எல்லையில் நிலவும் பதற்றம் காரணமாக சீனாவுடனான உறவு சுமூகமாக இல்லை என கூறியுள்ள மத்திய வெளியுறவுத்துறை அமைச்சர் ஜெய்சங்கர், 3வது நாட்டின் தலையீடு புதிய பிரச்சனையாக அமைந்துள்ளதாகவும் கவலை தெரிவித்துள்ளார்.

லடாக் பகுதியில் ஊடுறுவிய சீனப்படை:

ஜம்மு-காஷ்மீரின் லடாக் பகுதியில் கடந்த 2 ஆண்டுகளுக்கு முன்பு சீனப்படை சட்டவிரோதமாக ஊடுறுவியது. அது முதல் எல்லைகளில் இருதரப்பிலும் படைகள் குவிக்கப்பட்டு வீரர்கள் தொடர் கண்காணிப்பில் ஈடுபட்டு வருகின்றனர்.  மேலும்  படைகளை விலக்குவதற்கான பேச்சுவார்த்தையும் ராணுவ ரீதியில் நடைபெற்று வருகிறது. 

கிராமங்களை உருவாக்கி வரும் சீனா:

இதனிடையே இந்தியாவை அச்சுறுத்தும் வகையில், லடாக் எல்லையில் பாலங்களை அமைத்து ஒரு கிராமத்தையே சீனா உருவாக்கி வருகிறது. இது மேலும் பதற்றத்தை அதிகரிக்க செய்துள்ளது.   

மத்திய வெளியுறவுத்துறை அமைச்சர் ஜெய்சங்கர்:

சீனாவால் ஏற்பட்ட இந்த பதற்றத்திற்கு இடையே, பெங்களூருவில் செய்தியாளர்கள் சந்திப்பில் சீனா பிரச்னை குறித்து விரிவாக பேசிய ஜெய்சங்கர், சீனாவுடனான உறவு சுமூகமாக இல்லை எனக் கூறினார். எல்லையில் பதற்றத்தை அதிகரிக்க சீனா,  மேலும்  முயற்சித்தால், இரு நாடுகளுக்கு இடையிலான உறவில் விரிசல் அதிகரிக்கும் என்றும், தற்போதைய நிலையை சமாளிக்க எல்லையில் ராணுவம் தீவிர கண்காணிப்பில் ஈடுபட்டுள்ளதாகவும் கூறினார். 

3வதாக ஒரு நாடு ஊடுறுவும் முயற்சி:

தொடர்ந்து சீனா- பாகிஸ்தான் இடையிலான பொருளாதார சாலை பற்றி பேசிய அவர், ஏற்கனவே இந்தியப் பகுதியை சட்டவிரோதமாக ஆக்ரமித்து சாலை அமைக்கும் பணி நடைபெற்று வருவதாக குறிப்பிட்டார். தொடர்ந்து, இந்தியாவின் பிராந்திய ஒற்றுமைக்கும், இறையாண்மைக்கும் அச்சுறுத்தல் ஏற்படுத்திடும் விதமாக, இந்தியாவின் எல்லைக்குள் 3வதாக மேலும் ஒரு நாடு ஊடுறுவும் முயற்சியில் ஈடுபட்டு வருவதாகவும் ஜெய்சங்கர்  குறிப்பிட்டுள்ளார்.
 

நாட்டின் 75 ஆவது சுதந்திர தின அமுதப் பெருவிழா நாடு முழுவதும் கொண்டாடப்பட்டு வருகிறது.

அரசின் வேண்டுகோள்:

நாடு சுதந்திரம் அடைந்து 75 ஆண்டு நிறைவு பெற்றதைக் கொண்டாடும் விதமாக நாடு முழுவதும் சுதந்திர தின அமுதப் பெருவிழா கொண்டாட அரசு பல நிகழ்ச்சிகளை நடத்தி வருகிறது. மேலும் மக்கள் அனைவரும் தங்களின் வீடுகளில் தேசியக் கொடியை ஏற்ற வேண்டும் எனக் கேட்டுக் கொண்டுள்ளது.

மேலும் படிக்க: வீட்டுச் சுற்றுச்சுவரை தேசியக்கொடியாக்கிய முன்னாள் இராணுவ வீரர் !!

மக்கள் ஆர்வம்:

சுதந்திர தின அமுதப் பெருவிழாவை மக்கள் மிகுந்த ஆர்வமுடனும், தேசபக்தியுடனும் கொண்டாடி வருகின்றனர். தங்ளது சமூக வலைதளப்பக்கங்ளில் சுயவிவரப் படத்தை மூவர்ணக் கொடியாக மாற்றுவது, வீடுகளில் தேசியக் கொடி ஏற்றுவது, பேரணி நடத்துவது என பல வகைகளில் கொண்டாடி வருகின்றனர். 

அரவிந்த்:

புதுச்சேரியைச் சேர்ந்தவர் அரவிந்த்.  ஆழ்கடல் நீச்சல் பயிற்சியாளரான இவர், புதுச்சேரி மற்றும் சென்னையில் டெம்பிள் அட்வன்சர் என்ற பெயரில் ஆழ்கடல் நீச்சல் பயிற்சி மையம் நடத்தி வருகிறார்.  இவர் ஏற்கனவே ஆழ்கடலில் திருமணம் நடத்தியது, சைக்கிள் ஓட்டியது, உடற்பயிற்சி, யோகா, மீன்வளத்தை பாதுகாக்க கடலுக்குள் கிடந்த பிளாஸ்டிக் பொருட்களை அகற்றியது, ஆழ்கடலில் செஸ் விளையாடி மகாபலிபுரத்தில் நடைபெற்ற செஸ் ஒலிம்பியாட்டிக்கு வரவேற்பு அளித்தது உள்ளிட்ட பல்வேறு சாகசங்களை நிகழ்த்தியுள்ளார்.

மேலும் படிக்க: மக்களுக்கு இலவச கல்வி, மருத்துவம்..! நிர்மலா சீதாராமன் அதிரடி..!

கடலுக்கு அடியில் தேசியக் கொடி:

இந்நிலையில் நாட்டின் 75 வது சுதந்திர தினத்தை முன்னிட்டு ஆழ்கடலில் தேசிய கொடியை பறக்கவிட்டு சுதந்திர தினத்தை கொண்டாடியுள்ளார். புதுச்சேரி கடற்கரையில் இருந்து படகு மூலம் கடலுக்குள் சென்று, கடலுக்கு அடியில் சுமார் 75 அடி ஆழத்தில், தேசிய கொடியை பறக்கவிட்டு சுதந்திர தினத்தை கொண்டாடியுள்ளார். இதேபோல் சென்னை நீலாங்கரை கடற்கரையிலும் 75 அடி ஆழ்கடலுக்குள் சென்று தேசிய கொடியை பறக்கவிட்டுள்ளார் அரவிந்த்.

கர்நாடகாவில் அரசு வேலை பெற லஞ்சம் கேட்கப்படுவதோடு, இளம்பெண்கள் பாலியல் துன்புறுத்தலுக்கு வற்புறுத்தப்படுவதாகவும், காங்கிரஸ் எம்.எல்.ஏ ஒருவர் பேசியிருப்பது சர்ச்சையாகியுள்ளது.

அரசு வேலை:

தற்போது அரசு வேலை வாங்கி தருவதாகக் கூறி லஞ்சம் பெறப்படுவது என்பது அனைத்து மாநிலங்களிலும் பெருகி வரும் ஒன்றாக உள்ளது. லஞ்சம் வாங்குவதும், கொடுப்பதும் குற்றம் என கூறப்பட்டு வந்தாலும், மிக சாதாரணமாக லஞ்சம் கொடுப்பது நிகழ்ந்துகொண்டு தான் உள்ளது. 

மேலும் படிக்க: வெற்றி பெறுமா மகாகத்பந்தன் 2.0?

காங்கிரஸ் எம்.எல்.ஏ.:

கலபுரகியில் செய்தியாளர் சந்திப்பின்போது, ஆளும் பாஜக அரசை சரமாரியாக தாக்கி காங்கிரஸ் எம்.எல்.  ஏ, பொதுப்பணித்துறை, மின்வாரிய நிறுவனங்களில் உதவி பொறியாளர், ஜூனியர் பொறியாளர்கள் நியமனத்தில் முறைகேடு நடந்ததாக குற்றஞ்சாட்டியுள்ளார். 

பெண்கள்களுக்கு பாலியல் கொடுமை:

இந்த ஊழலை விசாரிக்க விரைவு நீதிமன்றங்கள் அமைக்கப்பட வேண்டும் என கூறிய அவர், தகுதி இருக்கும் இளைஞர்களும் அரசு வேலை பெற லஞ்சம் கொடுக்க வேண்டியிருப்பதாக குறிப்பிட்டார். குறிப்பாக இளம்பெண்களுக்கு வேலை வாய்ப்பு வழங்க அவர்களை அதிகாரிகள் பலர் பாலியல் ரீதியாக வற்புறுத்துவதாகவும், இந்த விவகாரத்தில் பலர் மீது வழக்கு பதிவு செய்யப்பட்டுள்ளதாகவும் தெரிவித்துள்ளார்.

மேலும் படிக்க: பிரதமர் மோடியை நேரில் சந்தித்தார் மம்தா பானர்ஜி..!

பார்த்தா சாட்டர்ஜி:

சில தினங்களுக்கு முன்னர், ஆசியர் நியமன முறைகேடு வழக்கில் மேற்கு வாங்க மாநிலம் திரிணாமுல் காங்கிரஸ் கட்சியை சேர்ந்த சேர்ந்த பார்த்தா சட்டர்ஜி கைது செய்யப்பட்டு இருந்தது பெரும் சர்ச்சையை ஏற்படுத்தியது. மமதா பானர்ஜியை வீழ்த்துவதற்காகவே ஆளும் பாஜக அரசு இதுபோன்று நடந்து கொள்வதாக விவாதிக்கப்பட்டது.

தற்போது பாஜக அதிகாரிகள் மீது காங்கிரஸ் எம்.எல்.ஏ ஒருவர் அதே போன்ற ஒரு குற்றசாட்டை வைத்திருப்பது பேசுபொருளாகியுள்ளது.

ஒரே நாடு, ஒரே நுழைவுத்தேர்வு என்பதன் அடிப்படையில் மருத்துவம், என்ஜினீயரிங் படிப்புகளுக்கு ஒரே நுழைவுத்தேர்வு நடத்த மத்திய அரசு ஆலோசித்து வருகிறது. 

 மருத்துவம் சேர விரும்பும் மாணவர்களுக்கு நீட் தேர்வு

இந்தியாவில் பிளஸ் 2 படித்துவிட்டு மருத்துவம் சேர விரும்பும் மாணவர்களுக்கு நீட் தேர்வும், என்ஐடி, ஐஐஐடி பொறியியல் கல்லூரிகளில் சேர விரும்பும் மாணவர்களுக்கு ஜேஇஇ மெயின்ஸ் தேர்வும் நடத்தப்படுகிறது. இதேபோல் மத்திய பல்கலைக்கழகங்களில் சேர விண்ணப்பிக்கும் மாணவர்களுக்கு கியூட் நுழைவு தேர்வையும் மத்திய அரசு நடத்தி வருகிறது.

மத்திய அரசு பரிசீலனை

இந்த நிலையில் நீட், ஜே.இ.இ. மெயின்ஸ் நுழைவுத்தேர்வுகளை தற்போதுள்ள 'கியூட்' என்ற பல்கலைக்கழக பொது நுழைவுத்தேர்வுடன் இணைப்பதற்கான வாய்ப்புகளை மத்திய அரசு பரிசீலித்து வருகிறது.    இதன் மூலம் மாணவர்களுக்கு ஏற்படும் மன அழுத்தத்தை தடுக்கவும், அவர்களது திறன் அறிவை ஒரே தேர்வு மூலம் மதிப்பிடவும் திட்டமிட்டுள்ளது.

மாணவர்கள் சுமையை குறைக்க மத்திய அரசு ஆலோசனை

இதுகுறித்து பல்கலைக்கழக மானியக்குழு தலைவர் எம்.ஜெகதீஷ் குமார் கூறுகையில்,   ஒருங்கிணைந்த பொது நுழைவுத்தேர்வினை அடுத்த ஆண்டு முதல் நடத்த மத்திய அரசு திட்டமிட்டுள்ளதாக குறிப்பிட்டுள்ளார். தற்போது 3 பொது நுழைவுத்தேர்வுகளை மாணவர்கள் எழுத வேண்டி இருப்பதாகவும், இந்த சுமையை குறைக்க மத்திய அரசு ஆலோசித்து வருவதாகவும் கூறியுள்ளார்.

ஒரே நாடு, ஒரே நுழைவுத்தேர்வு

அதன்படி ஒரே ஒரு பொது நுழைவுத்தேர்வு மூலம், மாணவர்களின் திறனை கண்டறிந்து மதிப்பெண் அடிப்படையில் அவர்கள் விரும்பும் படிப்புகளை தேர்வு செய்ய அனுமதிக்கப்பட உள்ளதாகவும் 2020-ம் ஆண்டின் தேசிய கல்வி கொள்கையும் ஒரே நாடு, ஒரே நுழைவுத்தேர்வு என்ற அம்சத்தைக் கொண்டிருப்பதாகவும் குறிப்பிட்டுள்ளார்.

இருமுறை தேர்வு

மேலும் மாணவர்களுக்கு அதிகப்படியான வாய்ப்புகளை தருவதற்கு ஏதுவாக ஆண்டுக்கு இருமுறை இந்த தேர்வு நடத்தப்படும் என்றும் மேல்நிலைப்பள்ளி தேர்வுகள் முடிந்ததும் முதல் அமர்வு தேர்வு நடத்தப்படும், அதனைத்தொடர்ந்து  மற்றொரு அமர்வு தேர்வு நவம்பர் அல்லது டிசம்பர் மாதத்தில் நடத்தப்பட உள்ளதாகவும் தெரிவித்துள்ளார். 

பெங்களூருவை சேர்ந்த சந்தீப் என்ற நபருக்கும், தெலுங்கானாவில் பிரபலமான ஆடைத் தொழில் உரிமையாளரின் மகளுக்கும் கடந்த 2021ம் ஆண்டு தெலுங்கானாவில் உள்ள ராமோஜி ராவ் பிலிம் சிட்டியில் 6 கோடி ருபாய் செலவில் பிரம்மாண்டமாக திருமணம் நடைபெற்றுள்ளது.  அந்த திருமணத்தின் போது, பெண்ணின் பெற்றோர், 4 கிலோ தங்கம், 200 கிலோ வெள்ளி, ரூ. 55 லட்சம் மதிப்புள்ள சொகுசு கார் ஆகியவற்றை வரதட்சணையாக கொடுத்துள்ளனர். மேலும் அதோடு, இரண்டு துணி கடைகளையும் பரிசாக அளித்திட்டுள்ளனர். 

பின்னர், நாட்கள் செல்ல செல்ல, சந்தீப் போதைக்கு அடிமையானவர் என்பது தெரிய வந்துள்ளது. தினமும் வீட்டில் தனது நண்பர்களுடன் மது விருந்து நடத்தி வந்துள்ளார்.  இதற்கு மனைவி எதிர்ப்பு தெரிவிக்கவே, அங்கிருந்து தொடங்குகிறது பிரச்சனை. மனைவி எதிர்ப்பு தெரிவிக்கவே, சந்தீப் தனது நண்பர்கள் முன்னிலையிலேயே அந்த பெண்ணை அடித்து துன்புறுத்தியுள்ளார். 

இதனால் ஆத்திரமடைந்த பெண், சந்தீப் மீது பசவனக்குடி மகளிர் காவல் நிலையத்தில் புகார் அளித்துள்ளார். மேலும் அந்த புகாரில் சமீப நாட்களுக்கு முன்னர், மது போதையில் இருந்த சந்தீப், தன் தலையில் சிறுநீர் கழித்ததாகவும் தெரிவித்துள்ளார். அந்த பெண் அளித்த புகாரின் பேரில் போலீசார் சந்தீப் மீது வரதட்சணை கொடுமை மற்றும் போதையில் மனைவி மீது சிறுநீர் கழித்ததாக வழக்கு பதிந்து எப்ஐஆர் போடப்பட்டுள்ளது.