பிரிஜ் பூஷன் சிங் மீது பாலியல் குற்றச்சாட்டை முன்வைத்து, கடந்த ஏப்ரல் மாதம் முதல், டெல்லி ஜந்தர் மந்தரில், மல்யுத்த வீராங்கனைகள் போராட்டத்தில் ஈடுபட்டனர். இதனைத் தொடர்ந்து, பிரிஜ் பூஷன் சிங் மீது பல்வேறு பிரிவுகளின் கீழ் வழக்குப்பதிவு செய்யப்பட்டதுடன், மத்திய அரசுடன் நடைபெற்ற பேச்சுவார்த்தையின் எதிரொலியாக போராட்டம் தற்காலிகமாக வாபஸ் பெறப்பட்டது. 

இதையும் படிக்க: பிரதமரை இழிவுபடுத்தியதாக மல்யுத்த வீராங்கனைகள் மீது வழக்கு...!

இந்நிலையில், வரும் 16-ம் தேதிக்குள் பிரிஜ் பூஷன் சிங்கை கைது செய்யவில்லை எனில், ஆசிய அளவிலான விளையாட்டு போட்டிகளை புறக்கணிப்போம் என மல்யுத்த வீராங்கனை சாக்ஷி மாலிக் தெரிவித்துள்ளார். 

அதுமட்டுமன்றி, ஜூன் 16-ஆம் தேதிமுதல் மீண்டும் போராட்டக் களத்தில் குதிப்போம் என மல்யுத்த வீராங்கனைகள் எச்சரிக்கை விடுத்துள்ளனர். 

சர்வதேச நடுவர் ஜக்பீர் சிங், சென்ற வியாழக்கிழமை, மல்யுத்த வீராங்கனைகளின் பாலியல் குற்றசாட்டு வழக்கு சூடு புடிக்கும் வகையில், சாட்சி ஒன்றைக் கூறியுள்ளார். அதில், அவர் கூறியிருப்பதாவது: " 2007 முதல் உலக மல்யுத்த கூட்டமைப்பின் நடுவராக பணியாற்றி வருவதாகவும், பிரிஜ் பூஷனை பல நாட்களுக்கு முன்பே தெரியுமெனவும்" கூறியுள்ளார்.

மேலும்," தற்போது போராட்டத்தில் ஈடுபட்டு வரும் வீராங்கனைகளிடம், பிரிஜ் பூஷன் தவறாக நடந்துகொண்டுள்ளதை, பலமுறை நேரில், தனது கண்களால் பார்த்துள்ளதாகவும், அது மனதிற்கு மிகுந்த வேதனையாக இருந்ததாகவும்" தெரிவித்தார்.

மேலும், "அந்த சமயத்தில், வீராங்கனைகள் யாரும் குற்றச்சாட்டினை முன் வைக்க வரவில்லை, அந்நிலையில், நானாக முன்வந்து இது பற்றி பேசுவைது கடினமாக இருந்தது. பிரிஜ் பூஷன், தலைவராக நியமிக்கப்பட்ட பின், 2013ல், கஜகஸ்தானிற்கு இரண்டாவது சுற்றுப்பயணம் சென்ற பொழுது, அன்று எங்கள் அனைவருக்கும் இந்திய உணவு வழங்குவதாக கூறி, அழைப்பு விடுத்தார். அப்பொழுது அவரும், தாய்லாந்தை சேர்ந்த அவரது கூட்டாளிகளும் மது போதையில் இருந்தனர்.  அச்சமயத்தில், அங்கிருந்த பெண்களிடம் தவறான நோக்கத்துடன் அணுகுவதை பார்த்ததாகவும்" கூறியுள்ளார். அது மட்டுமில்லாமல், நாட்டினுள்ளே சுற்றுப்பயணம் மேற்கொண்டாலும், அவருடன் எப்பொழுதும் இரண்டு அல்லது மூன்று பெண்கள் இருப்பார்கள் எனவும் குற்றம் சாட்டியுள்ளார்.

மேலும், பிரிஜ் பூஷன் தனது குற்றத்தை ஒப்புக்கொள்ளாமல் இருப்பதற்கு, " திருடன் என்றைக்குமே தனது தவறினை ஒப்புக்கொள்ள மாட்டான்" எனவும் விமர்சித்துள்ளார். ஜக்பீர் சிங்கின் இந்த குற்றசாட்டு, வீராங்கனைகளின் குற்றச்சாட்டினை வலிமைப்படுத்தும் சாட்சியாக அமையும் என எதிர்பார்க்கப்படுகிறது. 

மல்யுத்த சம்மேளனத்தின்  தலைவரும் பாஜக எம்.பியுமான  பிரிஜ் பூஷன் சரண் சிங் மீது பாலியல் குற்றசாட்டு வைத்து அவரைக் கைது செய்யக்கோரி மல்யுத்த வீரர் வீராங்கனைகள் போராட்டத்தில் ஈடுபட்டனர். இந்த போபராட்டமானது கடந்த ஒரு மாதத்திற்கும் மேலாக தொடர்ந்து நடைபெற்று  வருகிறது.  இதற்கிடையே மல்யுத்த வீரர்கள் தொடர்ந்து  போராடியும் பிரிஜ்  பூஷன் சிங்கை கைது செய்ய வில்லை.

இவ்வாறிருக்க கடந்த மே மாதம் 28-ம் தேதி புதிய நாடாளுமன்ற கட்டட திறப்பு விழா நடநதது. அப்போது மத்திய அரசின் ககவனத்தை ஏற்க மல்யுத்த வீரர்கள் புதிய நாடாளுமன்ற கட்டடம் நோக்கி அமைதி பேரணியை நடத்தினர். அப்போது புதிய நாடாளுமன்ற கட்டடத்தின் வாயிலில் மல்யுத்த வீரர்களை நுழைய விடாமல் காவல்துறையினர் தடுத்து குண்டுக்கட்டாக அவர்களைக் கைது செய்தனர். 

காவல்துறையினாரின் இந்த மூர்கத்தனமான நடவடிக்கையை கண்டித்து பல்வேறு விமர்சனங்கள் எழுந்தன. மேலும், இவ்வளவு போராடியும் தங்களுக்கான நீதி கிடைக்காததை அடுத்து நாட்டுக்கு பெருமை சேர்த்து தாங்கள் பாடுபட்டு வாங்கிய அத்தனை பதக்கங்களையும் கங்கை ஆற்றில் வீசுவதாக முடிவெடுத்து வீரர்கள் கங்கை ஆற்றுக்கு வந்து தங்களது பதக்கங்களை ஆற்றில் விட சென்றனர். அப்போது அங்கிருந்த ஹரித்துவார் மக்கள் அவர்களை சமாதானப்படுத்தியதை அடுத்து அவர்கள்  தங்களது முடிவைக் கைவிட்டனர். 

இதையடுத்து, மல்யுத்த வீரர்கள்  முடிவை மாற்றிக்கொண்டதை  பிரிஜ் பூஷன் விமர்சித்திருந்தார். ஆதாவது, மல்யுத்த வீரர்கள் தங்களின் பதக்கங்களை கங்கை ஆற்றில் வீசுவது போலச்சென்று அவற்றை ஆற்றில் வீசாமல் திரும்பியது ஒருவித போராட்ட யுக்தி என விமர்சித்திருந்தார். 

இந்நிலையில், போக்சோ உள்ளிட்ட இரு வழக்குகள் பிரிஜ் ஷனுக்கு எதிராக பதிவு செய்யப்பட்டுள்ள நிலையில் சில தினங்களுக்கு முன்பு  உத்தரப்பிரதேசத்தின் கோண்டாவில் உள்ள அவரது இல்லத்தில் 12 பேரிடம் போலீசார் விசாரணை மேற்கொண்டனர்.

இவ்வாறிருக்க, இந்த வழக்கில் மீண்டும் ஒரு திருப்பு முனையாக பிரிஜ் பூஷனுக்கு எதிரான போராட்டத்தின்போது பிரதமர் மோடியை இழிவுபடுத்தி கோஷமிட்டதாக சாக்ஷி மாலிக் உள்ளிட்ட மல்யுத்த வீரர்கள் மீது வழக்கு தொடரப்பட்டுள்ளது. 

  இந்நிலையில்,  புகார்தாரர் அளித்த வீடியோவில் வெறுப்பு முழக்கங்கள் இல்லை என டெல்லி போலீசார் பதிலளித்த நிலையில், ஜூலை 7ம் தேதி வழக்கை விசாரணைக்கு எடுத்துக் கொள்வதாக டெல்லி நீதிமன்றம் அறிவித்துள்ளது.

இதையும் படிக்க   | விழுப்புரத்தை தொடர்ந்து கரூரிலும் கோவில் சீல் வைப்பு...அதிர்ச்சியில் பொதுமக்கள்!

ஆசிய கோப்பை தொடர் மற்றும் 50 ஓவர் உலகக்கோப்பை கிரிக்கெட் தொடரின் போட்டிகளை ஹாட்ஸ்டார்  OTT தளத்தில், மொபைல் பயனர்கள் இலவசமாக காணலாம் என அறிவிப்பு வெளியாகியுள்ளது. 

நடந்து முடிந்த ஐ.பி.எல் போட்டிகளை ஜியோ சினிமாவில் பயனர்கள் அனைவரும் இலவசமாக பார்க்கும் வசதியை ஜியோ சினிமா வழங்கியிருந்தது. இதனால், பெரும்பாலான ஐ.பி.எல் ரசிகர்கள் நேரில் சென்று பார்க்க இயலாத பொழுது, ஜியோ சினிமாவில் இலவசமாக கண்டுகளித்தனர். இதில், ஐ.பி.  எல் போட்டிகளை நேரலையில் ஒளிபரப்பியதில், ஜியோ சினிமா வெற்றி கண்டது. 

இந்நிலையில், நடக்கவிருக்கும் ஆசிய கோப்பை தொடர் மற்றும் 50 ஓவர் உலகக்கோப்பை கிரிக்கெட் தொடரின் போட்டிகளை ஹாட்ஸ்டார் தளத்தில், இலவசமாக ஒளிபரப்பப்படும் என, ஹாட்ஸ்டார் நிறுவனம் அறிவிப்பு ஒன்றை வெளியிட்டுள்ளது. இது பற்றி ஹாட்ஸ்டார் நிறுவனத்தின் துணை தலைவர் கூறியதாவது: ஐ.பி.எல் போட்டிகளை, ஜியோ சினிமா இலவசமாக ஒளிப்பரப்பியத்தில், ஹாட்ஸ்டார் நிறுவனத்துக்கு பெரும் பாதிப்பு ஏற்பட்டுள்ளதாக தெரிவித்துள்ளார். 

ஆசிய கோப்பை தொடர் மற்றும் 50 ஓவர் உலகக்கோப்பை கிரிக்கெட் தொடரின் போட்டிகளுக்காக, ஹாட்ஸ்டார் பயனர்கள் மறுபடியும் ஹாட்ஸ்டார் பக்கம் சாய்ந்துள்ளனர். அதனை தக்கவைப்பதற்காகவும் , கிரிக்கெட் விளையாட்டை ஜனநாயகப்படுத்தும் நோக்கிலும், நடக்கவிருக்கும் போட்டிகளை, ஹாட்ஸ்டார் பயனர்கள், தங்கள் மொபைல் போனில் இலவசமாக கண்டுகளிக்கலாம் என அறிவிப்பு வெளியிட்டுள்ளது.

உலக டெஸ்ட் சாம்பியன்ஷிப் இறுதிப் போட்டியின் 2-வது நாள் ஆட்டநேர முடிவில் இந்திய அணி 5 விக்கெட் இழப்பிற்கு 151 ரன்கள் சேர்த்துள்ளது.

இந்தியா - ஆஸ்திரேலியா அணிகளுக்கு இடையேயான உலக டெஸ்ட் சாம்பியன்ஷிப் இறுதிப் போட்டி லண்டன், ஓவல் மைதானத்தில் தொடங்கி நடைபெற்று வருகிறது. இதில் டாஸ் வென்ற இந்திய அணி முதலில் பந்துவீச்சை தேர்வு செய்த நிலையில், முதலில் களமிறங்கிய ஆஸ்திரேலிய அணி முதல் இன்னிங்சில் 469 ரன்களுக்கு அனைத்து விக்கெட்டுகளையும் இழந்தது. 

இதையும் படிக்க : கிணற்றில் இருந்து 3 நாள் போராட்டத்திற்கு பிறகு மீட்கப்பட்ட சிறுமிக்கு நேர்ந்த விபரீதம்...!

அடுத்து களம் இறங்கிய இந்திய அணி வீரர்கள் சொற்ப ரன்கள் மட்டுமே எடுத்த நிலையில், அடுத்தடுத்து ஆட்டமிழந்தனர்.  அதில் ரோகித் சர்மா 15 ரன்களும், சுப்மன் கில் 13 ரன்களும், விராட் கோலி 14 ரன்களும், புஜாரா 14 ரன்களும் எடுத்து ஆட்டமிழந்தனர். 4 விக்கெட்டுகளை இழந்து இந்திய அணி தடுமாறிய நிலையில், அடுத்து களமிறங்கிய ஜடேஜா -  ரஹானே இருவரும் நிதானமாக விளையாடி இந்திய அணியை சரிவில் இருந்து மீட்டனர். அரை சதத்தை நோக்கி முன்னேறிய ஜடேஜா 48 ரன்களில் விக்கெட்டை பறிகொடுத்தார்.

இதைத் தொடர்ந்து இந்திய அணி 2-வது நாள் ஆட்ட நேர முடிவில் 5 விக்கெட் இழப்புக்கு 151 ரன்கள் எடுத்துள்ளது. ரஹானே 29 ரன்களும், பரத் 5 ரன்களும் எடுத்து களத்தில் உள்ளனர். இந்நிலையில் இந்திய அணி 318 ரன்கள் பின்னிலையில் விளையாடுகிறது.