ஒடிசா மாநிலம் புவனேஸ்வரில் ஜூனியர் ஹாக்கி உலகக் கோப்பை தொடர் விறுவிறுப்பாக நடைபெற்று வருகிறது. காலிறுதி ஆட்டத்தில், ஐரோப்பாவின் மிகவும் வலுவான அணியான பெல்ஜியத்துடன், நடப்பு சாம்பியனான இந்திய அணி பலப்பரீட்சை நடத்தியது. தொடக்கத்தில் ஆக்ரோஷமாக ஆடிய பெல்ஜியம் வீரர்கள், இந்திய வீரர்களுக்கு கடும் நெருக்கடி கொடுத்தனர்.

எந்த வாய்ப்பும் கொடுக்காமல் தொடர்ந்து ஆதிக்கம் செலுத்தினர். அதன் பின்னர் இந்திய வீரர்கள் சுதாரித்து ஆட, 21-வது நிமிடத்தில் கிடைத்த பெனால்டி கார்னர் வாய்ப்பில், இந்திய வீரர் சர்தானந்த் திவாரி கோல் அடித்து அசத்தினார்.  அதன் பின்னர் இறுதி வரை இரு அணிகளும் கோல் அடிக்கவில்லை. எனவே, 1 க்கு பூஜ்ஜியம் என்ற கோல் கணக்கில் வெற்றி பெற்ற இந்திய அணி, அரையிறுதிக்கு தகுதி பெற்றுள்ளது. வெள்ளிக்கிழமை நடைபெற உள்ள அரையிறுதிப் போட்டியில், ஜெர்மனி அணியுடன் இந்தியா பலப்பரீட்சை நடத்த உள்ளது என்பது குறிப்பிடத்தக்கது.

ஐபிஎல் கிரிக்கெட் அணிகள் தங்கள் அணியில் உள்ள வீரர்களில் யார்? யாரை? தக்கவைக்கிறது என்பதை அறிவிப்பதற்கான கெடு நிறைவடைந்தையடுத்து, அணியில் தக்கவைக்கப்படும் வீரர்களின் பட்டியலை இந்திய கிரிக்கெட் வாரியம் மற்றும் ஐபிஎல் நிர்வாகக்குழு அறிவித்து உள்ளது.

 
ராயல் சேலஞ்சர்ஸ் பெங்களூரு அணி விராட் கோலி, மேக்ஸ்வெல், முகமது சிராஜ் ஆகிய மூவரை தக்க வைத்துள்ளது. பெங்களூர் ராயல் சேலஞ்சர்ஸ் அணிக்காக இந்திய வீரர் பேட்ஸ்மேன் விராட் கோலி, வேகப்பந்து வீச்சாளர் சிராஜ், ஆல்ரவுண்டர் மேக்ஸ்வெல் ஆகியோரும் தக்கவைத்துள்ளனர். ஐ.பி.எல் ஏலத்திற்கு அந்த அணியிடம்  57 கோடி மீதம் உள்ளது.

மும்பை அணிக்காக கேப்டன் ரோகித் சர்மா, வேகப்பந்து வீச்சாளர் மும்பரா, பேட்ஸ்மேன் சூர்யகுமார் யாதவ், ஆல்ரவுண்டர் கிரன் பொள்ளாடு ஆகியோரும் தக்கவைக்கப்பட்டுள்ளனர். மும்பை இந்தியன் அணியில் 3 இந்திய வீரர்களும் ஒரு வெளிநாட்டு வீரர்களும் தக்கவைத்துள்ளனர். கிங்ஸ் லெவன் பஞ்சாப் அணிக்காக பேட்ஸ்மேன் மாயங் அகர்வால் , வேகப்பந்து வீச்சாளர் அர்சப்த் சிங் அது இருவரை தக்க வைத்துள்ளன.

அந்த வகையில் நடப்பு சாம்பியன் சென்னை சூப்பர் கிங்ஸ் அணியில் டோனி, ஜடேஜா, ருதுராஜ், மொயீன் அலி ஆகியோரை தக்கவைத்துள்ளது. இதில் ஜடேஜாவை 16 கோடி ரூபாய் கொடுத்தும், டோனியை 12 கோடி ரூபாய் கொடுத்தும், மொயீன் அலியை 8 கோடி ரூபாய் கொடுத்தும், ருதுராஜன் கெய்க்வாட்டை 6 கோடி ரூபாய் கொடுத்தும் தக்கவைத்துள்ளது.

மேலும் இது தோனியே எடுத்த முடிவாக இருக்கலாம். தற்போதைய ஃபார்மை கருத்தில் கொண்டு முதல் வீரராக ரீட்டெயின் செய்ய தகுதியடையவர் ஜடேஜா என தோனியே முடிவெடுத்திருக்கலாம்.

ஆனால், 2022 சீசனோடு தோனி ஓய்வுபெறும்பட்சத்தில் மினி ஏலத்தில் சென்னைக்கு கூடுதலாக 12 கோடி மட்டுமே கிடைக்கும். அதேநேரத்தில், இங்கே தோனியை 16 கோடிக்கு ரீட்டெயின் செய்திருக்கும்பட்சதில், தோனி ஓய்வு பெற்ற பிறகு மினி ஏலத்தில் சென்னைக்கு 16 கோடி கிடைத்திருக்கும்.

தோனி 2022 சீசனோடு ஓய்வு பெறும்பட்சத்தில் சென்னைக்கு 4 கோடி நஷ்டம் ஏற்படும் என்றும் அப்படி தோனி ஓய்வு பெறும் பட்சத்தில் சென்னை அணிக்கு அடுத்த கேப்டனாக ஜடேஜாவை நியமிக்க அதிக வாய்ப்புள்ளதாக தகவல் வெளியாகியுள்ளது.

 ஆஸ்திரேலியாவின் பிரபல சுழற்பந்து வீச்சாளர் ஷேன் வார்ன் சிட்னி-யில் தனது மகன் ஜாக்சனுடன் இருசக்கர வாகனத்தில் சென்றுக் கொண்டிருந்த போது எதிர்பாராத விதமாக வாகனம் கட்டுப்பாட்டை இழந்து விபத்தில் சிக்கியுள்ளது. இதில் இருசக்கர வாகனத்தின் சக்கரங்கள் சுமார் 15 மீட்டர் தூரம் வரை சறுக்கிக் கொண்டு சென்ற நிலையில், ஷேன் வார்ன் காயங்களுடன் தப்பினார். அவருக்கு கால், இடுப்பை பகுதியில் அதீத வலி ஏற்பட்டுள்ளதால் மருத்துவமனையில் அனுமதிக்கப்பட்டுள்ளார்.  ஷேன் வார்னுக்கு காலில் எலும்பு முறிவு ஏற்பட்டிருக்க கூடும் என கூறப்படுகிறது.

இந்தியா மற்றும் நியூசிலாந்து, கிரிக்கெட் அணிகள் கான்பூரில் டெஸ்ட் போட்டியில் விளையாடி வருகின்றன. முதல் இன்னிங்ஸில் இந்தியா 345 ரன்களும், நியூசிலாந்து அணி 296 ரன்களும் எடுத்திருந்தது. இதையடுத்து, இரண்டாவது இன்னிங்ஸை தொடங்கிய இந்திய அணி அடுத்தடுத்து விக்கெட்டுகளை இழந்து தடுமாறியது. 51 ரன்கள் சேர்ப்பதற்குள் ஐந்து விக்கெட்டுகளை இழந்து இந்தியா தடுமாறியது.

கில், பூஜாரா, ரஹானே, மயங்க் அகர்வால், ஜடேஜா என ஐந்து பேரும் வந்த வேகத்தில் பெவிலியன் திரும்பினர். ஷ்ரேயஸ் ஐயர், பொறுப்புடன் விளையாடி 65 ரன்களை சேர்த்தார். குறிப்பாக அஷ்வின் மற்றும் சாஹாவுடன் இணைந்து 50 ரன்களுக்கு மேல் பார்ட்னர்ஷிப் அமைத்தார் ஷ்ரேயஸ்.  இது இந்திய அணியை வலுவான நிலைக்கு முன்னிலை பெற உதவியது. இதையடுத்து, இரண்டாவது இன்னிங்சில் இந்திய அணி 7 விக்கெட் இழப்பிற்கு 234 ரன்கள் எடுத்திருந்த போது கேப்டன் ரகானே ஆட்டத்தை டிக்ளேர் செய்தார்.

4-வது நாள் ஆட்டத்தில் ஒரு சில ஓவர்கள் இருந்த நிலையில் களமிறங்கிய நியூசிலாந்து அணிக்கு இந்திய சுழற்பந்து வீச்சாளர்கள் தொடக்கத்திலேயே அதிர்ச்சியை தந்தனர். முதல் இன்னிங்சில் சிறப்பாக விளையாடிய வில் யாங்கை அஸ்வின் தமது சுழலில் மடக்கினார். இதையடுத்து 4வது நாள் ஆட்டநேர முடிவில் நியூசிலாந்து அணி 4 ரன்கள் மட்டுமே எடுத்து ஒரு விக்கெட்டை இழந்துள்ளது. இன்னும் 280 ரன்கள் எடுக்க வேண்டிய நிலையில், நாளை நியூசிலாந்து அணி தங்களது அதிரடியான ஆட்டத்தை வெளிப்படுத்தினால் மட்டுமே வெற்றிபெற முடியும் என்ற சூழலில் உள்ளனர்.

தென் ஆப்பிரிக்காவில் வேகமாக பரவும் தன்மை வாய்ந்த ஒமிக்ரான் என்ற உருமாறிய புதிய வகை கொரோனா தொற்று கண்டறியப்பட்டுள்ளது. இந்த புதிய மாறுபாடு கொரோனா பரவலை தடுக்கும் முயற்சியில் உள்ள உலக நாடுகளுக்கு அச்சுறுத்தலை உருவாக்கி உள்ளதாக உலக சுகாதார அமைப்பு கூறி உள்ளது.

தென் ஆப்பிரிக்காவில் இந்த வாரம் கண்டறியப்பட்ட இந்த கொரோனா வைரஸ் போத்ஸ்வானா, ஆங்காங், இஸ்ரேல் உள்ளிட்ட நாடுகளுக்கு பரவி பாதிப்பை ஏற்படுத்த தொடங்கி உள்ளது. ஆப்பிரிக்காவில் உருமாறிய கொரோனா வைரஸ் பரவி வருவதால், ஜிம்பாப்வேயில் நடைபெறும் மகளிர் உலகக்கோப்பை கிரிக்கெட் தகுதிச்சுற்று போட்டிகள் ரத்து செய்யப்படுவதாக ஐசிசி அறிவித்துள்ளது.  அத்துடன், பாகிஸ்தான், வெஸ்ட் இண்டீஸ் மற்றும் வங்காளதேசம் ஆகிய அணிகள் தரவரிசை அடிப்படையில் உலகக் கோப்பையில் பங்கேற்க தேர்வு செய்யப்பட்டன.

ஆஸ்திரேலியா, இங்கிலாந்து, இந்தியா, தென்னாப்பிரிக்கா, நியூசிலாந்து, பாகிஸ்தான், வெஸ்ட் இண்டீஸ் மற்றும் வங்காளதேசம் ஆகிய 8 அணிகள் உலகக் கோப்பைக்கு தகுதி பெற்றுள்ளன. உலக கோப்பை போட்டி அடுத்த ஆண்டு மார்ச் 4ம் தேதி முதல் ஏப்ரல் 3ம் தேதி வரை நியூசிலாந்தில் நடைபெறுகிறது.