உலக டெஸ்ட் சாம்பியன்ஷிப் இறுதிப் போட்டியின் 2-வது நாள் ஆட்டநேர முடிவில் இந்திய அணி 5 விக்கெட் இழப்பிற்கு 151 ரன்கள் சேர்த்துள்ளது.

இந்தியா - ஆஸ்திரேலியா அணிகளுக்கு இடையேயான உலக டெஸ்ட் சாம்பியன்ஷிப் இறுதிப் போட்டி லண்டன், ஓவல் மைதானத்தில் தொடங்கி நடைபெற்று வருகிறது. இதில் டாஸ் வென்ற இந்திய அணி முதலில் பந்துவீச்சை தேர்வு செய்த நிலையில், முதலில் களமிறங்கிய ஆஸ்திரேலிய அணி முதல் இன்னிங்சில் 469 ரன்களுக்கு அனைத்து விக்கெட்டுகளையும் இழந்தது. 

இதையும் படிக்க : கிணற்றில் இருந்து 3 நாள் போராட்டத்திற்கு பிறகு மீட்கப்பட்ட சிறுமிக்கு நேர்ந்த விபரீதம்...!

அடுத்து களம் இறங்கிய இந்திய அணி வீரர்கள் சொற்ப ரன்கள் மட்டுமே எடுத்த நிலையில், அடுத்தடுத்து ஆட்டமிழந்தனர்.  அதில் ரோகித் சர்மா 15 ரன்களும், சுப்மன் கில் 13 ரன்களும், விராட் கோலி 14 ரன்களும், புஜாரா 14 ரன்களும் எடுத்து ஆட்டமிழந்தனர். 4 விக்கெட்டுகளை இழந்து இந்திய அணி தடுமாறிய நிலையில், அடுத்து களமிறங்கிய ஜடேஜா -  ரஹானே இருவரும் நிதானமாக விளையாடி இந்திய அணியை சரிவில் இருந்து மீட்டனர். அரை சதத்தை நோக்கி முன்னேறிய ஜடேஜா 48 ரன்களில் விக்கெட்டை பறிகொடுத்தார்.

இதைத் தொடர்ந்து இந்திய அணி 2-வது நாள் ஆட்ட நேர முடிவில் 5 விக்கெட் இழப்புக்கு 151 ரன்கள் எடுத்துள்ளது. ரஹானே 29 ரன்களும், பரத் 5 ரன்களும் எடுத்து களத்தில் உள்ளனர். இந்நிலையில் இந்திய அணி 318 ரன்கள் பின்னிலையில் விளையாடுகிறது.

ஆடுகளத்தின் தன்மையைப் பொறுத்தே சுழற்பந்து வீச்சாளர் ரவிச்சந்திரன் அஸ்வினை அணியில் சேர்க்கவில்லை என்று இந்திய அணியின் பந்து வீச்சு பயிற்சியாளர் தெரிவித்துள்ளார். 

டெஸ்ட் போட்டிக்கான பந்துவீச்சாளர்கள் பட்டியலில் முதலிடத்தில் உள்ள அஸ்வினை, உலக டெஸ்ட் சாம்பியன்ஷிப் இறுதிப் போட்டியில் சேர்க்காதது பெரும் சர்ச்சையாகி வருகிறது. மேலும், இது  குறித்து பலரும் பல்வேறு விமர்சனங்கள்  செய்து வருகின்றனர். 

இந்நிலையில் தற்போது, இதற்கு விளக்கம் அளித்த பந்து வீச்சுப் பயிற்சியாளர் பரஸ் ஹம்ப்ரே கூறுகையில்,

ஆடுகளத்தின் தன்மையைப் பொறுத்து , கூடுதல் வேகப்பந்து வீச்சாளர்கள் இருந்தால் சாதகமாக இருக்கும் என்று முடிவெடுத்ததாகவும், கடந்த காலங்களில் இந்த முடிவு தங்களுக்கு சாதகமாக இருந்ததாகவும் அதனாலேயே அஷ்வினை  உலக டெஸ்ட் சாம்பியன்ஷிப் இறுதி போட்டியில் சேர்க்கவில்லை எனவும் கூறினார்.

இதையும் படிக்க     | நாடாளுமன்றத் தேர்தலுக்கு தயாராகும் தேர்தல் ஆணையம்..!

இந்திய மல்யுத்த கூட்டமைப்பிற்கான தேர்தல், வரும் 30ம் தேதி நடைபெறும் என மத்திய விளையாட்டுத்துறை அமைச்சர் அனுராக் தாகூர் தெரிவித்ததையடுத்து போராட்டம் திரும்பப் பெறப்படுவதாக மல்யுத்த வீராங்கனைக் தரப்பில் தெரிவிக்கப்பட்டுள்ளது.

பாலியல் குற்றச்சாட்டுக்கு உள்ளான இந்திய மல்யுத்த கூட்டமைப்பின் தலைவர் பிரிஜ் பூஷனை கைது செய்ய வேண்டும், கூட்டமைப்புக்கு தேர்தல் நடத்தி பெண் தலைவரை தேர்வு செய்ய வேண்டும் உள்ளிட்ட 5 அம்ச கோரிக்கைகளை வலியுறுத்தி சாக்ஷி மாலிக், பஜ்ரங் புனியா ஆகியோர் அனுராக் தாகூரை அவரது இல்லத்தில் சந்தித்தனர். 6 மணி நேர பேச்சுவார்த்தைக்குப்பின் செய்தியாளர்களை சந்தித்த சாக்ஷி மாலிக், 15 நாட்களுக்குள் பிரச்னையை முடிவுக்குக் கொண்டு வருவதாக அமைச்சர் உறுதியளித்ததாக குறிப்பிட்டார். தொடர்ந்து ஜூன் 15ம் தேதி வரை போராட்டத்தை தற்காலிகமாக வாபஸ் பெறுவதாகவும், 15 நாட்களுக்குள் பிரச்னை தீர்க்கப்படாவிட்டால் மீண்டும் போராட்டத்தில் ஈடுபடுவோம் எனவும் தெரிவிக்கப்பட்டது.

இதையடுத்து செய்தியாளர்களை சந்தித்த அமைச்சர் அனுராக் தாகூர், வீராங்கனைகளின் பாதுகாப்பிற்கு உறுதியளிக்கப்பட்டுள்ளதாகவும் ஜூன் 15ம் தேதி வழக்கு தொடர்பான குற்றப்பத்திரிகை தாக்கல் செய்யப்படும் எனவும் கூறினார். இந்திய மல்யுத்த கூட்டமைப்பின் தேர்தல் ஜூன் 30ம் தேதி நடைபெறும் எனவும் பிரிஜ் பூஷனோ அல்லது அவருக்கு தொடர்புடையோரோ மீண்டும்  தேர்ந்தெடுக்கப்பட மாட்டார்கள் எனவும் அவர் உறுதியளித்தார்.   

மேலும் மல்யுத்த கூட்டமைப்பின் சார்பாக பெண்கள் தலைமையில் ஒரு குழு அமைக்கப்படும் எனக்கூறிய அவர், மல்யுத்த வீராங்கனைகள் மீது பதிவு செய்யப்பட்ட அனைத்து வழக்குகளும் தள்ளுபடி செய்யப்படும் எனவும் கூறினார். ஜூன் 15ம் தேதிக்குள் பிரிஜ் பூஷனுக்கு எதிரான விசாரணை முடிக்கப்படும் எனவும் அவர் உறுதியளித்தார்.

இதையும் படிக்க:அலட்சியமாக தடுப்பூசி போட்ட செவிலியர்! நடவடிக்கை எடுக்குமா அரசு?

தென் கொரியாவில் நடைபெற்று வரும் தடகள போட்டியில் மேலும் மூன்று பதக்கங்களை இந்தியா குவித்துள்ளது. 

தென்கொரியாவில் உள்ள யெச்சியோனில் ஆசிய U - 20 தடகள சாம்பியன்ஷிப் போட்டி நடைபெற்றது. இதில், பெண்களுக்கான 400 மீட்டர் போட்டியில் 53 புள்ளி 31 வினாடிகளில் ஓடி இந்தியாவின் ரெசோனா மல்லிக் ஹீனா முதல் தங்க பதக்கத்தை வென்றார். 

இதையும் படிக்க : நாட்டையே பெரும் சோகத்தில் ஆழ்த்திய ரயில் விபத்து...சென்னை வந்தடைந்த 17 பயணிகள்!

இதேபோன்று ஆண்களுக்கான வட்டு எறிதல் போட்டியில் பாரத்ப்ரீத் சிங்கும் 55 புள்ளி 66 மீட்டர் எறிந்து 2ஆவது தங்கத்தை வென்றார். 

மேலும், பெண்களுக்கான ஐந்தாயிரம் மீட்டர் தடகள போட்டியில் அந்திமா பால் வெண்கலம் வென்று அசத்தியுள்ளார்.

Great start on Day 1⃣ for

எங்கள் சாம்பியன்கள் மனிதாபமற்ற முறையில் நடத்தப்படுவது வேதனையளிக்கிறது என மல்யுத்த வீராங்கனைகளை ஆதரித்து 1983ம் ஆண்டு உலகக் கோப்பை வென்ற கபில்தேவ் தலைமையிலான கிரிக்கெட் அணி அறிக்கை வெளியிட்டுள்ளது.

பாலியல் குற்றச்சாட்டுகளுக்கு உள்ளான இந்திய மல்யுத்த கூட்டமைப்பின் முன்னாள் தலைவரும் பாஜக எம்பியுமான பிரிஜ் பூஷனை கைது செய்யக்கோரி போராட்டத்தில் ஈடுபட்ட மல்யுத்த வீராங்கனைகள் குண்டுக்கட்டாக கைது செய்யப்பட்டு பின்னர் விடுவிக்கப்பட்டனர். பின்னர் தங்கள் பதக்கங்களை ஹரித்துவாரின் கங்கையில் வீராங்கனைகள் தூக்கியெறியச் சென்றதும் பேசுபொருளானது. இந்நிலையில் பல ஆண்டு முயற்சி, தியாகம், மனவலிமை உள்ளிட்டவற்றின் அடையாளமான பதக்கங்கள், தேசத்திற்கே பெருமையளித்தவை என 1983ம் ஆண்டு உலகக்கோப்பை வென்ற இந்திய கிரிக்கெட் அணியினர் அறிக்கை வெளியிட்டுள்ளனர். 

எங்கள் சாம்பியன்கள் மனிதாபிமானமற்ற முறையில் கையாளப்படுவது வேதனையளிக்கிறது எனவும் கங்கையில் பதக்கங்களை தூக்கியெறிவோம் என அவசர முடிவெடுக்க வேண்டாம் எனவும் அறிக்கையில் கேட்டுக்கொண்டுள்ளனர்.  விரைவில் அவர்தம் கோரிக்கைகள் கேட்கப்பட்டு பிரச்னைகள் தீர்க்கப்படும் என நம்புவதாகவும், நாட்டில் சட்டம் ஒழுங்கு மேலோங்கட்டும் எனவும் கூறப்பட்டுள்ளது. கபில்தேவ், மொஹிந்தர் அமர்நாத், ஸ்ரீகாந்த், சயூத் கிர்மானி, யஷ்பால் சர்மா, மதன்லால், பல்வீந்தர் சிங் சது, சந்தீப் பாட்டில், கிர்த்தி ஆசாத், ரோகர் பின்னி ஆகியோரின் தரப்பில் அறிக்கை வெளியிடப்பட்டுள்ளது குறிப்பிடத்தக்கது.

இதையும் படிக்க:வாடகைக்கு வீடெடுத்து குத்தகைக்கு விட்டு பல லட்சம் ரூபாய் மோசடி செய்த தம்பதியினர் கைது!