இராயப்பேட்டையில் உள்ள தலைமை அலுவலகத்தில் தேர்தல் ஆணையர்கள் பொன்னையன் மற்றும் பொள்ளாட்சி ஜெயராமன் அவர்கள் முன்னிலையில் வேட்பு மனு தாக்கல் நடைப்பெற்றது. ஓபி  எஸ், ஈபி  எஸ் இருவரும் தங்களது வேட்புமனுக்களை தாக்கல் கடந்த 2 தினங்களுக்கு முன்பதாக தாக்கல் செய்தனர்.

இந்நிலையில், அதிமுக ஒருங்கிணைப்பாளராக ஓ.பி.  எஸ்., இணை ஒருங்கிணைப்பாளராக ஈ.பி.  எஸ். போட்டியின்றி தேர்வானதாக அறிவிக்கப்பட்டுள்ளது. இதுகுறித்து முன்னாள் அமைச்சர் கடம்பூர் ராஜு கூறுகையில், அதிமுகவில் இனிமேல் இரட்டை தலைமைதான். சசிகலா, தினகரனை அதிமுகவில் சேர்ப்பது என்ற பேச்சுக்கே இடமில்லை என தெரிவித்திருந்தார்.

இதுகுறித்து காங்கிரஸ் எம்.பி ஜோதிமணி தனது ட்விட்டர் பக்கத்தில், 'அதிமுகவுக்கு இரட்டைத் தலைமை இருந்தால் என்ன, மூன்று தலைமை இருந்தால் என்ன! உரிமையாளர் பாஜக ஒருவர் மட்டுமே!' என பதிவிட்டுள்ளார்.

அ.தி.மு.க.வில் ஒருங்கிணைப்பாளர் மற்றும் இணை ஒருங்கிணைப்பாளர் பதவிக்கான உட்கட்சி தேர்தல், இன்று நடைபெறுவதாக இருந்தது. ஆனால், வேட்புமனு திரும்ப பெறும் நாளான நேற்று, அ.தி.மு.க. ஒருங்கிணைப்பாளராக ஓ.பன்னீர்செல்வம் மற்றும் இணை ஒருங்கிணைப்பாளராக எடப்பாடி பழனிசாமி போட்டியின்றி ஒரு மனதாக தேர்வு செய்யப்பட்டதாக அறிவிக்கப்பட்டுள்ளது.

இவர்களது வேட்புமனுக்களை தவிர பிற மனுக்கள் அனைத்தும் நிராகரிக்கப்பட்டன.  இதனிடையே, அ.தி.மு.க. ஒருங்கிணைப்பாளர்கள் பதவிக்கான தேர்தல் முடிவுகள் அறிவிக்க தடை விதிக்க கோரி, ஓசூரை சேர்ந்த அ.தி.மு.க. உறுப்பினர் ஜெயச்சந்திரன் வழக்கு தொடர்ந்துள்ளார். இது தொடர்பாக சென்னை உயர்நீதிமன்றத்தில் இன்று விசாரணை நடைபெற உள்ளது.

சில மாநிலங்களில் கொரோனா வைரசால் உயிரிழந்தோரின் குடும்பத்திற்கு நிவாரண நிதியை, சம்பந்தப்பட்ட மாநில அரசுகள் ஏற்கெனவே அறிவித்திருந்திருந்தன. ஆனால் இதுபோன்ற இழப்பீட்டு தொகையை தமிழக அரசு வழங்காமல் இருந்த நிலையில், சென்னை உயர்நீதிமன்றத்தில் வழக்கு தொடரப்பட்டது. அப்போது, உச்சநீதிமன்ற உத்தரவின்படி தலா 50 ஆயிரம் ரூபாய் இழப்பீடு வழங்கப்படும் என, சென்னை உயர்நீதிமன்றத்தில் தமிழக அரசு தெரிவித்திருந்தது. 

இந்நிலையில், கொரோனாவால் இறந்தவர்களின் குடும்பங்களுக்கு 50 ஆயிரம் ரூபாய் வழங்குவது தொடர்பாக, தமிழக அரசு அரசாணை வெளியிட்டுள்ளது. மாநில பேரிடர் நிதியிலிருந்து உடனடியாக நிவாரணம் வழங்க வேண்டும் என உத்தரவிட்டுள்ள தமிழக அரசு, முன்கள பணியாளர்களாக அறிவிக்கப்பட்டு ஏற்கனவே நிவாரணம் பெற்றவர்களுக்கு இந்த அறிவிப்பு பொருந்தாது என்றும், கொரோனாவால் பெற்றோர்களை இழந்து நிவாரணம் பெற்றவர்களுக்கும் இந்த அறிவிப்பு பொருந்தாது எனவும் தெரிவித்துள்ளது.

சென்னை மெரினாவில் எம்ஜிஆர் ஜெயலலிதா நினைவிடத்தில்  மரியாதை செலுத்திய பிறகு  செய்தியாளர்களை சந்தித்த அவர் கூறுகையில்

தேர்தலை பொறுத்தவரை அதிமுகவின் சட்டதிட்டங்கள் படி தான் நடைபெற்றது இதில் எந்த ஒரு விதிமீறலும் இல்லை. எனவே எங்கள் கருத்துகளை நீதிமன்றத்தில் கூற நாங்கள் தயாராக உள்ளோம் என்றார்.

ஜனநாயக ரீதியாக எங்கள் உள்கட்சி தேர்தல் நடைபெற்றது.  இது சிலரின் கண்களுக்கு  உறுத்துல், சிலருக்கு தூக்கம் இல்லை என்றும், தவறுகள் ஏதேனும் நடக்குமா என்று எதிர்பார்த்தவர்களுக்கு ஒரு பெரிய ஏமாற்றம் அதனால் தான் நீதிமன்றம் சென்றுள்ளார்கள் நாங்கள் அதை எதிர்கொள்வோம் என கூறினார்.

தொடர்ந்து பேசிய அவர், சசிகலாவின் நீலி கண்ணீர் அதிமுக தொண்டர்களிடம் எடுபடாது எனவும் ஜெயக்குமார்  திட்டவட்டமாக கூறினார்.

சிவகங்கை மாவட்டம் காரைக்குடி 100 அடி சாலையில் அரசு மதுபானக்கடை அமைந்துள்ளது. இந்த மதுக்கடையில் எப்பொதும் கூட்டம் அதிகாமாக இருப்பதாக சொல்லப்படுகிறது. மதுக்கடைக்கு அருகே மதுக்கூடம் இருப்பதும் மதுப்பிரியர்களுக்கு சாதகமாகவே அமைந்ததுள்ளது. அப்படி கடைக்கு வரும் மதுப்பிரியர்கள் வாகனத்தை அங்கேயே நிறுத்திவிட்டு சாவகாசமாக அமர்ந்து மதுகுடித்து செல்வதை வழக்கமாக கொண்டுள்ளனர்.

இந்நிலையில் கடந்த இரண்டு நாட்களுக்கு முன்பு அரசு மதுபான கடையில் மாலையில் மதுபான விற்பனையை  நடை பெற்று கொண்டிருந்தது. அப்போது கடைக்கு அழையா விருந்தாளியாக வந்த சாரைப்பாம்பு ஒன்று மதுபான அட்டைபெட்டிக்குள் புகுந்துள்ளது.

இதனை கவனிக்காத ஊழியர் மது பாட்டில் எடுப்பதற்காக அட்டை பெட்டியை திறந்துள்ளார். அப்போது உள்ளிருந்த சாரைப்பாம்பு சீறியதை கண்டு அதிர்ச்சியடைந்த ஊழியர்கள் தலைதெறிக்கக் கடையை விட்டு வெளியே ஓடினர். மதுக்கடை மற்றும் மதுக்கூடத்தில் இருந்த மதுப்பிரியர்களும் அங்கிருந்து ஓட்டம்பிடித்தனர்.

மேலும் இது தொடர்பாக தீயணைப்புத்துறையினருக்கு தகவல் அளிக்கப்பட்டது. தகவலின்பேரில் விரைந்து வந்த தீயணைப்புத்துறையினர் மதுபான கடைக்குள் புகுந்த பாம்பை அரை மணி நேர போராட்டத்திற்கு பின்னர் உயிருடன் பிடித்தனர். இச்சம்பவம் அப்பகுதியில் பரபரப்பை  ஏற்படுத்தியுள்ளாது.