சி  ஏஜி அறிக்கையில் குறிப்பிடப்பட்டுள்ள   ஏழரை லட்சம் கோடி முறைகேடு பற்றி பிரதமர் வாய் திறக்காதது   ஏன்? என்று  'ஸ்பீக்கிங் பார் இந்தியா'  2-வது பிரசார ஆடியோவில் முதலமைச்சர் மு.க.ஸ்டாலின் கேள்வி எழுப்பி உள்ளார். 

திராவிட முன்னேற்றக் கழகத்தின் தலைவரும் தமிழ்நாடு முதலமைச்சருமான மு.க.ஸ்டாலின், "CAG எழுப்பிய 7.5 லட்சம் கோடி ரூபாய் முறைகேடுகளும் பிரதமரின் மவுனமும்" என்ற தலைப்பில் இன்று (23-09-2023) வெளியிட்டுள்ள Speaking for India பாட்காஸ்ட் சீரிசின் இரண்டாவது அத்தியாயத்தில் 7.5 லட்சம் கோடி முறைகேடு பற்றி பிரதமர் வாய் திறக்காதது   ஏன்? என கேள்வி எழுப்பியுள்ளார். 

அவர் வெளியிட்டுள்ள குரல் பதிவில்,  நம்முடைய நாடும் - நாட்டு மக்களும் மீண்டும் பா.ஜ.க.விடம்   ஏமாந்துவிடக் கூடாது என்றுதான் இந்த Speaking For India பாட்காஸ்ட் சீரிஸ்-ஐ தொடங்கியிருக்கிறேன். 2014-ஆம் ஆண்டு   ஏமாந்தது போல், 2019-ஆம் ஆண்டு   ஏமாந்தது போல், 2024-ஆம் ஆண்டும் நாடு   ஏமாந்துவிடக் கூடாது.

2014-ஆம் ஆண்டு ஆட்சிக்கு வருவதற்கு முன்பு - குஜராத் மாநிலத்தை முன்னேற்றி - அங்கே தேனாறும் - பாலாறும் ஓடுவதுபோல பொய்ச் செய்திகளை பரப்பி - அதன் மூலமாக, தன்னை வளர்ச்சியின் நாயகனாக காட்டிக் கொண்டார் பிரதமர் நரேந்திர மோடி அவர்கள்.

 “60 ஆண்டுகள் இந்தியாவை காங்கிரஸ் கட்சி ஆட்சி செய்திருக்கிறது. எனக்கு 60 மாதம் கொடுங்கள். நான் இந்தியாவை வளர்ச்சி மிகுந்த நாடாக மாற்றுவேன்” - என்று சொன்னார் மோடி அவர்கள். அவருக்கு 60 மாதம் மட்டுமில்லை - கூடுதலாக, இன்னொரு 60 மாதம் ஆட்சி செய்கிற அளவிற்கு வாய்ப்பை இந்திய மக்கள் வழங்கினார்கள். வளர்ச்சி மிகுந்த நாடாக மாற்றிவிட்டாரா? என்பதுதான் அவர் பதில் சொல்ல வேண்டிய கேள்வி. எந்த வகையில் எல்லாம் இந்தியாவை வளர்த்திருக்கிறார் என்று பட்டியல் போட அவரால் முடியுமா? என கேள்வி எழுப்பியுள்ளார். 

இந்தியா கூட்டணியைப் பார்த்து ஊழல்வாதிகளின் கூட்டணி என்று குற்றம் சாட்டுகிற மோடி அவர்களே! உங்கள் ஆட்சியைப் பற்றி சி.  ஏ.ஜி. அறிக்கை என்ன சொல்லியிருக்கிறது என்று படித்துப் பார்த்தீர்களா? இதைப் பற்றி சிறப்புக் கூட்டத் தொடரில் விவாதித்தீர்களா? இல்லை பதில் சொன்னீர்களா?

அயோத்தியா திட்டத்தில் கூட ஊழல் செய்த கட்சிதான் பா.ஜ.க. என்று சி.  ஏ.ஜி. அறிக்கை சொல்லியிருக்கிறது. எல்லாத் திட்டங்களுக்கும், நம்முடைய வாய்க்குள் நுழையாத பெயராகப் பார்த்து வைப்பார்கள். அப்படி வைத்தால்தான் அதில் என்ன நடக்கிறது என்று யாராலும் கண்டுபிடிக்க முடியாது.

அதாவது இராமாயணம் நடந்த இடங்களுக்கு எல்லாம் பயணிகளை அழைத்துச் செல்லும் சுற்றுலாத் திட்டம் அது. இதை உத்தரப் பிரதேசம், மத்தியப் பிரதேசம், இமாச்சலப் பிரதேசம், சிக்கிம், கோவா, தெலங்கானா ஆகிய 6 மாநிலங்களில் செயல்படுத்தப் போவதாக சொன்னார்கள்.

இந்தத் திட்டத்தை செயல்படுத்தியதில், பல கோடி ரூபாய் வீணடிக்கப்பட்டுள்ளதாக சி.  ஏ.ஜி.  குற்றம் சாட்டி இருக்கிறது. ஒப்பந்தம் வழங்கியதில் எத்தகைய விதிமீறல்கள் இருக்கிறது என்று இந்த அறிக்கை சொல்லியிருக்கிறது எனக் கூறியுள்ளார். 

அடுத்து, பா.ஜ.க. அறிவித்ததை நிறைவேற்றாது என்பதற்கு சி.  ஏ.ஜி. அறிக்கை ஒரு எடுத்துக்காட்டை சொல்லியிருக்கிறது. அதுதான் உதான் திட்டம். மிகப்பெரிய பீடிகையோடு இந்த திட்டத்தை தொடங்கினார்கள்.   ஏழைகள் விமானத்தில் பயணிக்கலாம், நடுத்தர நகரங்களிலும் விமான நிலையம் அமைக்கப்போகிறோம் என்று சொல்லி 2016-ஆம் ஆண்டு தொடங்கிய திட்டம் இது.

உதான் திட்டத்திற்காக ஒன்றிய அரசு 1,089 கோடி ரூபாயை ஒதுக்கியது. திட்டமிடப்பட்ட 774 வழித்தடங்களில் விமான சேவை வழங்க முடிவு செய்ததில் 7 விழுக்காடு தடங்களில் மட்டுமே விமானங்கள் இயக்கப்படுகிறது. 93 விழுக்காடு தடங்களில் விமானங்கள் இயக்கப்படவில்லை.

எடுத்துக்காட்டாக, தமிழ்நாட்டில் சேலம், தஞ்சாவூர், இராமநாதபுரம், வேலூர் நகரங்களுக்கு உதான் திட்டத்தில் விமான சேவை அறிமுகப்படுத்தத் திட்டமிடப்பட்டது. ஆனால், திட்டமிடப்பட்ட இந்த 4 நகரங்களில் சேலத்திற்கு மட்டும்தான் உதான் திட்டத்தில் விமானம் இயக்கப்பட்டது. அதுவும் இப்போது இல்லை. மொத்தமாக அறிவிக்கப்பட்ட 774 வழித்தடங்களில் 720 வழித்தடங்களுக்கு விமானங்கள் இயக்கப்படவில்லை என்று சி.  ஏ.ஜி அறிக்கை சொல்லியிருக்கிறது என கூறியுள்ளார். 

தொடர்ந்து பேசிய அவர், 2024 தேர்தலில், பா.ஜ.க. ஒட்டு மொத்தமாக வீழ்த்தப்பட வேண்டும். பா.ஜ.க.வின் வகுப்புவாத - ஊழல் - கார்ப்பரேட் அரசியலுக்கு முற்றுப்புள்ளி வைக்க இந்திய நாட்டு மக்கள் அனைவரும் ஒரே குரலாக முழங்க வேண்டும். பரந்து விரிந்த நம் இந்திய நாட்டை காப்பாற்றுகிற கடமை நம் எல்லோரின் கையிலும்தான் இருக்கிறது என கேட்டுக்கொண்டுள்ளார். 

இதையும் படிக்க: கஞ்சா கடத்தி வந்த 2 பேர் கைது 20 கிலோ; கஞ்சா பறிமுதல்!

நீலகிரி மாவட்டம் கூடலூர் அருகே 100 அடி ஆழத்திற்கு நிலம் திடீரென உள் வாங்கியதால் கிராம மக்கள் பாதுகாப்பான பகுதிகளுக்கு இடம் பெயர்ந்தனர். 

கூடலூர் அடுத்த அத்திக்குன்னா மட்டத்துப்பாடி என்னும் பகுதியில் உள்ள தனியார் தேயிலை தோட்ட தொழிலாளர் குடியிருப்பு பகுதியில், 150-க்கும் மேற்பட்ட குடும்பத்தினர் வசித்து வருகின்றனர். 

இங்கு கடந்த வெள்ளிக் கிழமை 30 அடி ஆழத்திற்கு திடீர் பள்ளம் ஏற்பட்டது. தகவல் அறிந்து வந்த கோட்டாட்சியர் முகமது குமரத்துல்லா தலைமையிலான அதிகாரிகள் அந்த பகுதியில் ஆய்வு மேற்கொண்டனர். அப்போது, பல ஆண்டுகளுக்கு முன்பாக இந்த பகுதியில் மூடப்பட்ட கிணறு காரணமாக நிலம் உள்வாங்கி இருக்கலாம் என கூறப்பட்டது.   

இந்நிலையில், ஏற்கனவே நிலம் உள் வாங்கிய அதே பகுதியில், சுமார் 100 அடி ஆழத்திற்கு திடீர் பள்ளம் ஏற்பட்டதால் மக்கள் அச்சத்தில் ஆழ்ந்தனர்.

இதனையடுத்து, இந்த பகுதியில் வசித்து வந்த 20-க்கும் மேற்பட்ட குடும்பத்தினர் பாதுகாப்பான பகுதிகளுக்கு இடம் பெயர்ந்தனர்.

இதையும் படிக்க || காவிரி நீரை தமிழ்நாட்டிற்கு வழங்குவதற்கு கர்நாடக மக்கள் எதிர்ப்பு!!

சென்னையில் இரு வெவ்வேறு இடங்களில் கஞ்சா கடத்தி வந்த இரண்டு பேர் கைது செய்யப்பட்டுள்ளனர்.  அவர்களிடம் இருந்து 20 கிலோ கஞ்சாவை போலீசார் பறிமுதல் செய்துள்ளனர்.

சென்னை மெரினா காமராஜர் சாலையில் நேற்று இரவு மெரினா போலீசார் வாகனத் தணிக்கையில் ஈடுபட்டிருந்தனர். அப்போது அந்த வழியாக வந்த ஆட்டோ ஒன்றை சந்தேகத்தின் பேரில் மடக்கிப் பிடித்து சோதனை மேற்கொண்டனர். சோதனையில் ஆட்டோவில் கஞ்சா கடத்தி வந்தது தெரியவந்தது. இதனையடுத்து 10 கிலோ கஞ்சாவை பறிமுதல் செய்த போலீசார் இருவரை கைது செய்து காவல் நிலையம் அழைத்துச் சென்று விசாரணை நடத்தினர். விசாரணையில் அவர்கள் ஆந்திர மாநிலம் விஜயவாடாவை சேர்ந்த ராகுல் மகரனா(18)  மற்றும் 17 வயது சிறுவன் என்பது தெரியவந்தது.  மேலும் இவர்கள் விஜயவாடாவில் இருந்து ரயில் மூலம் சென்ட்ரல் ரயில் நிலையத்திற்கு கஞ்சாவை கடத்தி வந்து பின்னர் ஆட்டோ மூலம் கேளம்பாக்கத்தில் உள்ள பிரபல கஞ்சா வியாபாரி சிவாவிடம் ஒப்படைக்க வேண்டி ஆட்டோவில் சென்றது தெரியவந்தது.  பின்னர் இருவர் மீது  வழக்கு பதிவு செய்த போலீசார் ராகுல் உட்பட இருவர் கைது செய்து விசாரணை மேற்கொண்டு வருகின்றனர்.

இதேபோல் நேற்று மாலை அண்ணா நகர் மதுவிலக்கு அமலாக்கப் பிரிவு போலீஸார் பெரம்பூர் முரசொலி மாறன் மேம்பாலம் அருகே சோதனையில் ஈடுபட்டிருந்தனர். அப்போது ரயிலில் இருந்து  இறங்கி வந்த வாலிபரை பிடித்து அவரது உடமைகளை சோதனை செய்த போது 10 கிலோ கஞ்சா மறைத்து வைத்திருந்தது தெரியவந்தது. பின்னர் போலீஸார் கஞ்சாவை பறிமுதல் செய்து ஒரிசாவில் இருந்து ரயில் மூலம் கஞ்சாவை கடத்தி வந்த நாராயணா டோலி(30)  என்பவரை கைது செய்து விசாரணை நடத்தி வருகின்றனர்.

இதையும் படிக்க:  "திட்டக்குழு சிறப்பாக செயல்படுகிறது" - முதலமைச்சர்

உடல் உறுப்பு தானம் செய்வோரின் இறுதிச் சடங்குகள் இனி அரசு மரியாதையுடன் மேற்கொள்ளப்படும் என முதலமைச்சர் மு.க.ஸ்டாலின் அறிவித்துள்ளார்.

உடல் உறுப்பு தானம் செய்வோரின் இறுதிச் சடங்குகள் தொடர்பாக தமிழ்நாடு முதலமைச்சர் மு.க.ஸ்டாலின் தனது எக்ஸ் தளத்தில் பதிவிட்டுள்ளார்.  அவர் வெளியிட்டுள்ள பதிவில், உடல் உறுப்பு தானத்தின் மூலம் நூற்றுக்கணக்கான நோயாளிகளுக்கு வாழ்வளிக்கும் அரும்பணியில் முன்னணி மாநிலமாக தமிழ்நாடு தொடர்ந்து விளங்கி வருவதாக பெருமிதம் தெரிவித்துள்ளார்.

இதையும் படிக்க : ’த்ரீ எக்ஸ் த்ரீ’ கூடைப்பந்து போட்டி; தமிழ்நாடு ஆடவர் அணி முன்னேற்றம்!

மூளைச்சாவு நிலையை அடைந்த துயரச் சூழலிலும், அவர்களின் உடல் உறுப்புகளை தானமாக அளித்திட முன்வரும் குடும்பங்களின் தன்னலமற்ற தியாகங்களால் இந்த சாதனை சாத்தியமாகி உள்ளதாக தெரிவித்துள்ளார்.

தமது உறுப்புகளை ஈந்து, பல உயிர்களை காப்போரின் தியாகத்தை போற்றிடும் வகையில், இறக்கும்முன் உறுப்பு தானம் வழங்குவோரின் இறுதிச் சடங்குகள் இனி அரசு மரியாதையுடன் மேற்கொள்ளப்படும் என முதலமைச்சர் குறிப்பிட்டுள்ளார். 

இன்று புரட்டாசி முதல் சனிக்கிழமை என்பதால் பக்தர்கள் பெருமாள் கோயில்களுக்கு படையெடுத்து வழிபாடு செய்து வருகின்றனர்.

தஞ்சாவூர் மாவட்டம் திருப்பனந்தாள் அருகேயுள்ள சேங்கனூர் சீனிவாச பெருமாள் கோயில் மூலவருக்கு பால் தயிர் சந்தனம் உள்ளிட்ட வாசனை திரவியங்கள் கொண்டு சிறப்பு அபிஷேகங்களும், மகா தீபாராதனையும் நடைபெற்றது. சுற்றுவட்டாரப் பகுதிகளைச் சேர்ந்த பக்தர்கள் காலை முதலே வருகை தந்து சாமி தரிசனம் செய்து வருகின்றனர்.

கும்பகோணம் அருகேயுள்ள திருநாகேஸ்வரத்தில் உள்ள 13 ஆவது திவ்ய தேசமான உப்பிலியப்பன் திருக்கோயில் பெருமாளுக்கு சிறப்பு அபிஷேகங்களும், மகா தீபாராதனையும் நிகழ்த்தப்பட்டது.

இதேபோல், திருவண்ணாமலை அருணாச்சலேஸ்வரர் கோயில் நான்காம் மாட வீதியில் அமைந்துள்ள பூத நாராயண பெருமாள் கோயிலில் பூத நாராயணருக்கு அரிசி, மாவு, கதம்பம், பன்னிர்,பால், தயிர், சந்தனம், இளநீர், பஞ்சாமிர்தம் ஆகியவற்றை கொண்டு சிறப்பு அபிஷேகம் மற்றும் ஆராதனைகள் ஏராளமான பக்தர்கள் முன்னிலையில் வெகுவிமரிசையாக நடைபெற்றது. தொடர்ந்து பெருவாரியான பக்தர்கள் சுவாமி தரிசனம் பெற்றுச் செல்கின்றனர். 

இதையும் படிக்க : ’த்ரீ எக்ஸ் த்ரீ’ கூடைப்பந்து போட்டி; தமிழ்நாடு ஆடவர் அணி முன்னேற்றம்!

பூலோக வைகுந்தம் என்றழைக்கப்படும் திருச்சி ஸ்ரீரங்கம் அரங்கநாதர் கோயிலில் அதிகாலை முதலே புரட்டாசி பூஜைகள் நிகழ்ந்து வருகின்றன. தமிழகத்தின் பல்வேறு மாவட்டங்களில் இருந்தும், ஆந்திரா கர்நாடகா உள்ளிட்ட பல்வேறு  மாநிலங்களைச் சேர்ந்த ஆயிரக்கணக்கான பக்தர்களும்  வேண்டிச் செல்கின்றனர். 

தூத்துக்குடி வைகுண்டபதி பெருமாள் கோயில் புரட்டாசி முதல் சனிக்கிழமையை முன்னிட்டு பெருமாளுக்கு சிறப்பு  அபிஷேகம் செய்து சத்தியநாராயணன் அலங்காரம் செய்யப்பட்டுள்ளது. கோயிலில் குவிந்த பக்தர்கள் வரிசையில் காத்திருந்து கோவிந்தா முழக்கமிட்டு வழிபட்டுச் செல்கின்றனர்.