மாற்றுத்திறனாளிகளுக்கு வழங்கப்படும் மாத ஓய்வூதியம் ரூபாய் ஆயிரத்து 500 ஆக உயர்த்தி வழங்கப்படும் என முதலமைச்சர் மு.க.ஸ்டாலின் அறிவித்துள்ளார். 

உலக மாற்றுத்திறனாளிகள் தினம்:

உலக மாற்றுத்திறனாளிகள் நாள் இன்று கடைபிடிக்கப்படுகிறது. இதை முன்னிட்டு சென்னை கலைவாணர் அரங்கில் தமிழ்நாடு அரசு சார்பில் விழா நடைபெற்றது. ஓவியங்கள், நவீன உதவி உபகரணங்கள் கண்காட்சியை கலைவாணர் அரங்கில் திறந்துவைத்தார்.

தொடர்ந்து, நிகழ்ச்சியில் பங்கேற்ற மாற்றுத்திறனாளிகளுடன் கலந்துரையாடிய முதலமைச்சர் மு.க.ஸ்டாலின் அவர்களது குறைகளைக் கேட்டறிந்தார்.  அப்போது, கொளத்தூரைச் சேர்ந்த மாற்றுத்திறனாளி பெண் ஒருவர் அளித்த கோரிக்கையை ஏற்று, அமைச்சர் சேகர்பாபுவிடம் உடனே செயலாக்குமாறு உத்தரவிட்டார். 

இதையும் படிக்க: பிள்ளை வரம் வேண்டி நேர்த்திகடன்...அதுவும் முக்கியமான நாளில்!

இதையடுத்து, அரங்கத்துக்குள் நடந்த விருது வழங்கும் விழாவில் பங்கேற்று உரையாற்றிய முதலமைச்சர், மாற்றுத்திறனாளி என்ற சொல்லை கருணாநிதி உருவாக்கி, அவர்களுக்கான சமூக நீதியைப் பெற்றுத் தந்ததை நினைவு கூர்ந்தார்.

மேலும் பேசிய அவர், மாற்றுத்திறனாளிகள் அலுவலகங்களுக்குச் செல்ல வேண்டிய அவசியம் இன்றி, வீடுகளில் இருந்தே வேலை செய்யும் சூழல் விரைவில் உருவாகும் என்று பேசிய முதலமைச்சர் ஸ்டாலின், மாற்றுத்திறனாளிகளுக்கான ஓய்வூதியத்தை ஆயிரம் ரூபாயில் இருந்து ஆயிரத்து 500 ஆக உயர்த்தி அறிவித்தார். 

தொடர்ந்து, மாற்றுத்திறனாளிகளுக்கு சிறப்பான சேவை புரிந்தவர்களுக்கான மாநில விருதுகளை முதலமைச்சர் வழங்கி கௌரவித்தார்.

திருவண்ணாமலை தேர் திருவிழாவில், கரும்பு தொட்டில் கட்டி குழந்தைகளை தோளில் சுமர்ந்து பெற்றோர்கள் நேர்திகடன் செலுத்தினர்.

தீபத்திருவிழா:

பஞ்சபூத ஸ்தலங்களில் அக்னி ஸ்தலமாக விளங்கும் திருவண்ணாமலையில் ஒவ்வொரு ஆண்டும் கார்த்திகை தீபத்திருவிழா நடைபெறுவது வழக்கம். அந்த வகையில், இந்த ஆண்டு திருவண்ணாமலையில் கடந்த 27ஆம் தேதி கொடியேற்றத்துடன் கார்த்தியை தீப திருவிழா தொடங்கியது.

இதையும் படிக்க: 2000 கன அடியாக உயர்ந்த அணையின் நீர்வரத்து...!

நேர்த்திகடன் செலுத்திய பக்தர்கள்:

இந்த தீபத் திருவிழாவின் முக்கிய விழாவான ஏழாம் நாளில் பஞ்ச மூர்த்திகள் மகா தேரோட்டம் நடைபெறுவது  வழக்கம். அதன்படி, இன்று நடைபெற்ற மகா தேரோட்டத்தில், பல்வேறு பக்தர்கள் பங்கேற்று தங்களுக்கு குழந்தை பாக்கியம் வேண்டியும், குழந்தைகள் உடல்நலம் சீராக இருக்க வேண்டியும், கரும்பில் தொட்டில் கட்டி, தங்கள் குழந்தைகளை சுமந்தபடி மாட வீதியில் வலம் வந்து நேர்த்திகடன் செலுத்தினர்.

லிஃப்டில் செல்வதற்கெல்லாம் தற்போது பயப்பட வேண்டிய நிலை உள்ளதாக தமிழிசை சவுந்தரராஜன் தெரிவித்துள்ளார்.

செஸ் போட்டி:

சென்னை அடுத்த ஆவடி தனியார்ப் பள்ளியில் தமிழ்நாடு, புதுச்சேரி, தெலுங்கானா உள்ளிட்ட மாநிலங்களை உள்ளடக்கிய தென் மண்டல அளவிலான சி.பி.எஸ்.இ பள்ளிகளுக்கு இடையேயான செஸ் போட்டி கடந்த நான்கு நாட்களாக நடைபெற்றன. இந்த போட்டியில் தெலுங்கானா மாநிலத்தின்  சங்கமித்ரா பள்ளி அணி முதலிடத்தையும்,  அம்பத்தூர், மதுரவாயல் வேலம்மாள் பள்ளி இரண்டாவது மூன்றாவது இடத்தையும் பிடித்தது.

பரிசுகளை வழங்கிய தமிழிசை:

இந்நிலையில்  செஸ் போட்டியில் வெற்றி பெற்ற மாணவர்களுக்கு  பரிசளிக்கும் விழா ஆவடி தனியார் பள்ளி வளாகத்தில் இன்று நடைபெற்றது. இதில் புதுச்சேரி துணைநிலை ஆளுநரும், தெலுங்கானா ஆளுநருமான தமிழிசை சவுந்தரராஜன் கலந்துகொண்டு வெற்றி பெற்ற மாணவர்களுக்கு பரிசுகளை வழங்கினார்.

இதையும் படிக்க: டிசம்பர் 7...  மக்களே உஷார்...இந்திய வானிலை எச்சரிக்கை...!

தமிழிசை பேச்சு:

பின்னர் மேடையில் பேசிய ஆளுநர் தமிழிசை சவுந்தரராஜன், செஸ் விளையாட்டு போன்றுதான் வாழ்க்கையும், முன்னேறுவதற்கு சற்று பின்னோக்கி செல்ல வேண்டியது அவசியம் என்று கூறினார். சீனாவில் கொரோனா தொற்று அதிகரித்து வருகிறது. ஆனால் இங்கு நாம் அனைவரும் தடுப்பூசி எடுத்துக்கொண்டதால் பாதுகாப்பாக இருக்கிறோம்.

லிஃப்டில் செல்வது கூட பாதுகாப்பு இல்லை:

தொடர்ந்து பேசிய அவர், விமானத்தில் சென்றால் பாதுகாப்பு இல்லை என தோன்றும், காரில் சென்றால் பாதுகாப்பு இல்லை என தோன்றும், ஆனால் தற்பொழுது லிஃப்டில் செல்வது கூட பாதுகாப்பு இல்லை என கூறிய தமிழிசை, என்ன வாழ்க்கை இது என எண்ண தோன்றுவதாக கூறியுள்ளார். தமிழிசையின் இந்த பேச்சு சுகாதார துறை அமைச்சர் சுப்ரமணியன் லிப்டில் சிக்கிகொண்டதை கிண்டல் செய்து பேசுவதாக அரசியல் வட்டாரங்களில் நிலவி வருகிறது.

முன்னதாக, கடந்த நவம்பர் 29 ஆம் தேதியன்று அரசு ஸ்டான்லி மருத்துவமனையில் பல்வேறு திட்டங்களை உள்ளடக்கிய நிகழ்ச்சியின் தொடக்க விழாவிற்கு வருகை தந்த மருத்துவம் மற்றும் மக்கள் நல்வாழ்வுத்துறை அமைச்சர் மா சுப்பிரமணியன், அறுவை சிகிச்சை துறை கட்டிடத்திற்கு செல்வதற்காக லிப்டில் பயணம் செய்யும்போது எதிர்பாராத விதமாக இயந்திர கோளாறு காரணமாக லிஃப்டில்  மாட்டிக்கொண்ட சம்பவம் பரபரப்பை ஏற்படுத்தியது குறிப்பிடத்தக்கது.

தமிழகம் மற்றும் புதுச்சேரியில் வருகிற டிசம்பர் 7 ஆம் தேதி கனமழைக்கு வாய்ப்பு உள்ளதாக இந்திய வானிலை ஆய்வு மையம் தெரிவித்துள்ளது.

இந்திய வானிலை மையம் அறிவிப்பு:

தெற்கு அந்தமான் கடலில் நாளை உருவாகவுள்ள சூறாவளி சுழற்சியால், வருகிற டிசம்பர் 5 ஆம் தேதி தென்கிழக்கு வங்காள விரிகுடா மற்றும் அதை ஒட்டிய தெற்கு அந்தமான் கடல் பகுதியில் குறைந்த காற்றழுத்த தாழ்வு பகுதி உருவாக வாய்ப்புள்ளதாகவும், இது டிசம்பர் 7ஆம் தேதி மேற்கு வடமேற்கு திசையில் நகர்ந்து தென்கிழக்கு வங்காள விரிகுடாவில் காற்றழுத்த தாழ்வு மண்டலமாக மாற வாய்ப்புள்ளதாக இந்திய வானிலை ஆய்வு மையம் தெரிவித்துள்ளது.

இதையும் படிக்க: நீதிபதியை ஏமாற்ற நினைத்த திமுக கவுன்சிலர்...அதிரடி கைது!

டிசம்பர் 7 கனமழையா?:

தொடர்ந்து, இந்த தாழ்வு மண்டலமானது மேற்கு - வடமேற்கு திசையில் இருந்து நகர்ந்து வட தமிழ்நாடு - புதுச்சேரி மற்றும் அதை ஒட்டிய தெற்கு ஆந்திரா கடற்கரைக்கு அருகில் உள்ள தென்மேற்கு வங்காள விரிகுடாவை டிசம்பர் 8-ஆம் தேதி வந்தடையும் என்பதால், தமிழ்நாடு மற்றும் புதுச்சேரியில் வருகின்ற டிசம்பர் 7 ஆம் தேதி கனமழைக்கு வாய்ப்பு உள்ளதாகவும், அடுத்த 3 நாட்களுக்கு தமிழ்நாடு மற்றும் புதுச்சேரி பகுதிகளில் மழைக்கு வாய்ப்பு உள்ளதாகவும் இந்திய வானிலை ஆய்வு மையம் தெரிவித்துள்ளது. 

சென்னை விருகம்பாக்கம் ஜெயகோபால் கரோடியா அரசு பெண்கள் மேல்நிலைப் பள்ளியில் நடக்கும் மாற்றுத்திறனாளிகள் நாளுக்கான நிகழ்ச்சியில் பள்ளிக்கல்வித்துறை அமைச்சர் அன்பில் மகேஷ் பொய்யாமொழி கலந்து கொண்டார். 

சைகை மொழியில் தமிழ்தாய் வாழ்த்து:

காலை பள்ளி மாணவர்கள் கூடுகையின் போது சைகை மொழியில் தமிழ்த்தாய் வாழ்த்து பாடல் பாடும் நிகழ்வில் நடைபெற்றது. அதில் கலந்து கொண்ட அமைச்சர் அன்பில் மகேஷ், 10 மாற்றுத்திறனாளி மாணவர்களுக்கு அவரவர்களுக்கு தேவையான உபகரணங்களும் வழங்கினார்.

மராத்தி திரைப்படம்:

தொடர்ந்து "ஸ்வாஷ்" என்ற மராத்தி திரைப்படம் பள்ளியில் திரையிடப்பட உள்ளது. திரைப்படம் முடிந்தபின் மாணவர்களுடன் கலந்துரையாடிய அமைச்சர் அன்பின் மகேஷ் முதலைமச்சர் கூறியதாக சில தகவலகளை நெகிச்சியோடு தெரிவித்துள்ளார்.

இதையும் படிக்க: 6/11 தாக்குதல்...உண்மையில் நடந்தது என்ன...வாயை திறந்த அப்போதைய செயலாளர்!!!

கலைஞரை பார்க்கிறோம்:

நிகழ்ச்சிமேடையில் பேசிய அமைச்சர் அன்பில் மகேஷ், மாற்றுத்திறனாளிகளின் சிரிப்பிலும், மகிழ்விலும் எங்களது தலைவர் கலைஞரை பார்க்கிறோம், சைகை மூலமாக தமிழ்த்தாய் வாழ்த்து பாடியது, ஒட்டுமொத்த தமிழ் சமூகத்தையும் பெருமைப்பட வைத்துள்ளது. அதற்கு நன்றி தெரிவித்துக் கொள்வதாக குறிப்பிட்டுள்ளார்.

ஓப்பீடு செய்து பார்க்க வேண்டாம்.:

மேலும், மாற்று திறனாளிகளை ஊக்குவிக்கும் நிகழ்வுகளை ஏற்படுத்தி வருவதாக கூறிய அமைச்சர், தயவு செய்து நம்முடைய பிள்ளைகளை மற்ற பிள்ளைகளோடு தயவுசெய்து ஓப்பீடு செய்து பார்க்க வேண்டாம் எனவும் கேட்டுக்கொண்டுள்ளார்.

நான் வாழவைத்து விடுகிறேன் :

பிள்ளைகளை நன்றாக படிக்க வைத்து விடு. அவர்களை நான் வாழவைத்து விடுகிறேன் என்று முதலமைச்சர்  மு.க.ஸ்டாலின் சொல்லியிருக்கிறார் எனக் கூறிய அமைச்சர், உங்களோடு நாங்கள் இருக்கிறோம் என்று மாணவர்களிடம் சைகை மூலம் செய்து காட்டினார்.