நான்காம் தேதி தொடங்கும் நாடாளுமன்ற குளிர்காலக் கூட்டத் தொடர் தொடர்பாக அனைத்துக் கட்சி கூட்டம் டெல்லியில் நடைபெற்று வருகிறது. 

வரும் 4-ம் தேதி தொடங்கி 22-ம் தேதி வரை நடைபெறும் குளிர்காலக் கூட்டத்தொடரை சுமூகமாக நடத்துவது தொடர்பாக,அனைத்துக்கட்சி கூட்டத்திற்காக நாடாளுமன்ற விவகாரத்துறை அமைச்சர் பிரகலாத் ஜோஷி அழைப்பு விடுத்திருந்த நிலையில், இன்று கூட்டம் நடைபெறுகிறது. குளிர்கால கூட்டத் தொடரை பொருத்தவரை நிலுவையில் உள்ள 37 மசோதாக்களை நிறைவேற்றவும், ஆறு மசோதாக்களை அறிமுகம் செய்யவும் மத்திய அரசு திட்டமிட்டுள்ளதாக தகவல் வெளியாகியுள்ளன. குறிப்பாக பொது சிவில் சட்டம் குறித்த விவாதம், மேற்குவங்கத்தை சேர்ந்த திரிணாமுல் காங்கிரஸ் எம்பி மஹூவா மொய்த்ரா மீது உள்ள குற்றச்சாட்டு மற்றும் அவரை பணிக்கு சேர்ப்பது தொடர்பாக வாக்கெடுப்பு நடத்தப்படும் எனவும் எதிர்பார்க்கப்படுகிறது.   

இதையும் படிக்க : தமிழ்நாட்டின் முதல் பெண் கிராண்ட் மாஸ்டர் வைஷாலி!

அதை வேளையில் எதிர்க்கட்சிகளின் சார்பாக மஹூவா மொய்த்ரா விவகாரம், ஆம் ஆத்மி நாடாளுமன்ற உறுப்பினர் ராகவ் சத்தா சஸ்பெண்ட் செய்யப்பட்டது, எதிர்க்கட்சி தலைவர்களை குறி வைத்து விசாரணை அமைப்புகளை பாஜக அரசு தவறாக பயன்படுத்துகிறது உள்ளிட்ட விவகாரங்கள் தொடர்பாக எதிர்க்கட்சிகள் கேள்வி எழுப்பும் எனவும் தெரிகிறது.

நாடாளுமன்ற குளிர்கால கூட்டத்தொடர் வரும் 4-ம் தேதி தொடங்கவுள்ள நிலையில், இன்று அனைத்துக்கட்சி கூட்டம் நடைபெறவுள்ளது.

நாடாளுமன்ற சிறப்புக்கூட்டத்தொடர் கடந்த செப்டம்பர் 18-ம் தேதி முதல் 22-ம் தேதி வரை நடைபெற்றது. இதையடுத்து, நாடாளுமன்றம் தேதி குறிப்பிடாமல் ஒத்திவைக்கப்பட்டது. இந்த சூழலில் நாடாளுமன்ற குளிர்கால கூட்டத்தொடர் வருகிற டிசம்பர் 4-ம் தேதி தொடங்குகிறது. இந்த கூட்டத்தொடரில் 15 அமர்வுகளுக்கு திட்டமிடப்பட்டுள்ளது. அத்துடன் 18 மசோதாக்கள் உள்பட முக்கிய அலுவல்களை இந்தக் கூட்டத்தொடரில் மேற்கொள்ளவும் மத்திய அரசு திட்டமிட்டு உள்ளது.

இதையும் படிக்க : "ED அதிகாரி கைது செய்யப்பட்டதை அரசியலாக்கக் கூடாது" - அண்ணாமலை

இந்நிலையில் இந்த கூட்டத்தொடரை சுமூகமாக நடத்துவதற்கு எதிர்க்கட்சிகள் உள்பட அனைத்துக்கட்சிகளின் ஆதரவையும் அரசு நாடியுள்ளது. இது குறித்து விவாதிப்பதற்காக அனைத்துக்கட்சி கூட்டத்திற்கு அரசு அழைப்பு விடுத்துள்ளது. அதன்படி இந்த கூட்டம் நாடாளுமன்றத்தின் நூலக கட்டிடத்தில் இன்று நடைபெறவுள்ளது. இந்த கூட்டத்தில் பங்கேற்குமாறு அனைத்துக்கட்சிகளின் நாடாளுமன்றக்குழு தலைவர்களுக்கு அழைப்பு விடுக்கப்பட்டு உள்ளது. நாடாளுமன்ற குளிர்கால கூட்டத்தொடர்  வரும் 22-ம் தேதி வரை நடத்த திட்டமிடப்பட்டிருப்பது குறிப்பிடத்தக்கது.

தெலங்கானா மாநில சட்டமன்ற தேர்தல் நிறைவடைந்துள்ள நிலையில், 5 மாநில தேர்தலுக்கு பிந்தைய கருத்துக் கணிப்பு வெளியாகியுள்ளது. 

சத்தீஸ்கர், மிசோரம், ராஜஸ்தான், மத்திய பிரதேசம் மற்றும் தெலங்கானா மாநிலங்களின் சட்டமன்ற தேர்தல் முடிவடைந்துள்ளது. இதையடுத்து 5 மாநிலங்களுக்கான தேர்தல் முடிவுகள் வரும் டிசம்பர் 3-ம் தேதி வெளியாகவுள்ளது. இந்த நிலையில், தேர்தல் கருத்து கணிப்புகளை தேசிய ஊடகங்கள் வெளியிட்டுள்ளன. 

அதில், சத்தீஸ்கரில் பெரும்பான்மையாக பாஜக 36 முதல் 46 இடங்களிலும், காங்கிரஸ் கட்சி 54 முதல் 64 இடங்களிலும், இதர கட்சிகள் 2 இடங்களிலும் வெற்றி பெறும் என்று தெரிவிக்கப்பட்டுள்ளது. இதனால் காங்கிரஸ் கட்சி ஆட்சியைத் தக்க வைக்க வாய்ப்புள்ளதாகத் தெரிகிறது. 

மிசோரம் மாநிலத்தில், ஆட்சியில் உள்ள மிசோர் தேசிய முன்னணிக்கு 14 முதல் 20 இடங்களில் வெற்றி வாய்ப்புள்ளதாகவும், ஜோரம் மக்கள் இயக்கத்திற்கு 9-லிருந்து 15 இடங்களிலும், காங்கிரஸுக்கு 7 முதல் 13 இடங்களில் வெற்றி வாய்ப்பு உள்ளதாகவும் கணிக்கப்பட்டுள்ளது. 

மத்திய பிரதேசத்தில் பாஜக 118 முதல் 130 இடங்களிலும், காங்கிரஸ் 91 முதல் 107 இடங்களிலும், இதர கட்சிகள் 2 இடங்களிலும் வெற்றி பெறலாம் என கருத்துக் கணிப்பில் தெரிவிக்கப்பட்டுள்ளது. இதனால் அம்மாநிலத்தில் காங்கிரஸ் - பாஜக இடையே இழுபறி நீடிக்கிறது. 

ராஜஸ்தானில் 101 முதல் 125 இடங்களில் பாஜகவும், 62 முதல் 75 இடங்களில் காங்கிரஸ் கட்சியும், 14 முதல் 15 இடங்களில் இதர கட்சிகளும் வெற்றி பெற வாய்ப்புள்ளதாக கணிப்பில் தெரிய வந்துள்ளது. இதன்படி, காங்கிரஸை வீழ்த்தி பாஜக ஆட்சி அமைக்கும் என எதிர்பார்க்கப்படுகிறது.   

தெலங்கானாவைப் பொருத்தளவில் ஆளும் பி.ஆர்.எஸ் கட்சி 37 முதல் 51 இடங்களிலும், காங்கிரஸ் கட்சி 58 முதல் 71 இடங்களிலும் பாஜக 2 முதல் 6 இடங்களிலும் வெற்றி பெற வாய்ப்புள்ளதாக தெரிகிறது.  இதனால் காங்கிரஸ் - பி.ஆர்.எஸ் கட்சி இடையே இழுபறி நிலவுகிறது. ஆளும் பி.ஆர்.எஸ் கட்சி ஆட்சியை இழக்க வாய்ப்புள்ளதாக தெரிவிக்கபப்ட்டுள்ளது. 

தெலங்கானா மாநில சட்டப் பேரவை தேர்தலுக்கான வாக்குப்பதிவு காலை ஏழு மணிக்கு தொடங்கி விறுவிறுப்பாக நடைபெற்று வருகிறது. மதியம் 1 மணி நிலவரப்படி 36 புள்ளி 68 சதவீத வாக்குகள் பதிவாகியுள்ளன.

மிசோரம், சத்தீஸ்கர், மத்திய பிரதேசம், ராஜஸ்தான், தெலங்கானா  ஆகிய 5 மாநிலங்களுக்கு தேர்தல் அறிவிக்கப்பட்ட நிலையில், தெலங்கானாவைத் தவிர பிற மாநிலங்களில் வாக்குப் பதிவு நிறைவடைந்து விட்டது.

இறுதியாக 119 தொகுதிகளைக் கொண்ட தெலங்கானா மாநிலத்தில் ஒரே கட்டமாக இன்று காலை ஏழு மணி முதல் வாக்குப் பதிவு தொடங்கி நடைபெற்று வருகிறது. வாக்குப் பதிவு தொடங்கியது முதலே பொதுமக்கள் ஆர்வமுடன் நீண்ட வரிசையில் நின்று தங்களது வாக்குகளை செலுத்தி வருகின்றனர்.

தெலங்கானா முதலமைச்சர் சந்திரசேகர ராவ் சிந்தமதகா வாக்குச் சாவடியிலும் ஒய் எஸ் ஆர் தெலங்கானா கட்சித் தலைவர் ஒய் எஸ் சர்மிளா,  ஹரியானா ஆளுநர் பண்டாரு தத்தாத்ரேயா  ஹைதராபாத்திலும் தங்கள் வாக்குகளை பதிவு செய்தனர்.

மத்திய கலாச்சாரத் துறை அமைச்சர் கிஷன் ரெட்டி ஹைதராபாத்தில் பர்கத்புரா பகுதியில் அமைக்கப்பட்டுள்ள வாக்குச் சாவடியிலும், சந்திரசேகர ராவின் மகளான கவிதா பஞ்சாரா ஹில்ஸ் வாக்குச் சாவடியிலும், ஐதராபாத்தில் அசாதுதீன் ஓவைசியும், கொடாங்கலில் காங்கிரஸ் மாநிலத்தலைவர் ரேவந்த் ரெட்டியும் வாக்களித்தனர். 

திரைப்பட நட்சத்திரங்கள் சிரஞ்சீவி, அல்லு அர்ஜுன் , நாகர்ஜூனா, நாக சைத்தன்யா, அமலா, கீரவாணி உள்ளிட்டோரும் தங்களது ஜனநாயகக் கடமையை ஆற்றினர். 

தெலுங்கானாவில் ஆட்சியைப் பிடிக்க காங்கிரஸ், பாஜக மற்றும் ஆளும் பிஆர் எஸ் கட்சிகளுக்கிடையே கடும் போட்டி நிலவுகிறது.  இன்றைய வாக்குப் பதிவுக்காக 35 ஆயிரத்து 655 வாக்குச் சாவடிகள் அமைக்கப்பட்டு 50 போலிசார் பாதுகாப்புப் பணியில் ஈடுபட்டுள்ளனர். நக்சலைட்டுகள் பாதிப்புகள் உள்ள 13 தொகுதிகளில் மாலை 4 மணி வரை மட்டுமே வாக்குப் பதிவு நடைபெறவுள்ளது. 

இதனிடையே  ஜங்கான் வாக்குச்சாவடியில் நடைபெறும் வாக்குப் பதிவின் போது காங்கிரஸ் - பாஜக தொண்டர்கள் கைகலப்பில் ஈடுபட்டதால் சிறிதுநேரம் வாக்குப்பதிவு பாதிக்கப்பட்டது. பொதுமக்கள் ஆர்வமுடன் வாக்களித்து வரும் நிலையில் வாக்குச்சாவடிகளுக்கு செல்வதற்காக ஹைதராபாத்தில் ஜன்னல் வழியே பேருந்தில் ஏறி இடம் பிடித்து சென்றனர். பேருந்தில் இடமில்லாததால் மேற்கூரை மேல் அமர்ந்து சென்று ஜனநாயக கடமையை ஆற்றினர்.

இந்நிலையில் காலை முதல் வாக்குப்பதிவு விறுவிறுப்பாக நடைபெற்று வரும் நிலையில், 1 மணி நிலவரப்படி 36 புள்ளி 68 சதவீத வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது..

தெலங்கானா மாநில சட்டப் பேரவை தேர்தலுக்கான வாக்குப்பதிவு காலை ஏழு மணிக்கு தொடங்கி விறுவிறுப்பாக நடைபெற்று வருகிறது. காலை 11 மணி நிலவரப்படி 20.64 சதவீத வாக்குகள் பதிவாகியுள்ளன.

மிசோரம், சத்தீஸ்கர், மத்திய பிரதேசம், ராஜஸ்தான், தெலங்கானா  ஆகிய 5 மாநிலங்களுக்கு தேர்தல் அறிவிக்கப்பட்ட நிலையில், தெலங்கானாவைத் தவிர பிற மாநிலங்களில் வாக்குப் பதிவு நிறைவடைந்து விட்டது.

இறுதியாக 119 தொகுதிகளைக் கொண்ட தெலங்கானா மாநிலத்தில் ஒரே கட்டமாக இன்று காலை ஏழு மணி முதல் வாக்குப் பதிவு தொடங்கி நடைபெற்று வருகிறது. வாக்குப் பதிவு தொடங்கியது முதலே பொதுமக்கள் ஆர்வமுடன் நீண்ட வரிசையில் நின்று தங்களது வாக்குகளை செலுத்தி வருகின்றனர்.

இதையும் படிக்க : தமிழ்நாட்டில் அடுத்த 5 நாட்களுக்கு கனமழை பெய்ய வாய்ப்பு!

மத்திய கலாச்சாரத் துறை அமைச்சர் கிஷன் ரெட்டி ஹைதராபாத்தில் பர்கத்புரா பகுதியில் அமைக்கப்பட்டுள்ள வாக்குச் சாவடியிலும் பாரதிய ராஷ்டிரிய சமிதி மேலவை உறுப்பினரும் சந்திரசேகர ராவின் மகளுமான கவிதா பஞ்சாரா ஹில்ஸ் வாக்குச் சாவடியிலும்,  திரைப்பட நடிகர் அல்லு அர்ஜூன் ஜூப்ளி ஹில்ஸ்  வாக்குப் பதிவு மையத்திலும் வாக்களித்தனர். 

தெலுங்கானாவில் ஆட்சியைப் பிடிக்க காங்கிரஸ், பாஜக மற்றும் ஆளும் பிஆர் எஸ் கட்சிகளுக்கிடையே கடும் போட்டி நிலவுகிறது. இன்றைய வாக்குப் பதிவுக்காக 35 ஆயிரத்து 655 வாக்குச் சாவடிகள் அமைக்கப்பட்டு 50 போலீசார் பாதுகாப்புப் பணியில் ஈடுபட்டுள்ளனர். நக்சலைட்டுகள் பாதிப்புகள் உள்ள 13 தொகுதிகளில் மாலை 4 மணி வரை மட்டுமே வாக்குப் பதிவு நடைபெறவுள்ளது. 

தெலுங்கானாவில் காலை முதலே வாக்குப்பதிவு விறுவிறுப்பாக நடைபெற்று வரும் நிலையில், 11 மணி நிலவரப்படி 20 புள்ளி 64 சதவீத வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது.