இந்திய கிரிக்கெட் அணியின் முன்னாள் வீரரும், பாஜக எம்.பியுமான கவுதம் கம்பீருக்கு, 2-வது முறையாக ஐ.  எஸ்.ஐ.  எஸ். பயங்கரவாதிகளிடம் இருந்து கொலை மிரட்டல் வந்துள்ளது. தாங்கள் உன்னை கொலை செய்ய நினைத்ததாகவும், ஆனால் நீ தப்பித்து விட்டாய் எனவும் குறிப்பிட்டுள்ள ஐ.  எஸ்.ஐ.  எஸ். பயங்கரவாதிகள், உங்கள் குடும்ப வாழ்க்கையை நீங்கள் விரும்பினால், அரசியலில் இருந்தும், காஷ்மீர் பிரச்னையில் இருந்தும் விலகி இருங்கள் என கவுதம் கம்பீருக்கு மிரட்டல் விடுத்துள்ளனர். மேலும், கம்பீரின் வீட்டை வீடியோ எடுத்து, சிறிது விநாடிகள் ஓடக் கூடிய வீடியோவுடன் மிரட்டல் விடுத்துள்ளனர். இதனையடுத்து, அவரது வீட்டுக்கு மேலும் பாதுகாப்பை பலப்படுத்தியுள்ள போலீசார், தற்போது வந்த மிரட்டல் குறித்து விசாரணை நடத்தி வருகின்றனர்.

கிரிக்கெட் வலைப் பயிற்சியின் போது, முன்னாள் வீரர் ராகுல் டிராவிட் சுழற்பந்து வீசிய வீடியோ வெளியாகியுள்ளது. கான்பூரில் நியூசிலாந்துக்கு எதிரான முதல் டெஸ்ட் போட்டிக்கு தயாராகும் இந்திய அணி வீரர்கள் தலைமை பயிற்சியாளர் ராகுல் டிராவிட் மேற்பார்வையில் பயிற்சியில் ஈடுபட்டுக் கொண்டிருந்தனர். அப்போது வீரர்களை தயார் படுத்தும் நோக்கில் ராகுல் டிராவிட் வீரர்களுக்கு சுழற்பந்து வீசி பயிற்சி வழங்கினார்.

View this post on Instagram

A post shared by Team India (@indiancricketteam)

சையத் முஷ்டாக் அலி கோப்பை கிரிக்கெட் இறுதிப்போட்டியில், தமிழ்நாடு அணி விளையாடிய கடைசி ஓவரை, எம்.எஸ்.தோனி பார்த்து ரசித்துள்ளார். 

டெல்லியில் நடைபெற்ற இறுதிப்போட்டியில் கர்நாடக அணியை வீழ்த்தி, தமிழ்நாடு அணி சாம்பியன் கோப்பையை கைப்பற்றி உள்ளது. 

கடைசி பந்தில் 5 ரன்கள் தேவை என்ற நிலை உருவான நிலையில், தமிழக அணி வீரர் ஷாருக்கான் கடைசி பந்தில் சிக்சர் அடித்து அசத்தினார். இதனால் 4 விக்கெட் வித்தியாசத்தில் தமிழக அணி திரில் வெற்றி பெற்றது. 

இந்நிலையில், சையத் முஷ்டாக் அலி கோப்பை இறுதிப்போட்டியில் தமிழ்நாடு அணி விளையாடிய கடைசி ஓவரை, இந்திய அணியின் முன்னாள் வீரர் மகேந்திர சிங் தோனி பார்த்துள்ளார். இந்த புகைப்படம், சமூக வலைத்தளங்களில் வைரலாகி வருகிறது.

 

இந்தியாவில் சுற்றுப்பயணம் மேற்கொண்டுள்ள நியூசிலாந்து கிரிக்கெட் அணி, 3 போட்டிகள் கொண்ட 20 ஓவர் தொடரில் விளையாடியது. முதல் இரண்டு போட்டிகளிலும் இந்தியா வெற்றி பெற்று தொடரை கைப்பற்றிய நிலையில், 3-வது மற்றும் கடைசி டி20 போட்டி, மேற்கு வங்காள மாநிலம் கொல்கத்தாவில் நடைபெற்றது. டாஸ் வென்ற இந்திய அணி, பேட்டிங்கை தேர்வு செய்தது.

அதன்படி முதலில் களமிறங்கிய கேப்டன் ரோகித் சர்மா, இஷான் கிஷன் ஆகிய இருவரும் தொடக்கம் முதலே அதிரடி ஆட்டத்தை வெளிப்படுத்தினர். நிர்ணயிக்கப்பட்ட 20 ஓவர்களில் இந்திய அணி 7 விக்கெட்டுகள் இழப்புக்கு 184 ரன்கள் குவித்தது.

இதனையடுத்து, 185 ரன்கள் எடுத்தால் வெற்றி என்ற இலக்குடன் பேட்டிங் செய்த நியூசிலாந்து அணியில், தொடக்க ஆட்டக்காரர் மார்ட்டின் குப்தில் அபாரமான ஆட்டத்தை வெளிப்படுத்தினார்.  ஆனால், மறுமுனையில் இந்திய பந்துவீச்சை சமாளிக்க முடியாமல் விக்கெட்டுகள் சரிந்தன. குறிப்பாக அக்சர் படேலின் பந்துகளை சமாளிக்க  முடியாமல் நியூசிலாந்து பேட்ஸ்மேன்கள் திணறினர். இதனால் நியூசிலாந்து அணி 17 புள்ளி 2 ஓவர்களில் அனைத்து விக்கெட்டுகளையும் இழந்து 111 ரன்கள் மட்டுமே எடுத்தது. இதனால் 73 ரன்கள் வித்தியாசத்தில் வெற்றி பெற்ற இந்திய அணி, 3 க்கு பூஜ்ஜியம் என்ற கணக்கில் நியூசிலாந்தை ஒயிட்வாஷ் செய்து கோப்பையை வென்றுள்ளது.

இந்தியாவுக்கு வந்துள்ள நியூசிலாந்து கிரிக்கெட் அணி, 3 போட்டிகள் கொண்ட 20 ஓவர் தொடரில் பங்கேற்றுள்ளது. ஜெய்ப்பூரில் நடைபெற்ற முதல் ஆட்டத்தில் 5 விக்கெட் வித்தியாசத்தில் இந்திய அணி வெற்றி பெற்றுள்ளது. இந்நிலையில், இரு அணிகளுக்கு இடையேயான 2-வது 20 ஓவர் போட்டி, ஜார்க்கண்ட் மாநிலம் ராஞ்சியில் நடைபெற்றது. டாஸ் வென்ற இந்திய அணி, பந்து வீச்சை தேர்வு செய்தது. அதன்படி முதலில் பேட்டிங் செய்த நியூசிலாந்து அணியில், மார்டின் கப்டிலும், டேரில் மிச்சேலும் அணிக்கு சிறப்பான தொடக்கத்தை கொடுத்தனர்.

அவ்வாறு ஆரம்பத்தில் அதிரடி காட்டிய நியூசிலாந்து அணி, அதிக ரன்கள் எடுக்கும் என எதிர்பார்க்கப்பட்ட நிலையில், இந்திய பந்துவீச்சாளர்கள் கடைசி கட்டத்தில் நியூசிலாந்தை கட்டுப்படுத்தினர். நடுவரிசையில் களமிறங்கிய க்ளென் பிலிப்ஸ் மட்டும் அதிரடி காட்டி 34 ரன்கள் எடுக்க, மற்ற பேட்ஸ்மேன்கள் சோபிக்கவில்லை. இறுதியில் நியூசிலாந்து அணி 6 விக்கெட்டுகள் இழப்பிற்கு 153 ரன்கள் எடுத்தது.

இதனை தொடர்ந்து 154 ரன்கள் எடுத்தால் வெற்றி என்ற இலக்குடன் இந்திய அணி பேட்டிங் செய்தது.  தொடக்க ஆட்டக்காரர்களாக களமிறங்கிய கே.எல்.ராகுல், ரோகித் சர்மா ஆகிய இருவரும் அரை சதத்தை கடந்து அசத்தினர். அடுத்து களமிறங்கிய சூர்யகுமார் யாதவ், சவுதி வீசிய பந்தில் போல்ட் ஆனார். 18-வது ஓவரில் வெங்கடேஷ் ஐயர் 2 சிக்சர்கள் விளாசி ஆட்டத்தை வெற்றிகரமாக நிறைவு செய்தார். 17 புள்ளி 2 ஓவர்களில் இந்திய அணி 3 விக்கெட் இழப்பிற்கு 155 ரன்கள் எடுத்து வெற்றி பெற்றது. இதன் மூலம் 3 ஆட்டங்கள் கொண்ட டி-20 தொடரில், 2 ஆட்டங்களில் வெற்றி பெற்று இந்திய அணி தொடரை கைப்பற்றியுள்ளது.