தேர்தல் நேரத்தில் ஓட்டு கேட்டு வந்த பிரதமர் மோடி, தற்போது ஒட்டு கேட்டு வருகிறார் என பெகாசஸ் விவகாரத்தை சுட்டிக்காட்டி தமிழக காங்கிரஸ் கட்சி தலைவர் கே.எஸ்.அழகிரி கடுமையாக சாடியுள்ளார்.

பெகாசஸ் சாப்ட்வேர் மூலம் அரசியல் தலைவர்கள், பத்திரிக்கையாளர்களின் செல்போன் உரையாடல் ஒட்டுக் கேட்கப்பட்டதாக மத்திய அரசின் மீது குற்றம்சாட்டி, நாடாளுமன்ற இரு அவைகளிலும் எதிர்கட்சியினர் கடும் அமளியில் ஈடுபட்டனர். இதனால், இரு அவைகளும் நாளை முதல் ஒத்தி வைக்கப்பட்டன.

இந்த நிலையில், சென்னையில் மாற்று கட்சியினர் காங்கிரஸில் இணையும் நிகழ்ச்சியில் கலந்துகொண்ட பின் செய்தியாளர்களுக்கு பேட்டி அளித்த அவர், தேர்தல் நேரத்தில் ஓட்டு கேட்டு வந்த பிரதமர் மோடி, தற்போது ஒட்டு கேட்டு வருகிறார் என பெகாசஸ் விவகாரத்தை சுட்டிக்காட்டி தமிழக காங்கிரஸ் கட்சி தலைவர் கே.எஸ்.அழகிரி கடுமையாக சாடியுள்ளார்.  மேலும் அதிமுக அமைச்சர்கள் மீதான ஊழல் புகார் அரசியல் பழி வாங்கும் நடவடிக்கை இல்லை என்றும், தெரிவித்தார்.

கொரோனா வைரஸ் பாதிப்பு தமிழகம் முழுவதும் படிப்படியாக குறைந்து வரும் நிலையில், பல்வேறு தளர்வுகளுடன் ஜூலை 31ம் தேதி வரை ஊரடங்கை நீட்டித்து தமிழக அரசு உத்தரவு பிறப்பித்துள்ளது. குறிப்பாக, சென்னை மாநகராட்சிக்கு உட்பட்ட பகுதிகளில் பொதுமக்கள் அதிகம் கூடும் வணிக வளாகங்கள் அமைந்துள்ள பகுதியில், கூட்டம் கூடுவதை தடுக்கும் வகையில், சென்னை மாநகராட்சி சார்பில் காவல்துறையினருடன் இணைந்து சிறப்பு அமலாக்க குழு ஏற்படுத்தப்பட்டு கண்காணிப்புகள் தீவிரப்படுத்தப்பட்டுள்ளது. பாதுகாப்பு வழிமுறைகளை பின்பற்றாத வணிக வளாகங்கள் மற்றும் தனிநபர்களிடம் இருந்து தொடர்ச்சியாக அபராதம் வசூலிக்கப்பட்டு வருகிறது.

அந்த வகையில், சென்னை மாநகராட்சிக்கு உட்பட்ட 15 மண்டலங்களில் சிறப்பு அமலாக்க குழுவினர் நடத்திய ஆய்வில் இன்று மொத்தம் 1,22,700 ரூபாய் அபராதம் வசூலிக்கப்பட்டுள்ளதாக மாநகராட்சி சார்பில் அறிவிப்பு வெளியிடப்பட்டுள்ளது. அதிலும், குறிப்பாக அதிகபட்சபாக கோடம்பாக்கம் மண்டலத்தில் 46800 ரூபாயும், வளசரவாக்கம் மண்டலத்தில் 20100 ரூபாயும் அபராதமாக வசூலிக்கப்பட்டுள்ளது குறிப்பிடத்தக்கது.

தனியார் மருத்துவமனைகளில் இலவச தடுப்பூசி செலுத்தும் திட்டத்தை வருகிற புதன்கிழமை முதலமைச்சர் மு.க.ஸ்டாலிக்  துவக்கி வைக்க உள்ளதாக  அமைச்சர் மா.சுப்பிரமணியன் தெரிவித்துள்ளார்.

முன்னாள் முதலமைச்சர் கருணாநிதியின்  பிறந்தாளை முன்னிட்டு நலத்திட்ட உதவிகள் வழங்கும் நிகழ்ச்சி சைதாப்பேட்டையில் நடைபெற்றது.  இதில்  கலந்து கொண்ட பின்னர் செய்தியாளர்களிடம் பெசிய சுகாதாரத்துறை அமைச்சர் மா.சுப்பிரமணியன், இந்தியாவிலேயே முதல்முறையாக தனியார் மருத்துவமனைகளில் சிஎஸ்ஆர் பங்களிப்பில் இலவச தடுப்பூசி போடும் திட்டத்தை தமிழ்நாடு தொடங்க இருக்கிறது என்றார்.

இந்தியாவிலேயே முன்மாதிரி முயற்சியாக  அமையும் இந்த திட்டத்தை  வருகிற புதன்கிழமை  ஆழ்வார்பேட்டை காவிரி மருத்துவமனையில் தமிழக முதல்வர் நேரடியாக  தொடங்கி வைக்க  உள்ளதாக சுப்பிரமணியன் தெரிவித்தார். அதைத் தொடர்ந்து தமிழகம் முழுவதும் இந்த திட்டம் செயல்படுத்தப்படும் என அமைச்சர் குறிப்பிட்டார்.

திமுக ஆட்சிக்கு வந்த பிறகு 600 கோடி ரூபாய் மதிப்பிலான அக்கிரமிப்பு நிலங்கள் மீட்கப்பட்டுள்ளதாக அறநிலையத்துறை அமைச்சர்   சேகர் பாபு தெரிவித்துள்ளார்.

சென்னை பல்லவன் சாலையில் உள்ள கேந்திர வித்யாலயா பள்ளி மைதானத்தில் ஒன்றிணைவோம் வா திட்டத்தின் கீழ் 1700 குடும்பங்களுக்கு நலத்திட்ட உதவிகள் வழங்கும் நிகழ்ச்சி நடைபெற்றது.  இதில் அமைச்சர் பி.கே சேகர் பாபு மற்றும் நாடாளுமன்ற உறுப்பினர் தயாநிதி மாறன் ஆகியோர் கலந்துகொண்டு நலத்திட்ட உதவிகளை வழங்கினர். பின்னர் செய்தியாளர்களிடம்பேசிய அமைச்சர் சேகர் பாபு கோயில்களில் திருவிழாக்கள் நடத்துவது குறித்து மருத்துவ நிபுணர்களுடனான ஆலோசனைக்கு பின்  முடிவு செய்யப்படும் என தெரிவித்தார்.

தினமும் ஒன்றிரண்டு இடங்களிலாவது கோவில் நிலங்கள் மீட்கப்பட்டு வருவதாகவும், திமுக அட்சியேற்ற பிறகு 600கோடி ரூபாய் மதிப்பிலான இடங்களை மீட்டுள்ளதாகவும் சேகர்பாபு  கூறினார்.