பிப்ரவரி 19 ஆம் தேதி நகர்புற உள்ளாட்சி தேர்தல் நடைபெற உள்ள நிலையில் அமமுக பொதுச்செயலாளர் டி.டி.வி.தினகரன் தலைமையில் மண்டல நிர்வாகிகளுடன் ஆலோசனை கூட்டம் நடைபெற்றது. இதில் 11 மண்டல பொறுப்பாளர்கள் பங்கேற்றுள்ளனர்.  

ஆலோசனை கூட்டத்திற்கு பின் செய்தியாளர்களை சந்தித்த டிடிவி தினகரன் கூறுகையில்,   நகர்புற உள்ளாட்சி தேர்தலில் அமமுக தனித்து போட்டியிடும் எனவும் முறைகேடுகளை மீறி தேர்தலில் வெற்றி பெற முயற்சிப்போம் என்றார்.

அதிமுக குறித்து நயினார் நாகேந்திரன் சொன்ன வார்த்தை தவறு. தைரியம் இல்லை என சொல்லாம், வார்த்தைகள் சரி இல்லை. அதிமுக-விற்கு தைரியம் இல்லை என்பது உண்மை தான் என கூறினார். 

கொரோனா பரவல் இருக்கும் நிலையில் நகர்புற உள்ளாட்சி தேர்தலை 1 மாதம் தள்ளி அறிவித்திருக்கலாம். இருப்பினும் நாங்கள் போட்டியிடுவோம். கொரோனா அதிகமாக இருக்கும் நிலையில் தேர்தல் நடத்துவது ஆளும் கட்சியின் இயலாமை என்றார்.

தஞ்சை மாணவி புகைப்படம் வெளியிட்டதற்கு அண்ணாமலை கைது செய்ய வேண்டும் என்ற ட்ரெண்ட் குறித்த கேள்விக்கு "எந்த அண்ணாமலை ? என கேட்டுவிட்டு" - உறுதி செய்த பின் , தவறு என்றால் சட்டப்படி நடவடிக்கை எடுக்க வேண்டும் என தெரிவித்தார். 

திமுக ஆட்சி குறித்த கேள்விக்கு, 6 மாதம் ஆட்சிக்கு பிறகு அவர்கள் வேலைகளை ஆரம்பித்து விட்டனர். அவர்களின் சுயரூபம் வெளிப்பட தொடங்கியுள்ளது. கவிஞர் வைரமுத்து கவிதையை அடிக்கோள் காட்டி திமுக ஆட்சியை விமர்சனம் செய்து இதை மக்கள் உணர்வார்கள் என தெரிவித்தார்.

தேனி மாவட்டம் ஆண்டிப்பட்டி வனச்சரக அலுவலகத்திற்கு தெற்குப் புறமுள்ள சந்த மலைப் பகுதியில் வனச்சரகர் நாகராஜன், வனவர் விக்னேஷ் ஆகியோர் தலைமையில் அதிகாரிகள் ரோந்து பணியில் ஈடுபட்டிருந்தனர். அப்போது அந்த பகுதியில் சாக்கு மூட்டையை தூக்கிக் கொண்டு இரு நபர்கள் வந்துள்ளனர்.

அவர்கள் இருவரும் எதிரே வந்த வனத்துறை அதிகாரிகளை பார்த்ததும் பயத்தில் தப்பியோடியுள்ளனர். இதனால் சந்தேகமடைந்த அதிகாரிகளை தப்பியோடிய இருவரையும், மடக்கி பிடித்து விசாரித்தனர்.  மேலும் அவர்கள் கொண்டு வந்த சாக்கு பையையும் சோதனை செய்தனர்.

அதில்  சுமார் 300 கிலோ எடையுள்ள இறந்த காட்டுப்பன்றியின் உடலும், வெடிமருந்தும் இருப்பதை கண்டு அதிர்ச்சியடைந்த அதிகாரிகள், இருவரையும் கைது செய்து ஆண்டிப்பட்டி வனச்சரக அலுவலகத்திற்கு அழைத்து சென்று விசாரித்தனர்.

விசாரணையில் இவர்கள் இருவரும் ஆண்டிப்பட்டி வட்டம் பாலக்கோம்பையில்  உள்ள காந்தி என்பவர் மகன் சிவக்குமார் மற்றும் ,ஏத்தக் கோவிலை சேர்ந்த வேல்சாமி என்பதும் தெரியவந்தது . இந்த இருவரும் தொடர்ந்து இது  போன்று  வனவிலங்கு 

தமிழகத்தில் கொரோனா தொற்று பரவலால், பள்ளி மாணவர்களுக்கு நேரடி வகுப்புகள் ரத்து செய்யப்பட்டு,ஆன்லைன் வழி வகுப்புகள் நடத்தப்பட்டு வருகிறது. அதுமட்டுமின்றி ஜனவரி 31ம் தேதி வரை மாணவர்களுக்கு விடுமுறை தொடரும் என அறிவிக்கப்பட்டுள்ளது. 

ஆனால், பொதுத் தேர்வு எழுத உள்ள 10,11 மற்றும் 12ஆம் வகுப்பு மாணவர்களுக்கு மட்டும், பிப்ரவரி முதல் பள்ளிகளை திறக்கலாமா என பள்ளி கல்வி அதிகாரிகள் ஆலோசனை மேற்கொண்டனர். 

இந்த நிலையில் முதலமைச்சர் தலைமையில் நடைப்பெற்ற ஆலோசனை கூட்டத்தில், மாணவர்களின் நலன் கருதி 1 முதல் 12ம் வகுப்பு வரை பிப்ரவரி 1ஆம் தேதிலிருந்து சுழற்சி முறையில் பள்ளிகளை திறக்க அனுமதி அளிக்கப்பட்டுள்ளதாக தகவல் வெளியாகியுள்ளது. இதுக்குறித்த அதிகாரப்பூர்வ அறிவிப்பு இன்று மாலை வெளியாகும் என எதிர்பார்க்கப்படுகிறது

தமிழகம் முழுவதும் பல்வேறு நீர்நிலைகளில் உள்ள ஆக்கிரமிப்புகளை அகற்றக் கோரிய வழக்குகளை, பொறுப்பு தலைமை நீதிபதி முனீஷ்வர்நாத் பண்டாரி மற்றும் நீதிபதி ஆதிகேசவலு அமர்வு விசாரித்தது. உயர்நீதிமன்ற உத்தரவின்படி, தமிழக தலைமை செயலாளர் தாக்கல் செய்த அறிக்கையில், நீர்நிலைகள் அடையாளம் காணப்பட்டுள்ளதால், அவற்றில் உள்ள ஆக்கிரமிப்புகள் குறிப்பிட்ட கால அவகாசத்துக்குள் அகற்றப்படும் எனவும் தெரிவிக்கப்பட்டது.

இந்த அனைத்து வழக்குகளிலும் இன்று தீர்ப்பளித்த நீதிபதிகள், நீர்நிலைகளில் உள்ள ஆக்கிரமிப்புகளை அகற்ற நடவடிக்கை எடுக்க வேண்டும் என தமிழக அரசுக்கு உத்தரவிட்டனர். மேலும், ஆக்கிரமிப்புகளை தவிர்க்க பதிவுத்துறையினர், நீர்நிலை நிலங்களை பதிவு செய்ய கூடாது என உத்தரவிட்டனர்.

நீர்நிலைகளை ஆக்கிரமிக்கவில்லை என விண்ணப்பதாரரிடம் உத்தரவாதம் பெற்ற பிறகே, குறிப்பிட்ட நிலத்துக்கு சொத்துவரி வசூலிக்க வேண்டும் எனவும் தீர்ப்பளித்தனர்.  அதேபோல, ஆக்கிரமிப்பு அல்ல என உத்தரவாதம் பெறாமல் மின் இணைப்போ, குடிநீர் இணைப்போ வழங்க கூடாது எனவும் உத்தரவிட்டனர். 

அனுமதி கோரும் கட்டிடம் நீர்நிலைகளில் இல்லை என உறுதி செய்ய வேண்டும் எனவும் உத்தரவிட்டனர். ர்நிலைகளில் ஆக்கிரமிப்பு செய்த நிலங்களுக்கு  கட்டட ஒப்புதலோ, அனுமதியோ வழங்கியிருந்தால், சம்பந்தப்பட்ட அதிகாரிகள் மீது ஒழுங்கு நடவடிக்கையுடன்,  குற்றவியல் நடவடிக்கையும் எடுக்க வேண்டும் எனவும் நீதிபதிகள் தீர்ப்பளித்தனர்.

செங்கல்பட்டு மாவட்டம் மாமல்லபுரம் கொக்கிலிமேடு கிராமத்தைச் சேர்ந்த செல்லம்மாள் என்பவர் இன்று காலை மீன் வியாபாரத்திற்காக ரூபாய் 10 ஆயிரத்திற்கு மீனை ஏலம் எடுத்து அதனை மீன் கூடையில் வைத்து மகாபலிபுரம் பேருந்து நிலையத்தில் மகாபலிபுரத்தில் இருந்து தாம்பரம் வரை செல்லக்கூடிய  பேருந்தில் ஏறியுள்ளார். 

அப்பொழுது அப்பேருந்தின் நடத்துனர் மீன் கூடையை எடுத்துக்கொண்டு பேருந்தில் ஏறக்கூடாது என்று கூறி அப்பெண்மணியை வலுக்கட்டாயமாக பேருந்தில் இருந்து இறக்கி விட்டுள்ளார். இந்த பேருந்தில் இந்த நடத்துனர் பணியில் இருக்கும்போது மட்டுமே பேருந்தில் ஏற்ற மறுப்பதாகவும் அவதூறாக பேசுவதாகவும் தெரிவித்து உள்ளார்.  நடத்துனர் மேல் உரிய நடவடிக்கை எடுக்க வேண்டும் என கோரிக்கை விடுத்துள்ளனர்.

இது குறித்து தாம்பரம் மாநகர பேருந்து பணிமனை மேலாளர் பாலசுந்தரம் அவரிடம் கேட்டதற்கு நான் விடுப்பில் இருப்பதாகவும் இந்த பேருந்தில் லக்கேஜ் ஏற்றலாம் எனவும், மேலும் சம்பவம் குறித்து உரி ய விசாரணை நடத்தப்படும் என தெரிவித்தார்.