தமிழகத்தில் கடந்த சில வாரங்களாக கொரோனா பரவல் அதிகரித்து வருகிறது. நூற்றுக்கணக்கில் பதிவாகி வந்த தினசரி கொரோனா பாதிப்பு கடந்த சில நாட்களாக 2 ஆயிரத்தை தாண்டியுள்ளது.

இந்த சூழலில் பயணிகளுக்கு பயணச்சீட்டு வழங்கும் போது நடத்துநர்கள் பின்பற்ற வேண்டிய வழிமுறைகளை போக்குவரத்துத்துறை வெளியிட்டுள்ளது.அதில் பேருந்தில் பயணச்சீட்டு வழங்கும் போது சில நடத்துநர்கள் எச்சில் தொட்டு பயணச் சீட்டுகளை  வழங்குவதாக புகார்கள் பெறப்பட்டுள்ளன என்றும் அதனால்  பொதுமக்கள் மன உளைச்சலுக்கு ஆளாகின்றனர் எனவும் கூறப்பட்டுள்ளது. 

எனவே  சுகாதார சீர்கேடு விளைவிக்கும் இந்த முறையை முற்றிலும் தவிர்க்க வேண்டும் என அறிவுறுத்தப்பட்டுள்ளது. பயணச்சீட்டு வழங்கும் போது நடத்துநர்கள் தண்ணீர் உறிஞ்சும் ஸ்பாஞ்சை பயன்படுத்தி வழங்க வேண்டும் எனவும் எச்சில் தொடாதவாறு பயண சீட்டு வழங்க வேண்டும்" எனவும் போக்குவரத்து துறை உத்தரவிட்டுள்ளது.

மோடிக்கு எதிர்ப்பு; கருப்பு பலூன்களை பறக்கவிட்ட காங்கிரசார்

பிரதமர் மோடியின் வருகைக்கு எதிர்ப்பு தெரிவித்து ஆந்திராவில் கருப்பு பலூன்களை பறக்க விட்ட காங்கிரசார். ஹெலிகாப்டருக்கு மிக அருகில் பறந்ததால் அதிர்ச்சி; விசாரணைக்கு உத்தரவு .

தொழில் தொடங்குவதற்கு சிறந்த மாநிலங்களின் பட்டியலில் தமிழகம் 3-ம் இடம்

தொழில் தொடங்குவதற்கு தேர்வுசெய்யப்பட்ட  சிறந்த மாநிலங்களின் பட்டியலில், தமிழகம் மூன்றாம் இடம் பிடித்துள்ளதாக முதலீட்டாளர்கள் மாநாட்டில், முதலமைச்சர் மு.க.ஸ்டாலின் பெருமிதம்...

அதிமுக பொதுக்குழு-தனி நீதிபதியை அணுகுக..!

அதிமுக பொதுக்குழுவுக்கு தடை கோர தனி நீதிபதியை அணுக வேண்டும் என ஓ.பி.எஸ். தரப்புக்கு சென்னை உயர்நீதிமன்றம் அறிவுரை...

ஈ.பி.எஸ் பொதுச்செயலர் ஆவதை தடுக்க முடியாது

ஜுலை 11 ஆம் தேதி திட்டமிட்டபடி அதிமுக பொதுக்குழு நடக்கும் என்றும், எடப்பாடி பழனிச்சாமி பொதுச்செயலராவதை யாராலும் தடுக்க முடியாது என கேபி முனுசாமி ஆவேசம்.

மத்திய அமைச்சருக்கு  முதலமைச்சர் கடிதம்

சிங்கள படையால் சிறைபிடிக்கப்பட்ட மீனவர்களை விடுவிக்க நடவடிக்கை எடுக்கக்கோரி மத்திய வெளியுறவு அமைச்சர் ஜெய்சங்கருக்கு முதலமைச்சர் மு.க.  ஸ்டாலின் கடிதம்.

குப்பை கிடங்கில் ஏற்பட்ட தீ -5 வீடுகள் சேதம்

குப்பை கிடங்கில் ஏற்பட்ட தீ விபத்து காரணமாக அருகில் இருந்த 5 வீடுகள் சேதமடைந்ததோடு, 
தீயில் சிக்கி  கொண்ட முன்னாள் இராணுவ வீரருக்கு பலத்த காயம் ஏற்பட்டுள்ளது.

கண்டெய்னர் லாரி உரிமையாளர்கள் ஸ்டிரைக்

வாடகையை உயர்த்த கோரி சென்னை துறைமுக கண்டெய்னர் லாரி உரிமையாளர்கள் வேலை நிறுத்தம். பல கோடி ரூபாய் மதிப்பிலான ஏற்றுமதி இறக்குமதி வர்த்தகம் முடங்கியது.

300 யூனிட் மின்சாரம் இலவசம்...!

குஜராத் சட்டமன்ற தேர்தலில் வெற்றி பெற்றால் 300 யூனிட் மின்சாரம் இலவசம். ஆம் ஆத்மி தலைவர் அரவிந்த் கெஜ்ரிவால் அறிவிப்பு.

உடல்களை மீட்கும் பணி தீவிரம்

ஹிமாச்சல் பிரதேசத்தில் பேருந்து கவிழ்ந்த விபத்தில் 12  பேர் உயிரிழந்த பரிதாபம். மலை அடிவாரத்தில்  சிக்கியவர்களின் உடல்களை மீட்கும் பணி தீவிரம்.

இரண்டு குழந்தைகளுடன் பெண் தீக்குளிக்க முயற்சி

கிருஷ்ணகிரி மாவட்ட ஆட்சியரகத்தில் இரண்டு குழந்தைகளுடன் பெண் தீக்குளிக்க முயற்சி.
குடும்ப பிரச்சனை குறித்து காவல்நிலையத்தில் புகார் அளித்தும் நடவடிக்கை எடுக்கவில்ல என குற்றச்சாட்டு.

மதுப்பிரியர்களின்  கூடாரமாகும் சின்னசுருளி

மதுப்பிரியர்களின்  கூடாரமாகும் சின்னசுருளி அருவியில் பெண்களுக்கு பாதுகாப்பற்ற சூழல்.
போலீஸ் கண்காணிப்பை தீவிரப்படுத்த கோரிக்கை.

ஈச்சர் வேனும் - டாரஸ் லாரியும் மோதி விபத்து

பல்லடம் அருகே  ஈச்சர் வேனும் - டாரஸ் லாரியும் நேருக்கு நேர் மோதி விபத்து. சாலையின் நடுவே லாரி கவிழ்ந்ததால் போக்குவரத்து பாதிப்பு.

நெல்லை மாவட்ட ஆட்சியர் அலுவலகம் முற்றுகை

நெல்லை அருகே ஆட்டு வியாபாரி கொலை செய்யப்பட்ட விவகாரம். பாதிக்கப்பட்ட குடும்பத்திற்கு உரிய நிவாரணம் வழங்க வலியுறுத்தி மாவட்ட ஆட்சியர் அலுவலகம் முற்றுகை.

தேனி மாவட்டம், ஆண்டிப்பட்டி  மேற்கு தொடர்ச்சி மலை அடிவாரத்தில் சின்னசுருளி அருவி அமைந்துள்ளது. இயற்கை எழில்கொஞ்சும் பகுதியில் உள்ள இந்த அருவிக்கு தமிழகத்தின் பல்வேறு பகுதிகளிலும் இருந்தும் தினமும் ஏராளமான சுற்றுலா பயணிகள் வந்து செல்கின்றனர்.

தற்போது மேகமலை வனப்பகுதியில் பெய்து வரும் மழையின் காரணமாக சின்னசுருளி அருவியில் தண்ணீர் ஆர்பரித்து விழுகிறது. அருவிக்கு வரும் சுற்றுலா பயணிகளிடம் வனத்துறை மற்றும் ஊராட்சி நிர்வாகம் சார்பில் 2 இடங்களில் நுழைவு கட்டணம் வசூலிக்கப்படுகிறது. 

ஆனால் அதற்கு தகுந்தாற் போல அருவி பகுதியில் வாகன நிறுத்துமிடம், கழிப்பறை, குடிநீர் உள்ளிட்ட எந்த விதமான அடிப்படை வசதியும் செய்யவில்லை என குற்றச்சாட்டு எழுந்துள்ளது.

இங்கு  வரும் மதுப்பிரியர்கள் அருவி வளாகத்தை மதுகுடிக்கும் பார் ஆக  பயன்படுத்தி வருவதாக கூறப்படுகிறது. குடிகாரர்களின் கூடாமரமாக மாறியுள்ள சின்னசுருளி அருவியில், பெண்களுக்கு பாதுகாப்பற்ற சூழ்நிலை உருவாகியுள்ளதால் விடுமுறை நாட்களில் போலீசார் மற்றும் வனத்துறையினர் பாதுபாப்பு பணியில் ஈடுபட வேண்டும் என்று கோரிக்கை எழுந்துள்ளது.

கிருஷ்ணகிரி மாவட்டம் ஓசூர் அந்திவாடி பகுதியைச் சேர்ந்த மாரம்மாள் என்ற பெண் கணவனை இழந்த நிலையில், குடும்ப பிரச்சினை காரணமாக தனது இரண்டு குழந்தைகளுடன் கிருஷ்ணகிரி மாவட்ட ஆட்சியரகம் முன்பு உடலில் மண்ணெண்ணெய் ஊற்றி தீக்குளிக்க முயன்றதால் பரபரப்பு ஏற்பட்டது. அருகில் இருந்த காவல் துறையினர் அவர்களை மீட்டு விசாரணை மேற்கொண்டு வருகின்றனர்.

ஓசூர், அந்திவாடி பகுதியில் வசித்து மாரம்மாளுக்கு எஸ்வந்த் (13) மற்றும் லிசியா (8) இரண்டு குழந்தைகள் உள்ளனர். கடந்த ஏழு வருடங்களுக்கு முன்பு ஆட்டோ ஓட்டுநராக இருந்த கணவனை இழந்த நிலையில் கூலி வேலை செய்து குழந்தைகளை படிக்க வைத்து வருகிறார். இவரது கணவருக்கு சொந்தமாக ஓசூர் மத்திகிரி பகுதியில் 20 சென்ட் நிலம் உள்ளதாக கூறப்படுகிறது.

தனது குடும்ப வறுமை காரணமாக தனக்கு உரிய இந்த நிலத்தை,  தரும்படி மாரம்மாள் அவரது மாமனார் உள்ளிட்ட உறவினர்களிடம் பலமுறை கேட்டுப் பார்த்தும் அதனை தர மறுப்பதாகவும் இவருக்கு கொலை மிரட்டல் விடுப்பதாகவும் கூறி பலமுறை காவல் நிலையத்தில் புகார் அளித்ததாக கூறப்படுகிறது.  மேலும் இந்த பிரச்சனை தொடர்பாக உரிய அதிகாரிகளுக்கு மனு அளித்தும் எந்த நடவடிக்கையும் மேற்கொள்ளப்படவில்லை என்றும் கூறப்படுகிறது.

இதனால் மனம் உடைந்த மாரம்மாள் தனது இரண்டு குழந்தைகளுடன், மக்கள் குறை தீர்க்கும் முகாம் நடைபெறும் நாளான இன்று காலை கிருஷ்ணகிரி மாவட்ட ஆட்சியர் வளாகத்தின் முன்பு மூன்று பேரும் உடலில் மண்ணெண்ணெய் ஊற்றிக்கொண்டு தீக்குளித்து தற்கொலை செய்து கொள்ள முயன்றுள்ளார்.

இதனை கண்ட அப்பகுதியில் இருந்த காவல்துறையினர் உடனடியாக அவர்களை மீட்டு உரிய நடவடிக்கை எடுப்பதாக சமாதானப்படுத்தினர். மேலும் இவர்களது குடும்ப பிரச்சனை தொடர்பாக உரிய விசாரணை மேற்கொண்டு தீர்வு ஏற்படுத்தும் விதமாக மாவட்ட ஆட்சியர் உத்தரவிட்டு உள்ளதாக கூறப்படுகிறது.
குடும்ப பிரச்சினை காரணமாக தனது இரண்டு குழந்தைகளுடன் மாவட்ட ஆட்சியரகம் முன்பு பெண் தீக்குளிக்கு முயன்ற சம்பவம் அப்பகுதியில் பரபரப்பை ஏற்படுத்தியது.

இலங்கைக் கடற்படையினரால் சிறைபிடிக்கப்பட்டுள்ள 12 இந்திய மீனவர்களையும், அவர்களது மீன்பிடிப் படகினையும் விடுவிக்க வலியுறுத்தி வெளியுறவுத்துறை அமைச்சர் ஜெய்சங்கருக்கு முதலமைச்சர் மு.க. ஸ்டாலின் கடிதம் எழுதியுள்ளார். 

அக்கடிதத்தில், தமிழ்நாட்டைச் சேர்ந்த 7 மீனவர்கள் மற்றும் புதுச்சேரியைச் சேர்ந்த 5 மீனவர்கள் உள்ளிட்ட 12 அப்பாவி இந்திய மீனவர்கள், இலங்கைக் கடற்படையினரால் நேற்று (3-7-2022) கைது செய்யப்பட்டுள்ள நிலையில், அவர்களையும், அவர்களது மீன்பிடிப் படகினையும் உடனடியாக விடுவிக்கத் தேவையான நடவடிக்கைகளை விரைந்து எடுக்கக் கோரி மாண்புமிகு தமிழ்நாடு முதலமைச்சர் அவர்கள், மாண்புமிகு ஒன்றிய வெளியுறவுத் துறை அமைச்சர் அவர்களுக்கு இன்று (4-7-2022) கடிதம் எழுதியுள்ளார்.

15-6-2022 அன்று முடிவடைந்த 61 நாட்கள் மீன்பிடித் தடைக்காலத்திற்குப் பிறகு தமிழக மீனவர்கள் மீன்பிடிக்கத் தொடங்கியுள்ள நிலையில், இலங்கைக் கடற்படையினரால் 12 மீனவர்கள் கைது செய்யப்பட்டுள்ள இந்தச் சம்பவம், தமிழக மீனவர்களை அச்சுறுத்தும் வகையில் உள்ளதோடு,  மாநிலத்தின் கடலோரப் பகுதிகளில் பாதுகாப்பின்மையை ஏற்படுத்துவதாகவும் உள்ளது என்று குறிப்பிட்டுள்ள மாண்புமிகு முதலமைச்சர் அவர்கள், இலங்கைக் கடற்படையினரால் சிறைப்பிடிக்கப்பட்டுள்ள 12 மீனவர்களையும், அவர்களது மீன்பிடிப் படகினையும் உடனடியாக விடுவிப்பதற்கு உரிய தூதரக வழிமுறைகள் வாயிலாக விரைந்து நடவடிக்கைகளை மேற்கொள்ள வேண்டுமென்று வலியுறுத்திக் கேட்டுக் கொண்டுள்ளார்.