மும்பையில் சொகுசுக் கப்பலில் போதைப் பார்ட்டியில் ஈடுபட்டதாக பாலிவுட் நடிகர் ஷாருக்கானின் மகன் ஆர்யன் கான் உள்ளிட்டோர் கடந்த அக்டோபர் 2 ஆம் தேதி கைது செய்யப்பட்டனர். இந்த சம்பவம் நாடு முழுவதும் பெரும் அதிர்வலைகளை கிளப்பியது.

இதற்கிடையில் தனக்கு ஜாமீன் வழங்கக்கோரி 2 முறை தாக்கல் செய்த ஜாமீன் மனுக்களையும் நீதிமன்றம் தள்ளுபடி செய்தது. அதனைதொடர்ந்து தனக்கு ஜாமீன் வழங்ககோரி மும்பை  உயர் நீதிமன்றத்தின் மூனாவது முறையாக ஆர்யன் கான் மனு தாக்கல் செய்தார். 

இந்த மனு குறித்து இன்று  உயர் நீதிமன்றத்தில் விசாரணை நடைபெற்றது. இந்நிலையில் இந்த வழக்கை விசாரித்த நீதிமன்றம், அவருக்கு ஜாமீன் வழங்கி உத்தரவிட்டது, இதற்கிடையில் ஆர்யன் கான் நாளை சிறையில் இருந்து விடுவிக்கப்படலாம் என எதிர்பார்க்கப்படுகிறது. 

கர்நாடக போக்குவரத்து அமைச்சராக இருக்கும் ஸ்ரீராமுலு இன்று கொப்பல் மாவட்டம் கொப்பல் நகரில் பல்வேறு அரசு நிகழ்ச்சிகளில் கலந்து கொண்டார். பின்னர் கங்காவதி கோவிலுக்கு சென்ற போது அங்கு இருந்த நூற்றுக்கணக்கான குரங்குகளுக்கு கூடை கூடையாக வாழைப் பழங்களை வாங்கி வந்து உணவளித்தார்.

அனைத்து குரங்குகளும் அமைச்சரின் கையில் இருந்து வாழைப்பழத்தை வாங்கி சென்ற நிலையில் ஒரே ஒரு குரங்கு அமைச்சரின் தோள்பட்டையில் ஏறி அமர்ந்து கொண்டு அவரது கையிலிருந்து வாழைப்பழத்தை வாங்கி உண்டு மகிழ்ந்தது.   

குரங்குகளுக்கும் பழங்கள் பரிமாறிய பிறகு அமைச்சர் அங்கிருந்து கிளம்பி சென்றார். அமைச்சரின் தோள்பட்டையில் அமர்ந்தவாறு குரங்கு பழத்தை வாங்கி உண்ணும் காட்சி தற்போது சமூக வலைதளங்களில் வைரலாக பரவி வருகிறது.

திரை உலகின் உச்ச விருதான தாதா சாகேப் பால்கே விருது தனது நண்பன் ரஜினிக்கு கிடைத்தது மட்டற்ற மகிழ்ச்சி என அவரது நண்பர் ராஜ்பகதூர் தெரிவித்துள்ளார். நிச்சயம் ரஜினி காந்துக்கு இந்த விருது கிடைக்கும் என தான் முன்பே எதிர்பார்ப்பதாகவும் அவர் தெரிவித்துள்ளார்.

ரஜினிகாந்த் ஒவ்வொரு படத்தின் திரைக்கதை குறித்து தன்னிடம் விவாதிப்பார், அதில் சில குறைகளை சொல்லும் போது அதை திருத்திக் கொள்வார். அதேபோல் அண்ணாத்த திரைப்படம் குறித்து என்னிடம் விவாதித்தார். 

அதில் ஒரு மாற்றம் கூட நான் தெரிவிக்கவில்லை அந்த அளவிற்கு சிறப்பான திரைப்படம் அண்ணாத்த.  தீபாவளிக்கு அண்ணாத்த திரைப்படம் வெளியாவதில் மகிழ்ச்சி நிச்சயம் இந்த படம் பிரம்மாண்ட வெற்றி பெறும் அண்ணன், தங்கை பாசத்தை இந்தப்படத்தில் அழகாக காண்பித்துள்ளனர் என தெரிவித்தார்.

முல்லைப் பெரியாறு அணையின் நீர்மட்டம் குறித்த பிரச்சனையில், தமிழகம் மற்றும் கேரள அரசுகளுக்கு இடையே ஒத்துழைப்பு இல்லை என உச்சநீதிமன்றம் கண்டித்துள்ளது.

முல்லைப் பெரியாறு அணையின் உச்சபட்ச நீர்தேக்கும் வரம்பு தொடர்பாக தமிழக - கேரளா இடையே நீண்ட காலமாக பிரச்சனை இருந்து வருகிறது. 

இதுதொடர்பான வழக்கு இன்று உச்சநீதிமன்றத்தில் விசாரணைக்கு வந்தது. அப்போது, முல்லைப் பெரியாறு அணையின் நீர்மட்டம் தொடர்பாக தமிழகம் மற்றும் கேரள அரசுகள் இணைந்து முடிவு எடுக்க வேண்டும் என நீதிபதிகள் அறிவுறுத்தினர். 

இது மிகவும் தீவிரமான பிரச்சனை என்று கூறிய நீதிபதிகள், மக்களின் உயிர் மற்றும் உடைமை சம்பந்தப்பட்ட பிரச்சனை என்பதால், உடனடியாக நடவடிக்கை மேற்கொள்ள வேண்டும் என உத்தரவிட்டனர்.   

இந்தப் பிரச்சனையில் மனுதாரர்கள் தங்கள் வேலைகளைச் சரியாக செய்யும் பட்சத்தில், நாங்கள் நுழைய வேண்டிய அவசியம் இல்லை என்று நீதிபதிகள் கூறினர். 

இதற்கு பதில் அளித்த தமிழக அரசு, அணையைத் திறப்பது தொடர்பாக கலந்தாலோசித்து விட்டு விளக்கம் அளிப்பதாகத் தெரிவித்தது. 

இதை அடுத்து கேரளாவின் பதற்ற நிலையைப் புரிந்து கொண்டு, மத்திய அரசு விரைவாகப் பதில் அளிக்க வேண்டும் என்றும் நீதிபதிகள் உத்தரவிட்டனர்.  

புதுச்சேரி ஆளுநர் மாளிகையில் துணை நிலை ஆளுநர் தமிழிசை செளந்தராஜன் தலைமையில்  ஆலோசனை கூட்டம் நடைபெற்றது. இந்த ஆலோசனை கூட்டத்தில் சுகாதாரத்துறை செயலர் , , கல்வித்துறை, வருவாய்த்துறை அதிகாரிகள் கலந்து கொண்டனர். 

இதில் பங்கேற்ற பின் செய்தியாளர்களிடம் பேசிய அவர், நவம்பர் முதல் வாரத்தில் ஒன்று முதல் 8 ஆம் வகுப்பு மாணவர்களுக்கு பள்ளிகளை திறப்பது குறித்து கல்வித்துறை அமைச்சர் ஆலோசனை மேற்கொண்டு வருவதாகவும் கூறினார்.