இது தொடர்பாக சுகாதாரத்துறை சார்பில் வெளியிடப்பட்டுள்ள அறிக்கையில், தமிழகத்தில் இன்று புதிதாக ஆயிரத்து 140 பேருக்கு கொரோனா தொற்று உறுதி செய்யப்பட்டுள்ளதாக தெரிவிக்கப்பட்டுள்ளது. இதன்மூலம் மொத்த பாதிப்பு எண்ணிக்கை 26 லட்சத்து 94 ஆயிரத்து 089 ஆக அதிகரித்துள்ளது.

கொரோனா பாதிப்பால் 17 பேர் உயிரிழந்துள்ளதாகவும், இதன் மூலம் மொத்த உயிரிழப்பு எண்ணிக்கை 36 ஆயிரத்து 4 ஆக அதிகரித்துள்ளது. இதுவரை மொத்தம் 26,44,805 பேர் கொரோனாவில் இருந்து குணமடைந்துள்ளனர்.  கொரோனா பாதிப்பை விட குணமடைவோர் விகிதம் தொடர்ந்து அதிகமாக இருக்கிறது. மேலும் சென்னையில் கொரோனா தொற்றால் பாதித்தவர் களின் எண்ணிக்கை 147 ஆக உள்ளது என தெரிவிக்கப்பட்டுள்ளது.

இது தொடர்பாக தமிழக அரசு வெளியிட்டுள்ள அறிவிப்பில், அனைத்து வகைக் கடைகள், உணவகங்கள் மற்றும் பேக்கரிகள் இரவு 11 மணி வரை மட்டுமே செயல்பட விதிக்கப்பட்டிருந்த நேரக் கட்டுப்பாடுகள் இன்று முதல் தளர்த்தப்படுவதாகவும்.,அனைத்து வகை உள் மற்றும் வெளி விளையாட்டு அரங்குகளில் பயிற்சிகள், விளையாட்டு போட்டிகள் நடத்தவும், சிகிச்சை தேவைகளுக்காக நீச்சல் குளங்களை பயன்படுத்தவும் இன்று முதல் அனுமதி அளிக்கப்பட்டுள்ளது.

இதேபோல், நவம்பர் 1ம் தேதி முதல் திரையரங்குகள் நூறு சதவிகிதம் பார்வையாளர்களுடன், நிலையான வழிகாட்டு நடைமுறைகளைப் பின்பற்றி செயல்படலாம் என்றும்.,கூட்ட அரங்குகளில் அனைத்து வகையான கலாசார நிகழ்வுகளும் நிலையான வழிகாட்டு நடைமுறைகளைப் பின்பற்றி நடத்தலாம் என்றும் தெரிவிக்கப்பட்டுள்ளது.

அனைத்து பள்ளிகளிலும் 1 முதல் 8ம் வரையிலான வகுப்புகள் சுழற்சி முறையில் நடத்த அனுமதிக்கப்படும் என்று குறிப்பிடப்பட்டுள்ள நிலையில்., மாவட்டத்திற்கு உள்ளேயும், மாவட்டங்களுக்கு இடையேயும், கேரளா தவிர்த்து பிற மாநிலங்களுக்கு இடையேயும் பொது பேருந்து போக்குவரத்து 100 சதவீத இருக்கைகளை கொண்டு இயங்கலாம் என்று கூறப்பட்டுள்ளது. 

ஏற்கனவே அனுமதிக்கப்பட்டுள்ள மதுக்கூடங்களுடன் அனைத்து வகை தனித்து இயங்கும் மதுக்கூடங்களும் செயல்படலாம் என்றும்., தேவையான எண்ணிக்கையை கொண்டு அனைத்து வகையான படப்பிடிப்புகளையும் நடத்தலாம் என்றும்., படப்பிடிப்புகளில் பங்குபெறும் அனைவரும் தடுப்பூசி செலுத்தியிருக்க வேண்டும் என்றும் கூறப்பட்டுள்ளது.

திருவிழாக்கள் மற்றும் அரசியல் நிகழ்வுகளுக்கான தடை தொடரும் என தெரிவிக்கப்பட்டுள்ள நிலையில்., ஏற்கனவே அனுமதிக்கப்பட்டு செயல்பாடுகள் உரிய கட்டுப்பாடுகளுடன் தொடர்ந்து அனுமதிக்கப்படும் என குறிப்பிடப்பட்டுள்ளது.

மயிலாடுதுறையில் செய்தியாளர்களை சந்தித்த முன்னாள் அமைச்சர் ஓ.எஸ். மணியன் கூறுகையில், முன்னாள் அமைச்சர் விஜயபாஸ்கர் வீட்டில் லஞ்ச ஒழிப்புத் துறை சோதனை குறித்து கேள்வி கேட்டபோது, ஒரு ரைடா இரண்டு ரைடா மூன்று ரைடா தொடர்ந்து சோதனை பண்ணிக்கொண்டு தான் இருக்கிறார்கள் என்றும் இது அரசியல் காழ்ப்புணர்ச்சி என்பதைத் தவிர வேறு எதுவும் இல்லை என்றார் 

மேலும் அதிமுக அரசு உச்ச நீதிமன்றத்தின் தீர்ப்பையும் பெற்று ஒருங்கிணைப்பாளர், இணை ஒருங்கிணைப்பாளர் என நியமனம் பெற்றிருப்பதாகவும், தேர்தலில் போட்டியிடுபவர்களுக்கு சின்னம் ஒதுக்கீடு செய்யும் அங்கீகாரம் பெற்று நாடாளுமன்ற தேர்தல் , சட்ட மன்ற தேர்தல் என பல தேர்தல்களில் எதிர்கொண்டுள்ளதாகவும் கூறிய அவர், எனவே கைப்புண்ணுக்கு கண்ணாடி தேவையில்லை எனவும் கூறினார். 

சசிகலா மீது அதிமுக வழக்கு தொடரவில்லையே என்பது குறித்த கேள்விக்கு 72 மணி நேரம் தான் ஆகியிருக்கிறது என அவர் தெரிவித்தார்.

 

கோவையில் செய்தியாளர்களை சந்தித்த மின் துறை அமைச்சர் செய்தில்பாலாஜி கூறுகையில், பாஜக தலைவர் அண்ணாமலை நல்ல மனிதராக இருந்தால். சாப்பாட்டில் உப்பு போட்டு சாப்பிடும் ஆளாக இருந்தால், 4 சதவீத கமிஷன் குறித்த ஆதாரத்தை பா.ஜ.க  வெளியிட வேண்டும் ஆதாரத்தை வெளியிட வேண்டும் என்றும் ஆதாரம் இல்லாமல் இருப்பை காட்ட அவர் பேசுகின்றார் என்றார். 

மேலும் டாஸ்மாக் கடைகளில் அதிக விலைக்கு மதுபானம் விற்ற134 பேர் மீது பணியிடை நீக்க நடவடிக்கை எடுக்கப்பட்டுள்ளது என கூறினார். ஆட்சி பொறுப்பேற்று 5 மாத காலத்தில் கொரோனாவை கட்டுப்படுத்த நடவடிக்கைகள் எடுக்கப்பட்டது என்றார்.

ஈரோடு மாவட்டம் கோபிசெட்டிபாளையம்  அடுத்துள்ள நம்பியூர்ர் அடுத்த குருமந்தூர் மேடு பகுதியை சேர்ந்தவர் குழந்தைவேல. இவர் அதே பகுதியில் விவசாயம் செய்து வருகிறார். இவருக்கு திருமணம் ஆகி கவிதா என்ற மனைவியும் சந்தோஸ் என்ற மகனும் தக்சன்யா என்ற மகளும் உள்ளனர்.

தக்சன்யா கோபிசெட்டிபாளையத்தில் செயல்பட்டுவரும் தனியார் பள்ளியில் பதினொன்றாம் வகுப்பு பயின்று வந்தார். இவர் கடந்த வருடத்தில் கொரனா தொற்று காரணமான பள்ளிகள் மூடப்ட்டிருந்த நிலையில் ஆன்லைன் வகுப்பில் பங்கேற்று படித்து வந்ததுள்ளார்.

தொடர்ந்து ஒரு சில மாதங்களுக்கு முன்பு பள்ளிகள் திறந்த நிலையில் தக்சன்யா பள்ளிக்கு சென்று வந்துள்ளதாக கூறப்படுகிறது. கொரனா காலத்தில் ஆன்லைன் வகுப்பில் பங்கேற்பதற்க்காக வாங்கிய செல்போனில் தக்சன்யா கேம் விளையாடிக் கொண்டு சரிவர படிக்காமல் இருந்து வந்துள்ளார்.

இந்நிலையில் நேற்று இரவு சரிவர படிக்காமல் செல்போனில் கேம் விளையாடிக் கொண்டிருந்த தக்சன்யாவை பெற்றோர் கண்டித்துள்ளதாக கூறப்படுகிறது.  இதனால் மனம் உடைந்த நிலையில் இருந்த தக்சன்யா தனது அறைக்கு சென்றுள்ளார்.

காலை வழக்கம் போல் குழந்தைவேல், கவிதா தம்பதி, தனது தோட்டத்திற்கு செல்ல டீ சாப்பிட்டுவிட்டு தக்சன்யாவிற்கும் டீ கொடுத்துவிட்டு சென்றுள்ளனர். பின்னர் வெகு நேரமாகியும் தக்சன்யா வீட்டை விட்டு வெளியே வராததாக சந்தேகமடைந்த பெற்றோர், தக்சன்யாவின் அறைக்கு சென்று பார்த்துள்ளனர்.

அங்கு அவர் மின்விசிறியில் தூக்கு மாட்டி இருந்ததை கண்டு அதிர்ச்சியடைந்த தாய் கூச்சலிடவே அருகில் இருந்தவர்கள் ஒடி வந்து தக்சன்யாவை மீட்டு கோபிசெட்டிப்பாளையம் அரசு மருத்துவமனைக்கு கொண்டு சென்றனர்.

அவரை பரிசோதித்த மருத்துவர் ஏற்கனவே அவர் இறந்துவிட்டதாக கூறினர். தகவலறிந்து சம்பவ இடத்திற்கு வந்த போலீசார், இது குறித்து வழக்குபதிவு செய்து விசாரணை மேற்க்கொண்டு வருகின்றனர். இச்சம்பவம் அப்பகுதி மக்களிடையே பெரும் சோகத்தை ஏற்படுத்தியுள்ளது.