ஹைதராபாத்தில் இருந்து தனி விமானம் மூலம் சென்னைக்கு புறப்பட்ட பிரதமர் மோடி சென்னை வந்தடைந்தார். விமான நிலையம் வந்த  பிரதமரை அமைச்சர்கள் துரைமுருகன், கே.  என் நேரு, ஏ.வ.வேலு ஆகியோர் சேர்ந்து வரவேற்றனர்.

இதனையடுத்து  சென்னை விமான நிலையத்திலிருந்து அடையாறில் உள்ள ஐ.  என்.எஸ் விமான படைத்தளத்திற்கு ஹெலிகாப்டர் மூலம் புறப்பட்ட பிரதமர் மோடியை முதலமைச்சர் முக ஸ்டாலின் வரவேற்க புறப்பட்டு சென்றார்.

இந்நிலையில் ஹெலிகாப்டர் மூலம் ஐ.  என்.எஸ் விமான படைத்தளத்திற்கு வந்தடைந்த பிரதமர் நரேந்திர மோடியை தமிழக முதலமைச்சர் முக ஸ்டாலின் வரவேற்றுள்ளார். 

பிரதமர் மோடி 31 ஆயிரம் கோடி மதிப்பிலான திட்டங்களை தொடங்கி வைப்பதற்காக இன்று சென்னை வருவதை முன்னிட்டு சென்னை நகரமே விழாக்கோலம் பூண்டுள்ளது. பிரதமர் வரும் வழியெங்கும் ஆயிரக் கணக்கான பாஜக தொண்டர்கள் உற்சாகத்துடன் குழுமியிருக்கின்றனர்.  

ஐஎன்எஸ் கடற்படை தளத்தில் இருந்து சாலை மார்க்கமாக நேரு உள் விளையாட்டரங்கை மோடி சென்றடைய உள்ள பிரதமருக்கு, வழியெங்கும் வரவேற்பு பதாகைகள் வைக்கப்பட்டுள்ளன. அதிலும் குறிப்பாக ஜல்லிக்கட்டு தந்த நாயகனே என மோடியை புகழந்து பேனர் வைக்கப்பட்டிருக்கிறது. சிவானந்தா சாலையில் பாஜக சலை, கலாச்சாரப் பிரிவு சார்பில் கலை நிகழ்சிகளுக்கு ஏற்பாடு செய்யப்பட்டிருந்தது.

பல்லவன் சாலை சந்திப்பில் செண்டை மேளம், பொய்க்கால் குதிரை ஆட்டம், செண்டை மேளம் என களை கட்டியுள்ளது.  தமிழகம் மட்டுமல்லாது, அண்டை மாநிலங்களில் இருந்தும் ஆயிரக்கணக்கான பாஜக தொண்டர்கள் மோடியை வரவேற்க திரண்டுள்ளார்கள். இதனால் சென்னையில் மட்டும் 22ஆயிரம் போலீசார் பாதுகாப்பு பணியில் ஈடுபடுத்தப்பட்டுள்ளனர். 

இந்நிலையில் சற்றுமுன்னர் சென்னை வந்தடைந்த பிரதமர் மோடியை அமைச்சர்கள் துரைமுருகன், கே.என் நேரு ஆகியோர் வரவேற்றனர்.

கல்லிடைக்குறிச்சியை அடுத்த மூலச்சி பகுதியை சேர்ந்த ஆறுமுகம் என்பவர் மகள் இந்திராணி, கல்லூரி முடிந்து வீடு திரும்பும்போது மயக்கமடைந்தார். உடனே அக்கம்பக்கத்தினர் இந்திராணியை நெல்லை அரசு மருத்துவமனையில் சேர்த்தனர்.

அங்கு அவர் விஷம் அருந்தி இருந்தது தெரிய வந்த நிலையில், சிகிச்சை பலனின்றி இந்திராணி பரிதாபமாக உயிரிழந்தார்.  இதுகுறித்து கல்லிடைக்குறிச்சி காவல்துறையினர் விசாரித்ததில், இந்திராணி கல்லூரி முடிந்து மேல்படிப்பு படிக்க விரும்பியதாகவும், அதற்கு பணம் இல்லாததால் பெற்றோர் மறுத்த நிலையில், விரக்தி அடைந்து விஷம் அருந்தியதும் தெரிய வந்தது. இச்சம்பவம் அப்பகுதியில் சோகத்தை ஏற்படுத்தியுள்ளது.

ஹஜ் பயணம் மேற்கொள்ள உள்ளவர்களுக்காக தமிழக அரசு சார்பில் 10 கோடி ரூபாய் ஒதுக்கீடு செய்யப்பட்டுள்ளதாக சிறுபான்மையினர் நலத்துறை அமைச்சர் செஞ்சி மஸ்தான் தெரிவித்துள்ளார். 

சென்னை சூளைமேட்டில் செய்தியாளர்களுக்கு பேட்டியளித்த அவர், இந்த ஆண்டு தமிழகத்திலிருந்து ஆயிரத்து 500 பேர் ஹஜ் பயணம் மேற்கொள்ள உள்ளதாகவும், பயணம் மேற்கொள்வதற்கான உணவு, இருப்பிடம் ஆகிய செலவை அரசே ஏற்றுக்கொள்ளும் எனவும் கூறியுள்ளார். 

மேலும் உலமாக்கள் நல வாரியத்தில் பதிவு செய்த உறுப்பினர்கள் அனைவருக்கும் மிதிவண்டிகள் வழங்கப்பட இருப்பதாகவும்,  ஓய்வு பெற்ற உலமாக்கள் 25 ஆயிரம் மானியத்தில் இருசக்கர வாகனம் பெற்றுக் கொள்ளலாம் எனவும் தெரிவித்துள்ளார். 

தமிழகத்தில் குரங்கம்மை நோய் இதுவரை கண்டறியப்படவில்லை எனவும் பொதுமக்கள் அச்சப்படத் தேவையில்லை எனவும் சுகாதாரத்துறை அமைச்சர் மா.சுப்பிரமணியன் தெரிவித்துள்ளார்.

சென்னை சைதாப்பேட்டை திருவள்ளுவர் தெருவில் மழைநீர் வடிகால் அமைக்கும் பணியை அமைச்சர் சுப்பிரமணியன் தொடங்கி வைத்தார். இதைத்தொடர்ந்து செய்தியாளர்களை சந்தித்த அவர், மக்களைத் தேடி மருத்துவம் திட்டத்தின்கீழ் 70 லட்சத்துக்கும் மேற்பட்டோர் பயனடைந்துள்ளதாக கூறினார்.

கிங்ஸ் இன்ஸ்டிட்யூட் மருத்துவனை கட்டிடத் தரம் குறித்து ஆராயப்பட்டு அதன் அடிப்படையில் கான்ட்ராக்டர் மீது சட்டப்படி நடவடிக்கை எடுக்கப்படும் எனவும் அவர் கூறினார்.