கர்நாடகா மாநிலம், சிக்மகளூர் அருகே உள்ள பல்கலைக்கழகத்திற்கு சவாரி சென்று  அங்கிருந்து வெளியே வர முடியாமல் இருந்த ஆட்டோவை,  தீயணைப்பு துறையினர் கிரேன் மூலம் மீட்டனர். 

சிக்மகளூர் மாவட்டத்தில் கடந்த சில நாட்களாக கனமழை பெய்து வருகிறது. இந்தநிலையில் இன்று  மதுவன் லேஅவுட் பகுதியில் உள்ள பல்கலைக்கழகத்திற்கு சவாரி ஏற்றிக்கொண்டு ஆட்டோ டிரைவர் வினோத்  அங்கு சென்றார். பயணியை விட்டு விட்டு அவர் மீண்டும் பல்கலைக்கழகத்திற்கு வெளியே வர முயன்றபோது, அவர் வந்த சாலையின் ஒரு பகுதி வௌ்ளத்தில் அடித்து செல்லப்பட்டது. இதனால் வெளியே வர முடியாமல் திணறினார்.

தகவல் அறிந்து வந்த போலீசார் மற்றும் தீயணைப்பு துறையினர், கிரோன் உதவியுடன் அதனை மீட்டு, சாலையின் மறுபுறம் நிறுத்தினர். நூறு ரூபாய் சவாரிக்கு ஆசைப்பட்டு கிரேன் உதவி பெற 6,000 ரூபாய் செலவழிக்க நேர்ந்ததாக ஆட்டோ ஓட்டுனர் குமுறியுள்ளார்.

போலி கணக்குகளை நீக்கும் விவகாரத்தில் மத்திய பாஜக அரசுக்கு ஃபேஸ்புக் நிறுவனம் உடந்தையாக செயல்பட்டதாக குற்றச்சாட்டு எழுந்துள்ளது.

தேர்தல் நேரங்களில் மக்களிடையே ஒரு தாக்கத்தை ஏற்பத்தி வாக்குகளை பெற அரசியல் கட்சிகள் தரப்  பில் போலி ஃபேஸ்புக் கணக்குகள் துவங்கப்பட்டு மக்களை திசை திருப்ப முயற்சிகள் மேற்கொள்ளப்படுவதாக குற்றச்சாட்டு எழுந்தது.

இதையடுத்து டெல்லி சட்டமன்ற தேர்தலின்போது பாஜக, காங்கிரஸ், ஆம் ஆத்மி போன்ற கட்சிகளுடன் தொடர்  பில் இருந்த போலி ஃபேஸ்புக் கணக்குகளை பேஸ்புக் நிறுவனம் அகற்றியது.

ஆனால் பாஜக எம்.  பி. ஒருவருடன் நேரடியாக இணைக்கப்பட்ட போலி கணக்குகளை மட்டும் பேஸ்புக் நிறுவனம் நீக்கவில்லை என குற்றசாட்டு எழுந்துள்ளது. பேஸ்புக் நிறுவனம் அதனை வேண்டுமென்றே நீக்காமல் விட்டுவிட்டதாகவும் குற்றம்சாட்டு எழுந்துள்ளது.

மக்களின்  ஆயுள்காலத்தை கொரோனா குறைப்பதாக ஆய்வில் அதிர்ச்சி தகவல் வெளியாகியுள்ளது.

அண்மையில், உயிரிழப்பு விகிதத்தில் கொரோனா ஏற்படுத்தும் தாக்கத்தை அறிய மும்பையை சேர்ந்த மக்கள் தொகை ஆய்வுக்கான சர்வதேச நிறுவனம், ஆய்வு ஒன்றை மேற்கொண்டது. இதற்கென 145 நாடுகளை சேர்ந்த கொரோனா பற்றிய தரவுகளை ஆராய்ச்சியாளர்கள் பயன்படுத்தினர். அதன் முடிவில் கொரோனாவுக்கு  35 முதல் 69 வயதிலான ஆண்களே அதிகளவில் உயிரிழந்தது கண்டுபிடிக்கப்பட்டுள்ளது. 

அதுமட்டுமல்லாது, கொரோனாவால் மக்களின் ஆயுட்காலம் 2 ஆண்டுகள் குறைந்து உள்ளதையும் ஆராய்ச்சியாளர்கள் கண்டுபிடித்துள்ளனர். குறிப்பாக ஒரு ஆண் மற்றும் பெண்ணின் சராசரி ஆயுட்காலம் முறையே 69 மற்றும் 72 ஆண்டுகள் என கூறப்படுகிறது. ஆனால் கொரோனாவுக்கு பின் ஒரு ஆணின் ஆயுட்காலம்  67 அரை ஆண்டும், பெண்ணின் அதிகபட்ச ஆயுட்காலம் 69 புள்ளி 8 காலம் எனவும் கண்டறியப்பட்டுள்ளது.

மத்திய சுற்றுச்சூழல் துறை அமைச்சர் அஸ்வினி குமார் சௌபே, ஜம்மு காஷ்மீரின் ராம்பன் மாவட்டத்தில், 2 நாள் சுற்றுப்பயணம் மேற்கொண்டுள்ளார். இந்த நிலையில், அங்குள்ள பஞ்சாயத்து ராஜ் பிரதிநிதிகள் மற்றும் பொதுமக்களைச் சந்தித்துப் பேசிய அவர், நகர்ப்புறங்களில் பசுமை பரப்பை அதிகரிக்கும் நடவடிக்கையாக, நாடு முழுவதும் 400 நகரக் காடுகளை உருவாக்கும் திட்டத்தை மத்திய அரசு திட்டமிட்டுள்ளதாகவும், அதன்படி ராம்பன் மாவட்டத்திலும் ஒரு நகர காடு உருவாக்கப்படும் என்றும் கூறினார்.

மேலும், குழந்தைகளிடையே சுற்றுச்சூழலுக்கு உகந்த அணுகுமுறையை ஊக்குவிக்கும் நோக்கில், கல்வி நிறுவனங்களில் நாற்றங்கால் அமைக்க திட்டமிட்டு உள்ளதாகக் கூறிய அமைச்சர், காடுகளின் மேம்பாடு மற்றும் பாதுகாப்பை உறுதி செய்யும் வகையில், வன உரிமைச் சட்டம் தொடர்பான தாராளமயமாக்கப்பட்ட கொள்கையும் செயல்படுத்தப்பட்டு வருவதாகக் கூறியுள்ளார்.

இந்த நிலையில், அமைச்சர் குறிப்பிட்டுள்ள தாராளமயமாக்கப்பட்ட கொள்கையின்படி, காடுகளுக்குள் தொடர்வண்டி, சாலைகள், தொலைத்தொடர்பு உள்ளிட்ட வளர்ச்சிப் பணிகளை விரிவாக்கம் செய்யும்போது வனத்துறையிடம் அனுமதி பெறத் தேவையில்லை என்ற சட்டம் திருத்தப்பட்டுள்ளது.  காடுகளில் தனியாருக்குச் சொந்தமான இடங்களில் கட்டுமான பணிகளை மேற்கொள்ள அனுமதியளித்ததோடு, வன எல்லை என்பதிலிருந்து அவற்றை விடுவிக்கலாம் என்பதை குறிப்பிட்டுக் காட்டும் சுற்றுச்சூழல் ஆர்வலர்கள், இத்தகைய நடவடிக்கைகள் காடுகளின் பரப்பளவைக் குறைக்குமா? அல்லது அதிகரிக்க உதவுமா? எனக் கேள்வி எழுப்பி வருகின்றனர்.

அதேபோன்று, வனத்தின் நடுவே இருக்கும் கனிம வளங்களை எடுப்பதற்கு ஒப்புதல் அளித்திருப்பதும், காடுகளில் ஆராய்ச்சி செய்வதற்காகவும், தகவல்களைச் சேகரிப்பதற் காகவும், அறிவியல் ஆய்வு மையங்களை அமைக்க அனுமதி அளித்திருப்பதும் காடுகளின் உயிரோட்டத்தைக் கெடுத்து, அங்குள்ள பல்லுயிர் பெருக்கத்தை அழிப்பதோடு உணவுச் சங்கிலியையும் பெருமளவில் பாதிக்கும் என்றும் எச்சரிக்கை விடுக்கின்றனர்.

ஒரே விமானத்தில் சக பயணிகளாக பயணித்த காங்கிரஸ் பொதுச்செயலாளர் பிரியங்காவும், சமாஜ்வாதி கட்சித் தலைவர் அகிலேஷ் யாதவும் தேர்தல் குறித்து விமானத்தில் ஆலோசனை நடத்தியதாக தகவல் வெளியாகியுள்ளது.

டெல்லியில் இருந்து லக்னோ புறப்பட்ட விமானத்தில் பிரியங்கா மற்றும் அகிலேஷ் யாதவ் ஆகியோர் ஒன்றாக பயணித்துள்ளனர். அப்போது மரியாதை நிமித்தமாக ஒருவரை ஒருவர் பரஸ்பரம் நலன் விசாரித்து கொண்ட நிலையில் சில நிமிடங்கள் ஆலோசனை நடத்தியதாக கூறப்படுகிறது.   

உத்தரபிரதேசத்தில் அடுத்த ஆண்டு சட்டமன்ற தேர்தல் நடைபெறவுள்ள நிலையில் இந்த சந்திப்பு முக்கியத்துவம் பெற்றுள்ளது. ஆட்சியில் இருக்கும் பாஜக-வை வீழ்த்த இரு கட்சிகளும் கூட்டணி வைத்து தேர்தலை சந்திப்பது குறித்து இரு தலைவர்களும் ஆலோசனை நடத்தியிருக்க கூடும் எனவும் எதிர்பார்க்கப்படுகிறது.