இந்தியாவின் புகழ்பெற்ற வேகப்பந்து வீச்சாளரான ஜாகீர் கான் இன்று 44 வயதை எட்டியுள்ளார். தனது 14 வருட சர்வதேச கிரிக்கெட் வாழ்க்கையில், ஜாகீர் மொத்தம் 610 விக்கெட்டுகளை வீழ்த்தியுள்ளார்.

பொறியியலாளர் டூ கிரிக்கெட்டர்:  

2011 உலகக் கோப்பையில் அவர் கண்டுபிடித்த  'இமிடேஷன் பந்து' எதிரணியினரிடையே பீதியை உருவாக்கியது.  ஜாகீர் ஒரு கிரிக்கெட் வீரராக மாற விரும்பவில்லை. அவர் ஒரு பொறியியலாளர் ஆக விரும்பினார், ஆனால் அதிர்ஷ்டம் அவரை நட்சத்திரமாக்கியது.

தந்தையின் கனவிற்காக...:

1978-ம் ஆண்டு மகாராஷ்டிர மாநிலம் அகமதுநகரின் ஸ்ரீராம்பூரில் பிறந்த  ஜாகீர் கான் பொறியாளர் ஆக வேண்டும் என்றே ஆசைப்பட்டார். ஆனால் அவரது தந்தை அவரிடம், ”மகனே நாட்டில் பல பொறியாளர்கள் உள்ளனர், நீ வேகப்பந்து வீச்சாளராகி நாட்டுக்காக விளையாடு.” என்று கூறி அவரை 17 வயதில் மும்பைக்கு அழைத்துச் சென்றுள்ளார்.

சர்வதேச அறிமுகம்:

மும்பை மற்றும் மேற்கு மண்டலத்தின் 19 வயதுக்குட்பட்ட அணியில் சேர்க்கப்பட்டார் ஜாகீர்.   அதன் பிறகு, MRF பேஸ் அகாடமி மூலம் வேகமாக முன்னேறி, இந்திய அணியில் இடம்பிடித்து வெற்றியின் ஏணியில் ஏறத் தொடங்கினார்.   2000 ஆம் ஆண்டு இந்திய அணிக்காக சர்வதேச அரங்கில் அறிமுகமானார் ஜாகீர்.

இந்தியாவுக்காக...:

14 ஆண்டுகால சர்வதேச கிரிக்கெட் வாழ்க்கையில் இந்தியாவுக்காக  மொத்தம் 92 டெஸ்ட் மற்றும் 200 ஒருநாள் போட்டிகளில் விளையாடியுள்ளார். அவர் டெஸ்ட் போட்டிகளில் 311 விக்கெட்டுகளையும், ஒருநாள் போட்டிகளில் 282 விக்கெட்டுகளையும் கைப்பற்றியுள்ளார். 17 சர்வதேச டி20 போட்டிகளில் ஜாகீர் பங்கேற்று 17 விக்கெட்டுகளையும் வீழ்த்தியுள்ளார். ஒட்டுமொத்தமாக, ஜாகீர் 309 சர்வதேச போட்டிகளில் 610 விக்கெட்டுகளை வீழ்த்தியுள்ளார். இதனால் நாட்டின் வெற்றிகரமான வேகப்பந்து வீச்சாளர்களின் பட்டியலிலும் சேர்க்கப்பட்டுள்ளார்.

உலகக் கோப்பையில்..:

2007 ஆம் ஆண்டு இந்தியாவில் நடந்த உலகக் கோப்பைக்கான அணியில் சிறப்பான ஆட்டத்தால் தனது இடத்தை உறுதிப்படுத்தினார் ஜாகீர். 2003 உலகக் கோப்பையில் கங்குலியின் தலைமையிலான அணியை இறுதிப் போட்டிக்கு அழைத்து செல்வதில் ஜாகீர் முக்கியப் பங்காற்றினார். உலகக் கோப்பை வரலாற்றில் இந்திய அணிக்காக அதிக விக்கெட் வீழ்த்திய வீரர் என்ற பெருமையையும் ஜாகீர் கான் பெற்றுள்ளார். அவர் 23 உலகக் கோப்பை போட்டிகளில் 20.22 சராசரியில் 44 விக்கெட்டுகளை வீழ்த்தியுள்ளார்.

இதையும் படிக்க:   அமலாக்க துறை அரசியலை நிறுத்துமா பாஜக!!! மக்களுக்கு சேவை செய்ய அறிவுறுத்திய கெஜ்ரிவால்!!!

கிரிக்கெட்:

இந்தியா மட்டுமின்றி உலகம் முழுவதும் நம்பர் ஒன் இடத்தில் இருக்கக் கூடிய விளையாட்டு என்றால் அது கிரிக்கெட் தான். நமது நாட்டு வீரர்களை தாண்டி இந்த விளையாட்டில் மட்டும் தான் பிற நாட்டு வீரர்களையும் ரசிப்பது உண்டு. அப்படிப்பட்ட இந்த கிரிக்கெட்டில் ஒருநாள் தொடர், டி20, டெஸ்ட் தொடர் என பல வகை போட்டிகள் நடத்தப்படும். 

சதம் என்பதே குதிரை  கொம்பு:

அப்படி நடைபெறும் போட்டிகளில் சதம் அடிப்பது என்பது சாதாரண விஷயம் அல்ல. அதிலும் சில சமயங்களில் இரட்டை சதம் அடித்த அதிரடி வீரர்களும் இங்குண்டு. குறிப்பாக டி20 தொடரை பொருத்தவரையிலும் சதம் என்பதே குதிரை கொம்பாகத் தான் இருக்கும். 

சதம் அடித்தாலே ஹீரோ:

ஏனெனில் 20 ஓவர்கள் மட்டுமே என்பதால், வீரர்களின் விளையாட்டு துல்லியமாக இருக்கும். அரை சதம் அடித்தாலே டி20 தொடரில் பெரிய விஷயமாக எடுத்துக் கொள்ளப்படும். அதையும் தாண்டி சதம் அடித்து விட்டால் அந்த வீரர் தான் அன்றைய நாளின் சிறந்த வீரர். அப்படியிருக்கையில் டி20 போட்டி ஒன்றில் ஒரு வீரர் இரட்டை சதம் அடித்திருக்கிறார் என்றால் நம்ப முடிகிறதா? 

ஆட்லாண்டா ஓபன் லீக்:

ஆம். அமெரிக்காவில் அட்லாண்டா நகரில் ஓபன் லீக் டி20 கிரிக்கெட் தொடர் நடைபெற்று வருகிறது. இதில் அட்லாண்டா பையர் அணியும், ஸ்கொயர் டிரைவ் அணியும் மோதினர். டாஸ் வென்ற அட்லாண்டா அணி, பேட்டிங்கை தேர்வு செய்தது. 

77 பந்துகளில் 205 ரன்கள்:

அதன்படி தொடக்க ஆட்டக்காரர்களாக வெஸ்ட் இண்டீஸ் அணி வீரர் ரஹீம் கான்வெல் மற்றும் ஸ்டீபன் டைலர் ஆகியோர் களமிறங்கினர். தொடக்க முதலே அதிரடியாக விளையாடிய ரஹீம் கான்வெல், 77 பந்துகளில் 17 பவுண்டரி, 22 சிக்சர்கள் அடித்து 205 ரன்கள் குவித்து அனைவரையும் ஆச்சர்யத்தில் ஆழ்த்தினார். 

புதிய வரலாறு:

இதன் மூலம் அட்லாண்டா அணி 20 ஓவரில் 1 விக்கெட் இழப்பிற்கு 326 ரன்களை குவித்து வரலாறு படைத்தது. இதுவரை எந்தவொரு சர்வதேச வீரரும் டி20 போட்டியில் இரட்டை சதம் அடித்ததாக வரலாறே இல்லாத நிலையில், ரஹீம் கான்வெல் முதன் முதலாக அந்த சாதனையை படைத்துள்ளார். 

சாதனையில் சேராது:

ஆயினும் அட்லாண்டா ஓபன் தொடர் ஐசிசியால் அங்கீகரிக்கப்படாத தொடர் என்பதால், வரலாற்றில் ரஹீம் கான்வெல்லின் பெயர் இடம் பெறாது என்பது தான் ரசிகர்களின் சோகமாக உள்ளது. அந்த சாதனை தற்போது முன்னாள் வெஸ்ட் இண்டீஸ் அணியின் நட்சத்திர வீரரான கிறிஸ் கெய்லிடம் உள்ளது. 

கிறிஸ் கெயிலுக்கு தான்:

2013-ம் ஆண்டு இந்தியாவில் நடைபெற்ற ஐபிஎல் தொடரில் ராயல் சேலஞ்சர்ஸ் பெங்களூரு அணிக்காக ஒரு போட்டியில் கிறிஸ் கெயில் 175 ரன்கள் எடுத்ததே சாதனையாக உள்ளது என்பது குறிப்பிடத்தக்கது. 

தென்னாப்பிரிக்காவுக்கு எதிரான முதலாவது ஒருநாள் கிரிக்கெட் போட்டி நேற்று நடைபெற்றது.

ஒரு நாள் கிரிக்கெட்:

இந்தியாவில் சுற்றுப்பயணம் மேற்கொண்டுள்ள தென்னாப்பிரிக்க அணி, தற்போது 3 போட்டிகள் கொண்ட ஒருநாள் கிரிக்கெட் தொடரில் பங்கேற்றுள்ளது. லக்னோவில் நடைபெற்ற முதல் போட்டியில், டாஸ் வென்ற இந்தியா பந்துவீச்சை தேர்வு செய்தது. முன்னதாக மோசமான வானிலை காரணமாக போட்டி தொடங்குவதில் தாமதம் ஏற்பட்டது. இதனால் போட்டி 40 ஓவர்களாக குறைக்கப்பட்டது.

மேலும் படிக்க:  பாலியல் குற்றச்சாட்டில் தப்பியோடிய கிரிக்கெட் வீரர் கைது!!!

தென்னாப்ரிக்கா பேட்டிங்:

இதனையடுத்து பேட்டிங் செய்யத் தொடங்கிய தென்னாப்பிரிக்க அணி, நிர்ணயிக்கப்பட்ட 40 ஓவரில் 4 விக்கெட் இழப்புக்கு 249 ரன்கள் எடுத்தது. அதிகபட்சமாக டேவிட் மில்லர் 75 ரன்களும், கிளாசன் 74 ரன்களும் எடுத்து கடைசி வரை ஆட்டமிழக்காமல் இருந்தனர்.

போராடி தோல்வி:

பின்னர், 250 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணி, 40 ஓவரில் 8 விக்கெட் இழப்புக்கு 240 ரன்கள் மட்டுமே எடுத்தது. கடைசிவரை போராடிய சஞ்சு சாம்சன், ஆட்டமிழக்காமல் 86 ரன்கள் எடுத்தார். இதன்மூலம், 9 ரன்கள் வித்தியாசத்தில் இந்திய அணியை வென்ற தென்னாப்பிரிக்க அணி, ஒன்றுக்கு பூஜ்ஜியம் என்ற கணக்கில் முன்னிலையில் உள்ளது. 

இவ்விரு அணிகளுக்கு இடையிலான 2வது போட்டி, ராஞ்சியில் வரும் 9ம் தேதி நடைபெறவுள்ளது.

2022 டி20 உலகக் கோப்பைக்கு முன்னதாக இந்திய அணி பெரும் பின்னடைவைச் சந்தித்துள்ளது. இந்திய அணியின் நட்சத்திர வேகப்பந்து வீச்சாளர் ஜஸ்பிரித் பும்ரா காயம் காரணமாக முழுப் போட்டியிலிருந்தும் விலகியுள்ளார். டி20 உலகக் கோப்பை நடைபெறும் ஆஸ்திரேலியாவுக்கு இந்திய அணி புறப்பட்டுச் சென்ற நிலையில், பும்ராவுக்குப் பதிலாக இதுவரை எந்த வீரரும் உலகக் கோப்பை அணியில் சேர்க்கப்படவில்லை. 

ட்ரோல் பும்ரா:

உலகக் கோப்பையிலிருந்து ஜஸ்பிரித் பும்ரா வெளியேறிய பிறகு, அவர் சமூக ஊடகங்களில் கடுமையாக ட்ரோல் செய்யப்பட்டு வருகிறார். ஐபிஎல் தொடரின் அனைத்து போட்டிகளிலும் விளையாடும் பும்ரா நாட்டுக்காக விளையாடும் போது காயம் அடைகிறார் என ட்ரோல் செய்து வருகின்றனர்.

மிட்செல் vs பும்ரா:

இது தவிர, சில விமர்சகர்கள் அவரை மிட்செல் ஸ்டார்க்குடன் ஒப்பிட்டுள்ளனர்.  இரண்டு வீரர்களும் கடந்த காலங்களில் கிட்டத்தட்ட ஒரே எண்ணிக்கையிலான போட்டிகளில் விளையாடியுள்ளனர். ஆனால் ஸ்டார்க் ஐபிஎல் லீக்கில் தொடர்ந்து விளையாடவில்லை. ஆனால் அவருடைய நாடான ஆஸ்திரேலியாவுக்காக அதிக போட்டிகளில் விளையாடி வருகிறார் என்று ஒப்பீடு செய்து விமர்சித்து வருகின்றனர்.

இன்ஸ்டாவில் பும்ரா:

தற்போது ஜஸ்பிரித் பும்ரா அவரது இன்ஸ்டாகிராம் கணக்கில் கருத்தைப் பகிர்ந்துள்ளார்.  இது அவருக்கு எதிரான விமர்சகர்களுடன் இணைக்கப்பட்டுள்ளது.  "குரைக்கும் ஒவ்வொரு நாயின் மீதும் கல் எறிந்தால், இலக்கை அடைய மாட்டீர்கள்" என்று பதிவிட்டுள்ளார் பும்ரா.

பும்ரா வருத்தம்:

டி 20 உலகக் கோப்பையில் இருந்து வெளியேறிய பிறகு பும்ரா ட்வீட் செய்து அவரது வருத்தத்தை வெளிப்படுத்தியுள்ளார்.  "நான் இந்த முறை T20 உலகக் கோப்பையின் ஒரு பகுதியாக இருக்க மாட்டேன் என்பதில் வருத்தமாக இருக்கிறேன். ஆனால் எனது அன்புக்குரியவர்களிடமிருந்து பெற்ற நல்வாழ்த்துக்கள், கவனிப்பு மற்றும் ஆதரவுக்கு நான் நன்றியுள்ளவனாக இருக்கிறேன். நான் குணமடைந்தவுடன்,  விரைவில் போட்டிகளில் பங்கேற்பேன். ” எனப் பதிவிட்டுள்ளார்.

இதையும் படிக்க:   நிதி ஒதுக்கீட்டிலும் அரசியல் செய்யும் மத்திய அரசு!!! குற்றஞ்சாட்டிய பிடிஆர்!!!

ஜூனியர் பெண்கள் உலக கோப்பை:

7-வது ஜூனியர் பெண்கள் உலக கோப்பை கால்பந்து போட்டி இந்தியாவில் உள்ள புவனேஷ்வர், கோவா, மும்பை ஆகிய நகரங்களில் வருகிற 11-ஆம் தேதி முதல் 30- ஆம் தேதி வரை நடைபெறுவுள்ளது. 

இந்திய அணி அறிவிப்பு:

இதில் பங்கேற்கும் 16 அணிகள் 4 பிரிவாக பிரிக்கப்பட்டுள்ள நிலையில், இந்திய அணி 'ஏ' பிரிவில் இடம் பிடித்துள்ளது. இதில் இடம்பெறவுள்ள 21 பேர் கொண்ட இந்திய அணி நேற்று அறிவிக்கப்பட்டது.

முதல் ஆட்டத்தில் அமெரிக்காவுடன் மோதல்:

இதில் இந்தியா வரும் 11-ம் தேதி அமெரிக்காவுடன் மோதவுள்ளது. அதனை தொடர்ந்து 14-ம் தேதி மொராக்கோ அணியுடனும், 17-ம் தேதி பிரேசில் அணியுடனும் மோதவுள்ளது.