ரயில் விபத்திற்கு பாதுகாப்பு மற்றும் பராமரிப்பு குறைபாடே காரணம்  என காங்கிரஸ் எம்.பி கார்த்தி சிதம்பரம் குற்றம்சாட்டியுள்ளார். 

சிவகங்கையில் புதிதாக மாவட்ட ஆட்சியராக பொருப்பேற்றிருக்கும் அஷா அஜித் அவர்களை மரியாதை நிமித்தமாக சந்திக்க முன்னாள் மத்திய நிதியமைச்சரின் மகனும் சிவகங்கை நாடாளுமன்ற உறுப்பினருமான கார்த்தி சிதம்பரம் சிவகங்கை ஆட்சியர் அலுவலகம் வந்தார். 

அப்போது, ஆட்சியரை சந்தித்து திரும்பும்போது செய்தியாளர்களை சந்தித்த கார்த்திசிதம்பரம் :- 

ஒடிசா ரயில் விபத்தில் உயிரிழப்பு வேதனை அளிக்கிறது என்றும் இந்த விபத்திற்கு பாதுகாப்பு மற்றும் பராமரிப்பு குறைபாடுகளே காரணம் என எங்களுக்கு தெரியவந்துள்ளது என்றும் இந்த அரசு பிரதமரின் கனவு திட்டங்களை நிறைவேற்றாமல், மக்களின் பாதுகாப்பிற்கான திட்டங்களை நிறைவேற்ற வேண்டும் என்றும் கூறினார். 

மேலும்,  ரயில்வேயில் ஏராளமான காலிப்பணியிடங்கள் உள்ளன குறிப்பாக டெக்னிகள், பைலட்டுகள் என ஏராளமாக உள்ளன என சுட்டிக்காட்டி ஆனாலும்,  இந்த அரசு அதனை சரிசெய்யாமல்  தனியார்மயம் மற்றும் குறைந்த அளவு ஊழியர்களையே நியமித்து வருகின்றன என்றும் காலிப்பணியிடங்களை நிரப்பாமல் இந்த அரசு வேகத்தை அதிகப்படுத்துவதையே பிரதானமாக செயல்படுத்துகிறது என்றும் குற்றம்சாட்டினார்.

அதனையடுத்து, ரயில்வேயில் 12 மணி நேரம் மட்டுமே பணிபுரிய வேண்டிய லோகோ பைலட்டுகள் 18 அல்லது 24 மணி நேரம் பணிபுரிகின்றனர் என்றும் அவற்றை இந்த அரசு சரி செய்யவில்லை எனவும்,  சாடினார்.

இதையும் படிக்க     |" திமுக கூடாரத்தையே செந்தில் பாலாஜி காலி செய்து விடுவார் " - சிவகங்கை சட்டமன்ற உறுப்பினர் செந்தில்நாதன் .

தொடர்ந்து, கோவாட்ச் குறித்த கேள்விக்கு, " இந்த அரசு எதையுமே பிரம்மாண்ட அறிவிப்பு செய்துவிட்டு அதனை முழுமையாக செயல்படுத்தவில்லை",  எனவும் " பிரதமர் தன்னை முன்னிலை படுத்துவதை மட்டுமே பிரதானமாக செய்து வருகிறார்",  எனவும் தெரிவித்தார். 

மேலும்,  நிவாரன தொகை குறித்த கேள்விக்கு, தற்போது அறிவித்திருப்பது குறைவான தொகை என்றும் பாதிக்கப்பட்டவர்களுக்கான நிவாரணத்தை மத்திய மாநில அரசு உயர்த்தி தர வேண்டும் எனவும் பேட்டியளித்தார்.

இதையும் படிக்க     | " தமிழ்நாட்டில் 500 மதுக்கடைகள் மூடல்: கலைஞர் நூற்றாண்டு பிறந்தநாளிலாவது செயல்படுத்துங்கள் " - அன்புமணி ராமதாஸ்.

கொரமண்டல் எக்ஸ்பிரஸ் ரயில் விபத்தில் உயிரிழந்த பயணிகளின் ஆன்மா சாந்தி அடைய வேண்டி,  விராலிமலை விவேகா மெட்ரிகுலேஷன் பள்ளியில் தாளாளர் வெல்கம் மோகன் தலைமையில் ஆசிரியர்கள், அலுவலர்கள் மெழுகுவர்த்தி ஏந்தி, மலர் தூவி மௌன அஞ்சலி செலுத்தினர்.

நேற்று இரவு சென்னை வந்து கொண்டிருந்த கோரமண்டல் விரைவு ரயில் தடம்புரண்டு விபத்துக்குள்ளானது.

இதில் 294 பயணிகள் உயிரிழந்தனர் . 300-க்கும் மேற்பட்ட பயணிகள் காயமடைந்து மருத்துவமனையில் சிகிச்சை பெற்று வருகின்றனர். 

இதையும் படிக்க     | மதுரையில் ரயில் விபத்தில் உயிரிழந்தவர்களுக்காக சிறப்பு பிரார்த்தனை...!

இந்த நிலையில் உயிரிழந்தவர்களின் ஆன்மா சாந்தி அடைய வேண்டி விராலிமலை விவேகா மெட்ரிகுலேஷன் பள்ளி சார்பில் மௌன அஞ்சலி செலுத்தப்பட்டது. இதில் விபத்துக்குள்ளான ரயில் படங்களுக்கு மலர் தூவி மெழுகுவர்த்தி ஏற்றி வைத்து மௌன அஞ்சலி செலுத்தப்பட்டது. 

  இதில் அலுவலக பணியாளர்கள், ஆசிரியர்கள், பள்ளி வாகன ஓட்டுநர்கள் உள்ளிட்ட பலர் கலந்துகொண்டனர்.

இதையும் படிக்க     | திருப்பரங்குன்றம் திருவிழாவில் இந்திய வரைபடத்துடன் திரிந்த வங்கதேச இளைஞர்...! காரணம் என்ன...?

ஜெயலலிதாவுக்கு செய்த துரோகத்தால் தான்  செந்தில் பாலாஜி அனுபவித்து வருகிறார்; திமுக கூடாரத்தையே செந்தில் பாலாஜி காலி செய்து விடுவார் என சிவகங்கை சட்டமன்ற உறுப்பினர் செந்தில்நாதன் விமர்சித்துள்ளார். 

சிவகங்கை மாவட்டம் திருப்பத்தூர் தாலுகாவிற்கு உட்பட்ட திருப்பத்தூர், நெடுமரம், காரையூர், தெக்கூர், நெற்குப்பை உள்ளிட்ட பல்வேறு பகுதிகளில் அதிமுக உறுப்பினர்கள் சேர்க்கை குறித்த ஆலோசனை கூட்டம் நடைபெற்று வருகிறது. 

இக்கூட்டத்திற்கு சிவகங்கை மாவட்டச் செயலாளரும், சிவகங்கை அதிமுக சட்டமன்ற உறுப்பினருமான செந்தில்நாதன் கிளை நிர்வாகிகளோடு தரையில் அமர்ந்து கலந்துரையாடி பின்பு புதிய உறுப்பினர் சேர்க்கை மற்றும் பூத் கமிட்டி அமைப்பது குறித்து ஆலோசனைகள் வழங்கினார். 

முன்னாள் தமிழக முதல்வரும், அதிமுக பொதுச் செயலாளருமான எடப்பாடி பழனிச்சாமி ஆணைக்கிணங்க அதிமுக புதிய உறுப்பினர் சேர்க்கை, இளைஞர்கள் இளம்பெண்கள் மற்றும் மகளிர் அணி, பூத் கமிட்டி அமைப்பதற்கான ஆலோசனைகளை திருப்பத்தூர் சட்டமன்றத் தொகுதி முழுவதும் வழங்கி வருகின்றார். 

அதன் அடிப்படையில் தெக்கூர், நெற்குப்பை பகுதிகளில் நிர்வாகிகளை சந்தித்து தரையில் அமர்ந்து கிராமசபை கூட்டம் போல ஏற்பாடு செய்யப்பட்டிருந்த கூட்டத்தில் ஆலோசனை வழங்கினார். 

அப்போது நிர்வாகிகள் இடையே பேசுகையில் " அம்மாவுக்கு செய்த துரோகத்தால் செந்தில் பாலாஜி அனுபவித்து வருகிறார்; இன்னும் சில ஆண்டுகளில் திமுக கூடாரத்தையே செந்தில் பாலாஜி காலி செய்து விடுவார்; அதிமுக மாவட்ட சேர்மன் பொன்மணி பாஸ்கரனின் 40 ஆண்டுகால தொழிலை பாழாக்கியதன்  விளைவாக, அவர் வேண்டுதல்படி செந்தில் பாலாஜி தற்பொழுது கடவுளாலும் பழிவாங்கப்படுகிறார்",  என்றார்.

இந்த நிகழ்ச்சியில் மாவட்ட சேர்மன் பொன்மணி பாஸ்கரன், பாசறை மாவட்ட செயலாளர் பிரபு, பொதுக்குழு உறுப்பினர் சிதம்பரம், மாவட்ட அவைத் தலைவர் நாகராஜன், முன்னாள் சட்டமன்ற உறுப்பினர் உமாதேவன் மற்றும் மாவட்ட ஒன்றிய நகர கிளை நிர்வாகிகள் பலர் கலந்து கொண்டனர்.

இதையும் படிக்க    |  திருப்பரங்குன்றம் திருவிழாவில் இந்திய வரைபடத்துடன் திரிந்த வங்கதேச இளைஞர்...! காரணம் என்ன...?

மதுரை எஸ் எஸ் காலனி பகுதியில் உள்ள தனியார்  மண்டபத்தில் வைத்து  காஞ்சி மகா பெரியவர் ஸ்ரீ சந்திர சேகரேந்திர சரஸ்வதி மகா சுவாமிகளின் 130 ஆவது ஜெயந்தி விழா நடைபெற்றது.

இந்த விழாவை முன்னிட்டு மதுரை அனுஷத்தின் அனுக்கிரகம் அமைப்பின் நிறுவனர்  நெல்லை பாலு தலைமையில் நடைபெற்ற விழாவில் பெரியவா விக்ரகத்துக்கு சிறப்பு அபிஷேகம், தீபாரனை நடைபெற்றது. முன்னதாக மஹன்யாஸம், ஹோமம் நடைபெற்றது.

100க்கும் மேற்பட்ட பக்தர்கள் கலந்து கொண்ட இந்த நிகழ்ச்சியின் போது,  ஒடிசா மாநிலத்தில் நடைபெற்ற ரயில் விபத்தில் பாலியானவர்களுக்கு 2 நிமிடம் மவுன அஞ்சலி செலுத்தப்பட்டது. பலியான குடும்பம் ஆறுதல் அடையவும், படுகாயம் அடைந்தவர்கள் விரைவில் குணமடையவும் சிறப்பு பிரார்த்தனை நடைபெற்றது.

இதையும் படிக்க    | திருப்பரங்குன்றம் திருவிழாவில் இந்திய வரைபடத்துடன் திரிந்த வங்கதேச இளைஞர்...! காரணம் என்ன...?

திருப்பரங்குன்றம் வைகாசி விசாகத் திருவிழா கூட்டத்தில் சிக்கிய வங்கதேச நபர் - இந்திய வரைபடத்துடன் கைது செய்யப்பட்ட சம்பவத்தால் பரபரப்பு.

வைகாசி விசாக திருநாளையொட்டி திருப்பரங்குன்றம் சுப்பிரமணிய சுவாமி கோவிலில் நேற்று பல்லாயிரக்கணக்கான பக்தர்கள் பால்குடம் எடுத்து நேர்த்தி கடன் செலுத்தி வந்த நிலையில் பல்லாயிரக்கணக்கான பக்தர்கள் கூடியதால் 800க்கும் மேற்பட்ட போலீசார் பாதுகாப்பு பணியில் ஈடுபடுத்தப்பட்டிருந்தனர்.

இந்த நிலையில் கோவில் சுற்றுவட்டார பகுதியில் கையில் பையுடன் சந்தேகத்திற்கு இடமான வகையில் நபர் ஒருவர் சுற்றி திரிவதைக் கண்ட போலீசார் அவரை அழைத்து விசாரித்தனர்.

அப்போது அவர் வங்கதேசத்தை சேர்ந்த காலிமூசா என்பது தெரிய வந்தது. தொடர்ந்து., அவரிடம் இருந்த பையை சோதனையிட்ட போது இந்திய வரைபடத்துடன் கூடிய காகிதம் ஒன்றை வைத்திருந்ததை கண்டு போலீசார் சந்தேகத்தின் அடிப்படையில் காலிமூசாவை கைது செய்து விசாரணை மேற்கொண்டு வருகின்றனர். 

காலிமுசா கையில் இந்தியா வரைபடத்துடன் சுற்றித்திரிந்த சம்பவம் போலீசார் இடையே அதிர்ச்சியை ஏற்படுத்தி உள்ளது.

இந்நிலையில், வங்கதேசத்தைச் சேர்ந்த நபர் முறையான அனுமதி பெறாமல் கடல் வழியாக இந்தியாவிற்குள் ஊடுருவியது தெரியவந்துள்ளது. 

இதையும்  படிக்க    | " தமிழ்நாட்டில் 500 மதுக்கடைகள் மூடல்: கலைஞர் நூற்றாண்டு பிறந்தநாளிலாவது செயல்படுத்துங்கள் " - அன்புமணி ராமதாஸ்.

இதனைத் தொடர்ந்து கைது செய்யப்பட்ட நபர் திருவிழா கூட்டத்திற்குள் எதற்காக நுழைந்தார்.? குண்டுவெடிப்பு சதியில் ஈடுபட முயன்றாரா.? இவருடன் வேறு யாருக்கும் தொடர்பு உள்ளதா.? திருப்பரங்குன்றம் பகுதிக்கு வர என்ன காரணம்.? என பல கோணத்தில் போலீசார் விசாரணை மேற்கொண்டு வருகின்றனர். 

இந்நிலையில், பல்லாயிரக்கணக்கான பக்தர்கள் கூட்டத்தின் நடுவில் இந்திய வரைபடத்துடன் வங்கதேசத்தை சேர்ந்த நபர் ஒருவர் கைது செய்யப்பட்ட இந்த சம்பவம் பரபரப்பை ஏற்படுத்தி உள்ளது.

இதையும்  படிக்க     | "சென்னையில் நான்கு மருத்துவமனைகள் தயார்" ககன் தீப் சிங் பேடி அறிவிப்பு!