இவ்வாண்டு டி-20  உலகக் கோப்பை கிரிக்கெட் தொடரில் லீக் ஆட்டங்களும், பயிற்சி ஆட்டங்களும் நிறைவடைந்துள்ளன. சூப்பர் 12 போட்டிகள் விரைவில் தொடங்க உள்ளது. மொத்தம் 29 நாட்கள் டி 20 உலகக்கோப்பை போட்டிகள் நடைபெறுகிறது. இறுதிப்போட்டி நவம்பர் 14ம் தேதி நடைபெறும் என்று அறிவித்துள்ளனர். 

‘ஐபிஎல்’ போட்டிக்கு பிறகு மீண்டும் கிரிக்கெட் போட்டியானது தற்பொழுது சூடு பிடித்துள்ளது. இந்நிலையில் இன்று பெங்களூருவில் இந்திய கிரிக்கெட் அணி ரசிகர்கள் சுமார் 50 பேர் ஒன்று கூடி மில்லர்ஸ் சாலையில் உள்ள பூர்னசந்ரேஸ்வரா கோவிலில் இந்திய அணி டி 20 உலக கோப்பை தொடரில் வெற்றி பெற வேண்டி சிறப்பு யாகங்கள் செய்து வழிபாடு நடத்தினர்.

இந்திய அணி உலக கோப்பையை வென்றெடுக்க விஜயலட்சுமி ஹோமம், இந்திய அணி வீரர்கள் ஆரோக்கியத்துடன் இருக்க தன்வந்திரி ஆரோக்யோம் மற்றும் 
கனபதி ஹோமம் நடத்தி வழிபாடு நடத்தபட்டது குறிப்பிடதக்கது.

போதைப்பொருள் வழக்கில் இன்று மீண்டும் விசாரணைக்கு ஆஜராகும்படி, நடிகை அனன்யா பாண்டேவிற்கு உத்தரவிடப்பட்டுள்ளது.

மும்பையில் இருந்து கோவாவுக்கு சென்ற சொகுசு கப்பலில் போதைப் பொருட்கள் பயன்படுத்தியதாக, நடிகர் ஷாருக் கானின் மகன் ஆர்யன் கான் கைதாகி சிறையில் அடைக்கப்பட்டுள்ளார்.

போதைப்பொருள் வழக்கில் குற்றம் சாட்டப்பட்ட ஒருவரது வாட்ஸ்அப் சாட்டிங்கில், நடிகை அனன்யா பாண்டேயின் பெயர் இடம்பெற்றிருந்ததாக கூறப்படுகிறது. 

அது தொடர்பான விசாரணைக்கு, மும்பையில் உள்ள போதைப்பொருள் தடுப்பு பிரிவு அலுவலகத்தில், தமது தந்தை சங்கி பாண்டே உடன் அனன்யா பாண்டே ஆஜரானார்.

நேற்றைய விசாரணை முடிவடைந்த நிலையில், மேலும் சில தகவல்களை பெற வேண்டியிருப்பதால், நடிகை அனன்யா பாண்டேவை இன்று காலை 11 மணிக்கு மீண்டும் விசாரணைக்கு நேரில் ஆஜராகும்படி, போதைப் பொருள் தடுப்பு பிரிவு உத்தரவிட்டுள்ளது.

போதைப்பொருள்  தடுப்பு பிரிவு அதிகாரிகள் ஷாருக்கான் மற்றும் அனன்யா பாண்டே ஆகியோரின் குடியிருப்புகளுக்கு இன்று சென்று சோதனை நடத்தினர்.

ஷாருக்கான்  வீட்டில் சோதனை என்றவுடன் அப்பகுதியில் பெரும் பரபரப்பாக காணப்பட்டது; பிறகு அவர் வீட்டில்  சோதனை இல்லை ஆவணங்கள் சரிபார்க்க சென்றிருந்தோம் என  என்.சி.பி தரப்பில் விளக்கம் அளிக்கப்பட்டது. ஆனால் இவ்வழக்கில் இதுவரை குறிப்பிடப்படாதா பாலிவுட் நடிகை வீட்டில் ஏன்? சோதனை நடத்தினர் என கேள்விகள் எழுந்தது. 

என்சிபி அதிகாரிகள் இன்று காலை அனன்யா பாண்டேயின் இல்லத்திற்கு வந்த பிறகு நடிகையின் பெயர் சமூக ஊடகங்களில் முன்னிலைப்படுத்தப்பட்டது.  

கப்பலில் கைது செய்யப்பட்ட 20 பேரில் சிலருடன் அனன்யா பாண்டே வாட்ஸ் ஆப்பில் இருந்து, போதை பொருட்கள் குறித்தும், அதை வாங்குவது குறித்தும் பேசி இருக்கிறார். இதனால் தான்  இவருக்கு சம்மன் அனுப்பப்பட்டுள்ளது என்பது தெரியவந்துள்ளது.  

ஆர்யன் கான், அனன்யா பாண்டே இருவரும் நண்பர்கள் என்பதும் குறிப்பிடத்தக்கது.  

போதைப்பொருள் வழக்கு தொடர்பாக மும்பை  போதை பொருள் தடுப்பு பிரிவு அலுவலகத்தில் நடிகை அனன்யா பாண்டே ஆஜராகி விளக்கம் அளித்தார்.  

தடை செய்யப்பட்ட போதை பொருள்  விருநு்து வைத்த  வழக்கில்  ஷாருக்கானின் மகன் ஆர்யன் கான் கைது செய்யப்பட்ட நிலையில் பாலிவுட் நடிகை அனன்யா பாண்டேவுக்கு போதை பொருள் தடுப்பு பிரிவினர் சம்மன் அனுப்பினர்.

கப்பலில் கைது செய்யப்பட்ட 20 பேரில் சிலருடன் நடிகை அனன்யா வாட்ஸப் மூலம்  போதை பொருட்கள் குறித்து பேசியதை அதிகாரிகள் கண்டு பிடித்ததன் அடிப்படையில்  சம்மன் அனுப்பட்டது. 

 இந்நிலையில்  விசாரணைக்காக தன் இல்லத்தில் இருந்து புறப்பட்ட அனன்யா மும்பை போதைப் பொருள் தடுப்புப் பிரிவு அலுவலக  அதிகாரிகள் முன்பு ஆஜராகி  விளக்கம் அளித்து வருகிறார்.

கேரளாவில் அடுத்த 4 நாட்களுக்கு கனமழை பெய்யக்கூடும் என இந்திய வானிலை ஆய்வு மையம் எச்சரிக்கை விடுத்துள்ளது.

அரபிக்கடலில் உருவான குறைந்த காற்றழுத்த தாழ்வு நிலை காரணமாக, அண்மையில் கேரளாவில் கனமழை கொட்டித்தீர்த்தது.

இதனால் நீர்நிலைகளில் இருந்து உபரி நீர் திறந்து விடப்பட்டு, எங்கும் வெள்ளக்காடாக காட்சியளிக்கின்றன. தற்போது அம்மாநிலத்தில் இயல்பு நிலை திரும்பி வருகிறது. 

இந்தநிலையில், நாளை முதல் வருகிற 25-ம் தேதி வரை கேரளாவின் பல்வேறு மாவட்டங்களில் கனமழைக்கான எச்சரிக்கையை இந்தியா வானிலை ஆய்வு மையம் விடுத்துள்ளது.

இதுபோல் தமிழகம் மற்றும் புதுவை, மாஹி, காரைக்கால் பகுதிகளில் ஒரு சில இடங்களில் இடி, மின்னலுடன் கனமழை பெய்யக்கூடும் என தெரிவிக்கப்பட்டுள்ளது.