தமிழ்நாடு, புதுச்சேரி மற்றும் காரைக்கால் பகுதிகளில் அடுத்த 3 நாட்களுக்கு இடி, மின்னலுடன் கூடிய லேசானது முதல் மிதமான மழை பெய்யக்கூடும் என்று சென்னை வானிலை ஆய்வு மையம் தெரிவித்துள்ளது.

 மேற்கு திசை காற்று மற்றும் வெப்ப சலனம் காரணமாக, 5 மற்றும் 6 ஆகிய தேதிகளில் தமிழ்நாடு, புதுச்சேரி மற்றும் காரைக்கால் பகுதிகளில்  ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என்று சென்னை வானிலை ஆய்வு மையம் தெரிவித்துள்ளது. 

இதையும் படிக்க : ஆசிரியர் பணியிடங்களை காலியாக வைத்திருப்பதா? - இபிஎஸ் கண்டனம்!

அதேபோல், 7 முதல் 9 ஆம் தேதி வரை லேசானது முதல் மிதமான மழை பெய்யக்கூடும் என்றும் தெரிவித்துள்ளது. இன்றும், நாளையும் வெயிலின் தாக்கம் அதிகரிக்கும் என எச்சரித்துள்ள வானிலை மையம், அதிகபட்ச வெப்பநிலை 40 டிகிரி முதல் 42 டிகிரி செல்சியல் வரை பதிவாகக் கூடும் எனவும் கணித்துள்ளது.

அதிமுக இஸ்லாமியர்களின் உணர்வுப் பூர்வ தோழனாக இருந்து வருவதாக முன்னாள் அமைச்சர் ஜெயக்குமார் தெரிவித்துள்ளார். 
 
காயிதே மில்லத்தின் 128 ஆவது பிறந்த நாளை முன்னிட்டு சென்னை திருவல்லிக்கேணி வாலாஜா பெரிய மசூதியில் அமைந்துள்ள நினைவிடத்தில் மரியாதை செலுத்தினார். 

பின்னர் செய்தியாளர்களிடம் பேசிய அவர், இஸ்லாமிய சமுதாய மக்களுக்கு உணர்வுப் பூர்வமான தோழனாக அதிமுக உள்ளதாக கூறினார். மேலும், காயிதே மில்லத் பிறந்த நாளை அரசு விழாவாக கொண்டாடப்பட வேண்டும் என்ற கோரிக்கை விடுக்கப்பட்ட மேடையிலேயே முன்னாள் முதலமைச்சர் ஜெயலலிதா நிறைவேற்றியதாக ஜெயகுமார் தெரிவித்துள்ளார்.

தொடர்ந்து, தமிழ்நாடு போதை வஸ்து மாநிலமாக மாறிவிட்டது எனவும் அவர் சாடிய அரசு டாஸ்மாக் கடையில் மது வாங்க மக்கள் அச்சப்படும் நிலை உருவாகி இருப்பதாக அவர் விமர்சித்தார்.

இதையும் படிக்க:கோடை விடுமுறை முடிந்தது: விமான நிலையத்தில் அலைமோதும் கூட்டம்...! கட்டணங்கள் ராக்கெட் வேகத்தில் உயர்வு...!

சேலத்தில், வ.உ.சி. பூ மார்க்கெட் பகுதியில் உள்ள கடைகளை அகற்றக் கூறியதால்,  வியாபாரிகள் வாக்குவாதத்தில் ஈடுபட்டனர். சேலம் மாவட்டத்தில், ஈரடுக்கு கொண்ட புதிய பேருந்து நிலையம் அமைக்கப்பட்டுள்ளது. 

இந்நிலையில்,  வருகின்ற 11-ம் தேதி மற்றும் 12-ம் தேதி பல்வேறு நிகழ்ச்சிகளில், கலந்துக்கொள்வதற்காக  தமிழக முதலமைச்சர் மு.க.ஸ்டாலின் சேலத்திற்கு வருகை தரவுள்ளார். இதற்கான முன்னேற்பாடு பணிகளானது, சேலம் மாவட்ட நிர்வாகம் மற்றும் மாநகரட்ச ஹாய் நிர்வாகம் சார்பில் நடைபெற்று  வருகிறது. 

குறிப்பாக 11-ம் தேதி மாலை, புதிதாக கட்டப்பட்டுவரும் ஈரடுக்கு கொண்ட  பேருந்து நிலையத்தை திறந்து வைப்பதற்காக முதலமைச்சர் நேரடியாக வருகை தந்து பார்வையிட இருப்பதால் இதற்கான முன்னேற்பாடு வேலைகளை அதிகாரிகள்  துரிதயப்படுத்தி தீவிரமாக செயல்பட்டு வருகின்றனர். அதன் ஒரு பகுதியாக அருகிலுள்ள கடைகளை அகற்றிவருகின்றனர். 

அதன்படி,  சேலம் பழைய பேருந்து நிலையம், வ.உ.சி. பூ மார்க்கெட்டில் உள்ள 200க்கும் மேற்பட்ட கடைகளை உடனடியாக அகற்ற வேண்டும் என மாநகராட்சி அதிகாரிகள் கூறி, கடைகளை அகற்றும் பணியில் ஈடுபட்டனர். 

இதனால், தங்களது வியாபாரம் பாதிக்கப்படும்  எனக்கூறி, பாதிக்கப்பட்ட வியாபாரிகள் அதிகாரிகளுடன் வாக்குவாதத்தில் ஈடுபட்டதால் பரபரப்பு  நிலவியது.

இதையும் படிக்க     | கோயம்பேடு மார்க்கெட்டில் காய்கறி விலை தொடர் உயர்வு...! மக்கள் அவதி...!

தமிழ்நாட்டில் ஆசிரியர் தகுதி பெற்ற லட்சக்கணக்கான பட்டதாரிகள் இருக்கும் நிலையில், ஆசிரியர் பணியிடங்களை காலியாக வைத்திருப்பதற்கு அதிமுக பொதுச் செயலாளர் எடப்பாடி பழனிசாமி கண்டனம் தெரிவித்துள்ளார். 

தமிழ்நாட்டில் கோடை விடுமுறைக்கு பிறகு பள்ளிகள் திறக்கப்படவுள்ள நிலையில், பள்ளிகளில் ஆசிரியர்கள் பற்றாக்குறை நிலவுவதை கண்டித்து அதிமுக பொதுச் செயலாளர் எடப்பாடி பழனிசாமி அறிக்கை வெளியிட்டுள்ளார்.

இதையும் படிக்க : ஒடிசாவில் மீண்டும் தடம்புரண்ட ரயில்...விளக்கமளித்த கிழக்கு ரயில்வே!

இதுகுறித்து அவர் வெளியிட்டுள்ள அறிக்கையில், தமிழ்நாட்டில் ஆசிரியர் தகுதி பெற்ற லட்சக்கணக்கான பட்டதாரிகள் உள்ளனர் என்றும், ஆனால் தற்போது வரை பணியிடங்களை நிரப்பாமல், திறனற்ற அரசு செயல்படுவதாகவும் எடப்பாடி பழனிசாமி சாடியுள்ளார். 

அரசு பள்ளிகளில் படிக்கும் மாணவர்களுக்கு தரமான கல்வியை வழங்கிட, போர்க்கால அடிப்படையில், காலியாக உள்ள ஆசிரியர் பணியிடங்களை நிரப்ப  வேண்டும் என்று அவர் வலியுறுத்தியுள்ளார். 

பள்ளிக்கல்வித் துறையில் பல்லாயிரக்கணக்கான ஆசிரியர் பணியிடங்களை காலியாக வைத்திருக்கும் விடியா திமுக அரசுக்கு கடும் கண்டனம்!

- மாண்புமிகு கழகப் பொதுச் செயலாளர் திரு. @EPSTamilNadu அவர்கள். pic.twitter.com/hSDlhnO6KC

— AIADMK (@AIADMKOfficial) June 5, 2023

வேலூர்: ஜூன் 8ல், வேலூரில் நடக்கவுள்ள மத்திய அரசின் சாதனை விளக்க பொதுக் கூட்டத்தில் பங்கேற்க்க மத்திய மந்திரி அமித்ஷா தமிழகம் வருகிறார்.

பா.ஜ.க, ஆட்சி பொறுப்பேற்று 9 ஆண்டுகள் நிறைவடைந்துள்ள நிலையில், மத்திய அரசின் 9 ஆண்டுகால சாதனைகளை விளக்கி, கடந்த மாதம் 30ம் தேதி முதல் வருகின்ற 30ம் தேதி வரை,ஒரு மாத காலம், நாடு முழுவதும் பொதுக் கூட்டங்கள் நடத்தும்படி, ப.ஜ.க தலைமை, அக்கட்சி  நிர்வாகிகளுக்கு உத்தரவிட்டுள்ளது.

இதன் அடிப்படையில் தமிழ் நாட்டில், முதல் சாதனை விளக்க பொதுக்கூட்டம் சில நாட்களுக்கு முன்பு மதுரையில் நடந்து முடிந்தது.  தற்போது இரண்டாவ்து கூட்டத்தை, வருகின்ற 8ம் தேதி வேலூரில் நடத்த திட்டமிடப்பட்டடுள்ளது. 

இப்பொதுக்கூட்டத்தில், மத்திய உள்துறை மந்திரி அமித்ஷா மற்றும் சாலை போக்குவரத்து, நெடுஞ்சாலைத் துறை மற்றும் விமானப் போக்குவரத்துறை இணை மந்திரி வி.கே. சிங் பங்கேற்க்கவுள்ளனர். 

இதையொட்டி, வேலூரில் சாதனை விளக்க பொதுக் கூட்டத்திற்க்கான ஏற்பாடுகள் விறுவிறுப்பாக நடைபெற்று வருகின்றன.