தமிழ்நாடு மாநிலப் பாடத்திட்டத்தில் படிக்கும் 1 முதல் 10ம் வகுப்பு வரையிலான மாணவர்களுக்கு  ஜூன் 13ம் தேதி பள்ளிகள் திறக்கப்பட உள்ளது. இதனைத்தொடர்ந்து 12ம் வகுப்பு மாணவர்களுக்கு ஜூன் 20ம் தேதியும், 11ம் வகுப்பு மாணவர்களுக்கு 27ம் தேதியும் வகுப்புகள் தொடங்கவுள்ளன. இத்தகவலை வெளியிட்ட பள்ளிக்கல்வித்துறை அமைச்சர் அன்பில் மகேஷ், பள்ளிகள் திறக்கப்பட்டதும் மாணவர்களுக்கு பாடப்புத்தகங்கள் வழங்கப்படும் என தெரிவித்திருந்தார். 
 
இந்த நிலையில் 2022-23ம் கல்வியாண்டுக்கான பாடப்புத்தகங்களில் பல்வேறு திருத்தங்களை செய்துள்ள தமிழக அரசு, தேவையான புத்தகங்கள் அச்சிட்டு தயார் நிலையில் வைத்துள்ளது.  குறிப்பாக அரசு மற்றும் அரசு உதவிப் பெறும் பள்ளிகளில் படிக்கும்  1 முதல் 7ம் வகுப்பு வரையிலான மாணவர்களுக்கு முதல் பருவத்திற்கான புத்தகங்களும், 8 முதல் 12 ம் வகுப்பு வரையில் படிக்கும் மாணவர்களுக்கு  முழு புத்தகமும் அச்சிடப்பட்டுள்ளன.

ஒட்டுமொத்தமாக  1 முதல் 12ம் வகுப்பு வரையிலான மாணவர்களுக்கென 3 கோடியே 35 லட்சத்து  63 ஆயிரம் புத்தகங்கள் அச்சிடப்பட்டு மாவட்டங்களில் உள்ள கிடங்குகளுக்கு அனுப்பி வைக்கப்பட்டுள்ளது.

மேலும் தனியார் பள்ளி மாணவர்களுக்கென  1 கோடியே 83 லட்சத்து 85 ஆயிரம் பாடப்புத்தகங்கள் அச்சிடப்பட்டு தமிழ்நாடு பாடநூல் மற்றும் கல்வியியல் பணிகள் கழகத்தால் விற்பனைக்கு வைக்கப்பட்டுள்ளன. இதுதவிர இப்புத்தகங்களை  தமிழ்நாடு பாடநூல் மற்றும் கல்வியியல் பணிகள் கழக கிடங்குகளில் பெறலாம் 

100 அடி வேளச்சேரி - தரமணி இணைவழி சாலை,திருவான்மியூர், சென்னை,  அண்ணா நூற்றாண்டு நூலகம், கோட்டூர்புரம் ஆகிய இடங்களிலும் பெற்றுக் கொள்ளவும் வழி வகை செய்யப்பட்டுள்ளது

சென்னை கிண்டி தொழிற்பேட்டையில் உள்ள HECS கார்ப்பரேட் அலுவலகத்தில் புதிய கட்டிடங்கள் திறப்பு விழாவில் இளைஞர் நலன் மற்றும் விளையாட்டு மேம்பாட்டு துறை அமைச்சர் சிவ.வீ.மெய்யநாதன் கலந்து கொண்டு கட்டிடங்களை காணொளி மூலம் திறந்து வைத்தார். 

அத்துடன் வல்லம் - வடகல் சிப்காட்டில் உற்பத்தி அலகுக்கு  அடிக்கல் நாட்டும் நிகழ்ச்சியில் யு.எஸ் கன்சொலேட்டின் பொருளாதார நிபுணர்  டஸ்டின் பிக்கல் கலந்து கொண்டு காணொளி மூலம் அடிக்கல் நாட்டினார். பின்னர் செய்தியாளர்களை சந்தித்த அமைச்சர் மெய்யநாதன் கூறுகையில், 

தமிழகத்தில் 10 இடங்களில் பொது சுத்திகரிப்பு நிலையங்கள் அமைக்க முதல்வர் உத்தரவிட்டுள்ளார். திருப்பூர், ஈரோடு, கோவை மாவட்டத்தில் உள்ள ஆலைகளில் இருந்து சாயக்கழிவுகள் ஆற்றில் கலப்பதால் சுற்றுச்சூழல் மாசுபடுவதுடன் நோய்கள் ஏற்பட வழிவகுக்கிறது என்றும், தண்ணீரில் கழிவுகளை கலப்பது தாய்ப்பாலில் விஷத்தை கலப்பதற்கு சமம். சாயப்பட்டறை கழிவுநீரை கலந்தால் சட்டப்பூர்வமான நடவடிக்கை எடுக்கப்படும் என்றும் தெரிவித்தார்.   

அதிகரித்து வரும் பிளாஸ்டிக் பயன்பாடு குறித்த கேள்விக்கு, தற்போது முன்பை விட 20% பிளாஸ்டிக் பயன்படுத்துவதை மக்கள் தவிர்த்து உள்ளதாகவும், வெளிமாநிலங்களில் இருந்து தான் தமிழகத்திற்கு பிளாஸ்டிக் வருவதாகவும், பிளாஸ்டிக் ஒழிப்பு என்பது மக்கள் இயக்கமாக மாற வேண்டும். தமிழ்நாட்டில் பிளாஸ்டிக் ஒழிப்பு தொடர்பாக 174 க்கும் மேற்பட்ட கம்பெனிகளை மூடியுள்ளதாகவும், இனி அது போன்ற நிறுவனங்கள் இருந்தால் சொல்லுங்கள் அரசு நடவடிக்கை எடுக்கும் எனவும் கூறினார்.

பிளாஸ்டிக்கை ஒழிக்க, முதல்வர் அறிமுகப்படுத்திய மஞ்சப்பை திட்டம் விரிவுபடுத்தப்படும் என்று கூறினார். அத்துடன் பயோ பிளாஸ்டிக் குறைந்த நாட்களில் / 16 நாட்களில் மக்குவதாக விஞ்ஞானி ஒருவர் கண்டறிந்துள்ள செய்தியை காண முடிந்ததாகவும், இது எதிர்காலத்தில் பயனுள்ளதாக இருக்கும்.‌ அதற்கான தயாரிப்பு செலவு அதிகம் என்பதால் அதனை முழுவதுமாக செயல்படுத்துவதிலும் சிக்கல் இருப்பதாகவும், அத்துடன் விவசாயம் சார்ந்த பொருட்களில் இருந்து தயாரிக்கப்படும் பிளாஸ்டிக் மக்ககூடியது எனவும் அமைச்சர் தெரிவித்தார். 

வரும் ஜூலை மாதத்தில் சர்வதேச செஸ் ஒலிம்பியாட் போட்டிகள் நடத்தப்பட உள்ளதால் அதற்கான ஏற்பாடு செய்யப்பட்டு வருவதாகவும், 200 நாடுகளை சேர்ந்த வீரர்கள் பங்கேற்கும் போட்டியாளர்கள் மாமல்லபுரத்தில் நடக்கிறது என்றும், அதிலும் தமிழகத்தைச் சேர்ந்த பிரக்ஞானந்தா சிறப்பாக விளையாடி இறுதிச்சுற்றுக்கு தகுதி பெற்றுள்ளதாக, அவருக்கு தனது வாழ்த்துக்களையும் அமைச்சர் மெய்யநாதன் கூறினார். 

தொடர்ந்து பேசிய அவர், கிராமப்புற மாணவர்கள் சிறப்பாக விளையாட மாவட்ட அளவில் கல்வித்துறை மூலம் வீரர்கள் தேர்வு செய்யப்பட்டு  போட்டிகளை காண பள்ளி கல்வி துறை அமைச்சரும் தேவையான ஏற்பாடுகளை செய்து வருவதாகவும் கூறினார்.

சிதம்பரம் கஞ்சித்தொட்டி பேருந்து நிலையம் எதிரே இயங்கி வரும் பெட்ரோல் பங்கில் வாடிக்கையாளர் ஒருவர் 100 ரூபாய்க்கு பெட்ரோல் போட்டார். அப்போது, பெட்ரோல் குறைவாக உள்ளதை அறிந்த வாடிக்கையாளர் வாகனத்தில் இருந்து பெட்ரோலை எடுத்து தருமாறு ஊழியரிடம் கேட்டார்.

தொடர்ந்து குழாய் மூலம்  பெட்ரோலை எடுத்து பார்த்தபோது, அதில் 30 ரூபாய் அளவிற்கு மட்டுமே பெட்ரோல் இருந்தது. இதனால் அதிர்ச்சி அடைந்த அவர் ஊழியரிடம் வாக்குவாதத்தில் ஈடுபட்டார். இந்நிலையில், இதுகுறித்து உரிய நடவடிக்கை எடுக்க வேண்டும் என பொதுமக்கள் கோரிக்கை விடுத்தனர்.

பொருளாதாரத்தில் பின்தங்கிய ஜோடிகளுக்கு திமுக சார்பில் நடைபெற்ற இந்த திருமண விழாவில் பங்கேற்ற முதலமைச்சர் மணமக்களுக்கு மாலை மற்றும் தாலி எடுத்து கொடுத்து மலர் தூவி வாழ்த்து தெரிவித்தார்.

9 ஜோடிகளுக்கும் அவர்களது சமூக முறைக்கு ஏற்ப குடும்பத்தினர் கேட்டுக் கொண்டபடி தாலிச்சரடுகள் இடம்பெற்றிருந்தன. குத்துவிளக்கு மற்றும் 33 வகையான சீர்வரிசைப் பொருட்கள் முதலமைச்சர் சார்பில் வழங்கப்பட்டது.  8 கிராம் தங்கத்தாலி, பீரோ, கட்டில், பூஜை பொருட்கள்,  மிக்சி, மெத்தை, எரிவாயு அடுப்பு உள்ளிட்ட 33 33 சீதன பொருட்கள் அடங்கிய தொகுப்பு கொடுக்கப்பட்டது. 

திருமணத்தை நடத்தி வைத்து முதலமைச்சர் மு.க.ஸ்டாலின் பேசியதாவது : 

நான் முதல் முறை கொளத்தூர்  சட்ட மன்ற உறுப்பினராகி ஆய்வு நடத்தியபோது இந்த மண்டபம் சமூக விரோதிகளால் பாழடைந்து கிடந்தது. காமராசரால் 1966 ம் ஆண்டு இந்த மண்டபம் திறக்கப்பட்டது. நான் இந்த மண்டபத்தை சீர் செய்ய கூடாது என அரசியல் காழ்ப்புணர்வால் சிலர் வழக்கு தொடர்ந்தனர். கழக வழக்கறிஞர்கள் மூலம் தீர்ப்பு பெற்று குளிர்சாதனம், லிப்ட், பார்க்கிங் வசதியுடன் முழுமையாக மண்டபத்தை கட்டி முடித்துள்ளோம். 700 பேர் வரை மண்டபத்தில் அமர முடியும் என்றார்.  சீரமைத்த பிறகும் காமராசர் பெயரிலேயே இந்த  மண்டபம் இருக்கிறது. அவர் திறந்து வைத்ததற்கான கல்வெட்டும் அப்படியே இருக்கிறது. 

அரசியல் ரீதியாக மட்டுமின்றி தனிப்பட்ட முறையிலும் காமராசரை மதிப்பவன் நான், என் திருமணத்திற்கு நேரில் வந்து வாழ்த்தினார் காமராசர். கருணாநிதி என் திருமண அழைப்பிதழை காமராசரிடம் கொடுத்தபோது ஸ்டாலின் சுறுசுறுப்பான இளைஞராக இருப்பதாக கேள்விப்பட்டுள்ளேன், அவரது திருமணத்திற்கு நேரில் வர ஆசைப்படுகிறேன். ஆனால் எனக்கு உடல் நலம் இல்லையே என்றார்.  உடனே கருணாநிதி, நீங்கள் வருவதாக இருந்தால் திருமண மண்டபத்தையே மாற்ற தயாராக இருக்கிறேன் என்றார். 

அதன்படி காமராசரின் கார் மணமேடைவரை  வருவதற்கு  ஏற்றவாறு , ஏற்கனவே முடிவு செய்யப்பட்ட மண்டபத்தில் இல்லாமல், மாற்று மண்டபத்தில் எனக்கு திருமணத்தை கருணாநிதி நடத்தி வைத்தார் என்ந் தெரிவித்தார்.  மேலும், பாரதிதாசன் கூறியபடி வீட்டிற்கு விளக்காக, நாட்டிற்கு தொண்டராக வாழுங்கள் என வாழ்த்தி விடைபெறுகிறேன் என்று கூறினார். 

திருமண நிகழ்ச்சி நிறைவடைந்த பின்னர், கொளத்தூர் சட்டமன்ற தொகுதிக்குட்பட்ட திரு.வி.க. நகர்,  பல்லவன் சாலையில் சிங்கார சென்னை 2.0 திட்ட நிதியில்  ரூ.2.83 கோடி மதிப்பீட்டில்  கால்பந்து மைதானம் அமைப்பதற்கு முதலமைச்சர் மு. க. ஸ்டாலின் அடிக்கல் நாட்டினார். 

அமைச்சர் கே.என்.நேரு , சேகர்பாபு , மேயர் பிரியா ராஜன், துணை மேயர் மகேஷ் குமார், சென்னை மாநகராட்சியின் ஆணையர்  உள்ளிட்டோர் பங்கேற்றனர்.

தமிழ்நாட்டில் மாநிலப் பாடத்திட்டத்தில் படிக்கும் 1 முதல் 10 ம் வகுப்பு வரையிலான மாணவர்களுக்கு  ஜூன் 13 ந் தேதி பள்ளிகள் திறக்கப்படுகிறது. 12 ம் வகுப்பு மாணவர்களுக்கு ஜூன் 20 ந் தேதியும், 11 ம் வகுப்பு மாணவர்களுக்கு ஜூன் 27 ந் தேதியும் பள்ளிகள் திறக்கப்படுகிறது. பள்ளிகள் திறக்கப்படும்  போது மாணவர்களுக்கு புத்தகங்கள் வழங்கப்படும் என பள்ளிக்கல்வித்துறை அமைச்சர் அன்பில் மகேஷ் பொய்யாமொழி தெரிவித்துள்ளார்.   

இந்த நிலையில் 2022 ம் ஆண்டு திருத்தப்பட்ட பாடப்புத்தங்கள் அச்சிடப்பட்டு, அரசு மற்றும் அரசு உதவிப் பெறும் பள்ளிகளில் படிக்கும் மாணவர்களுக்கு 1 முதல் 7ம் வகுப்பு வரையில் முதல் பருவத்திற்கும், 8 முதல் 12 ம் வகுப்பு வரையில் படிக்கும் மாணவர்களுக்கு முழு புத்தகம் என 3 கோடியே 35 லட்சத்து  63 ஆயிரம் புத்தகங்கள் அச்சிடப்பட்டு மாவட்டங்களில் உள்ள கிடங்குகளுக்கு அனுப்பி வைக்கப்பட்டுள்ளது.  தனியார் பள்ளி மாணவர்களுக்கான பாடப்புத்தகங்கள் 1 கோடியே 83 லட்சத்து 85 ஆயிரம் அச்சிடப்பட்டு தமிழ்நாடு பாடநூல் மற்றும் கல்வியியல் பணிகள் கழகத்தால் விற்பனைக்கு வைக்கப்பட்டுள்ளன. 

மேலும்  தமிழ்நாடு பாடநூல் மற்றும் கல்வியியல் பணிகள் கழக கிடங்கு, 100 அடி வேளச்சேரி - தரமணி இணைவழி சாலை, திருவான்மியூர், சென்னை,  அண்ணா நூற்றாண்டு நூலகம், கோட்டூர்புரம் ஆகிய இடங்களிலும் பெற்றுக் கொள்ள வழி வகை செய்யப்பட்டுள்ளது