பாகிஸ்தானில் மூன்று ஒருநாள், 5 டி20 ஆட்டங்களை விளையாடத் திட்டமிட்டு நியூசிலாந்து அணி கடந்த மாதம் சுற்றுப்பயணம் மேற்கொண்டிருந்தது. எனினும் போட்டி தொடங்கும் தினத்தன்று பாதுகாப்பு அச்சுறுத்தல் காரணமாக பாகிஸ்தான் சுற்றுப்பயணத்தை ரத்து செய்வதாக நியூசிலாந்து கிரிக்கெட் வாரியம் அறிவித்தது.

இதையடுத்து பாகிஸ்தானில் இரு டி20 போட்டிகளில் விளையாடவிருந்த இங்கிலாந்து அணியும் பாகிஸ்தான் சுற்றுப்பயணத்தை ரத்து செய்தது. டி- 20 ஓவர் உலகக் கோப்பை தொடரில் இந்தியாவும் பாகிஸ்தானும் நாளை மோதுகின்றன. இதை முன்னிட்டு  பேசிய பாகிஸ்தானின் முன்னாள் வீரர் சோயிப் அக்தர் கூறுகையில்,

நியூசிலாந்து மீது தான் எங்களுக்கு கோபம், அவர்களை தோற்கடிக்க தான் விரும்புகின்றோம், இந்தியாவுடன் எங்களுக்கு எவ்வித பிரச்சினையும் இல்லை. இந்தியா - பாகிஸ்தான் ஆட்டத்தில் இந்தியாவுக்குத்தான் அதிக அழுத்தம் இருக்கும். மைதானம் முழுக்க இந்திய ரசிகர்கள் இருப்பார்கள். 

இந்திய டி20 அணியின் கேப்டன் பொறுப்பில் இருந்து விராட் கோலி விலகுவதற்கு, பிசிசிஐ காரணம் இல்லை என்று பிசிசிஐ தலைவர் சவுரவ் கங்குலி விளக்கம் அளித்துள்ளார்.

விராட் கோலி கேப்டன் பதவியிலிருந்து விலகியதில் எந்தவிதமான அதிர்ச்சியும், வியப்பும் இல்லை எனக் கூறியுள்ள கங்குலி, இங்கிலாந்து தொடர் முடிந்த போதே தனது முடிவு குறித்து கோலி பேசி விட்டதாகவும் கூறியுள்ளார்.

இதில், பிசிசிஐ சார்பில் எந்தவிதமான அழுத்தமோ அல்லது நெருக்கடியோ கொடுக்கவில்லை என்றும், பிசிசிஐ யாரையும் எந்த நெருக்கடிக்கும் ஆளாக்காது என்றும் அவர் கூறியுள்ளார்.  மேலும், 3 வித கிரிக்கெட்டிலும் கேப்டனாக செயல்படும் கோலிக்கு அதிகளவில் மன அழுத்தம், உடல்ரீதியான பிரச்சினை இருக்கும் எனக் கூறினார்.

20 ஓவர் உலக கோப்பை கிரிக்கெட் தொடருக்கான தகுதிச்சுற்று போட்டிகள், ஐக்கிய அரபு அமீரகத்தில் நடைபெற்றன. ஸ்காட்லாந்து, வங்காளதேசம், இலங்கை, நமீபியா ஆகிய 4 அணிகள், சூப்பர்-12 சுற்றுக்கு தகுதி பெற்று விட்டன. இந்நிலையில், சார்ஜாவில் நடைபெற்ற கடைசி லீக் ஆட்டத்தில், ஏ பிரிவில் இடம் பெற்றுள்ள இலங்கை மற்றும் நெதர்லாந்து அணிகள் பலப்பரீட்சை நடத்தின.

டாஸ் வென்ற இலங்கை அணி, பந்து வீச முடிவு செய்தது. அதன்படி, முதலில் பேட்டிங் செய்த நெதர்லாந்து அணி, இலங்கை அணியின் பந்துவீச்சை எதிர்கொள்ள முடியாமல் திணறியது. எந்த வீரரும் நிலைத்து நின்று ஆடவில்லை.  இதனால் 10 ஓவர்களிலேயே அனைத்து விக்கெட்டுகளையும் பறிகொடுத்த நெதர்லாந்து அணி, 44 ரன்கள் மட்டுமே எடுத்தது.

45 ரன்கள் என்ற சுலபமான இலக்கை நோக்கி விளையாடிய இலங்கை அணியில், தொடக்க ஆட்டக்காரர் நிசாங்கா ரன் எடுக்காமல் அவுட் ஆனார். அடுத்து வந்த குசால் பெரேரா, 33 ரன்கள் எடுத்து இறுதிவரை நிலைத்து நின்று ஆடினார். இதனால் 7 புள்ளி 1 ஓவர்களில் 2 விக்கெட் இழப்பிற்கு 45 ரன்கள் எடுத்து, இலங்கை அணி சுலபமாக வெற்றி பெற்றது.

20 ஓவர் உலகக்கோப்பை கிரிக்கெட் போட்டியில், அயர்லாந்து அணியை 70 ரன்கள் வித்தியாசத்தில் வீழ்த்தி, இலங்கை அணி வெற்றி பெற்றுள்ளது.

டி20 உலகக்கோப்பை கிரிக்கெட் தொடரின் தகுதிச்சுற்று ஆட்டங்கள், ஐக்கிய அரபு அமீரகத்தில் நடைபெற்று வருகின்றன. அபுதாபியில் நடைபெற்ற 8-வது ஆட்டத்தில், அயர்லாந்து மற்றும் இலங்கை அணிகள் பலப்பரீட்சை நடத்தின. டாஸ் வென்ற அயர்லாந்து அணி, பந்துவீச்சை தேர்வு செய்தது. அதன்படி முதலில் பேட்டிங் செய்த இலங்கை அணி, 20 ஓவர்களில் 7 விக்கெட்டுகளை இழந்து 171 ரன்கள் குவித்தது. அயர்லாந்து தரப்பில் ஜோசுவா லிட்டில் சிறப்பாக பந்து வீசி 4 விக்கெட்டுகளை வீழ்த்தினார். இலங்கை அணியில் பதும் நிஷன்கா, ஹஸரங்கா ஆகியோர் சிறப்பாக ஆடி அரைசதம் அடித்தனர். 

172 ரன்கள் எடுத்தால் வெற்றி என்ற இலக்குடன் அயர்லாந்து அணி களமிறங்கியது. தொடக்க ஆட்டக்காரர்கள் சொற்ப ரன்களில் ஆட்டமிழக்க, அடுத்து வந்த கேப்டன் பால்பிரின் நிலைத்து நின்று 39 பந்துகளில் 41 ரன்கள் எடுத்து ஆட்டமிழந்தார். பின்னர் வந்த கேம்பெர் 24 ரன்களில் அவுட் ஆக, மற்ற வீரர்கள் அனைவரும் இலங்கை அணியின் பந்துவீச்சை தாக்குபிடிக்க முடியாமல் வந்த வேகத்தில் பெவிலியன் திரும்பினர். இதனால் 18 புள்ளி 3 ஓவர்களிலேயே அனைத்து விக்கெட்டுகளையும் பறிகொடுத்த அயர்லாந்து அணி, 101 ரன்கள் மட்டுமே எடுத்தது. இதனால் 70 ரன்கள் வித்தியாசத்தில் இலங்கை அணி வெற்றி பெற்றுள்ளது.

உலகக் கோப்பை டி20 போட்டியின் இந்தியா தனது 2 வது மற்றும் கடைசி பயிற்சி ஆட்டத்தில் ஆஸ்திரேலியாவை எதிர்கொள்கிறது.

ஐசிசி டி20 உலகக் கோப்பை போட்டிகள் ஐக்கிய அரபு அமீரகம் மற்றும் ஓமன் நாடுகளில் கடந்த 17 முதல் தொடங்கி நடைபெற்று வருகிறது. தற்போது சூப்பர் 12 சுற்றில் இடம்பெறும் அணிகளுக்கான தகுதிச் சுற்றுப் போட்டிகள் நடைபெற்று வருகிறது. டி20 உலகக் கோப்பை கிரிக்கெட்டில் இங்கிலாந்து, இந்தியா, ஆஸ்திரேலியா உட்பட தரவரிசையில் முதல் 8 இடங்களை பிடித்த அணிகள் நேரடியாக சூப்பர் 12 சுற்றில் விளையாடுகின்றன.  இந்திய அணி சூப்பர் 12 சுற்றில் தனது முதலாவது ஆட்டத்தில் பாகிஸ்தானை வரும் 24ம் தேதி சந்திக்கிறது.

இந்நிலையில் இந்திய அணி  தனது  முதல் பயிற்சி ஆட்டத்தில் இங்கிலாந்து அணியை வீழ்த்தி, அபார வெற்றி பெற்றது. இதனிடையே  இந்திய நேரப்படி இன்று மாலை 3 மணியளவில் நடைபெறும் இரண்டாவது  பயிற்சி ஆட்டத்தில்  ஆஸ்திரேலிய அணியை எதிர்த்து இந்தியா விளையாடுகிறது.