குமாரசாமி தலைமையிலான கூட்டணி ஆட்சியை கவிழ்த்த எடியூரப்பா, கடந்த 2019 ஆம் ஆண்டு  நான்காவது முறையாக கர்நாடகா முதலமைச்சராக  பதவியேற்றார். அவர் பொறுப்பெற்று  2 ஆண்டுகள் நிறைவடைந்த நிலையில், நேற்றைய தினம் தனது பதவியை ராஜினாமா செய்தார். பதவி விலகுமாறு  யாரும் தமக்கு அழுத்தம் கொடுக்கவில்லை என எடியூரப்பா விளக்கம் அளித்தார்.

இதையடுத்து கர்நாடகாவின் அடுத்த முதலமைச்சர் யார் என்ற எதிர்பார்ப்பு எழுந்த நிலையில், அரவிந்த் பெல்லத், பசவராஜ் பொம்மை மற்றும் முருகேஷ் நிரானி உள்ளிட்டோரின் பெயர்கள் பரிசீலனையில் இருந்தன. இந்நிலையில், புதிய முதலமைச்சரை தேர்ந்தெடுப்பது குறித்து பெங்களூரில்  பாஜக எம்எல்ஏக்கள் கூட்டம் நடைபெற்றது. கர்நாடக பார்வையாளர்களான மத்திய அமைச்சர் தர்மேந்திர பிரதான், கிஷண் ரெட்டி முன்னிலையில் நடைபெற்ற கூட்டத்தில் புதிய முதலமைச்சராக  பசவராஜ் பொம்மை ஒருமனதாக தேர்ந்தெடுக்கப்பட்டார்.  மத்திய அமைச்சர் தர்மேந்திர பிரதான் எம்எல்ஏக்கள் கூட்டத்தில் இதனை அறிவித்தார். 

இதையடுத்து கூட்டத்தில் பங்கேற்ற முன்னாள் முதலமைச்சர் எடியூரப்பாவிடம்  பசவராஜ் பொம்மை ஆசி பெற்றார். அதை தொடர்ந்து  புதிய முதலமைச்சராக தேர்வு செய்யப்பட்ட பசவராஜ் பொம்மைக்கு அமைச்சர்கள் மற்றும் எம்எல்ஏக்கள் பூங்கொத்து  கொடுத்து வாழ்த்து தெரிவித்தனர். கர்நாடக மாநிலத்தின் உள்துறை அமைச்சராக பதவி வகித்து  வந்த பசவராஜ் பொம்மை  இன்று  புதிய முதலமைச்சராக தேர்ந்தெடுக்கப்பட்டுள்ளார்.   

கொரோனா காலத்தில் டிராபிக் சிக்னல், சந்தைப்பகுதி, பொது இடங்களில் பிச்சை எடுப்பவர்களை தடை செய்யக்கோரி டெல்லியை சேர்ந்த குஷ் கல்ரா என்பவர் உச்சநீதிமன்றத்தில் மனு தாக்கல் செய்திருந்தார். இந்த வழக்கை இன்று விசாரித்த உச்சநீதி மன்ற நீதிபதிகள் டி.ஒய்.சந்திரசூட், எம்.  ஆர்.ஷா ஆகியோர்,  வறுமையினாலும்,  படிப்பதற்கான வழியில்லாமல்,  வேலையில்லாமல் வாழ்வாதாரத்துக்காக பிச்சை எடுக்கின்றனர் கருத்து  தெரிவித்தனர்

எவரும் விருப்பப்பட்டு பிச்சை எடுப்பதில்லை என்றும் வறுமையின் காரணமாக பிச்சை எடுப்பதால், அதை தடை செய்ய முடியாது என நீதிபதிகள் திட்டவட்டமாக தெரிவித்தனர். மேலும், இது தொடர்பாக  மத்திய அரசும் , டெல்லி அரசும் பதிலளிக்க  நோட்டீஸ் பிறப்பித்து உத்தரவிட்ட நீதிபதிகள் , வழக்கை இரண்டு வாரத்துக்கு ஒத்திவைத்தனர்.

குமாரசாமி அரசு கவிழ்ந்த நிலையில், கடந்த 2019ஆம் ஆண்டு  நான்காவது முறையாக கர்நாடகா முதலமைச்சராக எடியூரப்பா பதவியேற்றார். இந்த நிலையில் பதவியேற்று 2 ஆண்டுகள் நிறைவடைந்த நிலையில், நேற்றைய தினம் தனது பதவியை அவர் ராஜினாமா செய்தார். இதனிடையே கர்நாடகாவின் அடுத்த முதலமைச்சர் யார் என்ற எதிர்பார்ப்பு எழுந்துள்ள நிலையில்,  அரவிந்த் பெல்லத், பசவராஜ் பொம்மை மற்றும் முருகேஷ் நிரானி உள்ளிட்டோரின் பெயர்கள் பரிசீலனையில் உள்ளதாக தகவல்கள் வெளியாகியுள்ளன.   

இந்நிலையில், புதிய முதலமைச்சரை தேர்ந்தெடுப்பது தொடர்பாக கர்நாடக மாநில பாஜக தலைவர் மற்றும் மூத்த நிர்வாகிகள் மற்றும் எம்எல்ஏக்கள்  ஆலோசனை கூட்டம் பெங்களுரில் நடைபெற்று வருகிறது.  இந்த கூட்டத்தில் பாஜக மேலிட பார்வையாளர்களாக மத்திய அமைச்சர் தர்மேந்திர பிரதான், பாஜக தேசிய செயலாளர் அருண் சிங் மற்றும் கிஷண் ரெட்டி  உள்ளிட்டோர் பங்கேற்றுள்ளனர். 

மேற்கு வங்க தேர்தலின் போது, பிரதமர் மோடி மற்றும் மம்தா பானர்ஜி இடையே கடுமையான மோதல் போக்கு இருந்து வந்தது. பாஜகவின் கடுமையான நெருக்ககளை கடந்து மேற்கு வங்கத்தில்  3 வது  முறையாக ஆட்சி அமைத்து  சாதனை படைத்திருக்கிறார் மமதா பானர்ஜி.

முதலமைச்சராக பதவி ஏற்று ஒரு மாதம் கடந்த நிலையில்   மூன்று நாள் பயணமாக டெல்லிக்கு  வருகை தந்துள்ள  மம்தா பானர்ஜி, பிரதமர் மோடியை ,இன்று  நேரில் சந்தித்து பேசினார். டெல்லியில் உள்ள பிரதமர் மோடியின் இல்லத்தில்  நடந்த சந்திப்பில் மாநில வளர்ச்சித் திட்டங்கள் குறித்து மம்தா ஆலோசனை நடத்தினார்.

மோடி சந்தித்த பிறகு செய்தியாளர்களை சந்தித்த முதலமைச்சர் மம்தா பானர்ஜி,மத்திய அரசிடம் இருந்து, மேற்கு வங்கத்துக்கு ஒதுக்க வேண்டிய ஜிஎஸ்டி நிலுவை தொகை மற்றும் கூடுதல் தடுப்பூசி உள்ளிட்டவற்றை உடனடியாக வழங்க வலியுறுத்தியதாக தெரிவித்தார்.  மாநிலத்தின் வளர்ச்சி  திட்டங்களுக்கு  கூடுதல் நிதி ஒதுக்க வேண்டும் என கோரிக்கை விடுத்ததாகவும் மமதா கூறினார்.

இதன் தொடர்ச்சியாக  குடியரசுத் தலைவர் ராம்நாத் கோவிந்த், காங்கிரஸ் தலைவர் சோனியா காந்தி உள்ளிட்ட எதிர்க்கட்சித் தலைவர்களை மமதா நேரில் சந்திக்கவுள்ளார்.மேலும், டெல்லியில் நாடாளுமன்ற குளிர்காலக் கூட்டத்தொடர் நடைபெற்று வரும் நிலையில் திரிணமூல் நாடாளுமன்ற உறுப்பினர்களுடன் நாளை காலை ஆலோசனை நடத்தவுள்ளார்.

மாநில அரசு கட்டுப்பாட்டில் உள்ள மருத்துவக் கல்லூரிகளில், எம்பிபிஎஸ் உள்ளிட்ட பட்டப் படிப்புக்கு 15 விழுக்காடு மற்றும் மேற்பட்டப் படிப்புக்கு 50 விழுக்காடு இடங்களை மத்திய தொகுப்புக்கு தர வேண்டும் என்று உச்ச நீதிமன்றத்தின் ஆணை செயல்முறையில் உள்ளது. அகில இந்திய ஒதுக்கீடு எனப்படும் மத்திய தொகுப்பிற்கு, மாநில அரசுகளால் வழங்கப்படும் இடஒதுக்கீட்டில், பட்டியலின மற்றும் பொருளாதார ரீதியில் பின்தங்கிய உயர்வகுப்பினருக்கு தனி இடஒதுக்கீடும் பின்பற்றப்படுகிறது. 

ஆனால், இதர பிற்படுத்தப்பட்ட வகுப்பினரான ஓபிசி பிரிவினருக்கு, இந்த மருத்துவக் கல்விக்கான மத்திய தொகுப்பில் இட ஒதுக்கீடு வழங்கப்படுவதில்லை. மத்திய தொகுப்பில் ஓபிசி பிரிவினருக்கும் இடஒதுக்கீடு வழங்க வேண்டும் என்று பல ஆண்டுகளாக நாடு முழுவதும் உள்ள பல்வேறு நீதிமன்றங்களில் ஏராளமான வழக்குகள் நிலுவையில் உள்ளன. 

இந்த நிலையில், ஓபிசி மாணவர்களின் இந்த நீண்டகால கோரிக்கையானது, விரைவில் தீர்க்கப்பட வேண்டும் என்று பிரதமர் நரேந்திர மோடி உத்தரவிட்டுள்ளார். இந்த பிரச்சினையில் விரைவில் முடிவு எட்டப்பட வேண்டும் என்று, டெல்லியில் நடைபெற்ற ஆலோசனைக் கூட்டத்தில், மத்திய கல்வி அமைச்சர் தர்மேந்திர பிரதான், சுகாதார அமைச்சர் மன்சுக் மாண்டவியா, கல்வி, சுகாதாரத்துறை அமைச்சகங்களின் செயலாளர்கள், சட்டம் மற்றும் சமூக நீதி அமைச்சகங்களின் மூத்த அதிகாரிகளுக்கு பிரதமர் மோடி உத்தரவிட்டுள்ளார்.