வரன்முறை அற்ற கட்டடங்கள்:

தமிழ்நாடு முழுவதும் பல கட்டிடங்கள் வரன்முறை இல்லாமல் கட்டப்பட்டுள்ளன எனவும் பொதுமக்களுக்கு வரன்முறை திட்டத்தின் முக்கியத்துவத்தை பெரிய அளவில் கொண்டு போய் சேர்க்க வேண்டி உள்ளது எனவும் கூறியுள்ளார் வீட்டு வசதித்துறை அமைச்சரான முத்துசாமி.

அபராத தொகை:

கட்டட அனுமதி இல்லாமல் பல கட்டிடங்கள் மிக நீண்ட நாட்களாக உள்ளதால் அதற்கு தற்போது உள்ள விதிகளின்படி தீர்வை ஏற்படுத்திவிட முடியாது எனவும் பிரச்சனைகள் பற்றி பொதுமக்கள் ஒவ்வொருவரும் அறிந்து கொள்ளும் வகையில் மிகக் குறைவாக அபராத தொகையை நிர்ணயிக்கலாம் எனவும் தெரிவித்துள்ளார்.

எச்சரிக்கையாக..:

இனிமேல் மாநிலம் முழுவதும் வரைபட அனுமதி இல்லாத கட்டிடங்கள் எதுவும் வராமல் எச்சரிக்கையாக பார்த்துக் கொள்ள வேண்டும் எனவும் உச்ச நீதிமன்றத்திற்கு அரசு மூலமாக மனு செய்து மறுவரையறை செய்வதற்கு ஒரே ஒரு வாய்ப்பை பெற்று விட்டால் முழு தீர்வையும் கண்டுவிட முடியும் எனவும் கூறியுள்ளார் அமைச்சர் முத்துசாமி. 

ஆய்வுக் குழு:

நீதிமன்றத்திற்கு தெளிவான கருத்துரையை எடுத்துச் செல்ல ஏற்பாடு செய்யும் வகையில் உச்சநீதிமன்றத்தில் பணியாற்றி ஓய்வு பெற்ற நீதிபதி தலைமையில் ஒரு குழு அமைத்து அந்த குழுவின் பரிந்துரையை பெறலாம் எனத் தெரிவித்துள்ளார்.

-நப்பசலையார்

மேலும் படிக்க:   சும்மா தான்யா சொன்னேன்...மோடி குறித்த கருத்தில் பின் வாங்கிய கார்கே!!!

ஆவின் பச்சை பால் தட்டுபாடின்றி விநியோகம் செய்ய வேண்டும் இல்லை என்றால் ஆரஞ்சு பால் விலை குறைக்க வேண்டும் – அன்புமணி ராமதாஸ்
 அன்புமணி ராமதாஸ் அவருடைய ட்விட்டர் பக்கத்தில் ஆவின் பச்சை பால் மக்களால் அதிகமாக வாங்கப்படுகிறது அதே நிலையில்  ஆவின் பச்சை பாலுக்கு  தட்டுபாடு ஏற்பட்டுள்ளது. ஆவின் பச்சை பால் அதிமாக உற்பத்தி செய்ய வேண்டும் இல்லை என்றால் ஆவின் ஆரஞ்சு பால் விலை குறைக்க வேண்டும் எனவும் ஆவின் நிர்வாகத்தினை டேக் செய்துள்ளார்.

 அன்புமணி ராமதாஸ் ட்விட்டர்:  
ட்விட்டரில் சென்னை மற்றும் புறநகர் பகுதிகளில் ஆவின் பச்சை உறை பாலுக்கு கடுமையாக தட்டுப்பாடு ஏற்பட்டிருப்பதாக கூறப்படுகிறது. அதனால் லிட்டருக்கு ரூ.16 கூடுதலாக கொடுத்து ஒரு லிட்டர் ரூ.60 என்ற விலைக்கு ஆரஞ்சு உறை பாலை வாங்கும் நிலைக்கு ஆவின் வாடிக்கையாளர்கள் தள்ளப்பட்டுள்ளனர்
பச்சை உறை பாலுக்கான தேவை அதிகரித்திருப்பது ஆவின் நிர்வாகத்திற்கு தெரியும். பச்சை உறை பாலை பொதுமக்களின் தேவைக்கு ஏற்ப தட்டுப்பாடின்றி ஆவின் வினியோகித்திருக்க வேண்டும். அவ்வாறு செய்யத் தவறியதால் ஒருபுறம் மக்களுக்கு பாதிப்பு; மறுபுறம் தனியார் நிறுவனங்களுக்கு லாபம்
வாடிக்கையாளர்களை ஆவின் ஏமாற்றக்கூடாது. பச்சை உறை பால் வினியோகத்தை குறைந்தது 20% அதிகரிக்க வேண்டும். அதில் ஏதேனும் தடை இருந்தால் ஆரஞ்சு உறை பாலின் விலையை முன்பிருந்தவாறே லிட்டர் ரூ.48 என்ற அளவுக்கு குறைக்க ஆவின் நிறுவனம் முன்வர வேண்டும் என் அன்புமணி ராமதாஸ்  கூறியுள்ளார்.

தமிழ் சங்கமம் நிகழ்ச்சியை வைத்து பாரதிய ஜனதா கட்சி அரசியல் செய்வதாக  தமிழக காங்கிரஸ் கமிட்டித் தலைவர் கே.எஸ்.அழகிரி குற்றம் சாட்டி உள்ளார்.

கொடியேற்றும் நிகழ்ச்சி:

காங்கிரஸ் கட்சியின் மூத்த தலைவர் ராகுல் காந்தி அவர்களின் இந்திய ஒற்றுமை நடை பயணத்தின் அடையாளமாக தமிழ்நாடு முழுவதும் கொடியேற்றும் நிகழ்ச்சி தமிழக காங்கிரஸ் கமிட்டி சார்பில் நடத்தப்பட்டு வருகிறது. அந்த வகையில் இன்று காலை வடசென்னை மேற்கு மாவட்ட காங்கிரஸ் கமிட்டி சார்பில், சென்னை கொடுங்கையூர், கொளத்தூர், பெரம்பூர், வியாசர்பாடி, புளியந்தோப்பு, ஓட்டேரி, புரசைவாக்கம் உள்ளிட்ட 10 இடங்களில் கொடியேற்றும் நிகழ்ச்சி நடைபெற்றது.

இதையும் படிக்க: முதலமைச்சர் சொன்ன குட் நியூஸ்...இனி இவர்களுக்கான மாத ஓய்வூதியம் 1500 ஆக உயர்வு...!

குற்றம் சாட்டிய கே.எஸ்.அழகிரி:

இந்நிகழ்ச்சியில் தமிழ்நாடு காங்கிரஸ் கமிட்டி தலைவர் கே எஸ் அழகிரி சிறப்பு அழைப்பாளராக கலந்து கொண்டு, கொடுங்கையூர் மீனாம்பாள் சாலையில் கொடியேற்றி காங்கிரஸ் கட்சியின் நிர்வாகிகள் இடையே உரையாற்றினார். 

பிறகு செய்தியாளர்களை சந்தித்த கே எஸ் அழகிரி, தமிழ் வளர்ச்சிக்கு பாஜக முக்கியத்துவம் தருவதாக கூறிக்கொள்வது வேடிக்கையான விஷயம், உண்மையிலேயே அவர்கள் தமிழ் மொழியை ஆதரிக்க வேண்டும் என எண்ணி இருந்தால் தமிழ் சங்கமம் நிகழ்ச்சிக்கு தமிழ்நாட்டில் இருந்து தமிழ் அறிஞர்களை அழைத்து இருக்க வேண்டும். ஆனால், எந்த தமிழ் அறிஞரும் அந்த நிகழ்ச்சியில் கலந்து கொண்டதாக தெரியவில்லை. பாரதிய ஜனதா கட்சி தமிழை ஆதரிப்பது உண்மையானால் தமிழ் சங்கமம் நிகழ்ச்சிக்கு தமிழ்நாட்டில் இருந்து தமிழ் அறிஞர்களை அழைத்திருக்க வேண்டும் என்று குற்றம் சாட்டினார்.

மாற்றுத்திறனாளிகளுக்கு வழங்கப்படும் மாத ஓய்வூதியம் ரூபாய் ஆயிரத்து 500 ஆக உயர்த்தி வழங்கப்படும் என முதலமைச்சர் மு.க.ஸ்டாலின் அறிவித்துள்ளார். 

உலக மாற்றுத்திறனாளிகள் தினம்:

உலக மாற்றுத்திறனாளிகள் நாள் இன்று கடைபிடிக்கப்படுகிறது. இதை முன்னிட்டு சென்னை கலைவாணர் அரங்கில் தமிழ்நாடு அரசு சார்பில் விழா நடைபெற்றது. ஓவியங்கள், நவீன உதவி உபகரணங்கள் கண்காட்சியை கலைவாணர் அரங்கில் திறந்துவைத்தார்.

தொடர்ந்து, நிகழ்ச்சியில் பங்கேற்ற மாற்றுத்திறனாளிகளுடன் கலந்துரையாடிய முதலமைச்சர் மு.க.ஸ்டாலின் அவர்களது குறைகளைக் கேட்டறிந்தார்.  அப்போது, கொளத்தூரைச் சேர்ந்த மாற்றுத்திறனாளி பெண் ஒருவர் அளித்த கோரிக்கையை ஏற்று, அமைச்சர் சேகர்பாபுவிடம் உடனே செயலாக்குமாறு உத்தரவிட்டார். 

இதையும் படிக்க: பிள்ளை வரம் வேண்டி நேர்த்திகடன்...அதுவும் முக்கியமான நாளில்!

இதையடுத்து, அரங்கத்துக்குள் நடந்த விருது வழங்கும் விழாவில் பங்கேற்று உரையாற்றிய முதலமைச்சர், மாற்றுத்திறனாளி என்ற சொல்லை கருணாநிதி உருவாக்கி, அவர்களுக்கான சமூக நீதியைப் பெற்றுத் தந்ததை நினைவு கூர்ந்தார்.

மேலும் பேசிய அவர், மாற்றுத்திறனாளிகள் அலுவலகங்களுக்குச் செல்ல வேண்டிய அவசியம் இன்றி, வீடுகளில் இருந்தே வேலை செய்யும் சூழல் விரைவில் உருவாகும் என்று பேசிய முதலமைச்சர் ஸ்டாலின், மாற்றுத்திறனாளிகளுக்கான ஓய்வூதியத்தை ஆயிரம் ரூபாயில் இருந்து ஆயிரத்து 500 ஆக உயர்த்தி அறிவித்தார். 

தொடர்ந்து, மாற்றுத்திறனாளிகளுக்கு சிறப்பான சேவை புரிந்தவர்களுக்கான மாநில விருதுகளை முதலமைச்சர் வழங்கி கௌரவித்தார்.

திருவண்ணாமலை தேர் திருவிழாவில், கரும்பு தொட்டில் கட்டி குழந்தைகளை தோளில் சுமர்ந்து பெற்றோர்கள் நேர்திகடன் செலுத்தினர்.

தீபத்திருவிழா:

பஞ்சபூத ஸ்தலங்களில் அக்னி ஸ்தலமாக விளங்கும் திருவண்ணாமலையில் ஒவ்வொரு ஆண்டும் கார்த்திகை தீபத்திருவிழா நடைபெறுவது வழக்கம். அந்த வகையில், இந்த ஆண்டு திருவண்ணாமலையில் கடந்த 27ஆம் தேதி கொடியேற்றத்துடன் கார்த்தியை தீப திருவிழா தொடங்கியது.

இதையும் படிக்க: 2000 கன அடியாக உயர்ந்த அணையின் நீர்வரத்து...!

நேர்த்திகடன் செலுத்திய பக்தர்கள்:

இந்த தீபத் திருவிழாவின் முக்கிய விழாவான ஏழாம் நாளில் பஞ்ச மூர்த்திகள் மகா தேரோட்டம் நடைபெறுவது  வழக்கம். அதன்படி, இன்று நடைபெற்ற மகா தேரோட்டத்தில், பல்வேறு பக்தர்கள் பங்கேற்று தங்களுக்கு குழந்தை பாக்கியம் வேண்டியும், குழந்தைகள் உடல்நலம் சீராக இருக்க வேண்டியும், கரும்பில் தொட்டில் கட்டி, தங்கள் குழந்தைகளை சுமந்தபடி மாட வீதியில் வலம் வந்து நேர்த்திகடன் செலுத்தினர்.