ஒரு நாள் போட்டிக்கான ஆடவர் கிரிக்கெட் அணியின்  தரவரிசை பட்டியலை இந்திய கிரிக்கெட் வாரியம் வெளியிட்டுள்ளது. இதில் 2 மற்றும் மூன்று ஆகிய இடங்களை முறையே இந்தியாவின் விராட் கோலி மற்றும் ரோகித் சர்மா ஆகியோர் பிடித்துள்ளனர்.

அண்மையில் நடந்து முடிந்த இந்தியாவிற்கு எதிரான ஒரு நாள் போட்டியில். அபார ஆட்டத்தை வெளிப்படுத்திய தென் ஆப்ரிக்காவின் குயின்டன் டீ காக் முதல் 5 இடத்திற்கு முன்னேறியுள்ளார்.  பாகிஸ்தானின் பாபர் அசாம் 873 புள்ளிகளுடன் முதல் இடத்தை பிடித்துள்ளார். மேலும் நியூசிலாந்து வீரர் ரோஸ் டெய்லர் மற்றும்  ஆஸ்திரேலியாவின் ஆரோன் பிஞ்ச் ஆகியோர் முறையே 4 மற்றும் 5 வது இடங்களை பிடித்துள்ளனர். 

விராட் கோலி, 120 சதங்களை விளாசும் முன் திருமணம் செய்திருக்க  கூடாது என பாகிஸ்தான் முன்னாள் கிரிக்கெட் வீரர் சோயப் அக்தர் கருத்துக்கு நெட்டிசன்கள் கண்டனம்  தெரிவித்து வருகின்றனர்.

இந்திய அணியின் முன்னாள் கேப்டன் விராட் கோலி தனது கேப்டன் பதவியை ராஜினாமா செய்ததில் இருந்து பல்வேறு சர்ச்சைகளில் சிக்கி வருகிறார். இதற்கு பிசிசிஐயுடன் இருக்கும் கருத்து வேறுபாடே காரணம் என கூறப்படுகிறது.

இந்தநிலையில், அவருக்கு ஆதரவாக கருத்து தெரிவித்துள்ள பாகிஸ்தான் முன்னாள் பவுலர் அக்தர், விராட் கோலி சிறந்த பேட்ஸ்மென் என்றும், உலக கிரிக்கெட் வீரர்களை விட அவர் அதிகம் சாதித்துள்ளதாகவும் தெரிவித்துள்ளார்.   

மேலும் அவர் 120 சதங்களை விளாசிய பின்னர்   திருமணம் செய்திருந்திருக்கலாம் என கூறிய அவர், தான் இந்திய அணியில் இடம்பெற்றிருந்தால், இதையே செய்திருப்பேன் எனவும் கூறியுள்ளார்.  

இதனிடையே இவரது கருத்துக்கு கண்டனம் தெரிவித்து வரும் நெட்டிசன்கள், தனிநபரின் வாழ்க்கையில் தலையிட வேண்டாம் என பதிவிட்டுள்ளனர். 

தென்ஆப்பிரிக்காவில் சுற்றுப்பயணம் மேற்கொண்ட இந்திய கிரிக்கெட் அணி 3 டெஸ்ட், 3 ஒருநாள் போட்டிகள் கொண்ட தொடரில் விளையாடியது. டெஸ்ட் தொடரை 2-1 என்ற என்ற கணக்கில் தென் ஆப்பிரிக்கா கைப்பற்றியது.

இந்த நிலையில் இந்தியா-தென்ஆப்பிரிக்கா இடையிலான 3-வது மற்றும் கடைசி ஒரு நாள் கிரிக்கெட் போட்டி கேப்டவுனில் உள்ள நியூலேண்ட்ஸ் டேடியத்தில் நேற்று நடைபெற்றது. இதில் டாஸ் வென்ற இந்திய அணி பந்துவீச்சை தேர்வு செய்தது. இதைத் தொடர்ந்து முதல் 2 போட்டிகளில் வென்று தொடரை கைப்பற்றிய தென் ஆப்பிரிக்க அணி, தொடரை ஒயிட் வாஷ் செய்யும் முனைப்பில் விளையாடியது. தென்ஆப்பிரிக்க அணியின் துவக்க ஆட்டக்காரரான டி காக் சதம் அடித்து அசத்தினார். 130 பந்துகளில் 124 ரன்கள் அடித்த டிகாக் , பும்ரா பந்து வீச்சில் ஆட்டமிழந்தார். மேலும் வான்டெர் துஸ்சென் 52 ரன்களும், டேவிட் மில்லர் 39 ரன்களும், எடுத்து ஆட்டமிழந்தனர். இந்த நிலையில் தென் ஆப்பிரிக்க அணி 49 புள்ளி 5 ஓவர் முடிவில் 287 ரன்களுக்கு ஆட்டமிழந்தது. 

இதையடுத்து 288 ரன்கள் என்ற இலக்கை நோக்கி ஆடிய இந்திய அணியின் தொடக்க ஆட்டக்காரர் கே.  எல்.ராகுல் 9 ரன்னில் வெளியேறினார். இதையடுத்து தவானுடன் விராட் கோலி கைகோர்த்தார். இருவரும் சீரான ஆட்டத்தை வெளிப்படுத்தினர். தவான் 61 ரன்னிலும், கோலி 65 ரன்னிலும் ஆட்டமிழந்தனர்.

அடுத்தடுத்து விக்கெட்டுகளை பறிகொடுத்த இந்திய அணியை கடைசி கட்டத்தில் தீபக் சாகர் அரைசதம் அடித்து ஆட்டத்தை திசை திருப்பினார். ஆனால் அவரால் அணியை வெற்றிக்கு அருகேதான் கொண்டுசெல்லவே முடிந்தது. பரபரப்பான இறுதி கட்டத்தில் இந்திய அணி 49 புள்ளி 2 ஓவர்களில் 283 ரன்களுக்கு அனைத்து விக்கெட்டுகளையும் இழந்தது. இதன் மூலம் தென் ஆப்பிரிக்கா 4 ரன்கள் வித்தியாசத்தில் திரில் வெற்றி பெற்று 3-0 என்ற கணக்கில் தொடரை முழுமையாக கைப்பற்றியது. 

இந்தியா, தென் ஆப்பிரிக்கா அணிகளுக்கு இடையிலான இரண்டாவது ஒருநாள் போட்டி பார்ல் மைதானத்தில் நேற்று நடைபெற்றது. டாஸ் வென்ற இந்தியா முதலில் பேட்டிங்கை தேர்வு செய்தது. அதன்படி, முதலில் களமிறங்கிய இந்திய அணி, 50 ஓவரில் 6 விக்கெட் இழப்புக்கு 287 ரன்களை எடுத்தது. ரிஷப் பண்ட் 85 ரன்னும், கே.எல்.ராகுல் 55 ரன்னும் எடுத்தனர்.

இதையடுத்து, 288 ரன்கள் எடுத்தால் வெற்றி என்ற இலக்குடன் தென் ஆப்பிரிக்கா அணி களமிறங்கியது. தொடக்க ஆட்டக்காரர்களாக மலானும், டி காக்கும் இறங்கினர். இருவரும் அரை சதம் கடந்தனர்.  முதல் விக்கெட்டுக்கு 132 ரன்கள் சேர்த்த நிலையில், டி காக் 78 ரன்னில் ஆட்டமிழந்தார்.  சதமடிப்பார் என எதிர்பார்க்கப்பட்ட மலான் 91 ரன்னில் வெளியேறினார்.

அப்போது தென் ஆப்பிரிக்கா 2 விக்கெட்டுக்கு 212 ரன்கள் எடுத்திருந்தது. கேப்டன் பவுமா 35 ரன்னில் ஆட்டமிழந்தார். அடுத்து இறங்கிய மார்கிரமும், வான் டெர் டுசனும் பொறுப்புடன் ஆடி அணியை வெற்றிப் பாதைக்கு அழைத்துச் சென்றனர்.  இறுதியில், தென் ஆப்பிரிக்கா அணி 48 புள்ளி ஒரு  ஓவரில் 3 விக்கெட் இழப்புக்கு 288 ரன்களை எடுத்து வெற்றி பெற்றது. இதன்மூலம் 2-0 என்ற கணக்கில் ஒருநாள் தொடரையும் தென்னாப்பிரிக்கா கைப்பற்றியது.

2022 ஆடவர் டி20 உலகக் கோப்பை கிரிக்கெட் போட்டிகளுக்கான அட்டவணையை ஐ.சி.சி. வெளியிட்டுள்ளது. மொத்தம் 45 போட்டிகள் கொண்ட இந்த தொடர், வரும் அக்டோபர் 16 ஆம் தேதி தொடங்கி நவம்பர் 13ஆம் தேதி வரை ஆஸ்திரேலியாவில் நடைபெறுகிறது.

அடிலெய்டு, பிரிஸ்பேன், கீலாங், ஹோபார்ட், மெல்போர்ன், பெர்த் மற்றும் சிட்னி உள்ளிட்ட இடங்களில் போட்டிகள் நடைபெறும் என அறிவிக்கப்பட்டுள்ளது. அரையிறுதிப் போட்டிகள் சிட்னி கிரிக்கெட் மைதானத்திலும், அடிலெய்டு ஓவல் மைதானத்திலும் முறையே நவம்பர் 9 மற்றும் 10 தேதிகளில் நடைபெறும்.  இறுதிப் போட்டி நவம்பர் 13ம் தேதி மெல்போர்ன் கிரிக்கெட் மைதானத்தில் பகல் இரவு ஆட்டமாக நடைபெறுகிறது. 

போட்டியை நடத்தும் ஆஸ்திரேலியா, ஆப்கானிஸ்தான், வங்காளதேசம், இங்கிலாந்து, இந்தியா, பாகிஸ்தான், நியூசிலாந்து மற்றும் தென்னாப்பிரிக்கா ஆகிய அணிகள் சூப்பர் 12 சுற்றில் விளையாட தகுதி பெற்றுள்ளன. இந்தியா தனது முதல் போட்டியில் பாகிஸ்தானை எதிர்த்து விளையாடுகிறது. அக்டோபர் 23ம் தேதி மெல்போர்ன் மைதானத்தில் இந்த போட்டி நடைபெறுகிறது.  இந்த போட்டிகளுக்கான டிக்கெட் விற்பனை அடுத்த மாதம் 7ம் தேதி தொடங்குகிறது.