள பரிவர்த்தனைகளுடன் உள்ளது குறிப்பிடத்தக்கது. 

காகிதமில்லா பணபரிமாற்ற முறையை மக்களிடையே பிரபலப்படுத்தும் முயற்சிகளை மத்திய அரசு மேற்கொண்டு வரும் நிலையில், தற்போது,  இந்தியா முதலிடத்தில் உள்ளது.

மேலும்,  இந்த ஆண்டின் தொடக்கத்தில் பிரதமர் நரேந்திர மோடி,  "டிஜிட்டல் பணம் செலுத்துவதில் இந்தியா முதலிடத்தில் உள்ளது. மொபைல் டேட்டா மலிவான நாடுகளில் இந்தியாவும் ஒன்று. இன்று, நாட்டின் கிராமப்புற பொருளாதாரம் மாறி வருகிறது" என்று  கூறினார்.

தொடர்ந்து, டிஜிட்டல் கொடுப்பனவுகளில், இந்தியா புதிய மைல்கற்களை கண்டு வருகிறது, மதிப்பு மற்றும் அளவு ஆகிய இரண்டிலும், இது இந்தியாவின் கட்டண சூழலின் வலுவான தன்மையையும் ஏற்றுக்கொள்ளலையும் குறிக்கிறது என்று RBI நிபுணர்கள் கூறுகின்றனர்.

இதையும் படிக்க     |   பிரிஜ் பூஷன் சிங் கைது செய்யப் படவில்லை எனில், மீண்டும் போராட்டக் களத்தில் குதிப்போம்: சாக்ஷி மாலிக் எச்சரிக்கை!

பாலசோர்: ஒடிசா ரயில் விபத்தில் இறந்தவர்களின் உடல்களை வைத்திருந்த பள்ளி இடிக்கப்பட்டது.

கடந்த 2ம் தேதியில், பாலசோரில் நடந்த 3 ரயில்கள் மோதிக்கொண்ட விபத்தில் 278 பேர் பரிதாபமாக உயிரிழந்தனர். மீட்பு பணிகளின் போது, மீட்கப்பட்ட உயிரிழந்தவர்களின் உடல்களை, அருகில் இருந்த 65 வருடம் பழமையான, பஹனாகா அரசு உயர்நிலைப்பள்ளியில், குடும்பத்தினர் அடையாளம் காண்பதற்காக வைக்கப்பட்டன. 

இறந்தவர்களின் குடும்பத்தினர், உடல்களை அடையாளம் கண்டு, திரும்பப் பெற்றுக்கொண்ட நிலையில், மீண்டும் அப்பள்ளிக்கு வந்து பயில்வதற்கு மாணவர்கள் அஞ்சுவதாக தெரிவித்துள்ளனர்.  அதனால், பள்ளியை இடித்து அகற்றிவிட்டு, புதிய கட்டடத்திற்காக மாநில அரசின் அனுமதியை கோரியுள்ளதாகவும் பள்ளியின் தலைமை ஆசிரியை தெரிவித்துள்ளார்.

இது குறித்து பாலசோர் ஆட்சியர் பேசுகையில், பள்ளியை பார்வையிட்டு, தலைமை ஆசிரியை, பள்ளி நிர்வாக குழு, மற்ற ஆசிரியர்கள் மற்றும் அந்த பகுதி மக்களிடம் இது குறித்து பேசியதாகவும், அவர்கள், மாணவர்கள் பள்ளியிக்கு வர அஞ்சுவதாகவும், பள்ளியின் கட்டடத்தை இடித்து விட்டு புதியதாக கட்ட கோரிக்கை வைத்துள்ளதாக தெரிவித்தார். 

இந்தியா முழுவதும் 50 புதிய மருத்துவக்கல்லூரிகள் தொடங்க மத்திய அரசு அனுமதியளித்துள்ளது. அதாவது, தெலங்கானா, ராஜஸ்தான், ஆந்திர பிரதேஷ், தமிழ் நாடு, ஒடிசா, நாகலாந்து, மகாராஷ்டிரா, அசாம், கர்நாடகா, குஜராத், ஹரியானா, ஜம்மு காஷ்மீர், மேற்கு வங்கம், மத்திய பிரதேஷ் மற்றும் உத்திரபிரதேசம் ஆகிய மாநிலங்களில் புதியதாக 50 மருத்துவக்கல்லூரிகள் தொடங்க அனுமதியளிக்கப்பட்டுள்ளது. அவற்றில், 30 அரசு மற்றும் 20 தனியார் மருத்துவக்கல்லூரிகள் தொடங்கப்படும். இதன்மூலம் நாட்டில் உள்ள மருத்துவக்கல்லூரிகளின் எண்ணிக்கை 702 ஆக உயர்கிறது. 

இதில், தெலங்கானாவில், இந்தாண்டு தேர்தல் நடைபெற உள்ள நிலையில், தெலங்கானாவிற்கு மட்டும் 12 மருத்துவக்கல்லூரிகள் தொடங்க அனுமதி கிட்டியுள்ளது.  அதை தொடர்ந்து, ராஜஸ்தான் மற்றும் ஆந்திர பிரதேஷ் மாநிலங்களுக்கு 5 மருத்துவக்கல்லூரிகள் தொடங்க அனுமதி வழங்கப்பட்டுள்ளது. 

தமிழகத்தில், 3 புதிய மருத்துவக்கல்லூரிகள் தொடங்க அனுமதியளிக்கப்பட்டுள்ள நிலையில், சென்னை பிஎஸ்ஜி அறக்கட்டளை, பெரம்பலூர் தனலட்சுமி சீனிவாசன் கல்வி அறக்கட்டளை மற்றும்  ஈரோடு வாய்க்கால்மேட்டில் நந்தா மருத்துவ கல்லூரி மற்றும் மருத்துவமனை அறக்கட்டளை சார்பில் 3 மருத்துவக்கல்லூரிகள் அமைகிறது. 

இதன் மூலம், நாடு முழுவதும், மருத்துவப்படிப்பிற்கு கூடுதலாக 8,195 இடங்கள் ஒதுக்கப்படும்.

காரைக்கால்: காரைக்காலில் அரசு பேருந்து பாதியில் நின்றதால் பயணிகள் பேருந்தை, பேருந்து நிலையத்திற்குள் தள்ளி வந்து நிறுத்தியுள்ளனர்.

நாடு முழுவதும் சுற்றுச்சூழலை மாசுபடுத்துவதாகக் கூறி கடந்த 15 ஆண்டுகளைக் கடந்த அரசு மற்றும் பொதுத்துறை வாகனங்களுக்கு மத்திய அரசு தடை விதித்து உத்தரவிட்டிருந்தது. இதனால் புதுச்சேரியில் மாநில அரசு போக்குவரத்துக் கழகமான பி ஆர் டி சி யின் 22 பேருந்துகள் நிறுத்தப்பட்ட நிலையில்,  காரைக்காலில் இயக்கப்பட்ட 30 பேருந்துகளில் 14 பேருந்துகள் பல்வேறு காரணங்களால் இயங்காத நிலையில் உள்ளது. 16 பேருந்துகள் மட்டுமே இயங்கி வருவதை தெரிகிறது. 

இந்நிலையில் இன்று காரைக்காலில் இருந்து அம்பத்தூர் செல்லும் பி ஆர் டி சி நகர பேருந்து, பேருந்து நிலையத்தை விட்டு வெளியே வந்த சிறிது தூரத்திலேயே பழுதாகி நின்றது.  ஓட்டுநர் பல வகையில் முயற்சித்தும், பேருந்தை இயக்க முடியாததால், பயணிகள் இறங்கி தள்ளி மறுபடியும் பேருந்து நிலயத்தினுள்ளேயே ஓரம் கட்டி நிறுத்தியுள்ளனர்.

பயணிகள் பேருந்தை தள்ளிய காட்சிகள் இணையத்தில் பரவி வரும் நிலையில், இணையவாசிகள், நடிகர் வடிவேலுவின் பிரபல நகைச்சுவை வசனத்தை வைத்து, பி ஆர் டி சி நிர்வாகத்தை கேலி செய்து வருகின்றனர். இதனை பார்த்த சமூக ஆர்வலர்கள், பி ஆர் டி சி நிர்வாகம் அவலநிலையில் இருப்பதாகவும், புதுச்சேரி அரசு இதனைக் கருத்திற்கொண்டு, பி ஆர் டி சி நிர்வாகத்தை முறைப்படுத்த கோரிக்கைகள் வைத்துள்ளனர். 

ரயில்களை இயக்கம் பொழுது லோகோ பைலட்டுகள் செல்போன் மற்றும் ஸ்மார்ட் வாட்ச் பயன்படுத்த தடை விதிக்கப்பட்டுள்ளது

சில தினங்களுக்கு முன்பு நிகழ்ந்த ஒடிசா ரயில் விபத்து நாட்டில் அதிர்ச்சியை ஏற்படுத்திய நிலையில், ரயில் போக்குவரத்தில் பாதுகாப்பை அதிகரித்து, உறுதிப்படுத்த ரயில்வே நிர்வாகம் பல்வேறு முன்னெச்சரிக்கை நடவடிக்கைகள் மேற்கொள்ளப்பட்டு வருகின்றது.

இந்த வகையில், முதற்கட்டமாக ரயில்களை இயக்கம் லோகோ பைலட்டுகள் செல்போன் மற்றும் ஸ்மார்ட் வாட்சுகளை பயன்படுத்த தடை விதிக்கப்பட்டுள்ளது. முன்பே, செல்போன் பயன்படுத்த தடை விதிக்கப்பட்டிருந்தாலும், தற்போது, அவற்றை அணைத்து அருகில் வைத்திருக்கவும் தடை விதிக்கப்பட்டுள்ளது.  இது குறித்து அவ்வப்போது, சோதனைகள் நடத்தப்படும் எனவும் தெரிவிக்கப்பட்டுள்ளது.

மேலும், ரயில்களின் இயக்கும் போது அவர்களின் கவணம் மற்றும் இயக்கம் திறன் கண்காணிக்கப்படும் எனவும் ரயில்வே நிர்வாகம் தெரிவித்துள்ளது.