நடப்பாண்டுக்கான வேதியியல் துறைக்கான நோபல் பரிசு 3 விஞ்ஞானிகளுக்கு அறிவிக்கப்பட்டுள்ளது.

ராயல் ஸ்வீடிஷ் அகாடமி ஆண்டுதோறும் நோபல் பரிசுகளை அறிவித்து வருகிறது. அந்தவகையில், நடப்பாண்டில் வேதியியல் துறையில் குவாண்டம் புள்ளிகளை கண்டுபிடித்து தொகுத்ததற்காக அமெரிக்காவை சேர்ந்த விஞ்ஞானிகளான மௌங்கி பாவெண்டி, லூயிஸ் புரூஸ் மற்றும் அலெக்ஸி எகிமோவ் ஆகிய 3 பேருக்கு நோபல் விருது பகிர்ந்தளிக்கப்படுவதாக அறிவிக்கப்பட்டுள்ளது. 

இதையும் படிக்க : தமிழ்நாட்டிற்கு 11 மருத்துவ கல்லூரிகளை கொடுத்தவர் பிரதமர் நரேந்திர மோடி! - அண்ணாமலை

முன்னதாக கடந்த 3-ம் தேதி எலெக்ட்ரானிக் பொருண்மை துறையில் மேற்கொண்ட ஆய்வுகளுக்காக அமெரிக்காவை சேர்ந்த பியரி அகோஸ்டினி, ஜெர்மனியை சேர்ந்த பெரென்க் க்ரௌஸ், ஆனி ஹுல்லியர் ஆகியோருக்கு நடப்பாண்டுக்கான இயற்பியலுக்கான நோபல் பரிசு அறிவிக்கப்பட்டது. 

கடந்த 2-ம் தேதி  மருத்துவத் துறையில் நியூக்ளியோசைடு  மூலக்கூறுகள் மாற்றம் தொடர்பாக அமெரிக்காவை சேர்ந்த கேட்டலின் கரிக்கோ மற்றும் வீய்ஸ்மேன் ஆகிய இருவருக்கு நோபல் பரிசு அறிவிக்கப்பட்டது. இன்னும் பொருளாதாரம், இலக்கியம் மற்றும் அமைதிக்கான நோபல் பரிசுகள் அறிவிக்கப்பட உள்ளன. 

2 ஆயிரம் ரூபாய் நோட்டுகளை மாற்றிக் கொள்வதற்கான காலக்கெடுவை அக்டோபர் 7ம் தேதி வரை இந்திய ரிசர்வ் வங்கி நீட்டித்துள்ளது.

கடந்த 2016ம் ஆண்டு 2 ஆயிரம் நோட்டுகளை மத்திய அரசு அறிமுகப்படுத்திய நிலையில், செலவாணி மேலாண்மை நடவடிக்கைகளின் கீழ் அவற்றை திரும்பப் பெற்றுக் கொள்வதாக, கடந்த மே 19ம் தேதி ரிசர்வ் வங்கி அறிவித்தது. 

இதனைத் தொடர்ந்து தமிழ்நாட்டின் பெட்ரோல் விற்பனை நிலையங்கள், அரசு ஆம்னி பேருந்துகளில் 2 ஆயிரம் ரூபாய் நோட்டுகள் வாங்கப்படாது என முன்னதாக அறிவிக்கப்பட்டது. தொடர்ந்து செப்டம்பர் 2ம் தேதி நிலவரப்படி 93 சதவீத 2 ஆயிரம் ரூபாய் நோட்டுகள் திரும்பப் பெறப்பட்டுள்ளதாக இந்திய ரிசர்வ் வங்கி தகவல் தெரிவித்தது.

இதையும் படிக்க : திமுக மாவட்டச் செயலாளர்கள் கூட்டம் - துரைமுருகன் அறிவிப்பு!

இந்நிலையில் 2 ஆயிரம் ரூபாய் நோட்டுகளை வங்கிகளில் டெபாசிட் செய்யவும் மாற்றிக் கொள்வதற்குமான காலக்கெடுவை அக்டோபர் 7ம் தேதி வரை இந்திய ரிசர்வ் வங்கி நீட்டித்துள்ளது. புழக்கத்தில் இருந்த 96 சதவீதம் 2 ஆயிரம் ரூபாய் நோட்டுகள் திரும்பப் பெறப்பட்டுள்ளதாகவும் அறிவிக்கப்பட்டுள்ளது. 

அக்டோபர் 8ம் தேதிக்கு மேல், இந்திய ரிசர்வ் வங்கி வெளியிடும் 19 அலுவலங்களில் மட்டும் ஒரு நாளைக்கு 20 ஆயிரம் ரூபாய் வரை, நோட்டுகளை மாற்றிக்கொள்ளலாம் என்பது குறிப்பிடத்தக்கது.

காவிரி நீருக்காக கர்நாடகாவில் போராட்டங்கள் நடைபெற்று வரும் நிலையில், காவிரி நீரை ஏன் தடுக்க வேண்டும் எனவும், அனைவருக்கும் இந்த உலகம் சமம் தான் எனவும் குறிப்பிட்டு, போராட்ட காலத்தில், தமிழ்நாட்டிற்கு ஆதரவாக பேசியுள்ளார் கன்னட நடிகர் சிவராஜ் குமார்.

காவிரியில் இருந்து தமிழகத்திற்கு தண்ணீர் திறந்து விடக்கூடாது என எதிர்ப்பு தெரிவித்து கர்நாடக மாநிலத்தில் உள்ள கன்னட அமைப்புகள் கடந்த சில நாட்களாக நாட்களாக தொடர் போராட்டங்களில் ஈடுபட்டு வருகின்றனர்.

இந்நிலையில், கன்னட நடிகர் சங்கம் சார்பாக நடத்தப்பட்ட போராட்டத்தில், முன்னணி கன்னட நடிகர்களான தர்ஷன் (டி பாஸ்) மற்றும் சிவராஜ் குமார் போன்றோர் கலந்துகொண்டு பேசியுள்ளனர். 

அப்பொழுது பேசிய சிவராஜ்குமார்," நமது அரசோ, அல்லது தமிழ் நாடு அரசோ, அல்லது ஆந்திரா அரசோ, ஒன்றாக சேர்ந்து பேசி ஒரு தீர்வுக்கு வரவேண்டும். சம்பந்தப்பட்ட இரு மாநில அரசு அதிகாரிகளும், அரசியல் வாதிகளும் மற்றும் நீதிமன்றமும் ஒன்றாக சேர்ந்து ஆலோசித்து தீர்வு காண வேண்டும். அதை விட்டுவிட்டு இது போன்று போராட்டங்களில் ஈடுபடுவது தவறு. போராட்டம் என்ற பெயரில் பேருந்துகளை அடித்து நொறுக்கினால், பிரச்சனைக்கு தீர்வு கிடைத்திடுமா? பேருந்துகளை அடித்து நொறுக்கினால் அது போராட்டமாகிடுமா? இதெல்லாம் போராட்டமில்லை, வன்முறை" என பேசியுள்ளார்.

மேலும், "இந்த உலகம் அனைவருக்குமானது. தமிழ்நாடு விவசாயிகள், கர்நாடக விவசாயிகள் மற்றும் ஆந்திர விவசாயிகள் வேறு வேறு அல்ல. அனைவரும் சமம் தான். காவிரி நீரை ஏன் தடுக்க வேண்டும்" என பேசியுள்ளார்.

மேலும் "தமிழ் நடிகர் ஒருவர், செய்தியாளர் சந்திப்பில் அமர்ந்து பேசிக்கொண்டிருக்கும் பொழுது ஆர்ப்பாட்டம் பண்ணி பாதியிலேயே வெளியேற்றியது மிகப்பெரிய தவறு. அதற்காக நான் அவரிடம் மன்னிப்பு கேட்டுக்கொள்கிறேன்" என, பெங்களூரில் நடந்த சித்தா படத்தின் செய்தியாளர் சந்திப்பில், நடிகர் சித்தார்த்தை வெளியேற்றியது குறித்து பேசி மன்னிப்பும் கோரியுள்ளார்.

மேலும், வரும் பிரச்சனைகளை அனைவரும் அமர்ந்து பேசி தீர்வு காண வேண்டும் என்பதே மனிதத்தன்மை. என்றும் போராட்டங்களில் ஈடுபடுபவர்கள் மனிதர்களே இல்லை எனவும் குறிப்பிட்டு பேசியுள்ளார்.

மொழி மற்றும் சட்டத்தின் எளிமை ஆகியவை நீதி வழங்கும் முறையின் மறுபகுதி என்றும், அதைப் பற்றி நாம் இன்றளவும் அதிகம் பேசவில்லை என்று பிரதமர் நரேந்திர மோடி கூறியுள்ளார்.

டெல்லியில் உள்ள அறிவியல் மையத்தில் இந்திய வழக்கறிஞர்கள் கழகத்தின் சார்பில் நடைபெறும் சர்வதேச வழக்கறிஞர்கள் மாநாட்டை பிரதமர் மோடி தொடங்கி வைத்தார். அப்போது, பிரதமர் மோடி, உச்ச நீதிமன்ற தலைமை நீதிபதி சந்திரசூட் மற்றும் மத்திய சட்டத் துறை அமைச்சர் அர்ஜூன் ராம் மேக்வால் ஆகியோருக்கு நினைவுப் பரிசுகள் வழங்கினார்.

விழாவில் பேசிய பிரதமர் மோடி, நாடு பல்வேறு வரலாற்று அடிகளை எடுத்து வைக்கும் காலத்தில் இந்த மாநாடு நடைபெறுவது மகிழ்ச்சி அளிக்கிறது என்றார். அண்மையில் நிறைவேற்றப்பட்ட பெண்களுக்கான இட ஒதுக்கீட்டு மசோதா, இந்தியாவில் பெண்கள் தலைமையிலான வளர்ச்சிக்கு ஒரு புதிய திசை மற்றும் சக்தியை வழங்கும் என நம்பிக்கை தெரிவித்தார்.   

இதையும் படிக்க : ’த்ரீ எக்ஸ் த்ரீ’ கூடைப்பந்து போட்டி; தமிழ்நாடு ஆடவர் அணி முன்னேற்றம்!

சுதந்திர போராட்டத்தின் போது, பல வழக்கறிஞர்கள் தங்களது தொழிலை விட்டு விடுதலை இயக்கத்தில் இணைந்து போராடியதை நினைவு கூர்ந்த பிரதமர், பாரத நாட்டின் மீதான உலக நாடுகளின் நம்பிக்கைக்கு ரதத்தின் சுதந்திரமான நீதித்துறை முக்கிய பங்காற்றி வருவதாக பெருமிதம் தெரிவித்தார்.

எந்த ஒரு நாட்டையும் கட்டியெழுப்புவதில் சட்டத்தின் பங்கு முக்கியம் என்று  கூறிய பிரதமர், நீதித் துறை மற்றும் வழக்கறிஞர்கள் இந்தியாவின் சட்டம் ஒழுங்கின் பாதுகாவலர்களாக இருந்து வருவதாக கூறினார். 

சனாதன ஒழிப்பு பேச்சு தொடர்பாக உதயநிதி பதிலளிக்க உச்சநீதிமன்றம் உத்தரவிட்டுள்ளது. 

மார்க்சிஸ்ட் கம்யூனிஸ்ட் கட்சி சார்ந்த இடதுசாரி அமைப்பான தமிழ்நாடு முற்போக்கு எழுத்தாளர் சங்கத்தின் சார்பில் செப்டம்பர் ஒன்றாம் தேதி சென்னை காமராஜர் அரங்கத்தில் சனாதன ஒழிப்பு மாநாடு நடைபெற்றது. இதில் பங்கேற்ற அமைச்சர் உதயநிதி ஸ்டாலின், சனாதனத்தை நாம் எதிர்க்க கூடாது ஒழிக்க வேண்டும் என்று பேசினார். 

இதையும் படிக்க : "தனியார் கல்லூரிகளுக்கு சாதகமாக நீட் தேர்வு முறை" டாக்டர் எழிலன் குற்றச்சாட்டு!

இவரது இந்த பேச்சு சர்ச்சையான நிலையில், இந்து மக்களின் உணர்வுகளைப் புண்படுத்தும் வகையில் பேசியுள்ளதாக உதயநிதி உள்ளிட்டோர் மீது நடவடிக்கை எடுக்கக்கோரி உச்சநீதிமன்றத்தில், பல்வேறு தரப்பினர் பொதுநல மனு தாக்கல் செய்தனர். இந்நிலையில், சென்னையைச் சேர்ந்த ஜெகன்நாத் என்பவர் சனாதன ஒழிப்பு மாநாட்டின் பின்புலம் என்ன என்பது பற்றி சிபிஐ விசாரிக்க, உச்ச நீதிமன்றம் உத்தரவிடக் கோரி மனு தாக்கல் செய்துள்ளார். 

இந்த மனு மீதான விசாரணையில், சனாதன ஒழிப்பு பேச்சு தொடர்பாக உதயநிதி பதிலளிக்க உச்சநீதிமன்றம் உத்தரவிட்டுள்ளது. அத்துடன், சனாதன எதிர்ப்பு மாநாட்டில் அமைச்சர்கள் பங்கேற்றது குறித்து, தமிழக அரசு பதிலளிக்கவும் உத்தரவிட்டுள்ள உச்சநீதிமன்றம், சனாதன சர்ச்சை விவகாரத்தில் ஏன் உயர்நீதிமன்றத்தை நாடக்கூடாது என மனுதாரருக்கு கேள்வி எழுப்பியுள்ளது.