ஐபிஎல் போட்டியின் 41 லீக் ஆட்டத்தில் கொல்கத்தா மற்றும் டெல்லி அணிகள் மோதின. இதில் டாஸ் வென்ற கொல்கத்தா அணியின் கேப்டன் இயன் மோர்கன் முதலில் பந்துவீச்சை தேர்வு செய்தார். 

இதனையடுத்து டெல்லி அணியின் தொடக்க வீரர்களாக ஷிகர் தவன் மற்றும் ஸ்டீவ் ஸ்மித் களமிறங்கினர்.கொல்கத்தா அணி பந்துவீச்சாளர்களின் சிறப்பான பந்துவீச்சால் டெல்லி அணி பேட்ஸ்மேன்கள் அடுத்தடுத்து ஆட்டமிழந்தனர்

கொல்கத்தா அணியின் அபார பந்துவீச்சால் டெல்லி கேப்பிட்டல்ஸ் அணி  20 ஓவர்கள் முடிவில் 9 விக்கெட்டுகள் இழப்புக்கு 127 ரன்கள் மட்டுமே எடுத்தது. இதனையடுத்து 128 ரன்கள் எடுத்தால் வெற்றி என்கிற இலக்குடன் கொல்கத்தா நைட் ரைடர்ஸ் அணி விளையாடியது. 

கொல்கத்தாவின் தொடக்க வீரரான வெங்கடேஷ் 14 ரன்களில் ஆட்டம் இழந்தார்.  அடுத்து வந்த ராகுல் திரிபாதி  சுப்மன் கில் சீரான இடைவெளியில் விக்கெட்டை பறிகொடுத்தனர். ஆனால்  நிதிஷ் ராணா நிலையாக நின்று விளையாடி கொல்கத்தா அணியை வெற்றி பாதைக்கு அழைத்து சென்றார்.   கொல்கத்தா அணி 18.2 ஓவர்களில் 130 ரன்கள் எடுத்து 3 விக்கெட்கள் வித்தியாசத்தில் அபார வெற்றி பெற்றது.  

சில மாதங்களுக்கு முன்பு வரை வலிமை அப்டேட் குறித்து சமூகவலைத்தளங்களில் ரசிகர்கள் தொடர்ந்து கேட்டு வந்தார்கள். பிரபலங்கள், அரசியல் தலைவர்கள் பங்கேற்ற நிகழ்ச்சிகளில் அவர்களிடம் வேடிக்கையாக வலிமை அப்டேட் கேட்டதால்  நடிகர் அஜித் அறிக்கை ஒன்றை வெளியிட்டார். அதில் பொதுவெளியிலும் சமூகவலைத்தளங்களிலும் கண்ணியத்தையும் கட்டுப்பாட்டையும் கடைப்பிடிக்க வேண்டும் எனக் கேட்டுக்கொள்கிறேன் என்று அறிக்கையில்நடிகர் அஜித் குறிப்பிட்டார்.

இங்கிலாந்துக்கு எதிரான டெஸ்ட் ஆட்டம் சென்னையில் நடைபெற்றபோது இங்கிலாந்து வீரர் மொயீன் அலி, எல்லைக்கோட்டுக்கு அருகே ஃபீல்டிங் செய்துகொண்டிருந்தபோது, அஜித் ரசிகர் ஒருவர் அவரிடம் வலிமை அப்டேட் குறித்து கேட்டார். இதன் விடியோ சமூகவலைத்தளங்களில் வெளியானது. தமிழகத்தைச் சேர்ந்த கிரிக்கெட் வீரர் அஸ்வினிடம் இதுபற்றி விசாரித்துள்ளார் மொயீன் அலி.

இந்நிலையில் டெஸ்ட் கிரிக்கெட்டிலிருந்து ஓய்வு பெற்றுள்ள மொயீன் அலி, சென்னை சூப்பர் கிங்ஸ் ட்விட்டர் தளத்தில் ஒரு பேட்டியளித்துள்ளார். அதில் சேப்பாக்கம் மைதானத்தில் ரசிகர் ஒருவர் வலிமை அப்டேட் கேட்டதை மறக்க முடியாது. அதேபோல, மைதானத்துக்கு ஏராளமான ரசிகர்கள் வந்திருந்தார்கள். அற்புதமாக இருந்தது என்றார்.

பாகிஸ்தான் கிரிக்கெட் அணியின் முன்னாள் கேப்டன் இன்சமாம் உல் ஹக்கிற்கு கடந்த மூன்று நாட்களாக நெஞ்சு வலி இருந்தது. லாகூரில் உள்ள மருத்துவமனைக்குச் சென்ற அவருக்கு நடத்தப்பட்ட ஆரம்பக்கட்ட பரிசோதனையில் ஏதும் தெரியவில்லை. மீண்டும் நெஞ்சு வலி ஏற்பட்டதை அடுத்து நடத்தப்பட்ட சோதனையில் அவருக்கு மாரடைப்பு ஏற்பட்டது தெரியவந்தது. இந்த நிலையில் உடனடியாக அவருக்கு ஆஞ்சியோபிளாஸ்டி  சிகிச்சை அளிக்கப்பட்டது.

தற்போது இன்சமாம் உல் ஹக் நலமாக இருப்பதாக மருத்துவமனை வட்டாரங்கள் தெரிவித்துள்ளன. அவர் விரைவில் நலம்பெற கிரிக்கெட் வீரர்கள் சமூக வலைதளங்களில் வாழ்த்துகளை தெரிவித்து வருகின்றனர். கடந்த 2007 ஆம் ஆண்டு சர்வதேச கிரிக்கெட்டில் இருந்து ஓய்வு பெற்ற பாகிஸ் தான் கிரிக்கெட் அணியின் பேட்டிங் பயிற்சியாளர் உட்பட பல பதவிகளை வகித்துள்ளார்.

ஐபிஎல் போட்டியில் சென்னை சூப்பர் கிங்ஸ் அணிக்காக விளையாடி வரும் மொயீன் அலி, டி20 உலகக் கோப்பைக்கான இங்கிலாந்து அணியிலும் இடம்பெற்றுள்ளார்.இந்நிலையில் டெஸ்ட் கிரிக்கெட்டிலிருந்து ஓய்வு பெறுவதாக மொயீன் அலி அறிவித்துள்ளார். எனினும் இங்கிலாந்து அணிக்காக ஒருநாள், டி20 ஆட்டங்களில் தொடர்ந்து விளையாடவுள்ளார். இங்கிலாந்து அணிக்காக 64 டெஸ்டுகள், 112 ஒருநாள், 38 டி20 ஆட்டங்களில் இடம்பெற்றுள்ளார் மொயீன் அலி. டெஸ்ட் கிரிக்கெட்டில் 2914 ரன்களும் 195 விக்கெட்டுகளும் எடுத்துள்ளார்.

இந்த நிலையில் இது குறித்து மொயீல் அலி வெளியிட்டுள்ள அறிவிப்பில்,  எனக்கு இப்போது 34 வயதாகிவிட்டது. என் விருப்பத்துக்கேற்ப கிரிக்கெட் ஆட்டங்களை நீண்ட காலம் விளையாட நினைக்கிறேன் என்றும் டெஸ்ட் கிரிக்கெட் அற்புதமானது. டெஸ்ட் கிரிக்கெட்டை ரசித்து விளையாடினேன். ஆனால் அதன் தீவிரத்தன்மையால் சில நேரங்களில் அதிக உழைப்பு தேவைப்படுகிறது. டெஸ்ட் கிரிக்கெட்டில் போதுமான அளவு விளையாடிவிட்டேன் என நினைக்கிறேன்.

இங்கிலாந்து இஸ்லாமியர்கள் கிரிக்கெட்டில் ஈடுபட இனி நான் ஊக்கமாக இருப்பேன் என நினைப்பதாக கூறியுள்ளார். இங்கிலாந்து வீரராக இல்லாவிட்டாலும் ஆம்லா எனக்கு அப்படித்தான் ஊக்கமளித்தார். என்னுடைய பெற்றோர், குடும்பத்தினர் என் கிரிக்கெட் பயணத்தில் மிகவும் ஒத்துழைத்தார்கள். அவர்களுக்கு நன்றி என்று கூறியுள்ளார்.

3-வது ஒருநாள் போட்டியில் ஆஸ்திரேலியாவை வீழ்த்தியது இந்தியா ஷபாலி வர்மா, யாஸ்டிகா பாட்டியா இந்திய பெண்கள் அணி மூன்று வகை கிரிக்கெட் தொடரிலும் விளையாடி வருகிறது. இதில் மூன்று போட்டிகள் கொண்ட ஒரு நாள் தொடரில் முதல் இரண்டு போட்டியில் ஆஸ்திரேலியா அணி வெற்றி பெற்று தொடரை கைப்பற்றிய நிலையில், இரு அணீகளுக்கு இடையேனா கடைசி ஒருநாள் போட்டி நேற்று நடைபெற்றது.

இதில் முதலில் பேட்டிங் செய்த ஆஸ்திரேலியா 50 ஓவரில் 9 விக்கெட் இழப்பிற்கு 264 ரன்கள் எடுத்தது. அந்த அணியின் மூனே 52 ரன்களும், கார்ட்னெர் 67 ரன்களை எடுத்தனர். இந்திய அணி தரப்பில் கோஸ்வாமி 10 ஓவர்கள் வீசி 37 ரன்கள் மட்டுமே விட்டுக்கொடுத்து 3 விக்கெட் வீழ்த்தினார். பூஜா வாஸ்ட்ரகார் 46 ரன்கள் கொடுத்து 3 விக்கெட் வீழ்த்தினார்.

பின்னர் 265 ரன்கள் அடித்தால் வெற்றி என்ற இலக்குடன்  களம் இறங்கிய இந்திய அணி, தொடக்க வீராங்கனை ஷபாலி வர்மா சிறப்பாக விளையாடி 56 ரன்கள் சேர்த்தார். 3-வது வீராங்கனையாக களம் இறங்கிய யாஸ்டிகா பாட்டியா 69 பந்தில் 64 ரன்கள் விளாசினார்.தீப்தி ஷர்மா 30 பந்தில் 31 ரன்களும், ஸ்னே ராணா 27 பந்தில் 30 ரன்களும் சேர்க்க இந்தியா 49.3 ஓவரில் 8 விக்கெட் இழப்பிற்கு 266 ரன்கள் எடுத்து 2 விக்கெட் வித்தியாசத்தில் வெற்றி பெற்றது. இதன் மூலம் தொடர்ந்து 26 ஒருநாள் போட்டிகளில் வென்று வெற்றிநடை போட்ட ஆஸ்திரேலிய பெண்கள் அணியின் பயணத்தை முடித்து வைத்தது இந்தியா மகளிர் அணி.

The winning moment when @JhulanG10 hit straight down to the ground to trigger wild celebrations! #TeamIndia #AUSvIND pic.twitter.com/GoDQFCupcq

— BCCI Women (@BCCIWomen) September 26, 2021