இந்தியா முழுவதும் 50 புதிய மருத்துவக்கல்லூரிகள் தொடங்க மத்திய அரசு அனுமதியளித்துள்ளது. அதாவது, தெலங்கானா, ராஜஸ்தான், ஆந்திர பிரதேஷ், தமிழ் நாடு, ஒடிசா, நாகலாந்து, மகாராஷ்டிரா, அசாம், கர்நாடகா, குஜராத், ஹரியானா, ஜம்மு காஷ்மீர், மேற்கு வங்கம், மத்திய பிரதேஷ் மற்றும் உத்திரபிரதேசம் ஆகிய மாநிலங்களில் புதியதாக 50 மருத்துவக்கல்லூரிகள் தொடங்க அனுமதியளிக்கப்பட்டுள்ளது. அவற்றில், 30 அரசு மற்றும் 20 தனியார் மருத்துவக்கல்லூரிகள் தொடங்கப்படும். இதன்மூலம் நாட்டில் உள்ள மருத்துவக்கல்லூரிகளின் எண்ணிக்கை 702 ஆக உயர்கிறது. 

இதில், தெலங்கானாவில், இந்தாண்டு தேர்தல் நடைபெற உள்ள நிலையில், தெலங்கானாவிற்கு மட்டும் 12 மருத்துவக்கல்லூரிகள் தொடங்க அனுமதி கிட்டியுள்ளது.  அதை தொடர்ந்து, ராஜஸ்தான் மற்றும் ஆந்திர பிரதேஷ் மாநிலங்களுக்கு 5 மருத்துவக்கல்லூரிகள் தொடங்க அனுமதி வழங்கப்பட்டுள்ளது. 

தமிழகத்தில், 3 புதிய மருத்துவக்கல்லூரிகள் தொடங்க அனுமதியளிக்கப்பட்டுள்ள நிலையில், சென்னை பிஎஸ்ஜி அறக்கட்டளை, பெரம்பலூர் தனலட்சுமி சீனிவாசன் கல்வி அறக்கட்டளை மற்றும்  ஈரோடு வாய்க்கால்மேட்டில் நந்தா மருத்துவ கல்லூரி மற்றும் மருத்துவமனை அறக்கட்டளை சார்பில் 3 மருத்துவக்கல்லூரிகள் அமைகிறது. 

இதன் மூலம், நாடு முழுவதும், மருத்துவப்படிப்பிற்கு கூடுதலாக 8,195 இடங்கள் ஒதுக்கப்படும்.

காரைக்கால்: காரைக்காலில் அரசு பேருந்து பாதியில் நின்றதால் பயணிகள் பேருந்தை, பேருந்து நிலையத்திற்குள் தள்ளி வந்து நிறுத்தியுள்ளனர்.

நாடு முழுவதும் சுற்றுச்சூழலை மாசுபடுத்துவதாகக் கூறி கடந்த 15 ஆண்டுகளைக் கடந்த அரசு மற்றும் பொதுத்துறை வாகனங்களுக்கு மத்திய அரசு தடை விதித்து உத்தரவிட்டிருந்தது. இதனால் புதுச்சேரியில் மாநில அரசு போக்குவரத்துக் கழகமான பி ஆர் டி சி யின் 22 பேருந்துகள் நிறுத்தப்பட்ட நிலையில்,  காரைக்காலில் இயக்கப்பட்ட 30 பேருந்துகளில் 14 பேருந்துகள் பல்வேறு காரணங்களால் இயங்காத நிலையில் உள்ளது. 16 பேருந்துகள் மட்டுமே இயங்கி வருவதை தெரிகிறது. 

இந்நிலையில் இன்று காரைக்காலில் இருந்து அம்பத்தூர் செல்லும் பி ஆர் டி சி நகர பேருந்து, பேருந்து நிலையத்தை விட்டு வெளியே வந்த சிறிது தூரத்திலேயே பழுதாகி நின்றது.  ஓட்டுநர் பல வகையில் முயற்சித்தும், பேருந்தை இயக்க முடியாததால், பயணிகள் இறங்கி தள்ளி மறுபடியும் பேருந்து நிலயத்தினுள்ளேயே ஓரம் கட்டி நிறுத்தியுள்ளனர்.

பயணிகள் பேருந்தை தள்ளிய காட்சிகள் இணையத்தில் பரவி வரும் நிலையில், இணையவாசிகள், நடிகர் வடிவேலுவின் பிரபல நகைச்சுவை வசனத்தை வைத்து, பி ஆர் டி சி நிர்வாகத்தை கேலி செய்து வருகின்றனர். இதனை பார்த்த சமூக ஆர்வலர்கள், பி ஆர் டி சி நிர்வாகம் அவலநிலையில் இருப்பதாகவும், புதுச்சேரி அரசு இதனைக் கருத்திற்கொண்டு, பி ஆர் டி சி நிர்வாகத்தை முறைப்படுத்த கோரிக்கைகள் வைத்துள்ளனர். 

ரயில்களை இயக்கம் பொழுது லோகோ பைலட்டுகள் செல்போன் மற்றும் ஸ்மார்ட் வாட்ச் பயன்படுத்த தடை விதிக்கப்பட்டுள்ளது

சில தினங்களுக்கு முன்பு நிகழ்ந்த ஒடிசா ரயில் விபத்து நாட்டில் அதிர்ச்சியை ஏற்படுத்திய நிலையில், ரயில் போக்குவரத்தில் பாதுகாப்பை அதிகரித்து, உறுதிப்படுத்த ரயில்வே நிர்வாகம் பல்வேறு முன்னெச்சரிக்கை நடவடிக்கைகள் மேற்கொள்ளப்பட்டு வருகின்றது.

இந்த வகையில், முதற்கட்டமாக ரயில்களை இயக்கம் லோகோ பைலட்டுகள் செல்போன் மற்றும் ஸ்மார்ட் வாட்சுகளை பயன்படுத்த தடை விதிக்கப்பட்டுள்ளது. முன்பே, செல்போன் பயன்படுத்த தடை விதிக்கப்பட்டிருந்தாலும், தற்போது, அவற்றை அணைத்து அருகில் வைத்திருக்கவும் தடை விதிக்கப்பட்டுள்ளது.  இது குறித்து அவ்வப்போது, சோதனைகள் நடத்தப்படும் எனவும் தெரிவிக்கப்பட்டுள்ளது.

மேலும், ரயில்களின் இயக்கும் போது அவர்களின் கவணம் மற்றும் இயக்கம் திறன் கண்காணிக்கப்படும் எனவும் ரயில்வே நிர்வாகம் தெரிவித்துள்ளது. 

மத்தியப்பிரதேசத்தில் 300 அடி ஆழ்துளை கிணற்றில் விழுந்து உயிரிழந்த சிறுமிக்கு அம்மாநில முதலமைச்சர் சிவராஜ் சிங் சவுகான் இரங்கல் தெரிவித்துள்ளார். 

மத்தியப்பிரதேச மாநிலம் செஹோர் மாவட்டத்தில் உள்ள முங்காவல்லி கிராமத்தில் உள்ள பண்ணை நிலத்தில் கடந்த ஜூன் 6-ம் தேதி  சிருஷ்டி குஷ்வாஹா என்ற இரண்டரை வயது குழந்தை விளையாடிக் கொண்டிருக்கும்போது, எதிர்பாராத விதமாக 300 அடி ஆழ்துளைக் கிணற்றில் தவறி விழுந்தது. அதைத் தொடர்ந்து ராணுவத்தினர், தேசிய மீட்புப் படையினர் சம்பவ இடத்திற்கு விரைந்து வந்து மீட்புப் பணிகளை துரிதப்படுத்தினர். 

தொடர்ந்து ஆழ்துளைக் கிணற்றில் சிக்கிய குழந்தையை மீட்கும் பணி 3-வது நாளாக நடைபெற்று வந்த நிலையில், குஜராத்திலிருந்து ரோபோடிக் நிபுணர் குழுவினரும் வரவழைக்கப்பட்டு  மீட்புப் பணி தீவிரப்படுத்தபட்டது. இதனையடுத்து, குழந்தை ஆழ்துளைக் கிணற்றில் இருந்து பத்திரமாக மீட்கப்பட்டது.

இதையும் படிக்க : ”இந்திய நிறுவனங்களுக்கு செர்பியா ஒரு சிறந்த நுழைவாயிலாக மாறும்” திரவுபதி முர்மு!

மீட்கப்பட்ட குழந்தை மயக்க நிலையில் இருப்பதாகவும், குழந்தையின் இதயத்துடிப்பு, மூளை ஆகியவை சரியாக செயல்படுகிறதா என்பதை மருத்துவர்கள் கூர்ந்து கவனித்து வருவதாகவும் தெரிவிக்கப்பட்ட நிலையில் செய்தியாளர்களிடம் பேசிய மாவட்ட ஆட்சியர், எவ்வளவு முயற்சி செய்தும் குழந்தையின் உயிரை காப்பாற்ற முடியவில்லை என்றும், மருத்துவர்கள் பரிசோதனையில் மூச்சுத்திணறல் காரணமாக குழந்தை இறந்ததாகவும், அழுகிய நிலையில் மீட்கப்பட்டுள்ளதாகவும் தெரிவித்தார். 

இச்சம்பவம் குறித்து  செய்தியாளா்களிடம் பேசிய  மாவட்ட காவல் கண்காணிப்பாளா் மாயக் அவஸ்தி, குழந்தை உயிரிழந்தது தொடர்பாக, விவசாய நிலத்தின் உரிமையாளர் மற்றும் ஆழ்துளை கிணற்றிற்கு காரணமான நபர் மீது வழக்கு பதிவு செய்யப்பட்டு விசாரணை நடத்தப்படும் என கூறினார். 

இதனிடையே செய்தியாளர்களுக்கு பேட்டியளித்த அம்மாநில முதலமைச்சர் சிவராஜ் சிங் சவுகான், உயிரிழந்த குழந்தைக்கு ஆழ்ந்த இரங்கல் தெரிவித்தார். மேலும் இது தொடர்பாக வழக்குப்பதிவு செய்யப்பட்டு விசாரணை நடைபெற்று வருவதாகவும் கூறினார். 

மேகதாதுவில் அணை கட்டும் திட்டத்தை முற்றிலும் கைவிட வலியுறுத்தி கர்நாடக காங்கிரஸ் அரசுக்கு சிபிஐ (எம்) தீர்மானம்:  

இந்திய கம்யூனிஸ்ட் கட்சி (மார்க்சிஸ்ட்)-யின் தமிழ்நாடு மாநில செயற்குழு கூட்டம் 2023 ஜூன் 6, 7 ஆகிய தேதிகளில் சென்னையில் மத்தியக்குழு உறுப்பினர் பி.சண்முகம் தலைமையில் நடைபெற்றது.

இக்கூட்டத்தில் அரசியல் தலைமைக்குழு உறுப்பினர்கள் பிரகாஷ் காரத், ஜி.ராமகிருஷ்ணன், மாநில செயலாளர் கே.பாலகிருஷ்ணன், மத்தியக்குழு உறுப்பினர்கள் பி. சம்பத், உ. வாசுகி, மற்றும் மாநில செயற்குழு உறுப்பினர்கள் கலந்து கொண்டனர். 

இக்கூட்டத்தில் மேகதாதுவில் அணை கட்டும் திட்டத்தை முற்றிலும் கைவிட வலியுறுத்தி கர்நாடக காங்கிரஸ் அரசுக்கு சிபிஐ (எம்) தீர்மானம் ஒன்றை வெளியிட்டது. 

அதன் விவரங்கள் பின்வருமாறு:-  

' கர்நாடக மாநிலத்தில் ஆட்சி மாற்றம் ஏற்பட்டுள்ளது வரவேற்கத்தக்கது. இதனைத் தொடர்ந்து பாஜக அல்லாத அனைத்து மதச்சார்பற்ற கட்சிகளையும் ஒருங்கிணைத்து செயல்பட வேண்டிய அரசியல் தேவை நாட்டின் மீது அக்கறையுள்ளவர்களின் முன்னால் உள்ளது. ஆனால், இது குறித்தெல்லாம் கவலைப்படாமல் கர்நாடக மாநில துணை முதலமைச்சர் திரு டி.கே.  சிவக்குமார் அவர்கள் தானடித்த மூப்பாக காவிரியின் குறுக்கே மேகேதாட்டுவில் அணை கட்டப்படும் என்று அறிவித்திருப்பது வன்மையான கண்டனத்திற்குரியது.

                இது தொடர்பாக தமிழ்நாடு அரசு தொடர்ந்த வழக்கு உச்சநீதிமன்றத்தில் நிலுவையில் உள்ளதை அமைச்சர் அறியாமல் இருக்க வாய்ப்பில்லை. மற்றொன்று, தமிழ்நாடு அரசின் அனுமதி இல்லாமல் இப்படிப்பட்ட கட்டுமானப் பணிகளை காவிரியில் மேற்கொள்ள முடியாது என்று காவிரி நடுவர் மன்ற தீர்ப்பில் குறிப்பிடப்பட்டுள்ளது. காவிரி நடுவர் மன்ற விவாதத்தின் போதோ, உச்சநீதிமன்ற இறுதி தீர்ப்பு விசாரணையின் போதோ கர்நாடக அரசு மேகதாது அணை பிரச்சனையை எழுப்பவில்லை. இறுதித் தீர்ப்பில் பெங்களூர் நகர குடிநீர் தேவையும் கணக்கில் கொண்டே காவிரி நீர் மாநிலங்களுக்கு பகிர்ந்தளிக்கப்பட்டுள்ளது. இவையெல்லாம் புறக்கணித்துவிட்டு கர்நாடகத்தில் ஏற்கனவே இருந்த பாஜக அரசு மேகதாது அணைப் பிரச்சனையை புதிதாக எழுப்பி தமிழ்நாட்டிற்கு விரோதமான நிலையினை மேற்கொண்டது. இதேபோக்கில் புதிதாக பதவியேற்றுள்ள கர்நாடக காங்கிரஸ் அரசும் மேகதாது அணை பிரச்சனையை கிளப்புவது நியாயமற்றது, நேர்மையற்றது, உச்சநீதிமன்றம் மற்றும் காவரி நடுவர் மன்ற இறுதித் தீர்ப்புகளுக்கு விரோதமானது.

                எனவே, கர்நாடக மாநில காங்கிரஸ் அரசு, மேகேதாட்டுவில் அணை கட்டுவது உள்ளிட்ட தமிழ்நாட்டிற்கு விரோதமான நடவடிக்கைகளை முற்றிலும் கைவிட வேண்டுமென்று இந்திய கம்யூனிஸ்ட் கட்சி (மார்க்சிஸ்ட்) தமிழ்நாடு மாநில செயற்குழு வலியுறுத்துகிறது'. 

இதையும் படிக்க    |  " நெல் கொள்முதல் விலையை உயர்த்த வேண்டும் " - மருத்துவர் ராமதாஸ்.