அ.தி.மு.க ஒரு அக்மார்க் சுயநலவாதியிடம் சிக்கி கொண்டதாக அமமுக பொதுச்செயலாளர் டிடிவி தினகரன் விமர்சித்திருக்கிறார்.

அமமுக பொதுக்குழு கூட்டம்

சென்னை வானகரம் ஸ்ரீவாரு மண்டபத்தில் அம்மா மக்கள் முன்னேற்ற கழக செயற்குழு, பொதுக்குழு கூட்டம் நடைபெற்றது. இக்கூட்டத்திற்கு கட்சியின் பொதுச்செயலாளர் டிடிவி தினகரன் மற்றும் துணை தலைவர் அன்பழகன் ஆகியோர் தலைமை தாங்கினர்.

தீர்மானங்கள்

அம்மா மக்கள் முன்னேற்ற கழக செயற்குழு, பொதுக்குழு கூட்டத்தில் 16 தீர்மானங்கள் நிறைவேற்றப்பட்டுள்ளது. அதாவது, பெரியார் அண்ணா எம்ஜிஆர் ஜெயலலிதா வழியில் சிறப்புடன் செயலாற்றி வரும் டி. டி. வி தினகரன் தலைமையில் தொடர்ந்து பயணிப்போம். 

 ஊரக மற்றும் உள்ளாட்சி தேர்தலில் குறிப்பிடத்தக்க இடங்களில் வெற்றி பெற்றதற்கும் எதிர்வரும் தேர்தலுக்கு ஆயத்தமாகும் பொதுச் செயலாளருக்கு நன்றி. அம்மா உணவகங்கள் போன்ற திட்டங்களை முடக்குவதற்கு கண்டனம், காவிரியின் குறுக்கே மேகதாது அணை கட்டுவதை தடுத்து நிறுத்த மத்திய மாநில அரசுக்கு கோரிக்கை, பெட்ரோல் டீசல் விலையை கட்டுக்குள் வைத்து இருக்க மத்திய அரசுக்கு வலியுறுத்தல்,

பேரறிவாளன் விடுதலையை முன்னுதாரணமாகக் கொண்டு மற்ற ஆறு தமிழர்களையும் விடுவிக்க கோரிக்கை, வீட்டு வரி உயர்வு, விலைவாசி உயர்வு, மின் கட்டண உயர்வுக்கு கண்டனம் உள்ளாட்சித் தேர்தலில் வெற்றி பெற்றவர்களுக்கும் அதற்காக உழைத்தவர்களுக்கும் பாராட்டுக்கள் நன்றிகள்,காவிரி டெல்டா பகுதியில் மீத்தேன் ஹைட்ரோ கார்பன் திட்டங்களுக்கு அனுமதி அளிக்க கூடாது உள்ளிட்ட 14 தீர்மானங்கள் நிறைவேற்றப் பட்டன.

அதிமுகவின் தற்போதைய நிலை வருத்தம்

இதன் பின்னர் கூட்டத்தில் பேசிய டிடிவி தினகரன், வருக்காலத்தில் அமமுக தமிழ்நாட்டில் ஜெயலலிதா ஆட்சியை அமைக்கும் என்றார். அதிமுகவின் தற்போதைய நிலை வருத்தமாக உள்ளதாகவும் பதவி வெறி, மற்றும்  ஒரு அக்மார்க் சுயநலவாதியிடம்  அ.தி.மு.க  சிக்கி கொண்டுள்ளதாகவும் டிடிவி சாடினார். எடப்பாடி பழனிச்சாமி தொடர்ந்து துரோகம் செய்து கொண்டே வருவதாகவும் தினகரன் குற்றம்சாட்டினார்.

எதிர்க்கட்சித்தலைவர் அறிக்கைகளை ஏளனம் செய்யக்கூடாது- ஆளுங்கட்சி என்பது கொதிக்கிற பானை அதை பக்குவப்படுத்துவது தான் எதிர்க்கட்சி வேலை என மதுரையில் முன்னாள் அமைச்சர் ஆர்.பி.உதயகுமார் கூறியுள்ளார்.

 இந்தியக் கொடிகளை வழங்கினார்

சுதந்திர தினத்தை முன்னிட்டு அதிமுக முன்னாள் அமைச்சரும், எதிர்க்கட்சி துணைத் தலைவருமான ஆர்.பி உதயகுமார் மதுரை கே.கே.நகர் பகுதியில் உள்ள தனது வீட்டில் குடும்பத்தினருடன் தேசியக் கொடியேற்றி வைத்தார்.

தொடர்ந்து குடியிருப்போர் நலச்சங்கத்தை சேர்ந்த பொதுமக்களுக்கு இந்தியக் கொடிகளையும் வழங்கியதோடு, இனிப்புகளை வழங்கி சுதந்திர தின வாழ்த்துக்களை தெரிவித்தார். தொடர்ந்து வந்தேமாதரம், ஜெய்ஹிந்த் என முழக்கமிட்டனர்.

போதைப்பொருள் பயன்பாடுகளிலிருந்து காக்க வேண்டும்

தொடர்ந்து இந்திய கொடியை ஏந்தியவாறு முன்னாள் அமைச்சர் ஆர்.பி.உதயகுமார் செய்தியாளர்களிடம் பேசுகையில்,

இந்திய நாட்டை வல்லரசாக்க உழைத்து கொண்டுள்ளார் பிரதமர்.ஆன்லைன் ரம்மி மற்றும் போதைப்பொருள் பயன்பாடுகளில் இருந்து இளைய தலைமுறையை காக்க அரசு நடவடிக்கை எடுக்க வேண்டும்.தமிழகத்தில் அதிகளவில் புழக்கத்தில் உள்ள போதைப்பொருட்களை போர்க்கால அடிப்படையில் தடுத்து நிறுத்த வேண்டும்.போதைபொருள் பயன்பாடு அதிகரிப்பால் தான் பல்வேறு சமூகவிரோத செயல்கள் தொடர்ச்சியாக நடைபெறுகின்றன.

ஆளுங்கட்சி-எதிர்க்கட்சி நாணயத்தின் இரு பக்கங்கள்

தமிழகத்தில் பட்டப்பகலில் வங்கியை கொள்ளையடிக்கும் சம்பவம் நடப்பதை இரும்புக்கரம் கொண்டு அடக்க வேண்டும்.  எடப்பாடி பழனிச்சாமி பல்வேறு விமர்சனத்தை கடந்து தமிழ் நாட்டுக்காக தமிழக மக்களுக்காக அனைத்தையும் பொறுத்துக்கொண்டு சிறந்த தலைமையின் மொத்த வடிவமாக உள்ளார்.

நாணயத்தின் இருபக்கங்களாக ஆளுங்கட்சியாக எதிர்க்கட்சி இருக்க வேண்டும்.ஒரு பக்கம் மட்டும் இருந்தால் அந்த நாணயமே செல்லாது. ஆளுங்கட்சி என்பது கொதிக்கும் பானை. அதை பக்குவப்படுத்தி பதம் பார்ப்பது தான் எதிர்க்கட்சி வேலை. எதிர்க்கட்சிகளின் அறிக்கையை அமைச்சர்கள் உள்வாங்கி அதற்கு அரசு தீர்வு காண வேண்டும்.

எதிர்க்கட்சி தலைவரின் அறிக்கைகளை ஏளனம் செய்வதா?

நிதியமைச்சர் முதல் அனைத்து அமைச்சர்களும் எங்கள் குற்றச்சாட்டு மற்றும் அறிக்கையை உள்வாங்கி கொண்டு தீர்வு காண வேண்டும். எதிர்க்கட்சித்தலைவர் குறைகளை சுட்டிக்காட்டும் போதும் ஏகத்தாளம் ஏகடியம் அதிகாரத்துடன் பேசுவது நாட்டு மக்கள் ஏற்றுக்கொள்ள மாட்டார்கள். அமைச்சர்கள் ஏகத்தாளம் ஏகடியம் மமதையுடன் பேசுவதை ஜனநாயகம் மன்னிக்காது.எடப்பாடி பழனிச்சாமி குற்றச்சாட்டுகளை, அறிக்கைகளை அரசு கவனத்தில் எடுத்துக்கொள்ள வேண்டும்.

அதிமுக மற்றும் எதிர்க்கட்சித் தலைவர் எடப்பாடி பழனிச்சாமி எந்த்க் கேள்வியை முன்வைத்தாலும்,  மக்கள் எண்ணங்களை கேள்விகளாக வைத்தாலும் அந்த அறிக்கையை அரசு உள்வாங்கமால் தார்மீக உரிமையோடு குறைகளை சுட்டிக்காட்டும் போது அதை திமுக அமைச்சர்கள் ஏளனம் செய்வதை நாட்டு மக்கள் ஏற்று கொள்ள மாட்டார்கள்.

இவ்வாறு முன்னாள் அமைச்சர் ஆர்.பி.உதயகுமார் பேசினார்.

தனியார் வங்கியில் கொள்ளை: சென்னை அரும்பாக்கம் 100 அடி சாலையில் உள்ள ஃபெடரல் வங்கியில் நேற்று முன்தினம் புகுந்த கொள்ளை கும்பல், கத்தி முனையில் ஊழியர்களை மிரட்டி 20 கோடி ரூபாய் மதிப்பிலான 32 கிலோ தங்க நகைகளை கொள்ளையடித்துச் சென்றது. 

6தனிப்படைகள்: இதுகுறித்து போலீசார் நடத்திய விசாரணையில் வங்கியில் பணியாற்றிய முருகன் என்பவரே இந்த கொள்ளை சம்பவத்தை அரங்கேற்றியது தெரியவந்தது. இதனையடுத்து, 6 தனிப்படைகளை அமைத்து கொள்ளையர்களை தேடும் பணியில் போலீசார் ஈடுபட்டனர். 

முக்கிய குற்றவாளி கைது: முதற்கட்டமாக இந்த கொள்ளை சம்பவத்தில் தொடர்புடைய பாலாஜி, சக்திவேல், சந்தோஷ் ஆகிய 3 பேரை போலீசார் கைது செய்திருந்தனர். இந்நிலையில், இந்த கொள்ளை சம்பவத்தின் மூளையாக செயல்பட்டவரும் வங்கியின் ஊழியருமான முருகனை தனிப்படை போலீசார் இன்று சுற்றிவளைத்து கைது செய்துள்ளனர். 

மேலும் இருவருக்கு வலைவீச்சு: இதுகுறித்து செய்தியாளர்களை சந்தித்த சென்னை மாநகர காவல் ஆணையர் சங்கர் ஜிவால், வங்கியில் கொள்ளையடிக்கப்பட்ட 32 கிலோ தங்க நகைகளில், 18 கிலோ தங்க நகைகள் மீட்கப்பட்டுள்ளளதாகவும், மீதமுள்ள நகைகள் ஓரிரு நாட்களில் மீட்கப்படும் என்றும் தெரிவித்தார். நன்கு திட்டமிட்டு இந்த வங்கி கொள்ளை நடைபெற்றிருப்பதாக கூறிய அவர், இச்சம்பவத்தில் தொடர்புடைய மேலும் இருவரை தேடி வருவதாகவும் கூறினார். 

நாட்டின் 76 வது சுதந்திர தினத்தை  முன்னிட்டு நெல்லை நெல்லையப்பர் கோவில் முன்பு  சிறப்பு பூஜைகளுடன் தேசியக் கொடி ஏற்றி தீபாராதனை நடத்தப்பட்டது. கொடியேற்ற நிகழ்வின் போது கோவில் யானை பிளிரி தேசியக்கொடிக்கு மரியாதை செய்தது. இந்த விழாவில் கோவில் நிர்வாக அதிகாரி உள்ளிட்ட திரளான பக்தர்கள் பங்கேற்று தேசிய கொடிக்கு மரியாதை செய்தனர்.

நாட்டின் 76 வது சுதந்திர தினம் நாடு முழுவதும்  கொண்டாடப்படுகிறது.  தமிழகத்தில் இருக்கும் இந்து சமய அறநிலையத்துறைக்கு உட்பட்ட ஒரு சில கோவில்களில் மட்டும் கோவிலில் உள்ள பூஜை முறைப்படி தேசியக் கொடி ஏற்றுவது வழக்கம். அதன்படி தமிழகத்தின் பிரசித்தி பெற்ற சிவாலயங்களில் ஒன்றான நெல்லை நெல்லையப்பர் கோவிலில் 75வது சுதந்திர தினம் விமர்சையாக கொண்டாடப்பட்டது.

சுவாமி நெல்லையப்பர் கோவில் முன்பு அமைந்துள்ள விக்டோரியா மகாராணி வழங்கிய விளக்குத்தூண் அருகே, இந்திய தேசியக்கொடி ஏற்றும் நிகழ்ச்சி நடைபெற்றது. அப்போது, கோவில் செயல் அலுவலர் ஐயர் சிவமணி, தேசிய கொடியை ஏற்றினார்.

அதனை தொடர்ந்து கோவில் யானை காந்திமதி, தும்பிக்கையைத் தூக்கி, பிலிரி, தேசியக்கொடிக்கு மரியாதை செய்தது. தொடர்ந்து கோவில் அர்ச்சகர்கள் தேசியக்கொடிக்கு சிறப்பு பூஜைகள் செய்து, மகா தீபாராதனை செய்தனர் தொடர்ந்து அங்கிருந்தவர்களுக்கு விபூதி பிரசாதம் வழங்கப்பட்டு இனிப்புகளும் கொடுக்கப்பட்டது. இந்த நிகழ்ச்சியில் கோவில் ஊழியர்கள் உட்பட திரளானோர் கலந்து கொண்டனர்.

நாட்டின் 76வது சுதந்திர தினத்தை முன்னிட்டு நெல்லை நெல்லையப்பர் கோவில் முன்பு சிறப்பு பூஜைகளுடன் தேசியக் கொடி ஏற்றி தீபாராதனை நடத்தப்பட்டது

கொடியேற்ற நிகழ்வின் போது கோவில் யானை பிளிரி தேசியக் கொடிக்கு மரியாதை செலுத்தும் காட்சி!#IndiaAt75 #elephant #Nellai #Malaimurasu pic.twitter.com/fjMrqEn4p9

— Malaimurasu TV (@MalaimurasuTv) August 15, 2022

நாட்டின் 76 வது சுதந்திர தின விழா அமுதப் பெருவிழாவாக கொண்டாடப்படுகிறது. சுதந்திர தின அமுதப் திருவிழாவை முன்னிட்டு  இன்று காஞ்சிபுரம் மாவட்ட ஆட்சியர் அலுவலகத்தில் உள்ள அண்ணா காவல் அரங்க திடலில், சுதந்திர தின விழா வெகு சிறப்பாக கொண்டாடப்பட்டது.

இதனையொட்டி காஞ்சிபுரம் மாவட்ட ஆட்சியர் டாக்டர் மா.ஆர்த்தி தேசிய கொடியை ஏற்றி வைத்து மரியாதை செலுத்தி விட்டு காவல்துறையினரின் அணிவகுப்பு  மரியாதையை ஏற்றுக் கொண்டார்.

பின் முவர்ண பலூனையும்,வெள்ளை புறாக்களையும் மாவட்ட ஆட்சியர் பறக்கவிட்டார். இதனைதொடர்ந்து பல்வேறு துறைகளின் கீழ் 52 பயனாளிகளுக்கு 1,19,92,239 ரூபாய் மதிப்பிலான நலத்திட்ட உதவிகளை வழங்கினார்.

மேலும் காஞ்சிபுரம் மாவட்டத்தில் சிறப்பாக பணியாற்றிய காவல்துறையினர் மற்றும் அரசு அலுவலர்களுக்கு சான்றிதழ்களையும் வழங்கினார். பள்ளி மாணவ மாணவிகள் கலைநிகழ்ச்சிகளை பார்வையிட்டு பாரட்டினார்.

இந்நிகழ்ச்சியில்  காஞ்சிபுரம் சரக காவல்துறை துணைத்தலைவர் சத்தியபிரியா,  மாவட்ட காவல்துறை கண்காணிப்பாளர் Dr சுதாகர், மாவட்ட வருவாய் அலுவலர் சிவ ருத்ரையா, திட்ட அலுவலர் ஸ்ரீதேவி ,  வருவாய் கோட்டாட்சியர் கனிமொழி மற்றும் அனைத்து துறை உயர் அதிகாரிகளும் அலுவலர்களும் கலந்து கொண்டனர்.