தமிழ்நாட்டில் மூன்றாவது வந்தே பாரத் ரயிலாக, நெல்லை - சென்னை வந்தே பாரத் ரயில் நேற்று தனது பயணத்தை தொடங்கியது. இந்த ரயிலை நேற்று, பிரதமர் மோடி வீடியோ வாயிலாக கொடியசைத்து தொடங்கி வைத்தார்.

ஒரு சிலர், இந்த நெல்லை - சென்னை இடையிலேயான ரயில் மூலம் பயண நேரம் குறையும் என மகிழ்ந்தாலும், ஒரு சிலர் இதன் கட்டணத்தொகை அதிகமாக இருக்கின்றதாகவும், சாமானியர்கள் பயணிக்க இயலாத சூழல் உருவாகியுள்ளதாகவும் கவலை தெரிவித்து வருகின்றனர். 

இந்நிலையில், எம்பி எம் எம் அப்துல்லா, முகநூல் பக்கத்தில் ஒரு பதிவை பகிர்ந்துள்ளார். அதில், "புதிய   வந்தேபாரத் ரயிலுக்காக எனக்கு நன்றி தெரிவித்து எழுதி என்னை டேக் செய்துள்ளனர் சில நண்பர்கள்..  ரயில்வேத்துறைக்காக   அதிகம் கோரிக்கைகள் வைத்து நாடாளுமன்றத்தில் பேசுபவன், கடிதங்கள் எழுதுபவன் என்பதால் வந்தே பாரத் ரயிலுக்கும் நான் முயற்சி செய்து இருப்பேன் என நினைத்து ஒருவேளை எனக்கு நன்றி தெரிவித்து இருக்கலாம். உண்மையில் வந்தேபாரத் ரயில் வந்ததற்கும் எனக்கும் எந்த சம்மந்தமும் இல்லை" எனத் தெரிவித்துள்ளார். 

மேலும், " அதற்காக நான் நாடாளுமன்றத்தில் பேசியதும் இல்லை.. அமைச்சர் ரயில்வே வாரியத் தலைவர் உள்ளிட்ட யாருக்கும் கடிதம் அனுப்பவும் இல்லை. வெகுஜன மக்கள் பயணிக்க முடியாத உயர் வகுப்பினருக்காக மட்டுமே இயக்கப்படும் ரயில் அது.. எனவே பெரும்பான்மையினருக்கு பயனில்லாத அந்த இத்துப்போன பாரத்தில் எனக்கு உடன்பாடு இல்லை. நாளைக்கு அம்பானிக்கோ அதானிக்கோ சலுகை விலையில் விற்பதற்காக இன்றே ஓட்டப்படும் ஹைகிளாஸ் ரயில்தான் வந்தேபாரத்" எனத் தெரிவித்துள்ளார்.

மின் கட்டண உயர்வு விவகாரத்தில் நல்ல தீர்வு ஏற்படும் என  அமைச்சர் உதயநிதி ஸ்டாலினை சந்தித்த பின்பு ஓசூர் தொழில் முனைவோர் சங்க தலைவர் நம்பிக்கை தொிவித்துள்ளார்.

கிருஷ்ணகிரி மாவட்டம் ஓசூரில் மின் கட்டண உயர்வுக்கு எதிர்ப்பு தெரிவித்து, சுமார் இரண்டாயிரத்துக்கும் மேற்பட்ட தொழில் நிறுவனங்கள் வேலை நிறுத்தப் போராட்டத்தில் ஈடுபட்டன.  

இதையும் படிக்க : பெண்களுக்கு வழங்கப்படுவது வெறும் டெபிட் கார்டு அல்ல; வாழ்க்கையை மாற்றக்கூடிய துருப்புச் சீட்டு!

இந்த நிலையில் கிருஷ்ணகிரி மாவட்டத்திற்கு வருகை தந்துள்ள அமைச்சர் உதயநிதி ஸ்டாலினை, ஓசூர் சிறு குறு தொழிற்சாலைகள் சங்க தலைவர் மூர்த்தி, நேரில் சந்தித்து கோரிக்கைகளை நிறைவேற்ற வலியுறுத்தி மனு அளித்தார்.  

கலைஞர் உயர் சிறப்பு மருத்துவமனையில் மூன்று மாதமாக சம்பளம் கொடுக்காததால் மருத்துவர்கள் வருத்தம் தெரிவித்துள்ளனர்.

கலைஞர் உயர் சிறப்பு மருத்துவமனையில் ஜூன் 15 அன்று 1,000 படுக்கைகள் கொண்ட வசதியை முதலமைச்சர் மு.க.ஸ்டாலின் திறந்து வைத்தார். இதனிடையே ஜூன் 13ஆம் தேதி நடைபெற்ற சிறப்பு ஆன்லைன் இடமாறுதல் கவுன்சிலிங் மூலம் பணியமர்த்தப்பட்ட மருத்துவர்கள், மறுநாள் பணியில் சேருமாறு அறிவிக்கப்பட்டது. இதில் பல்வேறு மாவட்டங்களில் உள்ள மருத்துவமனைகளில் பணிபுரிபவர்களும் அடங்குவர். 

இதையும் படிக்க : பெண்களுக்கு வழங்கப்படுவது வெறும் டெபிட் கார்டு அல்ல; வாழ்க்கையை மாற்றக்கூடிய துருப்புச் சீட்டு!

சில மருத்துவர்கள் சம்பளம் வழங்குவதில் தாமதத்தை எதிர்பார்த்த நிலையில், மூன்று மாதங்கள் ஆகியும் சம்பளம் வருவதற்கான அறிகுறியே இல்லை. “எங்களுக்கு வீட்டு வாடகை, கடன்களுக்கான தவணை, மருத்துவம், வீட்டு செலவுகள் மற்றும் குழந்தைகளின் கல்வி ஆகியவை உள்ளது. சம்பளம் இல்லாமல் நாங்கள் எப்படி சமாளிக்க முடியும்?” சம்பளம் வழங்குவது குறித்து மருத்துவமனை நிர்வாகத்திடம் நாங்கள் விசாரிக்கும் போதெல்லாம், அவர்கள் எங்களுக்கு பல காரணங்களைச் சொல்கிறார்கள், இது மேலும் தாமதமாகும் என்பதை மறைமுகமாக சுட்டிக்காட்டுவதாக மருத்துவர்கள் வருத்தம் தெரிவித்தனர்.

கலைஞர் படிப்பகம் என்பதற்கு பதிலாக கலைஞர் குடிப்பகம் என்று வைத்தால் பொருத்தமாக இருக்கும் நாம் தமிழர் கட்சியின் தலைமை ஒருங்கிணைப்பாளர் சீமான் தெரிவித்துள்ளார்.

பெரம்பலூர் மாவட்டத்தில் நாம் தமிழர் கட்சியின் பெரம்பலூர் அரியலூர் நிர்வாகிகள் கலந்தாய்வு கூட்டம் இன்று தனியார் கூட்டுறவு நடைபெற்றது இக்க கூட்டத்தில் நாம் தமிழர் கட்சியின் நிறுவன சீமான் கலந்து கொண்டுள்ளார்.

நிகழ்ச்சியின் முடிவில் பத்திரிகையாளர் சந்திப்பில் " மகளிர் உரிமைத் தொகை என்பது, வரவிருக்கும் தேர்தலுக்கான பணப்பட்டுவாடா. தாய்மார்கள் 1000 ரூபாய்க்கு கையேந்தும் நிலைமை ஏற்பட்டுள்ளது" என பேசியுள்ளார்.

மேலும், மகளிர் உரிமைத் தொகைக்கு கலைஞர் உரிமைத்தொகை என பெயர் எதற்கு வந்துள்ளது? எனக் கேள்வியெழுப்பியதுடன், கலைஞர் பெயர் வைப்பதற்கு சரியான இடம் டாஸ்மார்க் தான் என்றும், கலைஞர் படிப்பகம் என்பதற்கு பதிலாக கலைஞர் குடிப்பகம் என்று பெயர் அமைத்தால் மிகவும் பொருத்தமாக இருக்கும் என்றும் விமர்சித்துள்ளார்.   

மேலும், எத்தனை தேர்தல் வந்தாலும், நாம் தமிழர் கட்சி தனித்து தான் போட்டியிடும். காங்கிரஸ், பாரதிய ஜனதா மற்றும் திராவிட கட்சிகள் இல்லாத மற்ற கட்சிகள் என்னுடன் வருமானால், கூட்டணி குறித்து யோசிக்கலாம் எனவும் தெரிவித்துள்ளார், நாம் தமிழர் கட்சியின் நிறுவனர் சீமான்.

இதையும் படிக்க || "முன்னேறிய வகுப்பினருக்கு 10% இட ஒதுக்கீடு வேண்டும்" பம்மல் ராமகிருஷ்ணன்!!

பெண்களுக்கு வழங்கப்படுவது வெறும்  டெபிட் கார்டு அல்ல,  வாழ்க்கையை மாற்றக்கூடிய துருப்புச் சீட்டு என அமைச்சர் உதயநிதி ஸ்டாலின் பெருமிதம் தெரிவித்துள்ளார். 

கிருஷ்ணகிரி மாவட்டம் குந்தாரப்பள்ளியில் தமிழக அரசின் கலைஞர் மகளிர் உரிமை திட்டத்தின் கீழ் 500 மகளிருக்கு மாதந்தோறும் ஆறாயிரம் ரூபாய் பெறுவதற்கான ஏடிஎம் கார்டுகள் மற்றும் தகவல் கையேடுகள் வழங்கும் நிகழ்ச்சி நடைபெற்றது.

இதையும் படிக்க : ஏ.  ஆர்.முருகதாஸ், சிவகார்த்திகேயன் இணையும் பிரம்மாண்ட திரைப்படம் !!

இந்நிகழ்ச்சியில் கலந்து கொண்டு பேசிய தமிழ்நாடு இளைஞர் நலன் மற்றும் விளையாட்டு மேம்பாட்டு துறை அமைச்சர் உதயநிதி ஸ்டாலின், இந்தியாவே திரும்பிப் பார்க்கும் முன்னோடி திட்டம் தான் கலைஞர் மகளிர் உரிமைத்தொகை திட்டம் என்றும், இந்த திட்டத்தின் மூலம் வழங்கப்படும் டெபிட் கார்டு, வெறும் டெபிட் கார்டு அல்ல, இது மகளிரின் வாழ்க்கையை மாற்றும் துருப்பு சீட்டு என்று தெரிவித்தார்.

மேலும் பொருளாதாரத்தில் பெண்கள் முன்னேறுவது குடும்பத்திற்கும், நாட்டிற்கும் 
முக்கியமானது எனவும், பெண்கள் சுதந்திரமாக செயல்பட பெண்கள் படிக்க வேண்டும், அரசியல் பேச வேண்டும் எனவும் கூறினார்.