நெல்லை: ஆசிரியர் முன்பாகவே பள்ளி மாணவிகள் மாறி மாறி அடித்துக் கொண்ட சம்பவம்.. பெரும் பரபரப்பு!!
பாளையங்கோட்டை பேருந்து நிலையத்தில் ஆசிரியர் முன்பாகவே பள்ளி மாணவிகள் சண்டையிட்டுக் கொண்ட காட்சிகள் சமூக வலைதளங்களில் வைரலாகி வருகிறது.
Suaif Arsath
தென் தமிழகத்தின் ஆக்ஸ்போர்ட் என்று அழைக்கப்படும் பாளையங்கோட்டையில் ஏராளமான கல்வி நிலையங்கள் உள்ளன.
பாளையங்கோட்டை பேருந்து நிலையம்:
நகர் பகுதிகள் மட்டுமல்லாது நெல்லை மாநகரை சுற்றியுள்ள பல்வேறு கிராமங்களில் இருந்தும் பல கிலோ மீட்டர் தொலைவில் இருந்து பல்லாயிரக்கணக்கான மாணவிகள் பாளையங்கோட்டை பேருந்து நிலையம் வந்து தங்களது கல்வி நிலையங்களுக்கு செல்வது வழக்கம்.
மாணவிகள் ஒருவரை ஒருவர் தாக்கிக் கொண்ட சம்பவம்:
அந்த வகையில் நேற்று பள்ளி முடிந்து மாணவிகள் வீடுகளுக்கு திரும்புவதற்காக பேருந்து நிலையத்தில் நின்று கொண்டிருந்த போது மாணவிகளிடையே சண்டை ஏற்பட்டுள்ளது.
குறிப்பாக ஆசிரியர் முன்பாகவே மாணவிகள் சண்டையிட்டு ஒருவரை ஒருவர் தாக்கிக் தாக்கிக் கொண்டுள்ள நிலையில் அங்கிருந்து ஆசிரியர்கள் மாணவிகளை சமாதானப்படுத்த முயன்றும் அதை கண்டுகொள்ளாமல் மாணவிகள் ஒருவரை ஒருவர் தாக்கிக் கொண்டுள்ளனர்.
முதல் சம்பவம்:
ஏற்கனவே கடந்த சில மாதங்களுக்கு முன்பு பாளையங்கோட்டை பேருந்து நிலையத்தில் மாணவர்களிடையே ஏற்பட்ட முதலில் அரை நிர்வாணமாக பிரதான சாலையில் மாணவர் ஒருவர் ஓட விட்டு தாக்கப்பட்ட காட்சிகளும் பெரும் அதிர்ச்சியை ஏற்படுத்தி இருந்த நிலையில் தற்போது மாணவிகள் ஆசிரியர்கள் முன்பாகவே ஒருவரை ஒருவர் தாக்கிக் கொள்ளும் காட்சிகள் சமூக வலைதளங்களில் வைரலாகி வருகிறது.
வைரலாகும் வீடியோ:
இந்த சம்பவம் பெரும் அதிர்ச்சியை ஏற்படுத்தி உள்ளதுடன் மாணவர்களின் கல்வி மற்றும் எதிர்காலம் குறித்த கேள்வியை எழுப்பி உள்ளது. தற்போது இந்த காட்சிகள் சமூக வலைதளங்களில் வைரலாகி வரும் நிலையில் காவல்துறையினர் இது குறித்து விசாரணை மேற்கொண்டு வருகின்றன.
