தமிழ்நாட்டில் இன்று அதிகபட்சமாக சென்னை நுங்கம்பாக்கத்தில் 108.14°F வெப்பம் பதிவு. 

கடந்த 10 ஆண்டுகளில் இல்லாத அளவாக இந்த ஜூன் மாதத்தில் சென்னை நுங்கம்பாக்கத்தில் 108.14°F வெப்பம் பதிவாகி புதிய உச்சத்தை தொட்டுள்ளது

தமிழ்நாடு மற்றும் புதுச்சேரியில் நேற்று 18 இடங்களில் வெயில் சதம் அடித்த நிலையில் இன்று 15 இடங்களில் வெயில் சதம் அடித்துள்ளது.

குறிப்பாக தமிழ்நாட்டின் பல்வேறு பகுதிகளிலும் மதிய வேலைகளில் வெயில் வெளுத்து வாங்கி வரும் நிலையில் மாலை வேலைகளில் கருமேகங்கள் சூழ்ந்து இடி மின்னலுடன் கூடிய மழை பெய்து வருகிறது.

நேற்றும் சென்னைக்கு ஒரு சில பகுதிகளில் மாலை நேரங்களில் மழை பெய்து குளிர்ந்த சூழலை உண்டாக்கிய நிலையில் இன்றும் சென்னையின் பல்வேறு பகுதிகளிலும் மதியம் கடும் வெயில் வாட்டிய நிலையில் மாலை நேரங்களில் கருமேகங்கள் சூழ்ந்து லேசான மழை பெய்ததால் சென்னையின் பல்வேறு பகுதிகளில் குளிர்ச்சியான சூழல் நிலவுகிறது.

இந்த நிலையில் தமிழ்நாட்டில் இன்று அதிகபட்சமாக சென்னை நுங்கம்பாக்கத்தில் 108.14°F வெப்பம் பதிவாகியுள்ளது.

கடந்த 10 ஆண்டுகளில் இல்லாத அளவாக இந்த ஜூன் மாதத்தில் சென்னை நுங்கம்பாக்கத்தில் கடந்த வெள்ளிக்கிழமை 107.42°F, வெப்பமும் சனிக்கிழமை 107.78°F, வெப்பம் பதிவாகி இருந்த நிலையில் இன்று சென்னை நுங்கம்பாக்கத்தில் 108.14°F வெப்பம் பதிவாகி புதிய  உச்சத்தை தொட்டு உள்ளது.

இதற்கு முன் அதிகபட்சமாக கடந்த 2014 ஆம் ஆண்டு ஜூன் மாதம் 41.8 C அதாவது 107.24°F வெப்பம் பதிவாகியது இருந்தது குறிப்பிடத்தக்கது.

மேலும் தமிழ்நாட்டில் சென்னை மீனம்பாக்கத்தில் 107.60°F, கடலூர் 100.40°F, தர்மபுரி 101.  30°F, ஈரோடு 101.48°F, கரூர் பரமத்தி 104.00°F, மதுரை நகரம் 102.20°F, மதுரை விமான நிலையம் 102.56°F, பாளையங்கோட்டை 101.30°F, புதுச்சேரி 102.57°F,  சேலம் 102.02°F, திருப்பத்தூர் 101.48°, திருச்சி 102.74°F, திருத்தணி 106.70°F, வேலூர் 107.60°F வெப்பம் பதிவாகியுள்ளது.

இதையும் படிக்க     |  " தேசிய கல்விக் கொள்கை, மாநில கல்வி கொள்கை என எங்களுக்கு எதுவும் இல்லை " - அண்ணா பல்கலைக்கழக துணைவேந்தர் வேல்ராஜ்.

மதுரை: மதுரை மீனாட்சி அம்மன் கோயில் உள்ளே புகைப்படங்கள் எடுக்கவோ, அதை சமூக வலைதளங்களில் பதிவிடுவதற்கு தடை விதிக்கவோ முடியாது -  உயர் நீதிமன்ற மதுரைக்கிளை

மதுரை, புதூர் பகுதியைச் சேர்ந்த முத்துக்குமார் என்னும் உயர்நீதிமன்ற மதுரைக்கிளையில் மனு ஒன்றை தாக்கல் செய்துள்ளார்.

அதில், "உலக பிரசித்தி பெற்ற கோவிலாக மதுரை அருள்மிகு மீனாட்சி சுந்தரேஸ்வரர் திருக்கோயில் இருந்து வருகிறது. கோயிலின் உள்ளே செல்போன் கேமரா மற்றும் எலக்ட்ரிக் சாதனங்கள் கொண்டு செல்ல அனுமதி மறுக்கப்பட்டுள்ளது. 

கோயிலில் உள்ளே உள்ள சிலைகள் மற்றும் சிற்பங்கள் ஆகியவற்றை புகைப்படங்கள் எடுக்க அனுமதி மறுக்கப்பட்டுள்ளது. ஆனால், குறிப்பிட்ட சில புகைப்பட கலைஞர்கள் மதுரை மீனாட்சி சுந்தரேஸ்வரர் திருக்கோயிலில் உள்ள சிற்பங்கள் மற்றும் சிலைகள் ஆகியவற்றின் புகைப்படங்கள் மற்றும் வீடியோ ஆகியவற்றை எடுத்து தங்களின் Logo வைத்து பேஸ்புக், வாட்ஸ் அப் போன்ற சமூக வலைதளங்களில் பதிவிட்டு வருகின்றனர்.

தகவல் அறியும் உரிமைச் சட்டத்தின் படி இவர்கள் புகைப்படங்கள் மற்றும் வீடியோ எடுக்க அனுமதி உள்ளதா என கேட்கப்பட்ட கேள்விக்கு, அனுமதி இல்லை என பதில் தெரிவிக்கப்பட்டுள்ளது. எனவே, மதுரை அருள்மிகு மீனாட்சி சுந்தரேஸ்வரர் கோவிலில் அனுமதியின்றி எடுக்கப்பட்ட சிற்பங்கள் மற்றும் சிலைகளின் புகைப்படம் மற்றும் வீடியோ ஆகியவற்றை சமூக வலைதளங்களில் இருந்து நீக்கவும், புகைப்படங்கள் மற்றும் வீடியோக்கள் தனி நபர்கள் எடுக்காத வண்ணம் பாதுகாப்பை அதிகப்படுத்த உத்தரவிட வேண்டும்." எனவும் மனுவில் கூறியிருந்தார்.

இந்த மனு நீதிபதிகள் சுப்பிரமணியன், விக்டோரியா கௌரி அமர்வு முன்பு விசாரணைக்கு வந்தது.
நீதிபதிகள், "மதுரை அருள்மிகு மீனாட்சி சுந்தரேஸ்வரர் திருக்கோயிலின் உள்ளே புகைப்படங்கள் மற்றும் வீடியோ எடுப்பதற்கு ஒப்பந்தம் கோரப்பட்டு, அதன்படியே புகைப்படங்கள் மற்றும் வீடியோக்கள் எடுக்கப்படுகிறது" என மதுரை மீனாட்சி சுந்தரேஸ்வரர் திருக்கோயில் கோவில் நிர்வாகம் தரப்பில், கூறப்பட்டுள்ளதை எடுத்துரைத்தனர். 

மேலும், அமெரிக்கா போன்ற நாடுகள் அங்கே 100 வருட புராதன சின்னங்கள் என்று கூறி படங்களை எடுத்து பல கோடிக்கு வியாபாரம் செய்யும்  சூழலில், நாம் 2000 வருட புராதன சின்னங்களை வைத்துக் கொண்டு எவ்வித செயல்பாடுகளும் இல்லாமல் இருக்கின்றோம் எனவும் கருத்து தெரிவித்துள்ளனர். மதுரை மீனாட்சி அம்மன் கோயில் உள்ளே புகைப்படங்கள் எடுக்கவோ, அதை சமூக வலைதளங்களில் பதிவிடுவதற்கு தடை விதிக்கவோ முடியாது எனக் கூறி வழக்கை தள்ளுபடி செய்து உத்தரவிட்டது, மதுரை கிளையின் உயர் நீதிமன்றம்.

தமிழ்நாட்டின் தொழில்துறை வளர்ச்சிக்கு வித்திடும் நோக்கில் வெளிநாட்டு முதலீடுகளை ஈர்க்கும் பொருட்டு தமிழ்நாடு முதலமைச்சர் மு.க.ஸ்டாலின் ஜப்பான் மற்றும் சிங்கப்பூர் நாடுகளுக்கு அரசு முறை பயணம் மேற்கொண்டார்.  9 நாட்கள் பயணத்தை நிறைவு செய்து தமிழ்நாடு திரும்பிய முதலமைச்சர் முதலீடு குறித்து பல தலைவர்களையும் அதிகாரிகளையும்  சந்தித்து பேசியதாகவும் இந்த முதலீடுகள் மூலம் 5000 பேருக்கு வேலைவாய்ப்பு கிடைக்கும் எனவும் உறுதியளித்திருந்தார். 

இவ்வாறிருக்க, முதலமைச்சரின் இந்த பயணம் குறித்து ஆளுநர் ஆர்.என்.ரவி விமர்சனம் செய்துள்ளார். 

உதகையில் நடைபெற்ற பல்கலைக் கழக துணை வேந்தர்கள் மாநாட்டில் ஆளுநர் ஆர்.என். ரவி கலந்து கொண்டு பேசுகையில், முதலமைச்சரின் முதலீடுகள் குறித்த அரசு முறைப்பயணத்தை சுட்டி காட்டி,  வெளிநாடு சென்றால் மட்டும் முதலீட்டாளர்கள் வந்துவிட மாட்டார்கள் என்றும், உலகளாவிய பெரும் தொழில் அமைப்புகளுக்கான சிறந்த சுற்றுச்சூழல் அமைப்பை நாம் உருவாக்க வேண்டும் என்றும், தமிழகத்திலேயே எண்ணற்ற பட்டதாரி இளைஞர்களுக்கு வேலையில்லாத நிலை இருப்பதாகவும், அடிப்படை  கல்விக்கு மட்டுமின்றி உயர்கல்விக்கும்  தமிழ்நாட்டில் முக்கியத்துவம் அளிக்க வேண்டும் என்றும் கூறினார். 

ஆளுநரின் இந்த சர்ச்சையான விமர்சனத்தை கண்டித்து  தமிழ்நாடு காங்கிரஸ் சட்டமன்ற குழு தலைவரும் ஸ்ரீ பெரும்புதூர் தொகுதியின் சட்டமன்ற உறுப்பினருமான  செல்வப்பெருந்தகை அறிக்கை ஒன்றை வெளியிட்டுள்ளார். 

 அதில், தமிழ்நாட்டின் ஆளுநர் ஆர்.என்.ரவி நேற்று (05.06.2023) உதகையில் நடைபெற்ற பல்கலைக்கழக துணைவேந்தர்கள் மாநாட்டில் பேசும் போது, அந்நிய முதலீடுகளை பெறுவதற்காக வெளிநாடு சென்ற மாண்புமிகு தமிழ்நாட்டின் முதலமைச்சர் அவர்களின் வெளிநாட்டுப் பயணத்தை தேவையில்லாமல் விமர்சனம் செய்துள்ளார்;  இவரின் பேச்சு வன்மையாகக் கண்டிக்கத்தக்கது என்றும், 

சமீபத்தில் குழந்தைத் திருமணம் பற்றி பேசிய ஆளுநர் ரவி அவர்கள், தமிழ்நாடு சமூக நலத்துறை அதிகாரிகள் பழிவாங்கும் நோக்கத்தோடு குழந்தைத் திருமணம் குறித்து சிதம்பரம் தீட்சிதர்கள் மீது நடவடிக்கை எடுத்தார்கள் என்றும், உண்மையில் சிதம்பரத்தில் குழந்தைத் திருமணங்கள் நடக்கவில்லை என்றும் தீட்சிதர்களுக்கு ஆதரவாக கருத்து தெரிவித்தார். ஆனால், தற்போது சிதம்பரம் தீட்சிதர்கள் குடும்பத்தில் குழந்தைத் திருமணம் நடைபெற்ற வீடியோ சமூக வலைதளங்களில் வைரல் ஆனதால், மூக்குடைபட்ட நிலையில் உள்ள ஆளுநர், அதை மடைமாற்றம் செய்வதற்கு மாண்புமிகு தமிழ்நாடு முதலமைச்சர் வெளிநாடு பயணம் பற்றி விமர்சித்துள்ளார். 

ஆளுநராகப் பதவியேற்றதிலிருந்து தமிழ்நாட்டிற்கும், தமிழ்நாட்டு மக்களின் நலனிற்கும் எதிராகவே செயல்பட்டுக் கொண்டிருக்கிறார். தமிழ்நாட்டு மக்களின் வரிப்பணத்தில் சொகுசு வாழ்க்கை வாழும் ஆளுநர் இவ்வாறு தமிழ்நாட்டு மக்களின் நலனுக்கு முக்கியத்துவம் அளிக்காமல் கட்சித்தலைவர் போல செயல்படுவது வன்மையாகக் கண்டிக்கத்தக்கது. இந்த நிலை பாஜகவிற்கு எதிர்நிலை கொண்ட கட்சிகள் ஆட்சி செய்யும் அனைத்து மாநிலங்களிலும் தொடர்கிறது" , என்றும் சாடினார்.  

இதையும் படிக்க     |  "ஆவின் நிறுவனம் அழிவுப் பாதைக்கு சென்று விடும் " - தமிழ்நாடு விவசாயிகள் சங்கம்.

அதோடு, " ஆளுநரின் செயல்பாடுகள், பேச்சுகள் நாளுக்கு நாள் தமிழ்நாட்டின் அரசியலில் தேவையற்ற குழப்பத்தை ஏற்படுத்தும் விதமாகவே இருக்கின்றன. பாஜக, ஆர்எஸ்எஸ் அமைப்பின் கொள்கை பரப்புச் செயலாளர் போன்று செயல்படுவதையும், தேவையற்றவற்றைப்   பேசுவதையும் ஆளுநர் உடனடியாக நிறுத்திக் கொள்ள வேண்டும். ஆளுநர் பதவிக்கு தகுந்த மாதிரி அவரின் செயல்பாடுகள் இருக்க வேண்டுமென கேட்டுக் கொள்கிறேன்." என்றும் அந்த அறிக்கையில் தெரிவித்துள்ளார். 

இதையும் படிக்க     | தமிழ்நாடு காங்கிரஸில் ஓங்குகிறதா சசிகாந்தின் கை!
  

கொள்முதல் விலையை உயர்த்தி ஆவின் நிறுவனத்தை காப்பாற்ற வேண்டும் என தமிழ்நாடு விவசாயிகள் சங்கத்தினர் அரசுக்கு கோரிக்கை விடுத்துள்ளனர்.

`பசும்பாலுக்கான கொள்முதல் விலையை ரூபாய் 42 ஆகவும் பெருமை பாலுக்கான கொள்முதல் விலையை ரூபாய் 51 ஆகவும் உயர்த்தி வழங்க வேண்டும் என்பது தமிழ்நாடு பால் உற்பத்தியாளர்களின் கோரிக்கையாக உள்ளது.

இந்த நிலையில், சேலத்தில் செய்தியாளர்களை சந்தித்த தமிழ்நாடு விவசாயிகள் சங்கத்தின் பொதுச்செயலாளர் சுந்தரம் கூறுகையில்:-

தமிழ்நாட்டில் தற்போது அமுல் நிறுவனம் காலூன்ற தொடங்கியுள்ளதாக குறிப்பிட்டார். மேலும், ஆவின் நிறுவனத்தை விட கூடுதலான கொள்முதல் விலையை அமுல் வழங்குவதாகவும் தனியார் பால் விற்பனை விலையை விட பொதுமக்களுக்கு குறைந்த விலையில் தரமான பால் அமல் நிர்வாகம் விற்பனை செய்வதையும் தமிழ்நாடு விவசாயிகள் சங்கத்தினர் வரவேற்பதாக அவர் தெரிவித்தார்.

அதோடு, அரசியல் தலையீடு இல்லாத காரணத்தினாலேயே அமுல் நிர்வாகம் சிறந்த முறையில் செயலாற்றி வருவதாகவும் பால் உற்பத்தியாளர்களுக்கு உடனடி பண பட்டுவாடா செய்வதாகவும் சுந்தரம் தெரிவித்தார். 

மேலும், தமிழ்நாட்டில் மாநில அரசின் நிர்வாக திறமையின்மை காரணமாக 12000 ஆக இருந்த ஆவின் கூட்டுறவு பால் சங்கங்களின் எண்ணிக்கை தற்பொழுது ஒன்பதாயிரமாக குறைந்துவிட்டதாக குற்றம் சாட்டிய விவசாயிகள் சங்கத்தினர் ஆவின் நிறுவனத்தை காப்பாற்ற அரசு உரிய நடவடிக்கை எடுக்க வேண்டும் என்றும் வலியுறுத்தினார். 

தொடர்ந்து, பாலுக்கான கொள்முதல் விலையை உயர்த்தி வழங்கா விட்டால் ஆவின் நிறுவனம் அழிவுப் பாதைக்கு சென்று விடும் என்றும் அவர் எச்சரித்தார்.

இதையும் படிக்க     |  பெண்களின் அரைநிர்வாணம் ஆபாசம் கிடையாது

சென்னையில் அதிமுக பிரமுகரான தோட்டக்கலை கிருஷ்ணமூர்த்தி தரப்பில் ஆக்கிரமிக்கப்பட்ட அரசுக்கு சொந்தமான ரூ1,000 கோடி மதிப்பிலான 115 கிரவுண்ட் நிலம் அதிரடியாக மீட்கப்பட்டது.

இதுகுறித்து வருவாய் துறை அமைச்சர் சாத்தூர் ராமச்சந்திரன் விருதுநகர் மாவட்ட ஆட்சியர் அலுவலகத்தில் அளித்த பேட்டியில் :- 

'' சென்னை அண்ணா மேம்பாலம் அருகே, கதீட்ரல் சாலையில் தமிழ்நாடு அரசு தோட்டக் கலை துறைக்கு சொந்தமான நிலம் 23 ஏக்கர் இருந்தது. கடந்த 1910ம் ஆண்டு தோட்டக்கலை சங்கத்திற்காக அரசு இந்த இடத்தை வழங்கியது. காலப்போக்கில் தோட்டக்கலை கிருஷ்ணமூர்த்தி என்ற அதிமுக பிரமுகர் கைக்குச் சென்றது. இந்த இடத்திற்கு பட்டா பெற்று அவர் ஆக்கிரமிப்பு செய்து வைத்திருந்தார். இதை அறிந்த அப்போதைய முதல்வர் கருணாநிதி கடந்த 1989ம் ஆண்டு 17 ஏக்கர் நிலத்தை சட்டப்படி மீட்டார்.

ஆட்சி மாற்றத்திற்கு பின் மீதியுள்ள நிலத்தை மீட்க அதிமுக அரசு எந்தவித நடவடிக்கையும் எடுக்கவில்லை. தற்போது, முதல்வர் ஸ்டாலின் தொடர்ந்த சட்டப் போராட்டத்தால் மீதியுள்ள (115 கிரவுண்ட்) 6 ஏக்கர் நிலம் உயர் நீதிமன்றம் மற்றும் உச்ச நீதிமன்றம் வரை சென்று மீட்கப்பட்டுள்ளது. 

இதன் அரசு மதிப்பீடே ரூ.500 கோடிக்கு மேல் உள்ளது. சந்தை மதிப்பு ரூ.ஆயிரம் கோடிக்கு மேல் இருக்கும். இந்த இடம் முழுவதுமாக அரசு கையகப்படுத்தி சீல் வைக்கப்பட்டுள்ளது.

இதேபோன்று கடந்த ஒரு மாதத்திற்கு முன்பு வேளச்சேரியில் தனியார் ஆக்கிரமிப்பில் இருந்த 63 கிரவுண்ட் நிலம் கையகப்படுத்தப்பட்டுள்ளது. 

இதுபோன்று தமிழகத்தில் தனியார் ஆக்கிரமிப்பில் உள்ள அரசு நிலங்களை மீட்க தொடர் நடவடிக்கைகள் எடுக்கப்பட்டு ஆக்கிரமிப்பு நிலங்கள் அனைத்தும் அரசால் மீட்கப்படும்'' என்றார். 

மேலும், " தமிழக முதல்வர் வெளிநாட்டுப் பயணத்தை ஆளுநர் விமர்சனம் செய்தது குறித்து கேட்டபோது, "ஆளுநர் மரியாதைக்குரியவர். அவர் தகுதிக்கு சம்பந்தமில்லாத காரியங்களை செய்து கொண்டிருக்கிறார். ஆளுநர் அவருக்குரிய மரியாதையிலிருந்து விலகிப் போகிறார்" எனக் கூறினார்.

இதையும் படிக்க    | தமிழ்நாடு காங்கிரஸில் ஓங்குகிறதா சசிகாந்தின் கை!