சென்னையில் போலி பாஸ்போர்ட் தயாரித்து விற்பனை செய்த வழக்கில் மேலும் ஒரு டிராவல்ஸ் ஏஜெண்டை மத்திய குற்றப்பிரிவு போலீசார் கைது செய்துள்ளனர். 150 போலி பாஸ்போர்ட்டுகள் தயாரித்து கொடுத்து வெளிநாட்டிற்கு அனுப்பி வைத்தது விசாரணையில் தெரியவந்துள்ளது.

கடந்த 19 ஆம் தேதி சென்னை மண்டல  வருவாய் புலனாய்வு இயக்குநரகம் சார்பாக சென்னை  மத்திய குற்றப்பிரிவு போலி பாஸ்போர்ட் பிரிவில் கொடுத்த புகாரில், முகமது ஷேக் இலியாஸ் என்பவர் பாஸ்போர்ட் மற்றும் விசா போன்ற ஆவணங்களை போலியாக தயாரித்திருப்பதாகவும், அதற்கு தேவையான உபகரணங்களை வைத்திருப்பதாகவும் தெரிவித்திருந்தனர்.

அதன் அடிப்படையில், மத்திய குற்றப்பிரிவு போலீசார் வழக்கு பதிவு செய்து, விசாரணை செய்ததில் ராயபுரத்தை சேர்ந்த முகமது ஷேக் இலியாஸ் என்பவரை கைது செய்து விசாரணை மேற்கொண்டனர்.  அவர் கொடுத்த தகவலின் அடிப்படையில் மத்திய குற்றப்பிரிவு போலீசார், போலி பாஸ்போர்ட் மற்றும் போலி விசா தயார் செய்யும் ஏஜெண்டுகளை பற்றி விசாரணை மேற்கொண்டு  திருவொற்றியூரைச் சேர்ந்த சிவகுமார் மற்றும் ராயபுரத்தை சேர்ந்த முகமது புகாரி ஆகியோரை கடந்த 30ஆம் தேதி கைது செய்து தீவிர விசாரணை மேற்கொண்டனர்.
 
மேலும், விசாரணையில்  முகமது  புகாரியிடமிருந்து பாஸ்போர்ட்டுகள், பாஸ்போர்ட் தாள்கள், இந்திய அரசு மற்றும் வெளிநாடுகளின் போலியான ரப்பர் ஸ்டாம்புகள், அதை தயாரிக்கும் உபகரணங்கள், கம்ப்யூட்டர்கள், ஸ்டாம்ப் அடிக்கும் இயந்திரம், 2 செல்போன்கள் என மொத்தம் 160க்கும் மேற்பட்ட பொருட்களை கைப்பற்றினர்.

அதோடு, பாஸ்போர்ட் வாங்கி தரும் ஏஜெண்டுகளிடம் பழைய பாஸ்போர்ட்கள் மற்றும் விசா பேப்பர்களை வாங்கி அதன் உள்பக்க தாள்களை பிரித்து எடுத்து தகுதியில்லாத இந்திய மற்றும் வெளிநாட்டு நபர்களுக்கு போலியாக பாஸ்போர்ட்கள் மற்றும் விசா ஸ்டாம்பிங் செய்து தந்து பணம் பெற்று மோசடியில் ஈடுபட்டு வந்தது விசாரணையில் தெரியவந்துள்ளது. 

இவர்கள் அமெரிக்கா, மலேசியா, சிங்கப்பூர் போன்ற நாடுகளுக்கு போலி பாஸ்போர்ட் மற்றும் விசாக்கள் தயாரித்து கொடுத்ததும் விசாரணையில் தெரியவந்தது. கடந்த நான்கு வருடமாக போலி பாஸ்போர்ட், விசாக்கள் தயாரித்ததும், இதுவரை நூற்றுக்கும் மேற்பட்ட போலி பாஸ்போர்ட்டுகள் தயாரித்து விற்கப்பட்டுள்ளதாக விசாரணையில் தெரியவந்துள்ளது. 

இதையும் படிக்க      | மது நாட்டுக்கும், வீட்டுக்கும் கேடு.....! அரசுக்கு?

இந்த நிலையில் போலி பாஸ்போர்ட் விற்பனை செய்த ஏஜெண்டுகளை பற்றி மத்திய குற்றப்பிரிவு போலீசார் நடத்திய தொடர் விசாரணையில், ஹைதரபாத்தை சேர்ந்த ஏஜெண்ட் அஹமது அலிகான்(42) என்பவர் போலி பாஸ்போர்ட் விற்பனை செய்து வந்தது தெரியவந்தது. இதனையடுத்து போலீசார் அவரை கைது செய்து விசாரணை நடத்தும் போது, மும்பை மற்றும் விசாகபட்டினத்தில் 8 வருடங்களாக அகமது அலிகான் விசா சர்வீஸ் மற்றும் டிராவல்ஸ் ஏஜென்சி நடத்தி வந்ததும், வெளிநாட்டிற்கு செல்லக்கூடிய நபர்கள் தகுந்த ஆவணங்கள் இல்லாமல் வரும் போது, அவர்களது தகவல்களை அகமது அலிகான் சேகரித்து ஏற்கனவே கைது செய்யப்பட்டுள்ள முகமது இலியாஸ் என்பவரிடம் கொடுத்துள்ளார். அவர்கள் போலி பாஸ்போர்ட் தயாரித்து கொடுத்து அதற்கான கமிஷன் தொகையை பெற்று வந்ததும் தெரியவந்துள்ளது. 

இதே போல அகமது அலிகான் சுமார் 150 போலி பாஸ்போர்ட்கள் மற்றும் விசா ஸ்டாம்பிங் செய்து கொடுத்து பணம் பெற்று மோசடியில் ஈடுபட்டிருப்பதும் விசாரணையில் தெரியவந்துள்ளது. பின்னர் கைது செய்யப்பட்ட அகமது அலிகானை மத்திய குற்றப்பிரிவு போலீசார் நீதிமன்றத்தில் ஆஜர்படுத்தி சிறையில் அடைத்தனர். 

ஏஜெண்டுகள் மூலமாக பாஸ்போர்ட் மற்றும் விசா பெற விண்ணப்பிக்கும் பொதுமக்கள் இது தொடர்பாக மண்டல பாஸ்போர்ட் அலுவலகம் மூலமாக முறையான ஆவணங்களை சமர்பித்து பாஸ்போர்ட் மற்றும் சம்பந்தப்பட்ட நாடுகளின் தூதரகங்களை அணுகி விசாக்களை பெறுமாறும் காவல்துறை வேண்டுகோள் விடுத்துள்ளனர்.

இதையும் படிக்க     | பெங்களுருவில் கண்டறியப்பட்ட தமிழ்நாடு இளைஞரின் உடல்..! அடையாளங்களை வெளியிட்டுள்ளது காவல்துறை..!

தமிழ்நாட்டை சேர்ந்த இளைஞர் ஒருவர் மர்மமான முறையில் கொலை செய்யப்பட்டு பெங்களூருவில் உடல் வீசப்பட்டுள்ள நிலையில் அவர் யார் என்று கண்டுபிடிக்க அவரது அங்க அடையாளங்களை வெளியிட்டுள்ள காவல் துறை.

பெங்களூரு நகரில் பெலந்தூர் பகுதியில் உள்ள ஹர்யானா அடுக்குமாடி குடியிருப்பு அருகே உள்ள கழிவுநீர் கால்வாயில் கடந்த 9 ஆம் தேதி இளைஞர் ஒருவரது உடல் இறந்த நிலையில் கண்டெடுக்கப்பட்டது. இளைஞர் மரணம் தொடர்பாக மாரத்த ஹள்ளி காவல்நிலையத்தில் வழக்கு பதிவு செய்து விசாரணை நடைபெற்று வருகிறது.

இளைஞரின்  அடையாள அட்டை எதுவும் இல்லாத நிலையில் இறந்த இளைஞர் யார் என்பதை கண்டுபிடிக்க காவல்துறை திணறி வருகிறது. இந்நிலையில் அவரது உடலில் தமிழ் மொழியில் கௌதம் நித்தியா பச்சை குத்தியிருப்பதால் இவர் தமிழகத்தை சேர்ந்தவர் என காவல்துறை கருதி அவரது அங்க அடையாளங்களை வெளியிட்டு பொதுமக்களின் உதவியை நாடி வருகிறது.

இறந்தவர் வயது 28 முதல் 35 வரை இருக்கலாம் என்றும் கடந்த ஒன்பதாம் தேதி உடல் கண்டெடுக்கப்பட்டுள்ள நிலையில் அவர் ஆறாம் தேதி முதல் 7ஆம் தேதிக்குள் கொலை செய்யப்பட்டிருக்கலாம் என்றும் காவல்துறை தெரிவித்துள்ளது.

இறந்தவர் உயரம் 5.2 அடி உயரம் கொண்டவர், கருப்பு நிறம் மேலும் கட்டு மஸ்தான உடல் கொண்டவர் என்பதால் இவர் தொடர்ந்து ஜிம் செல்பவராக இருக்கலாம் என காவல்துறை தெரிவித்துள்ளது. அவரது கையில் கௌதம் நித்தியா என தமிழ் மொழியில் பச்சை குத்தியிருப்பது மட்டுமில்லாமல் ஆங்கிலத்தில் ஏ எஸ் கே என்றும் பச்சை குத்தப்பட்டுள்ளது.

மேலும் அவரது கையில் நடு விரல் பாதியாக உள்ளது. இந்த அடையாளங்களை யாரேனும் கண்டு கொண்டால் உடனடியாக வைட் ஃபீல்ட் பகுதி கட்டுபாட்டு அறைக்கு 07411747100 தகவல் தெரிவிக்க வேண்டும் எனவும் காவல்துறை வேண்டுகோள் விடுத்துள்ளனர். 

இதையும் படிக்க   | டிஜிட்டல் பண பரிவர்த்தனை: உலகத் தரவரிசையில் இந்தியா முதலிடம்..!

நாகை: நாகப்பட்டினத்தில் உள்ள கிராமத்தில், அடிபம்பு ஒன்றில், அடிக்காமலேயே தண்ணீர் வரும் காட்சிகள் வெளியாகியுள்ளது.

நாகை மாவட்டம் சடையப்பர் கோவில் தெருவில், பஞ்சாயத்து நிர்வாகத்தால் அமைக்கப்பட்டிருந்த 15 வருடங்கள் பழைமையான அடிபம்பு ஒன்று உள்ளது.

அப்பகுதியில் இருப்போர் அவ்வப்போது அந்த அடிபம்பை உபயோகித்து வந்த நிலையில், சில தினங்களுக்கு முன்பு அடிபம்பில் கோளாறு ஏற்பட்டது. இந்த கோளாறின் காரணமாக, அடைப்பம்பினை அடிக்காமலேயே தண்ணீர் வெளிவருவதை அப்பகுதி மக்கள் கண்டுள்ளனர்.   

தண்ணீர் தட்டுப்பாடு அதிகமாக இருக்கும் தற்போதைய சூழ்நிலையில், அடிபம்பிலிருந்து, அடிக்காமலேயே அதிகளவு தண்ணீர் வெளிவந்து வீணாகிக் கொண்டிருப்பதை மக்கள் வியப்புடன் பார்த்துச் சென்றாலும், ஒரு புறம் வேதனையும் தெரிவித்து வருகின்றனர்.

அடிபம்பில் ஏற்பட்ட கோலாரை பஞ்சாயத்து நிர்வாகம் சரிசெய்யும்மா என அப்பகுதி மக்கள் எதிர்பார்க்கின்றனர்.

பொன்முடி நினைத்திருந்தால் விழுப்புரம் மாவட்டம் மேல் பாதிதியில் நடைபெற்ற ஜாதி கலவரத்தை தடுத்து நிறுத்தி இருக்கலாம் என திண்டிவனத்தில் பாஜக மாநிலத் துணைத் தலைவர் ஏ.ஜி. சம்பத் கூறியுள்ளார். 

திண்டிவனத்தில்  பாரதிய ஜனதா கட்சியின் மாநில துணைத்  தலைவர் ஏஜி சம்பத் பல்வேறு நிகழ்ச்சிகளில் கலந்து கொள்வதற்காக வந்திருந்தார். அப்போது, பத்திரிக்கையாளர்கள் சந்திப்பு ஒன்றை நடத்தினார். அதில் அவர் பேசும்போது, தமிழர்கள் போற்றுகின்ற செங்கோலை பாராளுமன்றத்தில் கொண்டு சென்று வைத்ததன் மூலம் தமிழர்களாகிய நாம் அனைவருக்கும் பெருமை துணைஎரு கூறியவர், 
 இதனைப் பற்றி பேசி தமிழுக்கும், தமிழர்களுக்கும் துரோகிகளாகவும், விரோதிகளாகவும் யாரும் மாறிவிடக்கூடாது என்றும்  வேண்டுகோள் விடுத்தார். 

மேலும்மேல்பாதி கோவிலுக்கு சீல் வாய்த்த விவகாரம் குறித்து எழுந்த கேள்விக்கு பதிலளித்து பேசும்போது:  

" விழுப்புரம் மாவட்டம் மேல் பாதியில் நடைபெற்ற ஜாதி மோதலை அமைச்சர் பொன்முடி நினைத்திருந்தால தடுத்து நிறுத்தி இருக்கலாம். ஏனென்றால் பொன்முடிக்கு அங்கு நூற்றுக்கணக்கான ஏக்கர் விலை நிலங்கள் இருக்கின்றது.  அந்த கிராமம் ஏறக்குறைய  அவருக்கு சொந்த கிராமம் மாதிரி. அதனால் தான் சொல்கிறேன், அவர் நினைத்திருந்தால் அந்த ஜாதி மோதலை தடுத்து நிறுத்தி இரு சமுதாய மக்களையும் சமாதானப்படுத்தி கோயில் பூட்டப்பட்டதை தடுத்திருக்கலாம் . மாறாக நடைபெற்ற சம்பவத்திற்கு பல்வேறு காரணங்களை சொல்வதன் மூலம் சம்பவத்தை மடை  மாற்றிவிட முயற்சி செய்கின்றார்கள்",  என்று காட்டம் தெரிவித்தார்.

இதையும் படிக்க     | "தேசிய விளையாட்டு; மீண்டும் இதுபோன்று தவறு நடக்காது" உதயநிதி உறுதி!

பள்ளிகளுக்கான தேசிய விளையாட்டுப் போட்டிக்கு மாணவர்களை அனுப்பாத தவறு இனி நடைபெறாது என அமைச்சர் உதயநிதி விளக்கம் அளித்துள்ளார். 

சென்னை மெரினா கடற்கரை அருகில் உள்ள  அண்ணா சதுக்கத்தில் 1 கோடியே 20 லட்சம் ரூபாய் மதிப்பீட்டில் அமைக்கப்பட்டுள்ள கலைஞர் நூற்றாண்டு நினைவு பேருந்து நிலையத்தை இளைஞர் நலன் மற்றும் விளையாட்டு மேம்பாட்டுத்துறை அமைச்சர் உதயநிதி ஸ்டாலின் திறந்து வைத்தார். 

பின்னர் செய்தியாளர்களை சந்தித்த உதயநிதி, ஒரு கோடியே 20 லட்சம் ரூபாய் மதிப்பீட்டில் நவீன பேருந்து நிலையம் திறந்து வைக்கப்பட்டுள்ளது எனவும், 36 லட்சம் ரூபாய் மதிப்பீட்டில் நவீன கழிப்பிடமும் விரைவில் திறக்கப்பட உள்ளதாக கூறினார். 

தொடர்ந்து, தேசிய அளவிலான விளையாட்டுப் போட்டிகளில் தமிழ்நாட்டைச் சேர்ந்த மாணவர்கள் பங்கேற்காதது குறித்து செய்தியாளர்கள் எழுப்பிய கேள்விக்கு பதில் அளித்த அமைச்சர் உதயநிதி, தீவிர விசாரணை செய்த பின்தான் கல்வித்துறை சார்பில் நடவடிக்கை எடுக்கப்பட்டுள்ளது எனவும், தகவல் பரிமாற்ற குழப்பத்தால் இது நடந்து விட்டது எனவும் கூறினார்.

இதையும் படிக்க : ”தமிழ்நாடு பள்ளி மாணவர்கள் விவகாரத்தில் நடந்தது தவறுதான்” - அமைச்சர் அன்பில் மகேஷ்!

இதனை தொடர்ந்து, சென்னை துறைமுகத்தில், மகளிர் காவலர்களுக்கான பாய்மர படகு பயணத்தை அமைச்சர் உதயநிதி ஸ்டாலின் திறந்து வைத்து பேட்டியளித்தார்.  அப்போது மகளிர் காவலர் நலனில் திமுக அரசு என்றும் அக்கறை கொண்டிருக்கும் என தெரிவித்தார்.

இதையடுத்து சென்னை வேளச்சேரியில் உள்ள தமிழ்நாடு விளையாட்டு மேம்பாட்டு ஆணைய வளாகத்தில் ஒரு கோடியே 50 லட்சம் ரூபாய் மதிப்பீட்டில் புனரமைக்கப்பட்ட ஜிம்னாஸ்டிக் கூடம் மற்றும் புதிய உடற்பயிற்சி கூடத்தையும்  அமைச்சர் உதயநிதி ஸ்டாலின் திறந்தார். 

இறுதியாக வீரர் வீராங்கனைகள் அமைச்சர்கள் முன்னிலையில் ஜிம்னாஸ்டிக் செய்து அசத்தினர். இந்த நிகழ்வில் அமைச்சர் மா.சுப்பிரமணியன், சென்னை மாநகராட்சி துணை மேயர் மகேஷ் குமார் உள்ளிட்டோர் பலர் கலந்துகொண்டனர்.