.png)
ஆந்திர மாநிலத்தில் கடந்த சில நாட்களாக தொடர்ந்து கனமழை பெய்து வருகிறது. இதன் காரணமாக கிருஷ்ணாபுரம் அம்மாபள்ளி அணை நிரம்பியதை தொடர்ந்து, அணையில் இருந்து ஆயிரம் கன அடி நீர் திறக்கப்பட்டுள்ளது. கடந்த 2 மாதத்தில் 6வது முறையாக ஆயிரம் கன அடி நீர் திறந்து விடப்பட்டுள்ள நிலையில், திருவள்ளூர் மாவட்டம் பள்ளிப்பட்டு அருகேயுள்ள கொசஸ்தலை ஆற்றில் கடும் வெள்ளப்பெருக்கு ஏற்பட்டுள்ளது.
வெள்ளப்பெருக்கு காரணமாக 4 தரைப்பாலங்கள் தண்ணீரில் மூழ்கியுள்ளதால், பொதுமக்கள் அவதிக்கு உள்ளாகியுள்ளனர். இந்நிலையில் மழை தொடரும் பட்சத்தில் தண்ணீர் வெளியேற்றும் அளவு அதிகரிக்கப்பட வாய்ப்பிருப்பதால், கொசஸ்தலை ஆற்றங்கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது.
