பொருளாதாரத்தில் பின் தங்கிய உயர் வகுப்பினருக்கு மருத்துவப் மேற்படிப்புக்கான அகில இந்திய ஒதுக்கீடு இடங்களில் 10சதவீதம் வழங்கியதை அமல்படுத்துவது தொடர்பாக மத்திய அரசு கடந்த ஜூலை அறிவிப்பாணை வெளியிட்டது. இதை எதிர்த்து  தாக்கல் செய்யப்பட்ட வழக்கை விசாரித்த உச்ச நீதிமன்றம், பொருளாதாரத்தில் பின் தங்கிய உயர் வகுப்பினருக்கு 10சதவீத இடஒதுக்கீடு, மற்றும் 8 லட்சம் ரூபாய் என்ற  வருமான அளவுகோல் ஆகியவை எதன் அடிப்படையில் நிர்ணயம் செய்யப்பட்டது கேள்வியெழுப் பியதோடு, அதுகுறித்த விரிவான அறிக்கையை தாக்கல் செய்ய வேண்டும் என கடந்த 21ம் தேதி உத்தரவிட்டிருந்தது.

இந்த நிலையில் அந்த வழக்கில்  விவகாரத்தில் மத்திய  அரசு,உச்ச நீதிமன்றத்தில் ஒரு பதில் மனு தாக்கல் செய்துள்ளது.  அதில்,பொருளாதாரத்தில் பின் தங்கிய உயர் வகுப்பினருக்கு சின்கா கமிட்டி உத்தரவின் அடிப்படையில்தான்  10 சதவீத கூடுதல் இடஒதுக்கீடு மற்றும் 8 லட்சம் என்ற வருமான உச்சவரம்பு அளவுகோல் நிர்ணயம் செய்யப்பட்டுள்ளது என்றும் அதனால் ஓபிசி இட ஒதுக்கீட்டோடு இதனை ஒப்பிட்டு பார்க்க முடியாது என கூறப்பட்டுள்ளது.

மேலும் "Creamy layer"-க்கு எதன் அடிப்படையில் கொடுக்கப்படுகிறதோ அதன் அடிப்படியில் தான் 8லட்சம் உச்ச வரம்பு நிர்ணயம் செய்யப்பட்டுள்ளது. இந்த விவகாரத்தில் குடும்ப வருமானமும் நிர்ணயம் செய்யப்பட்டுள்ளது.  இந்த கூடுதல் 10 சதவீத இட ஒதுக்கீட்டு சலுகைகள் என்பது 8 லட்சத்திற்கு அதிகமாக வருமானம் உள்ள உயர் வகுப்பினர் மற்றும் எஸ்சி, எஸ்.டி, ஓபிசி பிரிவினருக்கு கொடுக்க முடியாது. 

இவை அனைத்தையும் அடிப்படையாகக் கொண்டுதான் கடந்த 2019ம் ஆண்டு ஜனவரி 17-ம் தேதி இந்த திட்டம்  கொண்டு வரப்பட்டது.மேலும் மனுதரர்கள் கூறியது போன்று எந்த ஒரு திட்டமிடலும் இல்லாமலோ அல்லது அறிவியல் பூர்வமாக ஆய்வு செய்யாமலோ இந்த உச்சவரம்பு வரைமுறையை நாங்கள் நடைமுறைக்கு கொண்டு வரவில்லை.  எனவே மனுதாரர்களின் கோரிக்கைகள் அனைத்தும் யூகத்தின் அடிப்படையில் தெரிவிக்கப்பட்டுள்ளது என்பதால் அவர்களது கோரிக்கையை நிராகரித்து அதை  தள்ளுபடி செய்ய வேண்டும் என அறிக்கையில்  தெரிவிக்கப்பட்டுள்ளது.

4-வது நிதி ஆணையத்தின் செயலாக்க மானிய நிலுவைத்தொகையை உடனடியாக விடுவிக்குமாறு மத்திய  அமைச்சர் கிரிராஜ் சிங்கை நேரில் சந்தித்து, அமைச்சர் பெரியகருப்பன் கோரிக்கை விடுத்துள்ளார்.

டெல்லி சென்றுள்ள தமிழக ஊரக வளர்ச்சித்துறை அமைச்சர் பெரியகருப்பன், மத்திய அமைச்சர்கள் கஜேந்திர சிங் ஷெகாவத், கிரிராஜ் சிங் ஆகியோரை சந்தித்து கோரிக்கை மனு அளித்தார்.

பின்னர் செய்தியாளர்களை சந்தித்த பெரியகருப்பன், ஊரக வளர்ச்சியை பொறுத்தமட்டில் மத்திய-மாநில அரசுகள் ஒருங்கிணைந்து செயல்படுவதாக தெரிவித்தார். 

மகாத்மா காந்தி தேசிய வேலை உறுதி திட்டம், 14-வது நிதிக்குழு மானியம் உள்ளிட்ட கோரிக்கைகளை அளித்ததாகவும் கூறினார். ஜல் ஜீவன் திட்டம் உள்ளிட்ட திட்டங்களுக்கு நிதி ஒதுக்க வேண்டும் என வலியுறுத்தியதாகவும் தெரிவித்தார்.

கர்நாடாகாவில் உள்ள கே.ஆர்.எஸ் அணையிலிருந்து மாலைக்குள் 10 ஆயிரம் கன அடி நீர் வெளியேற்றப்பட உள்ளதாக அதிகாரிகள் தெரிவித்துள்ளனர்.

கர்நாடக காவிரி நீர்பிடிப்பு பகுதிகளில் பெய்து வரும் மழையின் காரணமாக, அணைகளுக்கு வரும் நீர் வரத்து அதிகரித்துள்ளது. நேற்று காலை முதல் அங்குள்ள கே.ஆர்.எஸ் மற்றும் கபினி அணைகளில் இருந்து மொத்தமாக  5,600 கன அடி நீர் வெளியேற்றப்பட்டு வருகிறது.  இதனிடையே கே.ஆர்.எஸ் அணை இன்று முழு  கொள்ளளவை எட்டிவிடும் என்பதால், முன்னெச்சரிக்கையாக மாலைக்குள்  10 ஆயிரம் கன அடி நீர் வெளியேற்றப்படலாம் என அதிகாரிகள் தெரிவித்துள்ளனர். தற்போது சுமார் 124 புள்ளி 80 அடி உயரம் கொண்ட கே.ஆர்.எஸ் அணையில்  நீர் இருப்பு 124 புள்ளி 50 அடியாகவும், நீர் வரத்து 11,345 கன அடியாகவும், நீர் வெளியேற்றம் 3,600 கன அடியாகவும் உள்ளது. 
 

நாடு முழுவதும் புதிதாக 16 ஆயிரத்து 156 பேருக்கு கொரோனா உறுதி ஆகியிருப்பதாக மத்திய சுகாதாரத்துறை அமைச்சகம் தெரிவித்துள்ளது. 

கொரோனா பற்றி தினசரி நிலவரங்களை வெளியிட்டு வரும் மத்திய சுகாதாரத்துறை அமைச்சகம், கடந்த 24 மணி நேரத்தில் 733 கொரோனா உயிரிழப்புகள் பதிவானதாக  தெரிவித்துள்ளது. இதற்கு கேரளாவில் அதிகளவில் உயிரிழப்பு  எண்ணிக்கை திருத்தம் செய்து பதிவிடப்பட்டதே காரணம் என கூறப்படுகிறது. இதனால் உயிரிழந்தோரின் மொத்த எண்ணிக்கை 4 லட்சத்து 56 ஆயிரத்து 386 ஆக உயர்ந்துள்ளது. அதுதவிர தினசரி பாதிப்பும் நேற்றைவிட இன்று 20 புள்ளி 1 சதவீதம் அதிகரித்துள்ளது.  இதனால்  சிகிச்சையில் இருப்போரின் எண்ணிக்கையும் ஒரு லட்சத்து 60 ஆயிரத்து 989 ஆக உயர்ந்துள்ளது.

கேரளாவில் ஒரே நாளில் கொரோனா பாதிப்பு  9,445  ஆக அதிகரித்ததன் விளைவாக இந்த புதிய உச்சம் என கூறப்பட்டுள்ளது. நேற்று ஒரே நாளில் 49 லட்சத்து 9 ஆயிரத்து 254 தடுப்பூசிகள் செலுத்தப்பட்டுள்ளன. தற்போது ஒட்டுமொத்தமாக தடுப்பூசி செலுத்தப்பட்ட எண்ணிக்கை 104 கோடியாக உயர்ந்துள்ளது.

அமெரிக்கா, இங்கிலாந்து போன்ற பல்வேறு நாடுகளில் கொரோனா தொற்றின் புதிய வகை மாறுபாடான AY.4.2 பெரும் பாதிப்பை ஏற்படுத்தி வருகிறது. இந்த மாற்றமடைந்த புதிய வகை வைரஸ், அதிவேகமாக பரவும் தன்மை கொண்டது என விஞ்ஞானிகள் எச்சரித்துள்ளனர். இந்தியாவிலும் மத்திய பிரதேசம் உள்ளிட்ட சில மாநிலங்களில் AY.4.  2 தொற்று பாதிப்பு இருப்பது கண்டறியப்பட்டது.

இந்தநிலையில் கர்நாடகாவில் 7 பேருக்கு இவ்வகை தொற்று பாதித்திருப்பது கண்டறியப்பட்டுள்ளது. இது குறித்து செய்தியாளர்களிடம் பேசிய கர்நாடக சுகாதாரம் மற்றும் குடும்ப நல ஆணையர் டி. ரந்தீப், இதன் காரணமாக வெளிநாட்டில் இருந்து கர்நாடகாவுக்கு வருபவர்களுக்கு, 72 மணி நேரத்திற்கு உள்ளாக எடுக்கப்பட்ட RT-PCR நெகட்டிவ் சான்றிதழ் கட்டாயமாக்கப்பட்டுள்ளதாக தெரிவித்தார்.