சேலம் பெரியார் பல்கலைக்கழக பட்டமளிப்பு விழாவில் நாளை பங்கேற்க இருந்த நிலையில், அவர் இன்று கோவை பயணம் செய்ய திட்டமிட்டிருந்தார். இந்த நிலையில், நாகலாந்தில், பிரிவினைவாதிகள் என்று நினைத்து பாதுகாப்பு படையினர் நடத்திய துப்பாக்கிச்சூட்டில் 13 அப்பாவித் தொழிலாளர்கள் கொல்லப்பட்ட சம்பவம் பெரும் பதற்றத்தை ஏற்படுத்தியுள்ளது.

இதையடுத்து உள்துறை அமைச்சகத்தின் அழைப்பின் பேரில் அவர் டெல்லி சென்றுள்ளார்.  இவர், ஏற்கனவே நாகலாந்து ஆளுநராக இருந்தவர் என்பதால், அங்குள்ள பிரச்னைகள் குறித்து ஆலோசிப்பதற்காக டெல்லி சென்றுள்ளதாக கூறப்படுகிறது.

வளர்ப்பு பிராணிகளில் நாய்களுக்கு தனி மதிப்பு உண்டு. நாய் நன்றியுள்ள பிராணி என்பதால் பெரும்பாலானோர் தங்களது வீடுகளில் நாயை தங்களது குடும்ப உறுப்பினர்களில் ஒருவராக கருதி மிகவும் செல்லமாக வளர்த்து வருகிறார்கள்.
 
அப்படி தான் பெற்ற பிள்ளையை போல் வளர்த்த நாய்க்கு வளைகாப்பு நிகழ்ச்சியை நடத்த திட்டமிட்டுள்ளார். காவல் உதவி ஆய்வாளர் ஒருவர் ...  மதுரை ஜெய்ஹிந்த் புரம் காவல்நிலையத்தில் உதவி ஆய்வாளராக பணிபுரிந்து வருபவர்.சக்திவேல் இவர் செல்லப்பிராணிகள் வளர்ப்பதில் அதீத ஆர்வம் கொண்டுள்ளார். தாம்  வளர்த்து வரும் சுஜி என்ற பெண் நாய் கர்ப்பம் தரித்ததை அடுத்து அதற்கு வளைகாப்பு நடத்த திட்டமிட்டுள்ளார். 

வீட்டில் பெண்களுக்கு வளைகாப்பு நடத்துவது போல சுஜி என்ற நாய்க்கு   5 விதமான உணவுப் பொருட்கள் செய்து  கொடுத்து , புது சேலை மற்றும் மாலைகள் அணிவித்து நாயின் கால்களில் வளையல்கள் மாட்டி அதன் முகத்தில் சந்தனம் குங்குமம் வைத்து குடும்பத்தினருடன் சேர்ந்து வளைக்காப்பு நடத்தினார்.இந்த சம்பவம் அப்பகுதியில் உள்ளவர்களை ஆச்சரியமடைய வைத்ததுடன் விலங்குகள் ஆர்வலர்களிடம் பாராட்டுகளை பெற்று வருகிறது.

மறைந்த முன்னாள் முதலமைச்சர் ஜெயலலிதாவின் நினைவு தினம் இன்று அனுசரிக்கப்படுகிறது. இதையொட்டி மெரினா கடற்கரையில் உள்ள அவரது நினைவிடத்தில் அதிமுக ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் மரியாதை செலுத்தி உறுதிமொழியும் ஏற்றுக்கொண்டனர்.

இந்த நிகழ்வு முடிந்து வீட்டுக்கு புறப்பட எடப்பாடி பழனிசாமி தனது இன்னோவா காரில் நினைவிடத்தில் இருந்து வெளியே வந்தார். அப்போது காமராஜர் சாலையில் சசிகலா மற்றும் தினகரனை வரவேற்பதற்காக நின்று கொண்டிருந்த அமமுகவினர், எடப்பாடி பழனிசாமியின் காரை பார்த்ததும் பாயத் தொடங்கினர். அவர் காரை மறிக்க முயன்றதோடு அடையாளம் தெரியாத ஒருவர் எடப்பாடி பழனிசாமி சென்ற காரின் மீது காலணியை கழற்றி வீசியதால் அங்கு பெரும் பரபரப்பு ஏற்பட்டது. 

இதனால் அதிமுகவினர் அமமுகவினர் இடையே தள்ளுமுள்ளு ஏற்பட்டது. நிலைமை மோசமடைவதற்கு முன்பு மோதலில் ஈடுபட்ட முயன்ற இரு தரப்பினரையும்  காவல்துறையினர் விலக்கி வைத்தனர்.  ஓ.பி.எஸ்., இ.பி.எஸ். அஞ்சலி செலுத்திவிட்டு புறப்பட்ட பிறகே சசிகலாவுக்கும், தினகரனுக்கும் அங்கு நேரம் ஒதுக்கித் தரப்பட்டிருந்தது. சசிகலா, தினகரன் ஆகிய இருவரும் தனித்தனியாக சென்று ஜெயலலிதா நினைவிடத்தில் அஞ்சலி செலுத்தியது குறிப்பிடத்தக்கது. 

இளையான்குடி அருகே சாலைக்கிராமம் பகுதியில் நேற்று கொரோனா தடுப்பூசி முகாம் நடைபெற்றது. இந்த முகாம் நடைபெறும் பேனரில்  தமிழக  முதலமைச்சர் மு.க.ஸ்டாலின், மறைந்த முன்னாள் முதல்வர் கருணாநிதி ஆகியோரது படங்களும் இடம்பெற்றிருந்தன  அப்போது அங்கு வந்த சிலர், தடுப்பூசி முகாம் பணியில் இருந்தவர்களுடன் வாக்குவாதத்தில் ஈடுபட்டனர்.

பின்னர் அந்த பேனரையும் அவர்களாகவே கழற்றியதுடன் இனிமேல்  பிரதமர் மோடி படம் போட்டாக வேண்டும் என எச்சரித்துவிட்டு நகர்ந்தனர். இது தொடர்பான வீடியோ சமூக வலைதளங்களில் வைரலாக ஷேர் செய்யப்பட்டது. மேலும் திமுக எம்.பி. டாக்டர் செந்தில்குமார் இந்த வீடியோவை தமது ட்விட்டர் பக்கத்தில் பகிர்ந்துள்ளார். அத்துடன் கடந்து செல்லவா? எனவும் கேள்வி எழுப்பி இருந்தார். 

 இந்நிலையில் இளையான்குடி முன்னாள் எம்.எல்.ஏ. சுப. மதியரசன், இளையான்குடி போலீசில் ஒரு புகார்கொடுத்துள்ளார். அதில் இளையான்குடி வடக்கு ஒன்றிய செயலாளராகவும் இளையான்குடி முன்னாள் எம்.எல்.ஏ.வாகவும் பணியாற்றி இருக்கிறேன். டிசம்பர் 4-ந் தேதியன்று சாலைக்கிராமம் பகுதியில் கொரோனா தடுப்பூசி முகாம் நடத்தப்பட்டது. அப்போது சாலைக்கிராமம் பாரதிய ஜனதா கட்சியைச் சேர்ந்த கோவிந்தன், செல்லக்குடி உள்ளிட்டோர் தடுப்பூசி முகாம் நடைபெற்ற இடத்துக்கு வந்தனர்.

மேலும், அங்கு கட்டப்பட்டிருந்த பேனரில் பிரதமர் மோடியின் படம் எங்கே என கேள்வி எழுப்பினர். அத்துடன் தடுப்பூசி போட வந்தவர்களையும் தடுத்து நிறுத்தி அதிகாரிகளுடன் வாக்கு வாதத்தில் ஈடுபட்டதாக தனது புகாரில் தெரிவித்துள்ளார். இந்த புகாரை பெற்றுக்கொண்ட  இளையான்குடி போலீசார் விசாரணை நடத்தி வருகின்றனர்.

தென் தமிழக பகுதிகளில் நிலவும் வளிமண்டல மேலடுக்கு சுழற்சி காரணமாக, தமிழகத்தில் இன்று திருநெல்வேலி, தூத்துக்குடி, ராமநாதபுரம், கன்னியாகுமரி ஆகிய மாவட்டங்களில் இடி, மின்னலுடன் கூடிய கனமழைக்கு வாய்ப்புள்ளதாக வானிலை மையம் தெரிவித்துள்ளது. நாளை தென் மாவட்டங்கள், மேற்கு தொடர்ச்சி மலையை ஒட்டிய மாவட்டங்கள் மற்றும் அதனை ஒட்டிய உள் மாவட்டங்களில் இடி மின்னலுடன் கூடிய மிதமான மழை பெய்யக்கூடும் என கூறப்பட்டுள்ளது. 

8 மற்றும் 9-ம் தேதிகளில்  கடலோர மாவட்டங்கள், புதுவை, காரைக்கால் பகுதிகளில் ஒரு சில இடங்களில் இடி மின்னலுடன் கூடிய லேசானது முதல் மிதமான மழைக்கு வாய்ப்புள்ளதாக கூறியுள்ள வானிலை மையம், சென்னையில் அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும் என கூறியுள்ளது.   

மத்திய மேற்கு வங்கக் கடல் பகுதியில் நிலவும் தீவிர காற்றழுத்த தாழ்வு மண்டலம் அடுத்த 6 மணி நேரத்தில் வலுவிழந்து காற்றழுத்த தாழ்வு மண்டலமாக ஒரிசா கடற்கரையோரம் நிலைகொள்ளும் என தெரிவித்துள்ள வானிலை மையம்..

இதன் காரணமாக, வட மேற்கு வங்க கடல் மற்றும் அதனை ஒட்டிய மத்திய மேற்கு வங்க கடல் பகுதிகள், ஒரிசா கடலோர பகுதிகளில் மணிக்கு 40 முதல் 50  கிலோ மீட்டர் வேகத்திலும், இடையிடையே 60  கிலோ மீட்டர் வேகத்திலும் சூறைக்காற்று வீசக்கூடும் என்பதால் இப்பகுதிகளுக்கு மீனவர்கள் செல்ல வேண்டாம் என அறிவுறுத்தியுள்ளது