அரசு போக்குவரத்துக் கழகங்களின் சார்பில் பயணிகளின் பொதுப் பேருந்து சேவையை பூர்த்தி செய்யும் பொருட்டு 1000 புதிய பேருந்துகள் கொள்முதல் செய்யவும் மற்றும் 1000 பழைய பேருந்துகளை புதுப்பித்திடவும்  அறிவிப்பை போக்குவரத்துத் துறை அமைச்சர் சிவசங்கரன் வெளியிட்டுள்ளார்.

குறைந்த மக்கள் எண்ணிக்கை:

பேருந்துகளில் பயணம் செய்யும் பொதுமக்களின் எண்ணிக்கை 2020-2021 ஆம் ஆண்டில் நாளொன்றுக்கு 70 இலட்சமாக குறைந்தது. இதனால் போக்குவரத்துக் கழகங்களின் நிதிநிலை பெரிதும் பாதிக்கப்பட்டது. இந்த அரசு பொறுப்பேற்ற பின்னர் பெருந்தொற்று கட்டுப்படுத்தப்பட்டு, அதன் பின்னர் பேருந்து சேவைகள் சீராக்கப்பட்ட பின்பு இது நாளொன்றுக்கு 1 கோடியே 70 இலட்சம் பயணிகளாக இந்த ஆண்டு உயர்ந்துள்ளது.

மகளிரின் பங்களிப்பு:

மேலும் ஒரு மாநிலத்தின் ஒட்டுமொத்த வளர்ச்சிக்கு மகளிரின் பங்களிப்பு இன்றியமையாததாக இருப்பதால், தமிழகம் முழுவதும் இலவசமாக உள்ளூர் பேருந்துகளில் மகளிருக்கு கட்டணமில்லா பயண வசதி அளிக்கப்பட்டு வருகிறது. 

கட்டணமில்லா பேருந்து:

அரசின் மிகச்சிறந்த திட்டமான இத்திட்டத்தை மேம்படுத்தும் வகையிலும், பொதுமக்களின் போக்குவரத்து தேவைகளை பூர்த்தி செய்கின்ற வகையிலும் மற்றும் போக்குவரத்து கழகங்களின் பேருந்துகளை மேம்படுத்திடும் வகையிலும் இத்திட்டம் செயல்படுத்தப்பட உள்ளது.

ரூ.130 கோடி செலவில்:

நல்ல நிலையிலுள்ள 1000 பழைய பேருந்துகளை புதுப்பித்திட அரசின் நிதியாக ரூ.  80 கோடியும் எஞ்சிய ரூ.50 கோடியினை அந்தந்த போக்குவரத்துக் கழகங்களே ஏற்கவும் அரசாணை ஏற்கனவே வெளியிடப்பட்டது. மேலும், ரூ.420 கோடி மதிப்பீட்டில் 1000 புதிய பேருந்துகள் கொள்முதல் செய்வதற்கும் அரசாணை வெளியிடப்படுகிறது.

இதையும் படிக்க:   குறைந்த தாய்- சேய் இறப்பு விகிதம்...பிரதமர் பெருமிதம்!!!

கருணாநிதிக்கு கிடைக்காத படிப்பு உனக்கு கிடைக்க வேண்டுமெனவும் எம்ஜிஆர் என்னை நன்றாக படிக்க வேண்டும் என்றும் கூறினார் - ஜானகி எம்.ஜி.ஆர் நூற்றாண்டு தொடக்க விழாவில் முதலமைச்சர் மு.க.ஸ்டாலின் பேச்சு

நூற்றாண்டு விழா:

சென்னை ராஜா அண்ணாமலைபுரத்தில் உள்ள டாக்டர்  எம்.ஜி.ஆர் ஜானகி மகளிர் கலை மற்றும் அறிவியல் கல்லூரியின் அரங்கில் நடைபெற்ற  அன்னை ஜானகி எம்.ஜி.ஆரின் நூற்றாண்டு துவக்க விழாவில் தமிழ்நாடு முதலமைச்சர் மு.க.ஸ்டாலின் கலந்து கொண்டு சிறப்புரையாற்றினார்.  கல்லூரி வளாகத்தில் நிறுவப்பட்டுள்ள  திருவள்ளுவர்  சிலையை திறந்து வைத்த முதலமைச்சர்., மேலும் அன்னை ஜானகி எம்.ஜி.ஆர் -  சிறப்பு மலர், ஆவணப்பட குறுந்தகுடு மற்றும் பொன்மனச் செம்மல் எம்.ஜி.ஆர் நூல் ஆகியவற்றையும் வெளியிட்டார்.

நீங்கள் தான் காரணம்:

விழாவில் பேசிய முதலமைச்சர் மு.க.ஸ்டாலின் இந்த விழாவில் நான் பங்கேற்க முக்கிய காரணம் இந்த கல்லுரி மாணவிகளாகிய நீங்கள் தான்.  அருகில் உள்ள அடையாறு ஆலமரம் இருக்கும் பகுதியில் நான் நடை பயிற்சி செய்ய செல்வேன்.  அப்போது நான் இந்த வழியில் செல்லும் போது என்னுடைய வாகனத்தை பார்த்து மாணவிகள் சத்தம் போடுவார்கள்.  அது சத்தம் இல்லை Positive Vibe.  

விழாவில் பங்கேற்க:

முதல் பெண் முதலமைச்சர் யார் என்று பார்த்தால் ஜானகி அம்மா தான்.  அவரது நூற்றாண்டு விழாவில் பங்கேற்பது மகிழ்ச்சி.
1952 - 72 வரை - எம்.ஜி.ஆர். திமுகவில் இயங்கி வந்தார்.  அதுக்கும் முன் தேசிய கட்சியில் இருந்த அவரை திராவிடம் பக்கம் இழுத்தவர் கருணாநிதி என்று எம்.ஜி.ஆர். என்னிடம் கூறியுள்ளார்.  ஜானகி அவர்கள் கோரிக்கை ஏற்று இந்த டாக்டர் எம்.ஜி.ஆர்.  ஜானகி கல்லூரி உருவாக உறுதுணையாக இருந்தவர் கருணாநிதி அதுவும் ஒரு முக்கிய காரணம் நான் இந்த விழாவில் பங்கேற்க என்று முதலமைச்சர் பேசினார்.

எம்.ஜி.ஆருடனான சந்திப்பு:

பள்ளி படிக்கும் போது இதே இடத்தில் பள்ளி நிதி பெற எம்.ஜி.ஆர். அவர்களை இதே சத்திய ஸ்டுடியோவில் சந்திக்க வந்துள்ளேன்.  அவ்வளவு ஏன் என் மேல் எம்.ஜி.ஆர். அதிக அளவில் பாசம் வைத்திருந்தார்.  எம்.ஜி.ஆர். படம் வெளியாகிறது என்றால் முதல் ஆளாக நான் படத்திற்கு செல்வேன்.  அவரும் தொலை பேசியில் அழைப்பு விடுத்து எப்படி படம் இருந்தது என்று கேட்பார் என்று தெரிவித்தார் மு.க.ஸ்டாலின்.

எம்.ஜி.ஆருடனான உறவு:

என்னை நன்றாக படி என்று அறிவுரை சொல்லி, கருணாநிதிக்கு கிடைக்காத கல்வி உனக்கு கிடைக்க வேண்டும் என்றும் அறிவுரை  வழங்கி உன் பெரியப்பா என்ற முறையில் இதை நான் சொல்கிறேன் என்றும் எம்.ஜி.ஆர் எனக்கு அறிவுரை கூறினார்.

ஜானகி பற்றி:

ஜானகி பற்றி நிறைய தெரிந்து கொள்ள வேண்டும் எனக் கூறிய முதலமைச்சர், ஜானகி 6 மொழிகளில் தேர்ந்தவர், நன்றாக பாட கூடியவர், அவரே அவருக்கு ஒப்பனை செய்துகொள்வார்.  மருது நாட்டு இளவரசி என்ற படத்தில் கலைஞர் கதையில், எம்.ஜி.ஆர். ஜானகி நடித்திருக்கிறார்கள்.  தமிழ்நாட்டின் 3 முதலமைச்சர்கள் பணியாற்றி படம் அது.

கோரிக்கை:

சைகை மொழி பாடத்தை, பள்ளி கல்லுரியில் மொழி பாடமாக அறிவிக்க வேண்டும் என்று கோரிக்கை கல்லூரி சார்பில் கல்லுரி தாளாளர் லதா ராஜேந்திரன் தெரிவித்துள்ளார். இந்த கோரிக்கையை செயல் திட்டம் ஆக்குவோம் என்று முதலமைச்சர் பேசினார்.

இதையும் படிக்க:  இனி இப்படி தான் பொங்கல் பரிசு வழங்கப்படுமா..!!

பொங்கல் பரிசு தொகையை பொதுமக்களின் வங்கிக் கணக்கில் செலுத்த அரசு முடிவு செய்துள்ள நிலையில் வங்கி கணக்கு இல்லாதவர்களுக்கு உடனடியாக வங்கி கணக்கு தொடங்க கூட்டுறவு துறை உத்தரவு பிறப்பித்துள்ளது

தமிழகத்தில் கொரோனா பரவல்,  மழை வெள்ளத்தால் பாதிக்கப்பட்டுள்ள மக்களுக்கு உதவிடும் வகையில் அடுத்த ஆண்டு பொங்கல் பரிசு தொகுப்புடன் ரொக்கமாக பணமும் வழங்க தமிழக அரசு முடிவு செய்துள்ளது. கடந்த ஆண்டு வழங்கப்பட்ட பொங்கல் சிறப்பு தொகுப்பில் முறைகேடு நடந்ததாக புகார் எழுந்த நிலையில் இந்த முறை ரொக்கமாகவே வழங்க தமிழக அரசு திட்டமிட்டுள்ளது. 

பரிசுத் தொகையை நேரடியாக பொதுமக்கள் வங்கி கணக்கில் செலுத்த முடிவு செய்த நிலையில் சுமார் 17 லட்சம் குடும்ப அட்டைதாரர்கள் வங்கி கணக்கு இல்லாமல் இருப்பது தெரியவந்துள்ளது. எனவே வங்கியில் கணக்கு இல்லாதவர்களுக்கு புதியதாக கூட்டுறவு துறை சார்பில் இயங்கும் மாவட்ட மத்திய வங்கிகளில் வங்கி கணக்கை தொடங்குவதற்கு  உத்தரவு பிறப்பிக்கப்பட்டுள்ளது.

அடுத்த ஆண்டு ஜனவரி மாதம் பொங்கல் பண்டிகை கொண்டாட உள்ள நிலையில் அதற்கு முன்னதாகவே இந்த பணிகளை முடிக்க அதிகாரிகளுக்கு கூட்டுறவு துறை அறிவுறுத்தியுள்ளது.  இதன் மூலம் அடுத்த ஆண்டு பொங்கல் பண்டிகையை கொண்டாட பொதுமக்களுக்கு அரசு சார்பில் வழங்கப்படும் பரிசுத்தொகை நேரடியாகவே அவரவர் வங்கி கணக்குகளில் செலுத்தப்பட உள்ளது.

இதையும் படிக்க:     முடிவடைந்த தேர்தல் பிரச்சாரம்..குஜராத் தேர்தல் வெற்றி யாருக்கு?!!!

பொய்யான வாக்குறுதிகளை கொடுத்து இன்று முதலமைச்சர் மாட்டிக் கொண்டு முழிக்கிறார் என டிடிவி தினகரன் விமர்சனம்.
போதைப் பொருளை பொறுத்தவரை Drug transport hub- யாக தமிழ்நாடு மாறிக்கொண்டு வருகிறது

இளைஞர்கள் பாசறை:

சென்னை ராயப்பேட்டையில் உள்ள அமமுக தலைமை அலுவலகத்தில் கழக இளைஞர்கள் மற்றும் இளம் பெண்கள் பாசறை கூட்டம் நடைபெற்றது. இந்நிகழ்ச்சி அமமுக பொதுச் செயலாளர் டிடிவி தினகரன் தலைமையில் மாநில நிர்வாகிகள், மாவட்டச் செயலாளர்கள் உட்பட பலர் கலந்து கொண்டனர்.  அவர்களுக்கு டிடிவி தினகரன் ஆலோசனை வழங்கினார்.  ஆலோசனை கூட்டத்திற்கு பின் செய்தியாளர்களை சந்தித்த டிடிவி தினகரன் பேசியதாவது,

இன்று இளைஞர்கள் மற்றும் இளம் பெண்கள் பாசறை கூட்டம் நடைபெற்றது எனவும் மாவட்டச் செயலாளர்கள் உட்பட கட்சி நிர்வாகிகள் அனைவருக்கும் ஆலோசனை வழங்கினோம்.

அம்மா உணவகம்:

அம்மா உணவகத்தில் குறைந்த விலையில் தரமான உணவுகள் கொடுப்பதாக பல நிபுணர்கள் கூறினார்கள் எனவும் சரியான கருத்தை அமைச்சர் மாசு கூற வேண்டும் எனவும் இதில் அரசியல் செய்ய வேண்டாம் எனவும் டிடிவி கூறினார்.  அம்மாவின் திட்டங்களை கலைஞர் பெயரில் மாற்றி வைக்க வேண்டும் என்பது திமுக அரசின் எண்ணமாக இருக்கிறது எனவும் ஏழை பணக்காரர் என பலதரப்பட்ட மக்களுக்கு அம்மா உணவகத்தில் பயன் கிடைக்கிறது எனவும் தெரிவித்தார்.

திராவிட மாடல்:

திராவிட மாடல் என்று பொய் சொல்லாமல், சின்னத்தனமாக நடந்து கொள்ளாமல் இருக்க வேண்டும் என்று கூறிய டிடிவி பொய்யான வாக்குறுதிகளை கொடுத்து இன்று முதலமைச்சர் மாட்டிக்கிட்டு முழிக்கிறார் எனவும் கூறினார் டிடிவி.  இந்திய இறையாண்மைக்கு எதிராக இந்த ஆட்சி செயல்படுகிறது எனவும் இந்த ஆட்சியாளர்கள் தங்களையும், தங்கள் குடும்பத்தையும் வளர்ச்சிக்காகவுமே பாடுபடுகிறார்கள் எனவும் அவர்கள் மக்களை கண்டு கொள்வதில்லை எனவும் குற்றஞ்சாட்டினார். 

உதயநிதி ஸ்டாலின் அமைச்சராக:

உதயநிதி ஸ்டாலின் அமைச்சராக வருவது குறித்து கருத்து கேட்டதற்கு அவர் வந்து ஒன்றும் செய்ய போவது இல்லை எனவும் அவரது 4 படங்களை மட்டுமே கிழிப்பார் எனவும் தெரிவித்தார்.  மேலும் இரட்டை இலை சின்னம் யாருக்கு கிடைக்கும் என்பது குறித்து தேர்தல் ஆணையம் தான் முடிவு செய்ய வேண்டும் எனவும் கூறினார்.

இதையும் படிக்க:      ”அமித்ஷாவிற்கும் அண்ணாமலைக்கும் ஏதும் பிரச்சனையா....” டி.கே.எஸ். இளங்கோவன்!!!

பிரதமர் தமிழ்நாடு வரும்போது மத்திய அரசின் பாதுகாப்பு அதிகாரிகள் தான் பாதுகாப்பை வழங்குவார்கள்.  மத்திய அரசு காவல்துறை அதிகாரிகளை தாண்டி தமிழக காவல்துறையால் எதையும் செய்ய முடியாது.

சென்னை தேனாம்பேட்டையில் உள்ள திமுக தலைமை அலுவலகமான அண்ணா அறிவாலயத்தில் திமுகவின் செய்தி தொடர்பு தலைவர் டி.கே.எஸ் இளங்கோவன் செய்தியாளர்களை சந்தித்தார்.   அப்போது பேசிய அவர் ;-

அக்கறை காட்டுவதாக:

காசி தமிழ் சங்கம் அல்ல சங்கமம் எனக் கூறிய இளங்கோவன் சங்கம் என்றால் காசியில் தமிழ் வளர்க்க வேண்டும் எனவும் அது ஒரு காலத்தில் ராமேஸ்வரத்தில் இருந்து காசிக்கு யாத்திரை சென்றவர்கள் இருந்தார்கள் எனவும் தெரிவித்தார்.  

தொடர்ந்து பேசிய அவர் தற்போது ஆந்திராவில் உள்ள திருப்பதிக்கும், கேரளாவில் உள்ள ஐயப்பன் கோவிலுக்குமே மக்கள் அதிகமாக சென்று வருகிறார்களே தவிர காசிக்கு அதிகம் செல்லவில்லை எனக் கூறினார்.  மேலும் எப்போதும் எதையாவது ஒன்றை செய்து தமிழர்கள் மீது அக்கறை உள்ளதாக காட்டிக் கொள்கிறார்கள் என தெரிவித்தார்.

அவமதிப்பு:

தொடர்ந்து பேசிய இளங்கோவன் ஆளுநர்  திட்டமிட்டு செயல்படுகிறார் எனவும் அவசர சட்டம் என்பது ஆளுநரே கையொப்பமிட்டு நிறைவேற்றப்படாத அரசு சட்டம் எனவும் தெரிவித்தார்.  மேலும் அவரே பிறப்பித்த ஒரு சட்டத்தை சட்டமன்றம் இயற்றி முன் வைத்துள்ள நிலையில் அதை அவரே அவமதித்துள்ளாரா என்ற எண்ணம் வருகிறது எனவும் கூறினார்.  

அரசியலமைப்பு சட்டத்தை மீறி செயல்படுவதனாலேயே ஆளுநர் மாற்றம் குறித்து நாம் வலியுறுத்தி உள்ளோம் என விளக்கமளித்தார் இளங்கோவன். 

பிரதமரின் பாதுகாப்பு:

பிரதமர் ஒரு இடத்திற்கு வருகிறார் என்றால் மத்திய அரசுதான் பாதுகாப்பு பணிகளை மேற்கொள்ளும் எனவும் அமித்ஷாவிற்கும் அண்ணாமலைக்கும் ஏதும் பிரச்சனையா என தெரியவில்லை எனவும் இளங்கோவன் கூறியுள்ளார்.  

மேலும் பிரதமர் வருகிறார் என்றால் டெல்லியில் இருந்து அதிகாரிகள் வந்து தான் பாதுகாப்பு ஏற்பாடுகளை மேற்கொள்வார்கள் எனவும் அவர்களை தாண்டி தமிழக காவல்துறையால் எதையும் செய்ய முடியாது எனவும் பாதுகாப்பு பணிகள் சரியில்லை என்றால் அதனை மாற்றி சரி செய்து கொடுப்பார்கள் எனவும் தெரிவித்துள்ளார்.

எனவே அண்ணாமலை மத்திய அரசை தான் குற்றம் சாட்டுகிறாரே தவிர தமிழ்நாடு அரசை குற்றம் சாட்டுவதாக கருதவில்லை என கூறியுள்ளார் டி.கே.எஸ் இளங்கோவன்.

இதையும் படிக்க:   ஆளுநரின் அலட்சியத்தால் பறிபோன உயிரும் வைகோவின் வேண்டுகோளும்...!!!